नायकस्य संतताभ्यासात् प्रैश्रमम् उपलभ्य रागस्य चान्:उपशमम् अनुमता तेन तम् अधो ऽवपात्य पुरुषायितेन साहाय्यं दद्यात्।
nāyakasya saṃtatābhyāsāt praiśramam upalabhya rāgasya cān:upaśamam anumatā tena tam adho 'vapātya puruṣāyitena sāhāyyaṃ dadyāt.
Sanskrit only: no published translation is held for this verse.
स्वाभिप्रायाद् वा विकल्प-योजनार्थिनी।
svābhiprāyād vā vikalpa-yojanārthinī.
Sanskrit only: no published translation is held for this verse.
नयक-कुतूहलाद् वा।
nayaka-kutūhalād vā.
Sanskrit only: no published translation is held for this verse.
तत्र युक्त-यन्त्रेणैवेतरेणोत्थाप्यमाना तम् अधः पातयेत्। एवं च रतम् अ:विछिन्न-रसं तथा प्रवृत्तम् एव स्यात्। इत्य् एको ऽप्य् अयं मार्गः।
tatra yukta-yantreṇaivetareṇotthāpyamānā tam adhaḥ pātayet. evaṃ ca ratam a:vichinna-rasaṃ tathā pravṛttam eva syāt. ity eko 'py ayaṃ mārgaḥ.
Sanskrit only: no published translation is held for this verse.
पुनर् आरम्भेणादित एवोपक्रमेत्। इति द्वितीयः।
punar ārambheṇādita evopakramet. iti dvitīyaḥ.
Sanskrit only: no published translation is held for this verse.
सा प्रकीर्यमाण-केश-कुसुमा श्वास-विच्छिन्न-हासिनी वक्त्र-संसर्गार्थं स्तनाभ्याम् उरः पीडयन्ती पुनः पुनः शिरो नामयन्ती याश् चेष्टाः पूर्वम् असौ दर्शितवांस् ता एव प्रकुर्वीत। पातिता प्रतिपातयामीति हसन्ती तर्जयन्ती प्रतिघ्नती च ब्रूयात्। पुनश् च व्रीडां दर्शयेत्। श्रमं विरामाभीप्सां च। पुरुषोपसृप्तैर् एवोपसर्पेत्।
sā prakīryamāṇa-keśa-kusumā śvāsa-vicchinna-hāsinī vaktra-saṃsargārthaṃ stanābhyām uraḥ pīḍayantī punaḥ punaḥ śiro nāmayantī yāś ceṣṭāḥ pūrvam asau darśitavāṃs tā eva prakurvīta. pātitā pratipātayāmīti hasantī tarjayantī pratighnatī ca brūyāt. punaś ca vrīḍāṃ darśayet. śramaṃ virāmābhīpsāṃ ca. puruṣopasṛptair evopasarpet.
Sanskrit only: no published translation is held for this verse.
तानि च वक्ष्यामः
tāni ca vakṣyāmaḥ
Sanskrit only: no published translation is held for this verse.
पुरुषः शयनस्थाया योषितस् तद्-वचन-व्याक्षिप्त-चित्ताया इव नीवीं विश्लेषयेत्। तत्र विवदमानां कपोल-चुम्बनेन पर्याकुलयेत्।
puruṣaḥ śayanasthāyā yoṣitas tad-vacana-vyākṣipta-cittāyā iva nīvīṃ viśleṣayet. tatra vivadamānāṃ kapola-cumbanena paryākulayet.
Sanskrit only: no published translation is held for this verse.
स्थिर-लिङ्गश् च तत्रैनां परिस्पृशेत्।
sthira-liṅgaś ca tatraināṃ parispṛśet.
Sanskrit only: no published translation is held for this verse.
प्रथम-संगता चेत् संहतोर्वोर् अन्तरे घट्टनम्।
prathama-saṃgatā cet saṃhatorvor antare ghaṭṭanam.
Sanskrit only: no published translation is held for this verse.
कन्यायाश् च।
kanyāyāś ca.
Sanskrit only: no published translation is held for this verse.
