Library·Kāṭhaka Saṃhitā (Kṛṣṇa Yajurveda; in part)·20·20.6
यां वा अविद्वान् अध्वर्युर् इष्टकां प्रथमाम् उपदधाति तया यजमानस्य प्राणम् अपिदधाति प्रजायाश् च पशूनां च
yāṃ vā avidvān adhvaryur iṣṭakāṃ prathamām upadadhāti tayā yajamānasya prāṇam apidadhāti prajāyāś ca paśūnāṃ ca
Sanskrit only: no published translation is held for this verse.
स्वयमातृण्णा भवति प्राणानाम् उत्सृष्ट्यै स्वर्गस्य लोकस्यानुक्शात्यै
svayamātṛṇṇā bhavati prāṇānām utsṛṣṭyai svargasya lokasyānukśātyai
Sanskrit only: no published translation is held for this verse.
प्राजापत्यो ऽश्वः
prājāpatyo 'śvaḥ
Sanskrit only: no published translation is held for this verse.
यद् अश्वम् उपघ्रापयति प्रजापतिनैवैनं चिनुते
yad aśvam upaghrāpayati prajāpatinaivainaṃ cinute
Sanskrit only: no published translation is held for this verse.
इयं वै स्वयमातृण्णा
iyaṃ vai svayamātṛṇṇā
Sanskrit only: no published translation is held for this verse.
इमाम् एवैतद् उपधत्ते
imām evaitad upadhatte
Sanskrit only: no published translation is held for this verse.
यदि मन्येत पूर्वो मातिक्रान्तो भ्रातृव्य इति प्राचीम् उदूहेत्
yadi manyeta pūrvo mātikrānto bhrātṛvya iti prācīm udūhet
Sanskrit only: no published translation is held for this verse.
य एवैनं पूर्वो ऽतिक्रान्तो भ्रातृव्यस् तम् अनया प्रणुदते
ya evainaṃ pūrvo 'tikrānto bhrātṛvyas tam anayā praṇudate
Sanskrit only: no published translation is held for this verse.
यदि मन्येत पश्चान् मे भ्रातृव्य इति प्रतीचीम् अपोहेत्
yadi manyeta paścān me bhrātṛvya iti pratīcīm apohet
Sanskrit only: no published translation is held for this verse.
य एवास्य पश्चाद् भ्रातृव्यस् तम् अनयापनुदते
ya evāsya paścād bhrātṛvyas tam anayāpanudate
Sanskrit only: no published translation is held for this verse.
प्र श्रेयांसं भ्रातृव्यं नुदते
pra śreyāṃsaṃ bhrātṛvyaṃ nudate
Sanskrit only: no published translation is held for this verse.
प्रति पापीयांसं नुदते
prati pāpīyāṃsaṃ nudate
Sanskrit only: no published translation is held for this verse.
यदि मन्येत सदृङ् मयेति विचालयेत्
yadi manyeta sadṛṅ mayeti vicālayet
Sanskrit only: no published translation is held for this verse.
या वा इयं प्रजा व्यधूनुत परा ता अभवन्
yā vā iyaṃ prajā vyadhūnuta parā tā abhavan
Sanskrit only: no published translation is held for this verse.
इयम् एवैनं विधूनुते
iyam evainaṃ vidhūnute
Sanskrit only: no published translation is held for this verse.
अथैषा दूर्वेष्टका
athaiṣā dūrveṣṭakā
Sanskrit only: no published translation is held for this verse.
पशुर् वा अग्निः
paśur vā agniḥ
Sanskrit only: no published translation is held for this verse.
न पशव आयवसे रमन्ते
na paśava āyavase ramante
Sanskrit only: no published translation is held for this verse.
पशुभ्य एवैतद् आयतनं करोति पशूनां धृत्यै
paśubhya evaitad āyatanaṃ karoti paśūnāṃ dhṛtyai
Sanskrit only: no published translation is held for this verse.
काण्डात् काण्डात् प्ररोहन्तीति प्रतिष्ठित्यै
kāṇḍāt kāṇḍāt prarohantīti pratiṣṭhityai
Sanskrit only: no published translation is held for this verse.
सहस्रेण शतेन चेति
sahasreṇa śatena ceti
Sanskrit only: no published translation is held for this verse.
