Library·Kāṭhaka Saṃhitā (Kṛṣṇa Yajurveda; in part)·11·11.5
सौमारौद्रं चरुं निर्वपेच् छुक्लानां व्रीहीणां श्वेतायाश् श्वेतवत्साया आज्यं मथितं स्यात् तस्मिन् ब्रह्मवर्चसकामः
saumāraudraṃ caruṃ nirvapec chuklānāṃ vrīhīṇāṃ śvetāyāś śvetavatsāyā ājyaṃ mathitaṃ syāt tasmin brahmavarcasakāmaḥ
Sanskrit only: no published translation is held for this verse.
स्वर्भानुर् वा आसुरस् सूर्यं तमसाविध्यत्
svarbhānur vā āsuras sūryaṃ tamasāvidhyat
Sanskrit only: no published translation is held for this verse.
स न व्यरोचत
sa na vyarocata
Sanskrit only: no published translation is held for this verse.
तस्मै देवाः प्रायश्चित्तिम् ऐच्छन्
tasmai devāḥ prāyaścittim aicchan
Sanskrit only: no published translation is held for this verse.
तम् एतयेष्ट्यायाजयन्
tam etayeṣṭyāyājayan
Sanskrit only: no published translation is held for this verse.
तयास्मात् तमो ऽपाघ्नन्
tayāsmāt tamo 'pāghnan
Sanskrit only: no published translation is held for this verse.
तमसैष प्रावृतो यो ऽलं ब्रह्मवर्चसाय सन् न ब्रह्मवर्चसी भवति
tamasaiṣa prāvṛto yo 'laṃ brahmavarcasāya san na brahmavarcasī bhavati
Sanskrit only: no published translation is held for this verse.
तम एवास्माद् अपहन्ति
tama evāsmād apahanti
Sanskrit only: no published translation is held for this verse.
ब्रह्मवर्चसेनैनं संसृजति
brahmavarcasenainaṃ saṃsṛjati
Sanskrit only: no published translation is held for this verse.
श्वेतायाश् श्वेतवत्साया आज्यं भवति शुक्ला व्रीहयः
śvetāyāś śvetavatsāyā ājyaṃ bhavati śuklā vrīhayaḥ
Sanskrit only: no published translation is held for this verse.
एवम् इव वै ब्रह्मवर्चसम्
evam iva vai brahmavarcasam
Sanskrit only: no published translation is held for this verse.
ब्रह्मवर्चसम् एव संदधाति
brahmavarcasam eva saṃdadhāti
Sanskrit only: no published translation is held for this verse.
घृतेन प्रोक्षन्ति
ghṛtena prokṣanti
Sanskrit only: no published translation is held for this verse.
घृतेन मार्जयन्ते
ghṛtena mārjayante
Sanskrit only: no published translation is held for this verse.
अशान्त्यै
aśāntyai
Sanskrit only: no published translation is held for this verse.
शान्तिर् ह्य् आपः
śāntir hy āpaḥ
Sanskrit only: no published translation is held for this verse.
अप्य् अस्य तां रात्रीम् अपो गृहान् नावहरेयुः
apy asya tāṃ rātrīm apo gṛhān nāvahareyuḥ
Sanskrit only: no published translation is held for this verse.
परिश्रिते यजेत
pariśrite yajeta
Sanskrit only: no published translation is held for this verse.
ब्रह्मवर्चसस्य परिगृहीत्यै
brahmavarcasasya parigṛhītyai
Sanskrit only: no published translation is held for this verse.
प्रादेशमात्रश् चरुर् ऊर्ध्वो भवत्य् एवं तिर्यङ्
prādeśamātraś carur ūrdhvo bhavaty evaṃ tiryaṅ
Sanskrit only: no published translation is held for this verse.
एतावान् वै पुरुषः
etāvān vai puruṣaḥ
Sanskrit only: no published translation is held for this verse.
यावद् अस्य प्राणा अभि यावान् एवास्यात्मा तस्मात् तमो ऽपहन्ति
yāvad asya prāṇā abhi yāvān evāsyātmā tasmāt tamo 'pahanti
Sanskrit only: no published translation is held for this verse.
साकं रश्मिभिः प्रचरन्ति
sākaṃ raśmibhiḥ pracaranti
Sanskrit only: no published translation is held for this verse.
असा एवास्माद् आदित्य उद्यंस् तमो ऽपहन्ति
asā evāsmād āditya udyaṃs tamo 'pahanti
Sanskrit only: no published translation is held for this verse.
तिष्यापूर्णमासे यजेत
tiṣyāpūrṇamāse yajeta
Sanskrit only: no published translation is held for this verse.
तिष्यो वै रुद्रश् चन्द्रमास् सोमः
tiṣyo vai rudraś candramās somaḥ
Sanskrit only: no published translation is held for this verse.
सौमीर् अतः प्राचीनम् ओषधयः
saumīr ataḥ prācīnam oṣadhayaḥ
Sanskrit only: no published translation is held for this verse.