तथा स्तनयोः संहतयोर् हस्तयोः कक्षयोर् अंसयोर् ग्रीवायाम् इति च।
tathā stanayoḥ saṃhatayor hastayoḥ kakṣayor aṃsayor grīvāyām iti ca.
Sanskrit only: no published translation is held for this verse.
स्वैरिण्यां यथा:सात्म्यं यथा-योगं च। अलके चुम्बनार्थम् एनां निर्दयम् अवलम्बेत् हनु-देशे चाङ्गुलि-संपुतेन।
svairiṇyāṃ yathā:sātmyaṃ yathā-yogaṃ ca. alake cumbanārtham enāṃ nirdayam avalambet hanu-deśe cāṅguli-saṃputena.
Sanskrit only: no published translation is held for this verse.
तत्रेतरस्य व्रीडा निमीलनं च। प्रथम-समागमे कन्यायाश् च।
tatretarasya vrīḍā nimīlanaṃ ca. prathama-samāgame kanyāyāś ca.
Sanskrit only: no published translation is held for this verse.
रति-संयोगे चैनां कथम् अनुरज्यत इति प्रवृत्त्या परीक्षेत।
rati-saṃyoge caināṃ katham anurajyata iti pravṛttyā parīkṣeta.
Sanskrit only: no published translation is held for this verse.
युक्त-यन्त्रेणोपसृप्यमाना यतो दृष्टिम् आवर्तयेत् तत एवैनां पीडयेत्। एतद् रहस्यं युवतीनाम् इति सुवर्णनाभः।
yukta-yantreṇopasṛpyamānā yato dṛṣṭim āvartayet tata evaināṃ pīḍayet. etad rahasyaṃ yuvatīnām iti suvarṇanābhaḥ.
Sanskrit only: no published translation is held for this verse.
गात्राणां स्रंसनं नेत्र-निमीलनं व्रीडा-नाशः समधिका च रति-योजनेति स्त्रीणां भाव-लक्षणम्॥२।८।१८ हस्तौ विधुनोति स्विद्यति दशत्य् उत्थातुं न ददाति पादेनाहन्ति रतावमाने च पुरुषातिवर्तिनी।
gātrāṇāṃ sraṃsanaṃ netra-nimīlanaṃ vrīḍā-nāśaḥ samadhikā ca rati-yojaneti strīṇāṃ bhāva-lakṣaṇam..2.8.18 hastau vidhunoti svidyati daśaty utthātuṃ na dadāti pādenāhanti ratāvamāne ca puruṣātivartinī.
Sanskrit only: no published translation is held for this verse.
तस्याः प्राग् यन्त्र-योगात् करेण संबाधं गज इव क्षोभयेत्। आ मृदु-भावात्। ततो यन्त्र-योजनम्।
tasyāḥ prāg yantra-yogāt kareṇa saṃbādhaṃ gaja iva kṣobhayet. ā mṛdu-bhāvāt. tato yantra-yojanam.
Sanskrit only: no published translation is held for this verse.
उपसृप्तकं [१]मन्थनं [२]हुलो [३]अवमर्दनं [४]पीडितकं [५]निर्घातो [६]वराह-घातो [७]वृष-घातश् [८]चटक-विलसितं [९]संपुट इति पुरुषोपसृप्तानि।
upasṛptakaṃ [1]manthanaṃ [2]hulo [3]avamardanaṃ [4]pīḍitakaṃ [5]nirghāto [6]varāha-ghāto [7]vṛṣa-ghātaś [8]caṭaka-vilasitaṃ [9]saṃpuṭa iti puruṣopasṛptāni.
Sanskrit only: no published translation is held for this verse.
न्याय्यम् ऋजु-संमिश्रणम् उपसृप्तकम्।
nyāyyam ṛju-saṃmiśraṇam upasṛptakam.
Sanskrit only: no published translation is held for this verse.
हस्तेन लिङ्गं सर्वतो भ्रामयेद् इति [१]मन्थनम्।
hastena liṅgaṃ sarvato bhrāmayed iti [1]manthanam.
Sanskrit only: no published translation is held for this verse.
नीची-कृत्य जघनम् उपरिष्टाद् घट्टयेद् इति [२]हुलः।
nīcī-kṛtya jaghanam upariṣṭād ghaṭṭayed iti [2]hulaḥ.
