व्याख्यातं च काम-सूत्रम्।
vyākhyātaṃ ca kāma-sūtram.
Sanskrit only: no published translation is held for this verse.
तत्रोक्तेस् तु विधिभिर् अभिप्रेतम् अर्थम् अन्:अधिगच्छन् औपनिषदिकम् आचरेत्।
tatroktes tu vidhibhir abhipretam artham an:adhigacchan aupaniṣadikam ācaret.
Sanskrit only: no published translation is held for this verse.
रूपं गुणो वयस्-त्याग इति सुभगं-करणम्।
rūpaṃ guṇo vayas-tyāga iti subhagaṃ-karaṇam.
Sanskrit only: no published translation is held for this verse.
तगर-कुष्ठ-तालीस-पत्त्रकानुलेपनं सुभगं-करणम्।
tagara-kuṣṭha-tālīsa-pattrakānulepanaṃ subhagaṃ-karaṇam.
Sanskrit only: no published translation is held for this verse.
एतैर् एव सु:पिष्टैर् वर्तिम् आलिप्याक्ष-तैलेन नरकपाले साधितम् अञ्जनं च।
etair eva su:piṣṭair vartim ālipyākṣa-tailena narakapāle sādhitam añjanaṃ ca.
Sanskrit only: no published translation is held for this verse.
पुनर् नवासहदेवीसारिवाकुरण्टोत्पल-पत्त्रैश् च सिद्धं तैलम् अभ्यञ्जनम्।
punar navāsahadevīsārivākuraṇṭotpala-pattraiś ca siddhaṃ tailam abhyañjanam.
Sanskrit only: no published translation is held for this verse.
तद्-युक्ता एव स्रजश् च।
tad-yuktā eva srajaś ca.
Sanskrit only: no published translation is held for this verse.
पद्मोत्पल-नागकेसराणां शोषितानां चूर्णं मधु-घृताभ्याम् अवलिह्य सुभगो भवति।
padmotpala-nāgakesarāṇāṃ śoṣitānāṃ cūrṇaṃ madhu-ghṛtābhyām avalihya subhago bhavati.
Sanskrit only: no published translation is held for this verse.
तान्य् एव नगरतालीस-तमाल-पत्त्र-युक्तान्य् अनुलिप्य।
tāny eva nagaratālīsa-tamāla-pattra-yuktāny anulipya.
Sanskrit only: no published translation is held for this verse.
मयूरस्याक्षि तरक्षोर् वा सुवर्णेनावलिप्य दक्षिण-हस्तेन धारयेद्
mayūrasyākṣi tarakṣor vā suvarṇenāvalipya dakṣiṇa-hastena dhārayed
Sanskrit only: no published translation is held for this verse.
तथा बादर-मणिं शङ्ख-मणिं च तथैव तेषु चाथर्वणान् योगान् गमयेत्।
tathā bādara-maṇiṃ śaṅkha-maṇiṃ ca tathaiva teṣu cātharvaṇān yogān gamayet.
Sanskrit only: no published translation is held for this verse.
विद्या-तन्त्राच् च विद्या-योगात् प्राप्त-यौवनां परिचारिकां स्वामी संवत्सर-मात्रम् अन्यतो वारयेत्। ततो वातितां बालां वामत्वाल् लालसी:भूतेषु गम्येषु यो ऽस्यै संघर्षेण बहु दद्यात् तस्मै विसृजेद् इति सौभाग्य-वर्धनम्।
vidyā-tantrāc ca vidyā-yogāt prāpta-yauvanāṃ paricārikāṃ svāmī saṃvatsara-mātram anyato vārayet. tato vātitāṃ bālāṃ vāmatvāl lālasī:bhūteṣu gamyeṣu yo 'syai saṃgharṣeṇa bahu dadyāt tasmai visṛjed iti saubhāgya-vardhanam.
Sanskrit only: no published translation is held for this verse.
गणिका प्राप्त-यौवनां स्वां दुहितरं तस्या विज्ञान-शील-रूपानुरूप्येण तान् अभिनिमन्त्र्य सारेण यो ऽस्या इदम् इदं च दद्यात् स पाणिं गृह्णीयाद् इति संभाष्य रक्षयेद् इति।
gaṇikā prāpta-yauvanāṃ svāṃ duhitaraṃ tasyā vijñāna-śīla-rūpānurūpyeṇa tān abhinimantrya sāreṇa yo 'syā idam idaṃ ca dadyāt sa pāṇiṃ gṛhṇīyād iti saṃbhāṣya rakṣayed iti.
