Kāṭhaka Saṃhitā (Kṛṣṇa Yajurveda; in part) 19.8

अथैते ऽग्निभ्यः कामेभ्यः पशव आलभ्यन्ते

athaite 'gnibhyaḥ kāmebhyaḥ paśava ālabhyante

Sanskrit only: no published translation is held for this verse.

कामा वा अग्नयः

kāmā vā agnayaḥ

Sanskrit only: no published translation is held for this verse.

सर्वान् एवैतैः कामान् अभिजयति

sarvān evaitaiḥ kāmān abhijayati

Sanskrit only: no published translation is held for this verse.

सर्वान् कामान् स्पृणोति

sarvān kāmān spṛṇoti

Sanskrit only: no published translation is held for this verse.

यत् पशून् नालभेतानवरुद्धा अस्य पशवस् स्युः

yat paśūn nālabhetānavaruddhā asya paśavas syuḥ

Sanskrit only: no published translation is held for this verse.

यत् संस्थापयेद् यातयामानि शीर्षाणि स्युः

yat saṃsthāpayed yātayāmāni śīrṣāṇi syuḥ

Sanskrit only: no published translation is held for this verse.

यन् न संस्थापयेद् यज्ञं विच्छिन्द्यात्

yan na saṃsthāpayed yajñaṃ vicchindyāt

Sanskrit only: no published translation is held for this verse.

यत् पशून् आलभते तेनैव पशून् अवरुन्द्धे

yat paśūn ālabhate tenaiva paśūn avarunddhe

Sanskrit only: no published translation is held for this verse.

यत् पर्यग्निकृतान् उत्सृजति शीर्ष्णाम् अयातयामत्वाय

yat paryagnikṛtān utsṛjati śīrṣṇām ayātayāmatvāya

Sanskrit only: no published translation is held for this verse.

एकेन संस्थापयति यज्ञस्य संतत्या अविच्छेदाय

ekena saṃsthāpayati yajñasya saṃtatyā avicchedāya

Sanskrit only: no published translation is held for this verse.

प्राजापत्येन

prājāpatyena

Sanskrit only: no published translation is held for this verse.

यज्ञो वै प्रजापतिः

yajño vai prajāpatiḥ

Sanskrit only: no published translation is held for this verse.

यज्ञ एव यज्ञं प्रतिष्ठापयति

yajña eva yajñaṃ pratiṣṭhāpayati

Sanskrit only: no published translation is held for this verse.

न यज्ञं विच्छिनत्ति

na yajñaṃ vicchinatti

Sanskrit only: no published translation is held for this verse.

ऐन्द्रा वा एते पशवो ये मुष्कराः

aindrā vā ete paśavo ye muṣkarāḥ

Sanskrit only: no published translation is held for this verse.

यद् ऐन्द्रास् सन्तो ऽग्निभ्य आलभ्यन्ते देवताभ्यस् समदं करोति

yad aindrās santo 'gnibhya ālabhyante devatābhyas samadaṃ karoti

Sanskrit only: no published translation is held for this verse.

आग्नेयीस् त्रिष्टुभो याज्यानुवाक्याः कुर्यात्

āgneyīs triṣṭubho yājyānuvākyāḥ kuryāt

Sanskrit only: no published translation is held for this verse.

ऐन्द्रीर् वै त्रिष्टुभः

aindrīr vai triṣṭubhaḥ

Sanskrit only: no published translation is held for this verse.

तेनैवैन्द्राः क्रियन्ते

tenaivaindrāḥ kriyante

Sanskrit only: no published translation is held for this verse.

न देवताभ्यस् समदं करोति

na devatābhyas samadaṃ karoti

Sanskrit only: no published translation is held for this verse.

अथैष वायव्यश् श्वेतस् तूपरः

athaiṣa vāyavyaś śvetas tūparaḥ

Sanskrit only: no published translation is held for this verse.

सर्वान् वा एष पशून् प्रत्य् आलभ्यते

sarvān vā eṣa paśūn praty ālabhyate

Sanskrit only: no published translation is held for this verse.

