Kāṭhaka Saṃhitā (Kṛṣṇa Yajurveda; in part) 19.5

अपो देवीर् उप सृज मधुमतीर् इत्य् ओषधीनां प्रतिष्ठित्यै

apo devīr upa sṛja madhumatīr ity oṣadhīnāṃ pratiṣṭhityai

Sanskrit only: no published translation is held for this verse.

तासाम् आस्थानाद् उज्जिहताम् ओषधयस् सुपिप्पला इति तस्माद् ओषधयः फलं गृह्णन्ति

tāsām āsthānād ujjihatām oṣadhayas supippalā iti tasmād oṣadhayaḥ phalaṃ gṛhṇanti

Sanskrit only: no published translation is held for this verse.

सं ते वायुर् मातरिश्वा दधात्व् इति तस्माद् वायुर् वृष्टिं वहति

saṃ te vāyur mātariśvā dadhātv iti tasmād vāyur vṛṣṭiṃ vahati

Sanskrit only: no published translation is held for this verse.

प्राणो वै वायुः

prāṇo vai vāyuḥ

Sanskrit only: no published translation is held for this verse.

प्राणम् एवास्मिन् दधाति

prāṇam evāsmin dadhāti

Sanskrit only: no published translation is held for this verse.

तस्मै देव वषड् अस्तु तुभ्यम् इति

tasmai deva vaṣaḍ astu tubhyam iti

Sanskrit only: no published translation is held for this verse.

षड् वा ऋतवः

ṣaḍ vā ṛtavaḥ

Sanskrit only: no published translation is held for this verse.

ऋतुष्व् एव वृष्टिं दधाति

ṛtuṣv eva vṛṣṭiṃ dadhāti

Sanskrit only: no published translation is held for this verse.

तस्माद् ऋतुमृतुं वर्षति

tasmād ṛtumṛtuṃ varṣati

Sanskrit only: no published translation is held for this verse.

यत् प्रत्यक्षं वषट्कुर्याद् यातयामा वषट्कारस् स्यात्

yat pratyakṣaṃ vaṣaṭkuryād yātayāmā vaṣaṭkāras syāt

Sanskrit only: no published translation is held for this verse.

यन् न वषट्कुर्याद् रक्षांसि यज्ञं हन्युः

yan na vaṣaṭkuryād rakṣāṃsi yajñaṃ hanyuḥ

Sanskrit only: no published translation is held for this verse.

तस्मै देव वषड् अस्तु तुभ्यम् इति

tasmai deva vaṣaḍ astu tubhyam iti

Sanskrit only: no published translation is held for this verse.

परोक्षं न यातयामा वषट्कारो भवति

parokṣaṃ na yātayāmā vaṣaṭkāro bhavati

Sanskrit only: no published translation is held for this verse.

न रक्षांसि यज्ञं घ्नन्ति

na rakṣāṃsi yajñaṃ ghnanti

Sanskrit only: no published translation is held for this verse.

यद् आज्येन जुहुयाच्छुचा पृथिवीम् अर्पयेत्

yad ājyena juhuyācchucā pṛthivīm arpayet

Sanskrit only: no published translation is held for this verse.

अपो निनयति शान्त्या अनुद्दाहाय

apo ninayati śāntyā anuddāhāya

Sanskrit only: no published translation is held for this verse.

सुजातो ज्योतिषेति एतर्हि वा एष जायते यर्हि संभ्रियते

sujāto jyotiṣeti etarhi vā eṣa jāyate yarhi saṃbhriyate

Sanskrit only: no published translation is held for this verse.

जात एवास्मिञ् ज्योतिर् दधाति

jāta evāsmiñ jyotir dadhāti

Sanskrit only: no published translation is held for this verse.

शर्म वरूथम् आसदत् स्वर् इति ब्रह्म वै शर्म वरूथम्

śarma varūtham āsadat svar iti brahma vai śarma varūtham

Sanskrit only: no published translation is held for this verse.

ब्रह्मण्य् एवैनं प्रतिष्ठापयति

brahmaṇy evainaṃ pratiṣṭhāpayati

Sanskrit only: no published translation is held for this verse.

वासो अग्ने विश्वरूपं संव्ययस्व विभावस इति छन्दांसि वा अग्नेर् वासः

vāso agne viśvarūpaṃ saṃvyayasva vibhāvasa iti chandāṃsi vā agner vāsaḥ

Sanskrit only: no published translation is held for this verse.

छन्दोभिर् एवैनं परिदधाति

chandobhir evainaṃ paridadhāti

Sanskrit only: no published translation is held for this verse.

अनुष्टुब् वा अग्नेः प्रिया तनूः

anuṣṭub vā agneḥ priyā tanūḥ

Sanskrit only: no published translation is held for this verse.

प्रिययैवैनं तन्वा परिदधाति

priyayaivainaṃ tanvā paridadhāti

Sanskrit only: no published translation is held for this verse.

