सक्ताद् वित्तादानं स्वाभाविकम् उपायतश् च।
saktād vittādānaṃ svābhāvikam upāyataś ca.
Sanskrit only: no published translation is held for this verse.
तत्र स्वाभाविकं संकल्पात् समधिकं वा लभमाना नोपायान् प्रयुञ्जीतेत्य् आचार्याः।
tatra svābhāvikaṃ saṃkalpāt samadhikaṃ vā labhamānā nopāyān prayuñjītety ācāryāḥ.
Sanskrit only: no published translation is held for this verse.
विदितम् अप्य् उपायैः परिष्कृतं द्वि-गुणं दास्यतीति वात्स्यायनः।
viditam apy upāyaiḥ pariṣkṛtaṃ dvi-guṇaṃ dāsyatīti vātsyāyanaḥ.
Sanskrit only: no published translation is held for this verse.
अलंकार-भक्ष्य-भोज्य-पेय-माल्य-वस्त्र-गन्ध-द्रव्यादीनां व्यवहारिषु कालिकम् उद्धारार्त्थम् अर्थ-प्रतिनयनेन।
alaṃkāra-bhakṣya-bhojya-peya-mālya-vastra-gandha-dravyādīnāṃ vyavahāriṣu kālikam uddhārārttham artha-pratinayanena.
Sanskrit only: no published translation is held for this verse.
तत्-समक्षं तद्-वित्त-प्रशंसा।
tat-samakṣaṃ tad-vitta-praśaṃsā.
Sanskrit only: no published translation is held for this verse.
व्रत-वृक्षाराम-देवकुल-तडागोद्यानोत्सव-प्रीति-दाय-व्यपदेशः।
vrata-vṛkṣārāma-devakula-taḍāgodyānotsava-prīti-dāya-vyapadeśaḥ.
Sanskrit only: no published translation is held for this verse.
तद्-अभिगमन-निमित्तो रक्षिभिश् चौरैर् वालङ्कार-परिमोषः।
tad-abhigamana-nimitto rakṣibhiś caurair vālaṅkāra-parimoṣaḥ.
Sanskrit only: no published translation is held for this verse.
दाहात् कुड्य-च्छेदात् प्रमादाद् भवने चार्थ-नाशः।
dāhāt kuḍya-cchedāt pramādād bhavane cārtha-nāśaḥ.
Sanskrit only: no published translation is held for this verse.
तथा याचितालङ्काराणां नायकालङ्काराणां च तद्-अभिगमनार्थस्य व्ययस्य प्रणिधिभिर् निवेदनम्।
tathā yācitālaṅkārāṇāṃ nāyakālaṅkārāṇāṃ ca tad-abhigamanārthasya vyayasya praṇidhibhir nivedanam.
Sanskrit only: no published translation is held for this verse.
तद्-अर्थम् ऋण-ग्रहणम्। जनन्या सह तद्-उद्भवस्य व्ययस्य विवादः॥६।३।११ सुहृत्-कार्येष्व् अन्:अभिगमनम् अन्:अभिहार-हेतोः।
tad-artham ṛṇa-grahaṇam. jananyā saha tad-udbhavasya vyayasya vivādaḥ..6.3.11 suhṛt-kāryeṣv an:abhigamanam an:abhihāra-hetoḥ.
Sanskrit only: no published translation is held for this verse.
तैश् च पूर्वम् आहृता गुरवो ऽभिहाराः पूर्वम् उपनीताः पूर्वं श्राविताः स्युः।
taiś ca pūrvam āhṛtā guravo 'bhihārāḥ pūrvam upanītāḥ pūrvaṃ śrāvitāḥ syuḥ.
Sanskrit only: no published translation is held for this verse.
उचितानां क्रियाणां विच्छित्तिः।
ucitānāṃ kriyāṇāṃ vicchittiḥ.
Sanskrit only: no published translation is held for this verse.
नायकार्थं च शिल्पिषु कार्यम्।
nāyakārthaṃ ca śilpiṣu kāryam.
Sanskrit only: no published translation is held for this verse.
वैद्य-महामात्रयोर् उपकार-क्रिया कार्य-हेतोः।
vaidya-mahāmātrayor upakāra-kriyā kārya-hetoḥ.
Sanskrit only: no published translation is held for this verse.
मित्राणां चोपकारिणां व्यसनेष्व् अभ्युपपत्तिः।
mitrāṇāṃ copakāriṇāṃ vyasaneṣv abhyupapattiḥ.
Sanskrit only: no published translation is held for this verse.
