Kāṭhaka Saṃhitā (Kṛṣṇa Yajurveda; in part) 11.10

कृष्णाजिनं भवति मधु करीराणि श्यावस्याश्वस्य दाम

kṛṣṇājinaṃ bhavati madhu karīrāṇi śyāvasyāśvasya dāma

Sanskrit only: no published translation is held for this verse.

तानि पूर्वस्याग्नेर् अन्ते निधाय कृष्णं वासो यजमानं परिधापयित्वान्वारम्भयित्वैतानि जुहोति

tāni pūrvasyāgner ante nidhāya kṛṣṇaṃ vāso yajamānaṃ paridhāpayitvānvārambhayitvaitāni juhoti

Sanskrit only: no published translation is held for this verse.

वातनामानि वा एतानि

vātanāmāni vā etāni

Sanskrit only: no published translation is held for this verse.

एष वै वर्षस्येशे

eṣa vai varṣasyeśe

Sanskrit only: no published translation is held for this verse.

यदा ह्य् एष आप्याययति यदा समीरयति यदा प्रदापयत्य् अथ वर्षति

yadā hy eṣa āpyāyayati yadā samīrayati yadā pradāpayaty atha varṣati

Sanskrit only: no published translation is held for this verse.

तम् एव भागधेयेनोपधावति

tam eva bhāgadheyenopadhāvati

Sanskrit only: no published translation is held for this verse.

सो ऽस्मै प्रीतो वृष्टिं निनयति

so 'smai prīto vṛṣṭiṃ ninayati

Sanskrit only: no published translation is held for this verse.

अष्टा एतानि जुहोति

aṣṭā etāni juhoti

Sanskrit only: no published translation is held for this verse.

चतस्रो दिशश् चतस्र उपदिशाः

catasro diśaś catasra upadiśāḥ

Sanskrit only: no published translation is held for this verse.

यथादिशम् एव दिग्भ्यो वृष्टिं सम्प्रच्यावयति

yathādiśam eva digbhyo vṛṣṭiṃ sampracyāvayati

Sanskrit only: no published translation is held for this verse.

कृष्णाजिने संयौति

kṛṣṇājine saṃyauti

Sanskrit only: no published translation is held for this verse.

हविर् एव करोति

havir eva karoti

Sanskrit only: no published translation is held for this verse.

मधुना संयौति

madhunā saṃyauti

Sanskrit only: no published translation is held for this verse.

अपां वा एष ओषधीनां रसो यन् मधु

apāṃ vā eṣa oṣadhīnāṃ raso yan madhu

Sanskrit only: no published translation is held for this verse.

अद्भ्य एष ओषधिभ्यो वर्षति

adbhya eṣa oṣadhibhyo varṣati

Sanskrit only: no published translation is held for this verse.

यर्हि वर्षत्य् अद्भ्य एवौषधिभ्यो वृष्टिं निनयति

yarhi varṣaty adbhya evauṣadhibhyo vṛṣṭiṃ ninayati

Sanskrit only: no published translation is held for this verse.

मान्दा वशा इति

māndā vaśā iti

Sanskrit only: no published translation is held for this verse.

एतानि वा अपां नामधेयानि

etāni vā apāṃ nāmadheyāni

Sanskrit only: no published translation is held for this verse.

यथाद आह

yathāda āha

Sanskrit only: no published translation is held for this verse.

असा एह्य् असा एहीति

asā ehy asā ehīti

Sanskrit only: no published translation is held for this verse.

एवम् एवैना एतन् नामग्राहं दिवश् च्यावयति

evam evainā etan nāmagrāhaṃ divaś cyāvayati

Sanskrit only: no published translation is held for this verse.

न वा अन्ययेति

na vā anyayeti

Sanskrit only: no published translation is held for this verse.

आहुः

āhuḥ

Sanskrit only: no published translation is held for this verse.

सौम्या आहुत्या दिवो वृष्टिं च्यावयितुम् अर्हतीति

saumyā āhutyā divo vṛṣṭiṃ cyāvayitum arhatīti

Sanskrit only: no published translation is held for this verse.

यतीन् वै सालावृकेया आदन्

yatīn vai sālāvṛkeyā ādan

Sanskrit only: no published translation is held for this verse.

तेषां शीर्षाणि परापतन्

teṣāṃ śīrṣāṇi parāpatan

Sanskrit only: no published translation is held for this verse.

ते खर्जूरा अभवन्

te kharjūrā abhavan

Sanskrit only: no published translation is held for this verse.

यस् सोमपीथस् स ऊर्ध्वो ऽपतत्

yas somapīthas sa ūrdhvo 'patat

Sanskrit only: no published translation is held for this verse.