Sanskrit only: no published translation is held for this verse.
सा च मातुर् अ:विदिता नाम नागरिक-पुत्रैर् धनिभिर् अत्य्:अर्थं प्रीयेत।
sā ca mātur a:viditā nāma nāgarika-putrair dhanibhir aty:arthaṃ prīyeta.
Sanskrit only: no published translation is held for this verse.
तेषां कला-ग्रहणे गन्धर्व-शालायां भीक्षुकी-भवने तत्र तत्र च संदर्शन-योगाः।
teṣāṃ kalā-grahaṇe gandharva-śālāyāṃ bhīkṣukī-bhavane tatra tatra ca saṃdarśana-yogāḥ.
Sanskrit only: no published translation is held for this verse.
तेषां यथोक्त-दायिनां माता पाणिं ग्राहयेत्।
teṣāṃ yathokta-dāyināṃ mātā pāṇiṃ grāhayet.
Sanskrit only: no published translation is held for this verse.
तावद् अर्थम् अ:लभमाना तु स्वेनाप्य् एक-देशेन दुहित्र एतद् दत्तम् अनेनेति ख्यापयेत्।
tāvad artham a:labhamānā tu svenāpy eka-deśena duhitra etad dattam aneneti khyāpayet.
Sanskrit only: no published translation is held for this verse.
ऊढाया वा कन्या-भावं विमोचयेत्।
ūḍhāyā vā kanyā-bhāvaṃ vimocayet.
Sanskrit only: no published translation is held for this verse.
प्रच्छन्नं वा तैः संयोज्य स्वयम् अ:जानती भूत्वा ततो विदितेष्व् एतं धर्मस्थेषु निवेदयेत्।
pracchannaṃ vā taiḥ saṃyojya svayam a:jānatī bhūtvā tato viditeṣv etaṃ dharmastheṣu nivedayet.
Sanskrit only: no published translation is held for this verse.
सख्यैव तु दास्या वा मोचित-कन्या-भावां सु:गृहीत-काम-सूत्राम् आभ्यासिकेषु योगेषु प्रतिष्ठितां प्रतिष्ठिते वयसि सौभाग्ये च दुहितरम् अवसृजन्ति गणिका इति प्राच्योपचाराः।
sakhyaiva tu dāsyā vā mocita-kanyā-bhāvāṃ su:gṛhīta-kāma-sūtrām ābhyāsikeṣu yogeṣu pratiṣṭhitāṃ pratiṣṭhite vayasi saubhāgye ca duhitaram avasṛjanti gaṇikā iti prācyopacārāḥ.
Sanskrit only: no published translation is held for this verse.
पाणि-ग्रहश् च संवत्सरम् अ:व्यभिचार्यस् ततो यथा कामिनी स्यात्।
pāṇi-grahaś ca saṃvatsaram a:vyabhicāryas tato yathā kāminī syāt.
Sanskrit only: no published translation is held for this verse.
ऊर्ध्वम् अपि संवत्सरात् परिणीतेन निमन्त्र्यमाणा लाभम् अप्य् उत्सृज्य तां रात्रिं तस्यागच्छेत्।
ūrdhvam api saṃvatsarāt pariṇītena nimantryamāṇā lābham apy utsṛjya tāṃ rātriṃ tasyāgacchet.
Sanskrit only: no published translation is held for this verse.
एतेन रङ्गोपजीविनां कन्या व्याख्याताः।
etena raṅgopajīvināṃ kanyā vyākhyātāḥ.
Sanskrit only: no published translation is held for this verse.
तस्मै तु तां दद्युर् य एषां तूर्ये विशिष्टम् उपकुर्यात्।
tasmai tu tāṃ dadyur ya eṣāṃ tūrye viśiṣṭam upakuryāt.
Sanskrit only: no published translation is held for this verse.
धत्तूरक-मरिच-पिप्पली-चूर्णैर् मधु-मिश्रैर् लिप्त-लिङ्गस्य सम्प्रयोगो वशी-करणम्।
dhattūraka-marica-pippalī-cūrṇair madhu-miśrair lipta-liṅgasya samprayogo vaśī-karaṇam.
Sanskrit only: no published translation is held for this verse.
वातोद्भान्त-पत्त्रं मृतक-निर्माल्यं मयूरास्थि-चूर्णावचूर्णं वशी-करणम्।
vātodbhānta-pattraṃ mṛtaka-nirmālyaṃ mayūrāsthi-cūrṇāvacūrṇaṃ vaśī-karaṇam.
Sanskrit only: no published translation is held for this verse.