रौद्रीः प्रतीचीनम्
raudrīḥ pratīcīnam
Sanskrit only: no published translation is held for this verse.
शुष्यन्ति प्राचीनम्
śuṣyanti prācīnam
Sanskrit only: no published translation is held for this verse.
शुष्यन्ति प्रतीचीनम्
śuṣyanti pratīcīnam
Sanskrit only: no published translation is held for this verse.
प्रत्यक्षम् एवैना ऋध्नोति
pratyakṣam evainā ṛdhnoti
Sanskrit only: no published translation is held for this verse.
ईश्वरो दुश्चर्मा भवितोर् य एतया यजते
īśvaro duścarmā bhavitor ya etayā yajate
Sanskrit only: no published translation is held for this verse.
अतीव ह्य् अस्माद् अपहन्ति
atīva hy asmād apahanti
Sanskrit only: no published translation is held for this verse.
मनोर् ऋचस् सामिधेनीष्व् अप्य् अनुब्रूयात्
manor ṛcas sāmidhenīṣv apy anubrūyāt
Sanskrit only: no published translation is held for this verse.
मनुर् वै यत् किं चावदत् तद् भेषजम् आसीत्
manur vai yat kiṃ cāvadat tad bheṣajam āsīt
Sanskrit only: no published translation is held for this verse.
भेषजम् एवास्मै करोति
bheṣajam evāsmai karoti
Sanskrit only: no published translation is held for this verse.
उपक्षरन्ति सिन्धवो मयोभुव इति
upakṣaranti sindhavo mayobhuva iti
Sanskrit only: no published translation is held for this verse.
नाराशंस्या परिदधाति
nārāśaṃsyā paridadhāti
Sanskrit only: no published translation is held for this verse.
शान्त्यै
śāntyai
Sanskrit only: no published translation is held for this verse.
षट्पदा भवति
ṣaṭpadā bhavati
Sanskrit only: no published translation is held for this verse.
षड् वा ऋतवः
ṣaḍ vā ṛtavaḥ
Sanskrit only: no published translation is held for this verse.
ऋतुष्व् एव प्रतितिष्ठति
ṛtuṣv eva pratitiṣṭhati
Sanskrit only: no published translation is held for this verse.
ईश्वरस् तु तद् अति दुश्चर्मैव भवितोः
īśvaras tu tad ati duścarmaiva bhavitoḥ
Sanskrit only: no published translation is held for this verse.
तेजांसि ह्य् एष प्रत्यारोहन्न् एति
tejāṃsi hy eṣa pratyārohann eti
Sanskrit only: no published translation is held for this verse.
सौमापौष्णं चरुं पशुकामो ऽनुनिर्वपेत्
saumāpauṣṇaṃ caruṃ paśukāmo 'nunirvapet
Sanskrit only: no published translation is held for this verse.
सोमो वै ब्राह्मणस्य स्वा देवता
somo vai brāhmaṇasya svā devatā
Sanskrit only: no published translation is held for this verse.
पशवः पूषा
paśavaḥ pūṣā
Sanskrit only: no published translation is held for this verse.
स्वाम् एव देवतां पशुभिर् बंहयते
svām eva devatāṃ paśubhir baṃhayate
Sanskrit only: no published translation is held for this verse.
त्वचम् एव कुरुते
tvacam eva kurute
Sanskrit only: no published translation is held for this verse.
सौमारौद्रं चरुं निर्वपेत् कृष्णानां व्रीहीणाम् अभिचरन्
saumāraudraṃ caruṃ nirvapet kṛṣṇānāṃ vrīhīṇām abhicaran
Sanskrit only: no published translation is held for this verse.
सोमो वा आसां प्रजानाम् अधिपतिः
somo vā āsāṃ prajānām adhipatiḥ
Sanskrit only: no published translation is held for this verse.
रुद्रो ऽग्निर् अधिपतिर् वध्यस्य चावध्यस्य चेशे
rudro 'gnir adhipatir vadhyasya cāvadhyasya ceśe
Sanskrit only: no published translation is held for this verse.
अधिपतिम् एवैनं निर्याच्य रुद्रायापिदधाति
adhipatim evainaṃ niryācya rudrāyāpidadhāti
Sanskrit only: no published translation is held for this verse.
कृष्णानां व्रीहीणां भवति
kṛṣṇānāṃ vrīhīṇāṃ bhavati
Sanskrit only: no published translation is held for this verse.
कृष्णम् इव वै तमः
kṛṣṇam iva vai tamaḥ
Sanskrit only: no published translation is held for this verse.
तमो मृत्युः
tamo mṛtyuḥ
Sanskrit only: no published translation is held for this verse.
मृत्युनैवैनं ग्राहयति
mṛtyunaivainaṃ grāhayati
Sanskrit only: no published translation is held for this verse.
शरमयं बर्हिः
śaramayaṃ barhiḥ
Sanskrit only: no published translation is held for this verse.
शीर्त्यै
śīrtyai
Sanskrit only: no published translation is held for this verse.
वैभीतक इध्मः
vaibhītaka idhmaḥ
Sanskrit only: no published translation is held for this verse.
