Kanada: Vaisesikasutra 5.1

आत्मसंयोगप्रयत्नाभ्यां हस्ते कर्म

ātmasaṃyogaprayatnābhyāṃ haste karma

Sanskrit only: no published translation is held for this verse.

तथा मुसलकर्म हस्तसंयोगाच् च

tathā musalakarma hastasaṃyogāc ca

Sanskrit only: no published translation is held for this verse.

अभिघातजे मुसलकर्मणि व्यतिरेकाद् अकारणं हस्तसंयोगः

abhighātaje musalakarmaṇi vyatirekād akāraṇaṃ hastasaṃyogaḥ

Sanskrit only: no published translation is held for this verse.

तथात्मसंयोगो हस्तमुसलकर्मणि

tathātmasaṃyogo hastamusalakarmaṇi

Sanskrit only: no published translation is held for this verse.

मुसलाभिघातात् तु मुसलसंयोगाद् धस्ते कर्म

musalābhighātāt tu musalasaṃyogād dhaste karma

Sanskrit only: no published translation is held for this verse.

तथात्मकर्म हस्तसंयोगाच् च

tathātmakarma hastasaṃyogāc ca

Sanskrit only: no published translation is held for this verse.

संयोगाभावे गुरुत्वात् पतनम्

saṃyogābhāve gurutvāt patanam

Sanskrit only: no published translation is held for this verse.

नोदनविशेषाभावाद् नोर्ध्वं न तिर्यग् गमनम्

nodanaviśeṣābhāvād nordhvaṃ na tiryag gamanam

Sanskrit only: no published translation is held for this verse.

प्रयत्नविशेषान् नोदनविशेषः

prayatnaviśeṣān nodanaviśeṣaḥ

Sanskrit only: no published translation is held for this verse.

नोदनविशेषाद् उदसनविशेषः

nodanaviśeṣād udasanaviśeṣaḥ

Sanskrit only: no published translation is held for this verse.

हस्तकर्मणा दारककर्म व्याख्यातम्

hastakarmaṇā dārakakarma vyākhyātam

Sanskrit only: no published translation is held for this verse.

तथा दग्धस्य विस्फोटनम्

tathā dagdhasya visphoṭanam

Sanskrit only: no published translation is held for this verse.

प्रयत्नाभावे गुरुत्वात् सुप्तस्य पतनम्

prayatnābhāve gurutvāt suptasya patanam

Sanskrit only: no published translation is held for this verse.

तृणकर्म वायुसंयोगात्

tṛṇakarma vāyusaṃyogāt

Sanskrit only: no published translation is held for this verse.

मणिगमनं सूच्यभिसर्पणम् इत्य् अदृष्टकारितानि

maṇigamanaṃ sūcyabhisarpaṇam ity adṛṣṭakāritāni

Sanskrit only: no published translation is held for this verse.

इषाव् अयुगपत् संयोगविशेषाः कर्मान्यत्वे हेतुः

iṣāv ayugapat saṃyogaviśeṣāḥ karmānyatve hetuḥ

Sanskrit only: no published translation is held for this verse.

नोदनाद् आद्यम् इषोः कर्म कर्मकारिताच् च संस्काराद् उत्तरं तथोत्तरम् उत्तरं च

nodanād ādyam iṣoḥ karma karmakāritāc ca saṃskārād uttaraṃ tathottaram uttaraṃ ca

Sanskrit only: no published translation is held for this verse.

संस्काराभावे गुरुत्वात् पतनम्

saṃskārābhāve gurutvāt patanam

Sanskrit only: no published translation is held for this verse.