वेदुको वासो भवति य एवं वेद

veduko vāso bhavati ya evaṃ veda

Sanskrit only: no published translation is held for this verse.

वरुणमेनिर् वा एष उपनद्धः

varuṇamenir vā eṣa upanaddhaḥ

Sanskrit only: no published translation is held for this verse.

उद् उ तिष्ठ स्वध्वरोर्ध्व ऊ षु ण ऊतय इत्य् ऊर्ध्वाम् एव वरुणमेनिम् उत्सुवति

ud u tiṣṭha svadhvarordhva ū ṣu ṇa ūtaya ity ūrdhvām eva varuṇamenim utsuvati

Sanskrit only: no published translation is held for this verse.

द्वाभ्याम्

dvābhyām

Sanskrit only: no published translation is held for this verse.

द्विपाद् यजमानः प्रतिष्ठित्यै

dvipād yajamānaḥ pratiṣṭhityai

Sanskrit only: no published translation is held for this verse.

स जातो गर्भो असि रोदस्योर् इतीमे वै रोदसी

sa jāto garbho asi rodasyor itīme vai rodasī

Sanskrit only: no published translation is held for this verse.

अनयोर् एष गर्भः

anayor eṣa garbhaḥ

Sanskrit only: no published translation is held for this verse.

अनयोर् एवैनं प्रतिष्ठापयति

anayor evainaṃ pratiṣṭhāpayati

Sanskrit only: no published translation is held for this verse.

अग्ने चारुर् विभृत ओषधीष्व् इति तस्माद् अग्निस् सर्वा अन्व् ओषधीः

agne cārur vibhṛta oṣadhīṣv iti tasmād agnis sarvā anv oṣadhīḥ

Sanskrit only: no published translation is held for this verse.

प्र मातृभ्यो अधि कनिक्रदद् गा इत्य् ओषधयो वा एतस्य मातरः

pra mātṛbhyo adhi kanikradad gā ity oṣadhayo vā etasya mātaraḥ

Sanskrit only: no published translation is held for this verse.

ताभ्य एवैनम् अधिप्रणयति

tābhya evainam adhipraṇayati

Sanskrit only: no published translation is held for this verse.

स्थिरो भव वीड्वङ्ग इति गर्दभ एव स्थेमानं दधाति

sthiro bhava vīḍvaṅga iti gardabha eva sthemānaṃ dadhāti

Sanskrit only: no published translation is held for this verse.

तस्माद् एष पशूनां भारभारितमः

tasmād eṣa paśūnāṃ bhārabhāritamaḥ

Sanskrit only: no published translation is held for this verse.

शिवो भव प्रजाभ्यो मानुषीभ्यस् त्वम् अङ्गिर इत्य् अभि वा एष एतर्हि प्रजाश् शोचयति शान्त्यै

śivo bhava prajābhyo mānuṣībhyas tvam aṅgira ity abhi vā eṣa etarhi prajāś śocayati śāntyai

Sanskrit only: no published translation is held for this verse.

मा द्यावापृथिवी अभिशुचो मान्तरिक्षं मा वनस्पतीन् इत्य् एभ्य एवैनं लोकेभ्यश् शमयति

mā dyāvāpṛthivī abhiśuco māntarikṣaṃ mā vanaspatīn ity ebhya evainaṃ lokebhyaś śamayati

Sanskrit only: no published translation is held for this verse.

प्रैतु वाजी कनिक्रदद् इति समष्ट्यै

praitu vājī kanikradad iti samaṣṭyai

Sanskrit only: no published translation is held for this verse.

मा पाद्य् आयुषः पुरेति आयुर् एवास्मिन् दधाति

mā pādy āyuṣaḥ pureti āyur evāsmin dadhāti

Sanskrit only: no published translation is held for this verse.

तस्माद् गर्दभस् सर्वम् आयुर् एति

tasmād gardabhas sarvam āyur eti

Sanskrit only: no published translation is held for this verse.

तस्माद् गर्दभे प्रमीते बिभ्यति

tasmād gardabhe pramīte bibhyati

Sanskrit only: no published translation is held for this verse.

वृषाग्निं वृषणं भरन्न् इति वृषा ह्य् एष वृषाणं भरति

vṛṣāgniṃ vṛṣaṇaṃ bharann iti vṛṣā hy eṣa vṛṣāṇaṃ bharati

Sanskrit only: no published translation is held for this verse.

अपां गर्भं समुद्रियम् इत्य् अपां ह्य् एष गर्भस् समुद्रियः

apāṃ garbhaṃ samudriyam ity apāṃ hy eṣa garbhas samudriyaḥ

Sanskrit only: no published translation is held for this verse.

अग्न आयाहि वीतय इत्य् अग्निना वै देवा इदम् अग्रे व्यायन् वीत्यै

agna āyāhi vītaya ity agninā vai devā idam agre vyāyan vītyai

Sanskrit only: no published translation is held for this verse.