विभित्त्यै
vibhittyai
Sanskrit only: no published translation is held for this verse.
सौमारौद्रं चरुं निर्वपेद् भ्रातृव्यतायै वा द्वितीयतायै वा
saumāraudraṃ caruṃ nirvaped bhrātṛvyatāyai vā dvitīyatāyai vā
Sanskrit only: no published translation is held for this verse.
तस्यार्धमर्धं सर्वं स्यात्
tasyārdhamardhaṃ sarvaṃ syāt
Sanskrit only: no published translation is held for this verse.
अर्धं शुक्लानां व्रीहीणां स्याद् अर्धं कृष्णानाम् अर्धं शरमयं बर्हिषो ऽर्धं दर्भमयम् अर्धं वैभीतकम् इध्मस्यार्धम् अन्यस्य वृक्षस्य
ardhaṃ śuklānāṃ vrīhīṇāṃ syād ardhaṃ kṛṣṇānām ardhaṃ śaramayaṃ barhiṣo 'rdhaṃ darbhamayam ardhaṃ vaibhītakam idhmasyārdham anyasya vṛkṣasya
Sanskrit only: no published translation is held for this verse.
सोमो वै ब्राह्मणस्य स्वा देवता
somo vai brāhmaṇasya svā devatā
Sanskrit only: no published translation is held for this verse.
स्वायाम् एवास्मै देवतायां द्वितीयं जनयति
svāyām evāsmai devatāyāṃ dvitīyaṃ janayati
Sanskrit only: no published translation is held for this verse.
यद् अर्धमर्धम्
yad ardhamardham
Sanskrit only: no published translation is held for this verse.
द्वितीयत्वायैव तत्
dvitīyatvāyaiva tat
Sanskrit only: no published translation is held for this verse.
सौमारौद्रं चरुं निर्वपेत् पयस्य् आमयाविनः
saumāraudraṃ caruṃ nirvapet payasy āmayāvinaḥ
Sanskrit only: no published translation is held for this verse.
सौम्यो वै जीवन्न् आग्नेयः प्रमीतः
saumyo vai jīvann āgneyaḥ pramītaḥ
Sanskrit only: no published translation is held for this verse.
नैष जीवो न मृतो य आमयावी
naiṣa jīvo na mṛto ya āmayāvī
Sanskrit only: no published translation is held for this verse.
तयोर् एवैनं भागधेयेन निष्क्रीणाति
tayor evainaṃ bhāgadheyena niṣkrīṇāti
Sanskrit only: no published translation is held for this verse.
पयसि भवति
payasi bhavati
Sanskrit only: no published translation is held for this verse.
पयो वै पयः
payo vai payaḥ
Sanskrit only: no published translation is held for this verse.
पयः पुरुषः
payaḥ puruṣaḥ
Sanskrit only: no published translation is held for this verse.
पय एतस्यामयति यस्यामयति
paya etasyāmayati yasyāmayati
Sanskrit only: no published translation is held for this verse.
पयसैवास्य पयस् स्पृणोति
payasaivāsya payas spṛṇoti
Sanskrit only: no published translation is held for this verse.
ग्रसितं वा एष एतं सोमारुद्रयोर् निष्खिदति यो होता भवति
grasitaṃ vā eṣa etaṃ somārudrayor niṣkhidati yo hotā bhavati
Sanskrit only: no published translation is held for this verse.
स ईश्वरः प्रमेतोः
sa īśvaraḥ prametoḥ
Sanskrit only: no published translation is held for this verse.
अनड्वाहं तस्मै दद्यात्
anaḍvāhaṃ tasmai dadyāt
Sanskrit only: no published translation is held for this verse.
तं हन्यात्
taṃ hanyāt
Sanskrit only: no published translation is held for this verse.
तस्याश्नीयात्
tasyāśnīyāt
Sanskrit only: no published translation is held for this verse.
सैव तत्र प्रायश्चित्तिः
saiva tatra prāyaścittiḥ
Sanskrit only: no published translation is held for this verse.
सौमारौद्रं चरुं निर्वपेत् प्रजाकामो वा पशुकामो वा
saumāraudraṃ caruṃ nirvapet prajākāmo vā paśukāmo vā
Sanskrit only: no published translation is held for this verse.
सोमो वै रेतोधाः
somo vai retodhāḥ
Sanskrit only: no published translation is held for this verse.
रुद्रो ऽग्निस् स प्रजनयिता
rudro 'gnis sa prajanayitā
Sanskrit only: no published translation is held for this verse.
सोम एवास्मै रेतो दधाति
soma evāsmai reto dadhāti
Sanskrit only: no published translation is held for this verse.
अग्निः प्रजनयति
agniḥ prajanayati
Sanskrit only: no published translation is held for this verse.
विन्दते प्रजां वा पशून् वा यतरस्मै कामाय निर्वपति
vindate prajāṃ vā paśūn vā yatarasmai kāmāya nirvapati
Sanskrit only: no published translation is held for this verse.