Sanskrit only: no published translation is held for this verse.
तद् एव विपरीतं स:रभसम् [३]अवमर्दनम्।
tad eva viparītaṃ sa:rabhasam [3]avamardanam.
Sanskrit only: no published translation is held for this verse.
लिङ्गेन समाहत्य पीडयंश् चिरम् अवतिष्ठेतेति [४]पीडितकम्।
liṅgena samāhatya pīḍayaṃś ciram avatiṣṭheteti [4]pīḍitakam.
Sanskrit only: no published translation is held for this verse.
सु:दूरम् उत्कृष्य वेगेन स्व-जघनम् अवपातयेद् इति [५]निर्घातः।
su:dūram utkṛṣya vegena sva-jaghanam avapātayed iti [5]nirghātaḥ.
Sanskrit only: no published translation is held for this verse.
एकत एव भूयिष्ठम् अवलिखेद् इति [६]वराह-घातः।
ekata eva bhūyiṣṭham avalikhed iti [6]varāha-ghātaḥ.
Sanskrit only: no published translation is held for this verse.
स एवोभयतः पर्यायेण [७]वृषाघातः।
sa evobhayataḥ paryāyeṇa [7]vṛṣāghātaḥ.
Sanskrit only: no published translation is held for this verse.
सकृन् मिश्रितम् अ:निष्क्रमय्य द्विस् त्रिश् चतुर् इति घट्टयेद् इति [८]चटक-विलसितम्।
sakṛn miśritam a:niṣkramayya dvis triś catur iti ghaṭṭayed iti [8]caṭaka-vilasitam.
Sanskrit only: no published translation is held for this verse.
रागावसानिकं व्याख्यातं करणं [९]संपुटम् इति ।
rāgāvasānikaṃ vyākhyātaṃ karaṇaṃ [9]saṃpuṭam iti .
Sanskrit only: no published translation is held for this verse.
तेषां स्त्री-सात्म्याद् विकल्पेन प्रयोगः।
teṣāṃ strī-sātmyād vikalpena prayogaḥ.
Sanskrit only: no published translation is held for this verse.
पुरुषायिते तु [१]संदंशो [२]भ्रमरकः [३]प्रेङ्खोलितम् इत्य् अधिकानि।
puruṣāyite tu [1]saṃdaṃśo [2]bhramarakaḥ [3]preṅkholitam ity adhikāni.
Sanskrit only: no published translation is held for this verse.
बाडवेन लिङ्गम् अवगृह्य निष्कर्षन्त्याः पीडयन्त्या वा चिरावस्थानं [१]संदंशः।
bāḍavena liṅgam avagṛhya niṣkarṣantyāḥ pīḍayantyā vā cirāvasthānaṃ [1]saṃdaṃśaḥ.
Sanskrit only: no published translation is held for this verse.
युक्त-यन्त्रा चक्रवद् भ्रमेद् इति [२]भ्रमरक आभ्यासिकः।
yukta-yantrā cakravad bhramed iti [2]bhramaraka ābhyāsikaḥ.
Sanskrit only: no published translation is held for this verse.
तत्रेतरः स्व-जघनम् उत्क्षिपेत्।
tatretaraḥ sva-jaghanam utkṣipet.
Sanskrit only: no published translation is held for this verse.
जघनम् एव दोलायमानं सर्वतो भ्रामयेद् इति [३]प्रेङ्खोलितकम्।
jaghanam eva dolāyamānaṃ sarvato bhrāmayed iti [3]preṅkholitakam.
Sanskrit only: no published translation is held for this verse.
युक्त-यन्त्रैव ललाटे ललाटं निधाय विश्राम्येत।
yukta-yantraiva lalāṭe lalāṭaṃ nidhāya viśrāmyeta.
Sanskrit only: no published translation is held for this verse.
विश्रान्तायां च पुरुषस्य पुनर् आवर्तनम्। इति पुरुषायितानि।
viśrāntāyāṃ ca puruṣasya punar āvartanam. iti puruṣāyitāni.
Sanskrit only: no published translation is held for this verse.
भवन्ति चात्र श्लोकाः।
bhavanti cātra ślokāḥ.
Sanskrit only: no published translation is held for this verse.