गृह-कर्म सख्याः पुत्रस्योत्सञ्जनम् दोहदो व्याधिर् मित्रस्य दुःखापनयनम् इति।
gṛha-karma sakhyāḥ putrasyotsañjanam dohado vyādhir mitrasya duḥkhāpanayanam iti.
Sanskrit only: no published translation is held for this verse.
अलंकारैक-देश-विक्रयो नायकस्यार्थे।
alaṃkāraika-deśa-vikrayo nāyakasyārthe.
Sanskrit only: no published translation is held for this verse.
तया शीलितस्य चालङ्कारस्य भाण्डोपस्करस्य वा वणिजो विक्रयार्थं दर्शनम्।
tayā śīlitasya cālaṅkārasya bhāṇḍopaskarasya vā vaṇijo vikrayārthaṃ darśanam.
Sanskrit only: no published translation is held for this verse.
प्रति:गणिकानां च सदृशस्य भाण्डस्य व्यतिकरे प्रतिविशिष्टस्य ग्रहणम्।
prati:gaṇikānāṃ ca sadṛśasya bhāṇḍasya vyatikare prativiśiṣṭasya grahaṇam.
Sanskrit only: no published translation is held for this verse.
पूर्वोपकाराणाम् अ:विस्मरणम् अनुकीर्तनं च।
pūrvopakārāṇām a:vismaraṇam anukīrtanaṃ ca.
Sanskrit only: no published translation is held for this verse.
प्रणिधिभिः प्रति:गणिकानां लाभातिशयं श्रावयेत्।
praṇidhibhiḥ prati:gaṇikānāṃ lābhātiśayaṃ śrāvayet.
Sanskrit only: no published translation is held for this verse.
तासु नायक-समक्षम् आत्मनो ऽभ्यधिकं लाभं भूतम् अ:भूतं वा व्रीडिता नाम वर्णयेत्।
tāsu nāyaka-samakṣam ātmano 'bhyadhikaṃ lābhaṃ bhūtam a:bhūtaṃ vā vrīḍitā nāma varṇayet.
Sanskrit only: no published translation is held for this verse.
पूर्व-योगिनां च लाभातिशयेन पुनः सन्धाने यतमानानाम् आविष्:कृतः प्रतिषेधः।
pūrva-yogināṃ ca lābhātiśayena punaḥ sandhāne yatamānānām āviṣ:kṛtaḥ pratiṣedhaḥ.
Sanskrit only: no published translation is held for this verse.
तत्-स्पर्धिनां त्याग-योगिनां निदर्शनम्।
tat-spardhināṃ tyāga-yogināṃ nidarśanam.
Sanskrit only: no published translation is held for this verse.
न पुनर् एष्यतीति बाल-याचितकम्।
na punar eṣyatīti bāla-yācitakam.
Sanskrit only: no published translation is held for this verse.
वि:रक्तं च नित्यम् एव प्रकृति-विक्रियातो विद्यान् मुख-वर्णाच् च।
vi:raktaṃ ca nityam eva prakṛti-vikriyāto vidyān mukha-varṇāc ca.
Sanskrit only: no published translation is held for this verse.
ऊनम् अतिरिक्तं वा ददाति।
ūnam atiriktaṃ vā dadāti.
Sanskrit only: no published translation is held for this verse.
प्रतिलोमैः सम्बध्यते।
pratilomaiḥ sambadhyate.
Sanskrit only: no published translation is held for this verse.
व्यपदिश्यान्यत् करोति।
vyapadiśyānyat karoti.
Sanskrit only: no published translation is held for this verse.
उचितम् आच्छिनत्ति।
ucitam ācchinatti.
Sanskrit only: no published translation is held for this verse.
प्रतिज्ञातं विस्मरति। अन्यथा वा योजयति।
pratijñātaṃ vismarati. anyathā vā yojayati.
Sanskrit only: no published translation is held for this verse.
स्व्:पक्षैः संज्ञया भाषते।
sv:pakṣaiḥ saṃjñayā bhāṣate.
Sanskrit only: no published translation is held for this verse.
मित्र-कार्यम् अपदिश्यान्यत्र शेते।
mitra-kāryam apadiśyānyatra śete.
Sanskrit only: no published translation is held for this verse.
पूर्व-संसृष्टायाश् च परिजनेन मिथः कथयति।
pūrva-saṃsṛṣṭāyāś ca parijanena mithaḥ kathayati.
Sanskrit only: no published translation is held for this verse.