प्रच्युतो वा एष एतर्ह्य् आयतनाद् अगतः प्रतिष्ठां स यजमानं चैवाध्वर्युं च ध्यायति

pracyuto vā eṣa etarhy āyatanād agataḥ pratiṣṭhāṃ sa yajamānaṃ caivādhvaryuṃ ca dhyāyati

Sanskrit only: no published translation is held for this verse.

ऋतं सत्यम् ऋतं सत्यम् इतीयं वा ऋतम्

ṛtaṃ satyam ṛtaṃ satyam itīyaṃ vā ṛtam

Sanskrit only: no published translation is held for this verse.

असौ सत्यम्

asau satyam

Sanskrit only: no published translation is held for this verse.

अनयोर् एवैनं प्रतिष्ठापयति

anayor evainaṃ pratiṣṭhāpayati

Sanskrit only: no published translation is held for this verse.

ओषधयः प्रतिगृह्णीताग्निम् एतं शिवम् आयन्तम् अभ्य् अत्र युष्मान् इत्य् ओषधयो वा एतस्य भागधेयम्

oṣadhayaḥ pratigṛhṇītāgnim etaṃ śivam āyantam abhy atra yuṣmān ity oṣadhayo vā etasya bhāgadheyam

Sanskrit only: no published translation is held for this verse.

ताभिर् एवैनं सम्यञ्चं दधाति

tābhir evainaṃ samyañcaṃ dadhāti

Sanskrit only: no published translation is held for this verse.

अथो याभ्य एनं प्रच्यावयति तास्व् एनं प्रतिष्ठापयति

atho yābhya enaṃ pracyāvayati tāsv enaṃ pratiṣṭhāpayati

Sanskrit only: no published translation is held for this verse.

पुष्पवतीस् सुपिप्पला इति तस्माद् ओषधयः फलं गृह्णन्ति

puṣpavatīs supippalā iti tasmād oṣadhayaḥ phalaṃ gṛhṇanti

Sanskrit only: no published translation is held for this verse.

द्वाभ्याम् उपावहरति

dvābhyām upāvaharati

Sanskrit only: no published translation is held for this verse.

द्विपाद् यजमानः प्रतिष्ठित्यै

dvipād yajamānaḥ pratiṣṭhityai

Sanskrit only: no published translation is held for this verse.

वि पाजसेति विस्रंसयति

vi pājaseti visraṃsayati

Sanskrit only: no published translation is held for this verse.

वरुणमेनिम् एव विष्यति

varuṇamenim eva viṣyati

Sanskrit only: no published translation is held for this verse.

आपो हि ष्ठा मयोभुव इत्य् अप उपसृजति

āpo hi ṣṭhā mayobhuva ity apa upasṛjati

Sanskrit only: no published translation is held for this verse.

आपश् शान्ताः

āpaś śāntāḥ

Sanskrit only: no published translation is held for this verse.

शान्ताभिर् एवास्य शुचं शमयति

śāntābhir evāsya śucaṃ śamayati

Sanskrit only: no published translation is held for this verse.

तिसृभिः

tisṛbhiḥ

Sanskrit only: no published translation is held for this verse.

त्रिवृद् वा अग्निः

trivṛd vā agniḥ

Sanskrit only: no published translation is held for this verse.

यावान् एवाग्निस् तस्य शुचं शमयति

yāvān evāgnis tasya śucaṃ śamayati

Sanskrit only: no published translation is held for this verse.

अजलोमैस् संसृजति

ajalomais saṃsṛjati

Sanskrit only: no published translation is held for this verse.

एषा वा अग्नेः प्रिया तनूर् यद् अजा

eṣā vā agneḥ priyā tanūr yad ajā

Sanskrit only: no published translation is held for this verse.

प्रिययैवैनं तन्वा संसृजति

priyayaivainaṃ tanvā saṃsṛjati

Sanskrit only: no published translation is held for this verse.

शर्कराभिः

śarkarābhiḥ

Sanskrit only: no published translation is held for this verse.

धृत्यै

dhṛtyai

Sanskrit only: no published translation is held for this verse.

अर्म्यैः कपालैस् संसृजति

armyaiḥ kapālais saṃsṛjati

Sanskrit only: no published translation is held for this verse.

आरण्यान् एव पशूञ् शुचार्पयति

āraṇyān eva paśūñ śucārpayati

Sanskrit only: no published translation is held for this verse.

यद् ग्राम्यैस् संसृजेद् ग्राम्यान् पशूञ् शुचार्पयेत्

yad grāmyais saṃsṛjed grāmyān paśūñ śucārpayet

Sanskrit only: no published translation is held for this verse.

तस्माद् एते समावत् पशूनां प्रजायमानानां कनिष्ठाः

tasmād ete samāvat paśūnāṃ prajāyamānānāṃ kaniṣṭhāḥ

Sanskrit only: no published translation is held for this verse.

शुचा ह्य् एत ऋताः

śucā hy eta ṛtāḥ

Sanskrit only: no published translation is held for this verse.