स्वयं मृताया मण्डल-कारिकायाश् चूर्णं मधु-संयुक्तं सहामलकैः स्नानं वशी-करणम्।
svayaṃ mṛtāyā maṇḍala-kārikāyāś cūrṇaṃ madhu-saṃyuktaṃ sahāmalakaiḥ snānaṃ vaśī-karaṇam.
Sanskrit only: no published translation is held for this verse.
वज्र-स्नुही-गण्डकानि खण्डशः कृतानि मनःशिला-गन्ध-पाषाण-चूर्णेनाभ्यज्य सप्तकृत्वः शोषितानि चूर्णयित्वा मधुना लिप्त-लिङ्गस्य संप्रयोगो वशी-करणम्।
vajra-snuhī-gaṇḍakāni khaṇḍaśaḥ kṛtāni manaḥśilā-gandha-pāṣāṇa-cūrṇenābhyajya saptakṛtvaḥ śoṣitāni cūrṇayitvā madhunā lipta-liṅgasya saṃprayogo vaśī-karaṇam.
Sanskrit only: no published translation is held for this verse.
एतेनैव रात्रौ धूमं कृत्वा तद्-धूम-तिरस्:कृतं सौवर्णं चन्द्रमसं दर्शयति।
etenaiva rātrau dhūmaṃ kṛtvā tad-dhūma-tiras:kṛtaṃ sauvarṇaṃ candramasaṃ darśayati.
Sanskrit only: no published translation is held for this verse.
एतैर् एव चूर्णितैर् वानर-पुरीष-मिश्रितैर् यां कन्याम् अवकिरेत् शान्यस्मै न दीयते।
etair eva cūrṇitair vānara-purīṣa-miśritair yāṃ kanyām avakiret śānyasmai na dīyate.
Sanskrit only: no published translation is held for this verse.
वचागण्डकानि सहकार-तैल-लिप्तानि शिशपा-वृक्ष-स्कन्धम् उत्कीर्य षण्-मासं निदध्यात् ततः षड्भिर् मासैर् अपनीतानि देवकान्तम् अनुलेपनं वशी-करणं चेत्य् आचक्षते।
vacāgaṇḍakāni sahakāra-taila-liptāni śiśapā-vṛkṣa-skandham utkīrya ṣaṇ-māsaṃ nidadhyāt tataḥ ṣaḍbhir māsair apanītāni devakāntam anulepanaṃ vaśī-karaṇaṃ cety ācakṣate.
Sanskrit only: no published translation is held for this verse.
तथा खदिर-सार-जानि शकलानि तनूनि यं वृक्षम् उत्कीर्य षण्-मासं निदध्यात् तत् पुष्प-गन्धानि भवन्ति गन्धर्व-कान्तम् अनुलेपनं वशी-करणं चेत्य् आचक्षते।
tathā khadira-sāra-jāni śakalāni tanūni yaṃ vṛkṣam utkīrya ṣaṇ-māsaṃ nidadhyāt tat puṣpa-gandhāni bhavanti gandharva-kāntam anulepanaṃ vaśī-karaṇaṃ cety ācakṣate.
Sanskrit only: no published translation is held for this verse.
प्रियङ्गवस् तगर-मिश्राः सहकार-तैल-दिग्धा नाग-वृक्षम् उत्कीर्य षण्-मासं निहिता नाग-कान्तम् अनु-लेपनं वशी-करणम् इत्य् आचक्षते॥७।१।३४ उष्ट्रास्थि भृगराज-रसेन भावितं दग्धम् अञ्जनं नलिकायां निहितम् उष्ट्रास्थि-शलाकयैव स्नातो ऽञ्जन-सहितं पुण्यं चक्षुष्यं वशी-करणं चेत्य् आचक्षते।
priyaṅgavas tagara-miśrāḥ sahakāra-taila-digdhā nāga-vṛkṣam utkīrya ṣaṇ-māsaṃ nihitā nāga-kāntam anu-lepanaṃ vaśī-karaṇam ity ācakṣate..7.1.34 uṣṭrāsthi bhṛgarāja-rasena bhāvitaṃ dagdham añjanaṃ nalikāyāṃ nihitam uṣṭrāsthi-śalākayaiva snāto 'ñjana-sahitaṃ puṇyaṃ cakṣuṣyaṃ vaśī-karaṇaṃ cety ācakṣate.
Sanskrit only: no published translation is held for this verse.
गोपालिका-बहुपादिका-जिह्विका-चूर्णैर् माहिष-तक्र-युक्तैः स्नातां गच्छतो रागो नश्यति।
gopālikā-bahupādikā-jihvikā-cūrṇair māhiṣa-takra-yuktaiḥ snātāṃ gacchato rāgo naśyati.
