स्वाद्वीं त्वा स्वादुना तीव्रां तीव्रेण देवीं देवेन शुक्रां शुक्रेणामृताम् अमृतेन सृजामि
सं सोमेन
सोमो ऽसि
अश्विभ्यां पच्यस्व
सरस्वत्यै पच्यस्व
इन्द्राय सुत्राम्णे पच्यस्व
पुनातु ते परिस्रुतं सोमं सूर्यस्य दुहिता
वारेण शश्वता तना
svādvīṃ tvā svādunā tīvrāṃ tīvreṇa devīṃ devena śukrāṃ śukreṇāmṛtām amṛtena sṛjāmi
saṃ somena
somo 'si
aśvibhyāṃ pacyasva
sarasvatyai pacyasva
indrāya sutrāmṇe pacyasva
punātu te parisrutaṃ somaṃ sūryasya duhitā
vāreṇa śaśvatā tanā
Sanskrit only: no published translation is held for this verse.
वायुः पूतः पवित्रेण प्रत्यङ् सोमो अतिद्रुतः
इन्द्रस्य युज्यस् सखा
vāyuḥ pūtaḥ pavitreṇa pratyaṅ somo atidrutaḥ
indrasya yujyas sakhā
Sanskrit only: no published translation is held for this verse.
कुविद् अङ्ग यवमन्तो यवं चिद् यथा दान्त्य् अनुपूर्वं वियूय
इहेहैषां कृणुत भोजनानि ये बर्हिषो नमोवृक्तिं न जग्मुः
kuvid aṅga yavamanto yavaṃ cid yathā dānty anupūrvaṃ viyūya
ihehaiṣāṃ kṛṇuta bhojanāni ye barhiṣo namovṛktiṃ na jagmuḥ
Sanskrit only: no published translation is held for this verse.
उपयामगृहीतो ऽसि
अच्छिद्रां त्वाच्छिद्रेणाश्विभ्यां जुष्टां गृह्णामि
एष ते योनिः
अश्विभ्यां त्वा
उपयामगृहीतो ऽसि
अच्छिद्रां त्वाच्छिद्रेण सरस्वत्यै जुष्टां गृह्णामि
एष ते योनिः
सरस्वत्यै त्वा
उपयामगृहीतो ऽसि
अच्छिद्रां त्वाच्छिद्रेणेन्द्राय सुत्राम्णे जुष्टां गृह्णामि
एष ते योनिः
इन्द्राय त्वा सुत्राम्णे
स्वाद्वीं त्वा स्वादुनेति
ब्रह्मणैवैनां संसृजति
तिस्रो रात्रीस् संसृष्टा वसति
तिस्रो हि रात्रीस् सोमः क्रीतो वसति
अश्विभ्यां पच्यस्व सरस्वत्यै पच्यस्वेन्द्राय सुत्राम्णे पच्यस्वेति
एताभ्यो ह्य् एषा देवताभ्यः पच्यते
वायुः पूतः पवित्रेणेति
व्यृद्धस्यातिपवितस्यैतया पुनीयात्
एका पुरोरुक्
एकधैवास्मिन् वीर्यं दधाति
अनिरुक्ता प्राजापत्या
अनिरुक्तः प्रजापतिः
प्रजापतिम् एवाप्नोति
upayāmagṛhīto 'si
acchidrāṃ tvācchidreṇāśvibhyāṃ juṣṭāṃ gṛhṇāmi
eṣa te yoniḥ
aśvibhyāṃ tvā
upayāmagṛhīto 'si
acchidrāṃ tvācchidreṇa sarasvatyai juṣṭāṃ gṛhṇāmi
eṣa te yoniḥ
sarasvatyai tvā
upayāmagṛhīto 'si
acchidrāṃ tvācchidreṇendrāya sutrāmṇe juṣṭāṃ gṛhṇāmi
eṣa te yoniḥ
indrāya tvā sutrāmṇe
svādvīṃ tvā svāduneti
brahmaṇaivaināṃ saṃsṛjati
tisro rātrīs saṃsṛṣṭā vasati
tisro hi rātrīs somaḥ krīto vasati
aśvibhyāṃ pacyasva sarasvatyai pacyasvendrāya sutrāmṇe pacyasveti
etābhyo hy eṣā devatābhyaḥ pacyate
vāyuḥ pūtaḥ pavitreṇeti
vyṛddhasyātipavitasyaitayā punīyāt
ekā puroruk
ekadhaivāsmin vīryaṃ dadhāti
aniruktā prājāpatyā
aniruktaḥ prajāpatiḥ
prajāpatim evāpnoti
Sanskrit only: no published translation is held for this verse.