तानि करीराणि

tāni karīrāṇi

Sanskrit only: no published translation is held for this verse.

यत् करीराणि भवन्ति

yat karīrāṇi bhavanti

Sanskrit only: no published translation is held for this verse.

सौम्यैवाहुत्या दिवो वृष्टिं निनयति

saumyaivāhutyā divo vṛṣṭiṃ ninayati

Sanskrit only: no published translation is held for this verse.

तस्मात् करीराणि न स्त्रियै दद्यात्

tasmāt karīrāṇi na striyai dadyāt

Sanskrit only: no published translation is held for this verse.

न शूद्राय

na śūdrāya

Sanskrit only: no published translation is held for this verse.

असोमपीथ इव ह्य् एष

asomapītha iva hy eṣa

Sanskrit only: no published translation is held for this verse.

वृष्णस् संदानम् असि

vṛṣṇas saṃdānam asi

Sanskrit only: no published translation is held for this verse.

वृष्ट्यै त्वोपनह्यामीति

vṛṣṭyai tvopanahyāmīti

Sanskrit only: no published translation is held for this verse.

वृषा ह्य् अश्वः

vṛṣā hy aśvaḥ

Sanskrit only: no published translation is held for this verse.

वृषा पर्जन्यः

vṛṣā parjanyaḥ

Sanskrit only: no published translation is held for this verse.

समृद्ध्यै

samṛddhyai

Sanskrit only: no published translation is held for this verse.

श्यावस्याश्वस्य दाम भवति

śyāvasyāśvasya dāma bhavati

Sanskrit only: no published translation is held for this verse.

श्याव इव ह्य् एष वर्षिष्यन् भवति

śyāva iva hy eṣa varṣiṣyan bhavati

Sanskrit only: no published translation is held for this verse.

देवा वसव्याः

devā vasavyāḥ

Sanskrit only: no published translation is held for this verse.

देवाश् शर्मण्याः

devāś śarmaṇyāḥ

Sanskrit only: no published translation is held for this verse.

देवास् सपीतय इति

devās sapītaya iti

Sanskrit only: no published translation is held for this verse.

एता वै देवता वर्षस्येशते

etā vai devatā varṣasyeśate

Sanskrit only: no published translation is held for this verse.

ताभिर् एवास्मा अन्वहं वृष्टिम् इच्छति

tābhir evāsmā anvahaṃ vṛṣṭim icchati

Sanskrit only: no published translation is held for this verse.

कृष्णाजिन उपनह्यति

kṛṣṇājina upanahyati

Sanskrit only: no published translation is held for this verse.

ऋक्सामयोर् वा एतद् रूपं यत् कृष्णाजिनम्

ṛksāmayor vā etad rūpaṃ yat kṛṣṇājinam

Sanskrit only: no published translation is held for this verse.

ऋक्सामाभ्याम् एवास्मै वृष्टिम् इच्छति

ṛksāmābhyām evāsmai vṛṣṭim icchati

Sanskrit only: no published translation is held for this verse.

यदि वर्षेत् तदैवेष्टिं निर्वपेत्

yadi varṣet tadaiveṣṭiṃ nirvapet

Sanskrit only: no published translation is held for this verse.

यदि न वर्षेत् तथैव वसेयुः

yadi na varṣet tathaiva vaseyuḥ

Sanskrit only: no published translation is held for this verse.

अहोरात्रे वै मित्रावरुणौ

ahorātre vai mitrāvaruṇau

Sanskrit only: no published translation is held for this verse.

अहोरात्रे पर्जन्यो ऽनुवर्षति

ahorātre parjanyo 'nuvarṣati

Sanskrit only: no published translation is held for this verse.

नक्तं वा हि दिवा वा वर्षति

naktaṃ vā hi divā vā varṣati

Sanskrit only: no published translation is held for this verse.

एतौ वर्षस्येशाते

etau varṣasyeśāte

Sanskrit only: no published translation is held for this verse.

ता एव भागधेयेनोपधावति

tā eva bhāgadheyenopadhāvati

Sanskrit only: no published translation is held for this verse.

ता अस्मै प्रीतौ वृष्टिं निनयतः

tā asmai prītau vṛṣṭiṃ ninayataḥ

Sanskrit only: no published translation is held for this verse.

अग्नये धामच्छदे श्वो ऽष्टाकपालं निर्वपेन् मारुतं चरुं सौर्यम् एककपालम्

agnaye dhāmacchade śvo 'ṣṭākapālaṃ nirvapen mārutaṃ caruṃ sauryam ekakapālam

Sanskrit only: no published translation is held for this verse.

अग्निर् वा इतो वृष्टिम् उदीरयति

agnir vā ito vṛṣṭim udīrayati

Sanskrit only: no published translation is held for this verse.