तस्य सार-द्रव्याणि प्राग् अवबोधाद् अन्यापदेशेन हस्ते कुर्वीत।
tasya sāra-dravyāṇi prāg avabodhād anyāpadeśena haste kurvīta.
Sanskrit only: no published translation is held for this verse.
तानि चास्या हस्ताद् उत्तम-र्णः प्रसह्य गृह्णीयात्।
tāni cāsyā hastād uttama-rṇaḥ prasahya gṛhṇīyāt.
Sanskrit only: no published translation is held for this verse.
विवदमानेन सह धर्मस्थेषु व्यवहरेद्
vivadamānena saha dharmastheṣu vyavahared
Sanskrit only: no published translation is held for this verse.
सक्तं तु पूर्वोपकारिणम् अप्य् अल्प-फलं व्यालीकेनानुपालयेत्।
saktaṃ tu pūrvopakāriṇam apy alpa-phalaṃ vyālīkenānupālayet.
Sanskrit only: no published translation is held for this verse.
अ:सारं तु निष्प्रतिपत्तिकम् उपायतो ऽपवाहयेत्। अन्यम् अवष्टभ्य।
a:sāraṃ tu niṣpratipattikam upāyato 'pavāhayet. anyam avaṣṭabhya.
Sanskrit only: no published translation is held for this verse.
तद्-अन्:इष्ट-सेवा। निन्दिताभ्यासः। ओष्ठ-निर्भोगः। पादेन भूमेर् अभिघातः। अ:विज्ञात-विषयस्य संकथा। तद्-विज्ञातेष्व् अ:विस्मयः कुत्सा च। दर्प-विघातः अधिकैः सह संवासः। अन्:अपेक्षणम्। समान-दोषाणां निन्दा। रहसि चावस्थानम्।
tad-an:iṣṭa-sevā. ninditābhyāsaḥ. oṣṭha-nirbhogaḥ. pādena bhūmer abhighātaḥ. a:vijñāta-viṣayasya saṃkathā. tad-vijñāteṣv a:vismayaḥ kutsā ca. darpa-vighātaḥ adhikaiḥ saha saṃvāsaḥ. an:apekṣaṇam. samāna-doṣāṇāṃ nindā. rahasi cāvasthānam.
Sanskrit only: no published translation is held for this verse.
जुगुप्सा। परिष्वङ्गे भुजमय्या सूच्या व्यवधानम्। स्तब्धता गात्राणाम्। सक्थ्नोर् व्यत्यासः। निद्रा-परत्वं च। श्रान्तम् उपलभ्य चोदना। अ:शक्तौ हासः। शक्ताव् अन्:अभिनन्दनम्। दिवापि। भावम् उपलभ्य महाजनाभिगमनम्।
jugupsā. pariṣvaṅge bhujamayyā sūcyā vyavadhānam. stabdhatā gātrāṇām. sakthnor vyatyāsaḥ. nidrā-paratvaṃ ca. śrāntam upalabhya codanā. a:śaktau hāsaḥ. śaktāv an:abhinandanam. divāpi. bhāvam upalabhya mahājanābhigamanam.
Sanskrit only: no published translation is held for this verse.
वाक्येषु च्छल-ग्रहणम्। अ:नर्मणि हासः। नर्मणि चान्यम् अपदिश्य हसति वदति तस्मिन् कटाक्षेण परिजनस्य प्रेक्षणं ताडनं च। आहत्य चास्य कथाम् अन्याः कथाः। तद्-व्यालीकानां व्यसनानां चा:परिहार्याणाम् अनुकीर्तनम्। मर्मणां च चेटिकयोपक्षेपणम्।
vākyeṣu cchala-grahaṇam. a:narmaṇi hāsaḥ. narmaṇi cānyam apadiśya hasati vadati tasmin kaṭākṣeṇa parijanasya prekṣaṇaṃ tāḍanaṃ ca. āhatya cāsya kathām anyāḥ kathāḥ. tad-vyālīkānāṃ vyasanānāṃ cā:parihāryāṇām anukīrtanam. marmaṇāṃ ca ceṭikayopakṣepaṇam.
Sanskrit only: no published translation is held for this verse.
आगते चा:दर्शनम्। अ:याच्य-याचनम्। अन्ते स्वयं मोक्षश् चेति परिग्रहकस्येति दत्तकस्य।
āgate cā:darśanam. a:yācya-yācanam. ante svayaṃ mokṣaś ceti parigrahakasyeti dattakasya.
Sanskrit only: no published translation is held for this verse.
भवतश् चात्र श्लोकौ
bhavataś cātra ślokau
Sanskrit only: no published translation is held for this verse.