Kāṭhaka Saṃhitā (Kṛṣṇa Yajurveda; in part) 19.1

ओम्

om

Sanskrit only: no published translation is held for this verse.

सावित्रैर् अभ्रिम् आदत्ते प्रसूत्यै

sāvitrair abhrim ādatte prasūtyai

Sanskrit only: no published translation is held for this verse.

इयं वै गायत्री

iyaṃ vai gāyatrī

Sanskrit only: no published translation is held for this verse.

अन्तरिक्षं त्रिष्टुप्

antarikṣaṃ triṣṭup

Sanskrit only: no published translation is held for this verse.

द्यौर् जगती

dyaur jagatī

Sanskrit only: no published translation is held for this verse.

दिशो ऽनुष्टुप्

diśo 'nuṣṭup

Sanskrit only: no published translation is held for this verse.

छन्दोभिर् एवैनाम् एभ्यो लोकेभ्य आवर्तयति

chandobhir evainām ebhyo lokebhya āvartayati

Sanskrit only: no published translation is held for this verse.

उभयतःक्ष्णुद् भवति

ubhayataḥkṣṇud bhavati

Sanskrit only: no published translation is held for this verse.

अन्यतःक्ष्णुतेन् न्वै फालेनेयद् अन्नं क्रियते

anyataḥkṣṇuten nvai phāleneyad annaṃ kriyate

Sanskrit only: no published translation is held for this verse.

अन्नम् अर्कः

annam arkaḥ

Sanskrit only: no published translation is held for this verse.

अर्को ऽग्निर् अन्नस्यार्कस्यावरुद्ध्यै

arko 'gnir annasyārkasyāvaruddhyai

Sanskrit only: no published translation is held for this verse.

अरत्निमात्रीं कुर्यात्

aratnimātrīṃ kuryāt

Sanskrit only: no published translation is held for this verse.

पुरुषेण वै यज्ञस् संमितः

puruṣeṇa vai yajñas saṃmitaḥ

Sanskrit only: no published translation is held for this verse.

यज्ञपुरुषा संमिताम्

yajñapuruṣā saṃmitām

Sanskrit only: no published translation is held for this verse.

व्याममात्रीं कुर्यात्

vyāmamātrīṃ kuryāt

Sanskrit only: no published translation is held for this verse.

एतावद् वै पुरुषे वीर्यम्

etāvad vai puruṣe vīryam

Sanskrit only: no published translation is held for this verse.

वीर्येण संमिताम्

vīryeṇa saṃmitām

Sanskrit only: no published translation is held for this verse.

अपरिमितां कुर्याद् अपरिमितस्यावरुद्ध्यै

aparimitāṃ kuryād aparimitasyāvaruddhyai

Sanskrit only: no published translation is held for this verse.

यो वृक्षः फलग्रहिस् तस्य कुर्यात्

yo vṛkṣaḥ phalagrahis tasya kuryāt

Sanskrit only: no published translation is held for this verse.

एष वै वनस्पतीनां वीर्यावत्तमः सवीर्यत्वाय

eṣa vai vanaspatīnāṃ vīryāvattamaḥ savīryatvāya

Sanskrit only: no published translation is held for this verse.

कल्माषीं वैणवीं सुषिरां कुर्यात्

kalmāṣīṃ vaiṇavīṃ suṣirāṃ kuryāt

Sanskrit only: no published translation is held for this verse.

अग्निर् वै देवेभ्यो ऽपाक्रामत्

agnir vai devebhyo 'pākrāmat

Sanskrit only: no published translation is held for this verse.

स वेणुं प्राविशत्

sa veṇuṃ prāviśat

Sanskrit only: no published translation is held for this verse.

स एतानि वर्माण्य् अनह्यत यानि परूंषि

sa etāni varmāṇy anahyata yāni parūṃṣi

Sanskrit only: no published translation is held for this verse.

एतं लोकम् अन्वचरद् यत् सुषिरः

etaṃ lokam anvacarad yat suṣiraḥ

Sanskrit only: no published translation is held for this verse.

स यत्रयत्रावसत् तन् निरदहत् तत् कल्माषम् अभवत्

sa yatrayatrāvasat tan niradahat tat kalmāṣam abhavat

Sanskrit only: no published translation is held for this verse.

यत् कल्माषी वैणवी सुषिरा भवति सा ह्य् आग्नेयीतमा समृद्ध्यै

yat kalmāṣī vaiṇavī suṣirā bhavati sā hy āgneyītamā samṛddhyai

Sanskrit only: no published translation is held for this verse.

अथो यद् एवास्यात्र न्यक्तं तस्यावरुद्ध्यै

atho yad evāsyātra nyaktaṃ tasyāvaruddhyai

Sanskrit only: no published translation is held for this verse.