Sanskrit only: no published translation is held for this verse.
एतेन श्येन-भास-मयूरास्थि-मयान्य् अञ्जनानि व्याख्यातानि ।
etena śyena-bhāsa-mayūrāsthi-mayāny añjanāni vyākhyātāni .
Sanskrit only: no published translation is held for this verse.
उच्चटा-कन्दश् चव्या यष्ठी-मधुकं च स:शर्करेण पयसा पीत्वा वृषी-भवति।
uccaṭā-kandaś cavyā yaṣṭhī-madhukaṃ ca sa:śarkareṇa payasā pītvā vṛṣī-bhavati.
Sanskrit only: no published translation is held for this verse.
मेष-वस्त-मुष्क-सिद्धस्य पयसः स:स्शर्करस्य पानं वृषत्व-योगः।
meṣa-vasta-muṣka-siddhasya payasaḥ sa:sśarkarasya pānaṃ vṛṣatva-yogaḥ.
Sanskrit only: no published translation is held for this verse.
तथा विदार्याः क्षीरिकायाः स्वयं-गुप्तायाश् च क्षीरेण पानम्।
tathā vidāryāḥ kṣīrikāyāḥ svayaṃ-guptāyāś ca kṣīreṇa pānam.
Sanskrit only: no published translation is held for this verse.
तथा प्रियाल-बीजानां मोरटा-विदार्योश् च क्षीरेणैव।
tathā priyāla-bījānāṃ moraṭā-vidāryoś ca kṣīreṇaiva.
Sanskrit only: no published translation is held for this verse.
शृङ्गाटक-कसेरुका-मधूलिकानि क्षीरकाकोल्या सह पिष्टानि सशर्करेण पयसा घृतेन मन्दाग्निनोत्करिकां पक्त्वा यावद् अर्थं भक्षितवान् अन्:अन्ताः स्त्रियो गच्छतीत्य् आचार्याः प्रचक्षते।
śṛṅgāṭaka-kaserukā-madhūlikāni kṣīrakākolyā saha piṣṭāni saśarkareṇa payasā ghṛtena mandāgninotkarikāṃ paktvā yāvad arthaṃ bhakṣitavān an:antāḥ striyo gacchatīty ācāryāḥ pracakṣate.
Sanskrit only: no published translation is held for this verse.
माषकमलिनीं पयसा धौताम् उष्णेन घृतेन मृदु-कृत्योद्धृतां वृद्ध-वत्सायाः गोः पयः-सिद्धं पायसं मधु-सर्पिर्भ्याम् अशित्वान्:अन्ताः स्त्रियो गच्छतीत्य् आचार्याः प्रचक्षते।
māṣakamalinīṃ payasā dhautām uṣṇena ghṛtena mṛdu-kṛtyoddhṛtāṃ vṛddha-vatsāyāḥ goḥ payaḥ-siddhaṃ pāyasaṃ madhu-sarpirbhyām aśitvān:antāḥ striyo gacchatīty ācāryāḥ pracakṣate.
Sanskrit only: no published translation is held for this verse.
विदारी स्वयं-गुप्ता शर्करा मधु-सर्पिर्भ्यां गोधूम-चूर्णेन पोलिकां कृत्वा यावद् अर्थं भक्षितवान् अन्:अन्ताः स्त्रियो गच्छतीत्य् आचार्याः प्रचक्षते।
vidārī svayaṃ-guptā śarkarā madhu-sarpirbhyāṃ godhūma-cūrṇena polikāṃ kṛtvā yāvad arthaṃ bhakṣitavān an:antāḥ striyo gacchatīty ācāryāḥ pracakṣate.
Sanskrit only: no published translation is held for this verse.
चटकाण्ड-रस-भावितैस् तण्डुलैः पायसं सिद्धं मधु-सर्पिर्भ्यां प्लावितं यावद् अर्थम् इति समानं पूर्वेण।
caṭakāṇḍa-rasa-bhāvitais taṇḍulaiḥ pāyasaṃ siddhaṃ madhu-sarpirbhyāṃ plāvitaṃ yāvad artham iti samānaṃ pūrveṇa.
Sanskrit only: no published translation is held for this verse.