धामच्छद् इव भूत्वा वर्षति

dhāmacchad iva bhūtvā varṣati

Sanskrit only: no published translation is held for this verse.

मरुतस् सृष्टां वृष्टिं नयन्ति

marutas sṛṣṭāṃ vṛṣṭiṃ nayanti

Sanskrit only: no published translation is held for this verse.

यदासा आदित्यो ऽर्वाङ् रश्मिभिः पर्यावर्तते ऽथ वर्षति

yadāsā ādityo 'rvāṅ raśmibhiḥ paryāvartate 'tha varṣati

Sanskrit only: no published translation is held for this verse.

एता वै देवता वर्षस्येशते

etā vai devatā varṣasyeśate

Sanskrit only: no published translation is held for this verse.

ता एव भागधेयेनोपधावति

tā eva bhāgadheyenopadhāvati

Sanskrit only: no published translation is held for this verse.

ता अस्मै प्रीता वृष्टिं निनयन्ति

tā asmai prītā vṛṣṭiṃ ninayanti

Sanskrit only: no published translation is held for this verse.

अप्य् अवर्षिष्यन् वर्षत्य् एव षड् एतानि हवींषि

apy avarṣiṣyan varṣaty eva ṣaḍ etāni havīṃṣi

Sanskrit only: no published translation is held for this verse.

षड् वा ऋतवः

ṣaḍ vā ṛtavaḥ

Sanskrit only: no published translation is held for this verse.

ऋतुभ्य एव वृष्टिं सम्प्रच्यावयति

ṛtubhya eva vṛṣṭiṃ sampracyāvayati

Sanskrit only: no published translation is held for this verse.

यत् सप्तमम्

yat saptamam

Sanskrit only: no published translation is held for this verse.

संवत्सराद् एव तेन वृष्टिं च्यावयति

saṃvatsarād eva tena vṛṣṭiṃ cyāvayati

Sanskrit only: no published translation is held for this verse.

अथैता मारुतीश् चतस्रः पित्र्यास् तासां तिसृभिः प्रचरन्ति न्य् एकां दधत्य् ऋचो ऽनुवाक्या यजूंषि याज्याः

athaitā mārutīś catasraḥ pitryās tāsāṃ tisṛbhiḥ pracaranti ny ekāṃ dadhaty ṛco 'nuvākyā yajūṃṣi yājyāḥ

Sanskrit only: no published translation is held for this verse.

मरुतो वै वर्षस्येशते

maruto vai varṣasyeśate

Sanskrit only: no published translation is held for this verse.

तेभ्य एव भूयो भागधेयं करोति

tebhya eva bhūyo bhāgadheyaṃ karoti

Sanskrit only: no published translation is held for this verse.

या चतुर्थी तां संस्थिते ऽप्सु जुहोति

yā caturthī tāṃ saṃsthite 'psu juhoti

Sanskrit only: no published translation is held for this verse.

सृजा वृष्टिं दिवः

sṛjā vṛṣṭiṃ divaḥ

Sanskrit only: no published translation is held for this verse.

आद्भिस् समुद्रं पृणेति

ādbhis samudraṃ pṛṇeti

Sanskrit only: no published translation is held for this verse.

आभिर् एवामूर् अच्छैति

ābhir evāmūr acchaiti

Sanskrit only: no published translation is held for this verse.

अथो इमाश् चैवामूश् च संसृजति

atho imāś caivāmūś ca saṃsṛjati

Sanskrit only: no published translation is held for this verse.

ये देवा दिविभागा इति

ye devā divibhāgā iti

Sanskrit only: no published translation is held for this verse.

कृष्णाजिनम् अवधूनोति

kṛṣṇājinam avadhūnoti

Sanskrit only: no published translation is held for this verse.

दिशश् चैव देवताश् च तर्पयति

diśaś caiva devatāś ca tarpayati

Sanskrit only: no published translation is held for this verse.

अथो इम एवास्य लोका अभीष्टाः प्रीता भवन्ति

atho ima evāsya lokā abhīṣṭāḥ prītā bhavanti

Sanskrit only: no published translation is held for this verse.

सैषा कारीरी नामेष्टिः

saiṣā kārīrī nāmeṣṭiḥ

Sanskrit only: no published translation is held for this verse.

संवत्सरं करीराणां नाश्नीयाद् य एतया यजेताथो यो ऽनुब्रुवीत

saṃvatsaraṃ karīrāṇāṃ nāśnīyād ya etayā yajetātho yo 'nubruvīta

Sanskrit only: no published translation is held for this verse.

तद् अस्या व्रतम्

tad asyā vratam

Sanskrit only: no published translation is held for this verse.