यत् तूपरो ऽश्वं तेन पशूनां प्रत्य् आलभ्यते

yat tūparo 'śvaṃ tena paśūnāṃ praty ālabhyate

Sanskrit only: no published translation is held for this verse.

यच्छ्मश्रुणः पुरुषं तेन

yacchmaśruṇaḥ puruṣaṃ tena

Sanskrit only: no published translation is held for this verse.

यद् अष्टाशफो ऽष्टाशफान् पशूंस् तेन

yad aṣṭāśapho 'ṣṭāśaphān paśūṃs tena

Sanskrit only: no published translation is held for this verse.

नियुत्वती याज्यानुवाक्ये कुर्याद् यजमानस्य धृत्या अनुन्मादाय

niyutvatī yājyānuvākye kuryād yajamānasya dhṛtyā anunmādāya

Sanskrit only: no published translation is held for this verse.

यन् न नियुत्वती स्याताम् उद् वा माद्येद् यजमानः प्र वा पतेत्

yan na niyutvatī syātām ud vā mādyed yajamānaḥ pra vā patet

Sanskrit only: no published translation is held for this verse.

वायुमती शुक्रवती

vāyumatī śukravatī

Sanskrit only: no published translation is held for this verse.

वायुर् वा अग्नेस् तेजः

vāyur vā agnes tejaḥ

Sanskrit only: no published translation is held for this verse.

तस्माद् यद्रियङ् वातो वाति तद् अग्निर् अन्वेति

tasmād yadriyaṅ vāto vāti tad agnir anveti

Sanskrit only: no published translation is held for this verse.

स्वम् एव तत् तेजो ऽन्वेति

svam eva tat tejo 'nveti

Sanskrit only: no published translation is held for this verse.

वायुर् वै पशूनां प्रियं धाम

vāyur vai paśūnāṃ priyaṃ dhāma

Sanskrit only: no published translation is held for this verse.

प्राणो वायुः

prāṇo vāyuḥ

Sanskrit only: no published translation is held for this verse.

यद् वायव्य एतम् एवैनम् अभिसंजानानाः पशव उपतिष्ठन्ते

yad vāyavya etam evainam abhisaṃjānānāḥ paśava upatiṣṭhante

Sanskrit only: no published translation is held for this verse.

वायव्या कार्या३ प्राजापत्या३ इति मीमांसन्ते

vāyavyā kāryā3 prājāpatyā3 iti mīmāṃsante

Sanskrit only: no published translation is held for this verse.

यद् वायव्यां कुर्यात् प्रजापतेर् इयात्

yad vāyavyāṃ kuryāt prajāpater iyāt

Sanskrit only: no published translation is held for this verse.

यत् प्राजापत्यां वायोर् इयात्

yat prājāpatyāṃ vāyor iyāt

Sanskrit only: no published translation is held for this verse.

य एव कश् चाग्नौ पशुर् आलभ्यते तस्याग्नये वैश्वानराय पुरोडाशं कुर्यात्

ya eva kaś cāgnau paśur ālabhyate tasyāgnaye vaiśvānarāya puroḍāśaṃ kuryāt

Sanskrit only: no published translation is held for this verse.

यद् वायव्यः पशुस् तेन वायोर् नैति

yad vāyavyaḥ paśus tena vāyor naiti

Sanskrit only: no published translation is held for this verse.

यत् प्राजापत्यः पुरोडाशस् तेन प्रजापतेर् नैति

yat prājāpatyaḥ puroḍāśas tena prajāpater naiti

Sanskrit only: no published translation is held for this verse.

यद् द्वादशकपालो द्वादशमासस् संवत्सरस् संवत्सरो ऽग्निर् वैश्वानरः

yad dvādaśakapālo dvādaśamāsas saṃvatsaras saṃvatsaro 'gnir vaiśvānaraḥ

Sanskrit only: no published translation is held for this verse.

तेन वैश्वानरत्वान् नैति

tena vaiśvānaratvān naiti

Sanskrit only: no published translation is held for this verse.