चाटकाण्ड-रस-भावितान् अपगत-त्वचस् तिलाञ् शृगाटक-कसेरुक-स्वयंगुप्ता-फलानि गोधूम-माष-चूर्णैः स:शर्करेण पयसा सर्पिषा च पक्वं संयावं यावद् अर्थं प्राशितवान् इति समानं पूर्वेण।
cāṭakāṇḍa-rasa-bhāvitān apagata-tvacas tilāñ śṛgāṭaka-kaseruka-svayaṃguptā-phalāni godhūma-māṣa-cūrṇaiḥ sa:śarkareṇa payasā sarpiṣā ca pakvaṃ saṃyāvaṃ yāvad arthaṃ prāśitavān iti samānaṃ pūrveṇa.
Sanskrit only: no published translation is held for this verse.
सर्पिषो मधुनः शर्कराया मधुकस्य च द्वे द्वे पले मधु-रसायाः कर्षः प्रस्थं पयस इति षडङ्गम् अ:मृतं मेध्यं वृष्यम् आयुष्यं युक्त-रसम् इत्य् आचार्याः प्रचक्षते।
sarpiṣo madhunaḥ śarkarāyā madhukasya ca dve dve pale madhu-rasāyāḥ karṣaḥ prasthaṃ payasa iti ṣaḍaṅgam a:mṛtaṃ medhyaṃ vṛṣyam āyuṣyaṃ yukta-rasam ity ācāryāḥ pracakṣate.
Sanskrit only: no published translation is held for this verse.
शतावरी-श्वदंष्ट्रा-गुड-कषाये पिप्पली-मधुकल्के गो-क्षीर-च्छाग-घृते पक्वे तस्य पुष्यारम्भेणान्व्:अहं प्राशनं मेध्यं वृष्यम् आयुष्यं युक्त-रसम् इत्य् आचार्याः प्रचक्षते।
śatāvarī-śvadaṃṣṭrā-guḍa-kaṣāye pippalī-madhukalke go-kṣīra-cchāga-ghṛte pakve tasya puṣyārambheṇānv:ahaṃ prāśanaṃ medhyaṃ vṛṣyam āyuṣyaṃ yukta-rasam ity ācāryāḥ pracakṣate.
Sanskrit only: no published translation is held for this verse.
शतावर्याः श्वदंष्ट्रायाः श्रीपर्णी-फलानां च क्षुण्णानां चतुर्-गुणित-जलेन पाक आ प्रकृत्य्-अवस्थानात् तस्य पुष्यारम्भेण प्रातः प्राशनं मेध्यं वृष्यम् आयुष्यं युक्त-रसम् इत्य् आचार्याः प्रचक्षते।
śatāvaryāḥ śvadaṃṣṭrāyāḥ śrīparṇī-phalānāṃ ca kṣuṇṇānāṃ catur-guṇita-jalena pāka ā prakṛty-avasthānāt tasya puṣyārambheṇa prātaḥ prāśanaṃ medhyaṃ vṛṣyam āyuṣyaṃ yukta-rasam ity ācāryāḥ pracakṣate.
Sanskrit only: no published translation is held for this verse.
श्वदंष्त्रा-चूर्ण-समन्वितं तत्-समम् एव यव-चूर्णं प्रातर् उत्थाय द्वि-पलकम् अनु:दिनं प्राश्नीयान् मेध्यं वृष्यं युक्त-रसम् इत्य् आचार्याः प्रचक्षते।
śvadaṃṣtrā-cūrṇa-samanvitaṃ tat-samam eva yava-cūrṇaṃ prātar utthāya dvi-palakam anu:dinaṃ prāśnīyān medhyaṃ vṛṣyaṃ yukta-rasam ity ācāryāḥ pracakṣate.
Sanskrit only: no published translation is held for this verse.
श्रवण-प्रियङ्गुका-तैलेन दुकूल-सर्पनिर्मोकेण वर्त्त्या दीपं प्रज्वाल्य पार्श्वे दीर्घी-कृतानि काष्ठानि सर्पवद् दृश्यन्ते।
śravaṇa-priyaṅgukā-tailena dukūla-sarpanirmokeṇa varttyā dīpaṃ prajvālya pārśve dīrghī-kṛtāni kāṣṭhāni sarpavad dṛśyante.
Sanskrit only: no published translation is held for this verse.
श्वेतायाः श्वेत-वत्साया गोः क्षीरस्य पानं यशस्यम् आयुष्यम्।
śvetāyāḥ śveta-vatsāyā goḥ kṣīrasya pānaṃ yaśasyam āyuṣyam.
Sanskrit only: no published translation is held for this verse.
ब्राह्मणानां प्रशास्तानाम् आशिषः ।
brāhmaṇānāṃ praśāstānām āśiṣaḥ .
Sanskrit only: no published translation is held for this verse.