सहस्रवती प्रजापतिना संमिता
sahasravatī prajāpatinā saṃmitā
Sanskrit only: no published translation is held for this verse.
गच्छति साहस्रीं पुष्टिं पशूनां य एवं विद्वान् एताम् उपधत्ते
gacchati sāhasrīṃ puṣṭiṃ paśūnāṃ ya evaṃ vidvān etām upadhatte
Sanskrit only: no published translation is held for this verse.
अथैषा वामभृत्
athaiṣā vāmabhṛt
Sanskrit only: no published translation is held for this verse.
एतया वै देवा असुराणां वामं पशून् अवृञ्जत
etayā vai devā asurāṇāṃ vāmaṃ paśūn avṛñjata
Sanskrit only: no published translation is held for this verse.
वामम् एवैतया पशून् भ्रातृव्यस्य वृङ्क्ते
vāmam evaitayā paśūn bhrātṛvyasya vṛṅkte
Sanskrit only: no published translation is held for this verse.
द्वियजुर् भवति
dviyajur bhavati
Sanskrit only: no published translation is held for this verse.
भ्रातृव्यलोकम् एव द्वियजुषा वृङ्क्ते
bhrātṛvyalokam eva dviyajuṣā vṛṅkte
Sanskrit only: no published translation is held for this verse.
द्वितीये हि लोके भ्रातृव्यः
dvitīye hi loke bhrātṛvyaḥ
Sanskrit only: no published translation is held for this verse.
हिरण्यशीर्ष्णी भवति
hiraṇyaśīrṣṇī bhavati
Sanskrit only: no published translation is held for this verse.
हिरण्यज्योतिर् एव स्वर्गं लोकम् एति
hiraṇyajyotir eva svargaṃ lokam eti
Sanskrit only: no published translation is held for this verse.
प्रबाहुक् काचा आहतौ भवतः
prabāhuk kācā āhatau bhavataḥ
Sanskrit only: no published translation is held for this verse.
तस्मात् प्रबाहुग् अक्ष्यौ
tasmāt prabāhug akṣyau
Sanskrit only: no published translation is held for this verse.
अथैते रेतस्सिचौ
athaite retassicau
Sanskrit only: no published translation is held for this verse.
असौ वै स्वराट्
asau vai svarāṭ
Sanskrit only: no published translation is held for this verse.
इयं विराट्
iyaṃ virāṭ
Sanskrit only: no published translation is held for this verse.
उत्तानायां स्त्रियां पुमान् रेतस् सिञ्चति
uttānāyāṃ striyāṃ pumān retas siñcati
Sanskrit only: no published translation is held for this verse.
असा अस्यां रेतस् सिञ्चति
asā asyāṃ retas siñcati
Sanskrit only: no published translation is held for this verse.
इयं प्रजनयति
iyaṃ prajanayati
Sanskrit only: no published translation is held for this verse.
अग्निर् अत्ति
agnir atti
Sanskrit only: no published translation is held for this verse.
सरेतसम् अग्निं चिनुते
saretasam agniṃ cinute
Sanskrit only: no published translation is held for this verse.
प्रजायते ऽत्त्य् अन्नं य एवं विद्वान् एते उपधत्ते
prajāyate 'tty annaṃ ya evaṃ vidvān ete upadhatte
Sanskrit only: no published translation is held for this verse.
स्वराड् असीति दक्षिणत उपदधाति
svarāḍ asīti dakṣiṇata upadadhāti
Sanskrit only: no published translation is held for this verse.
तस्माद् दक्षिणतः पुमान् स्त्रियम् उपशये
tasmād dakṣiṇataḥ pumān striyam upaśaye
Sanskrit only: no published translation is held for this verse.
यदि पूर्ववयसे चिन्वीतोभे सह प्रथमायां चित्याम् उपदध्यात्
yadi pūrvavayase cinvītobhe saha prathamāyāṃ cityām upadadhyāt
Sanskrit only: no published translation is held for this verse.
समीची एवास्मै रेतस् सिञ्चतः
samīcī evāsmai retas siñcataḥ
Sanskrit only: no published translation is held for this verse.
अन्यतराम् उपदध्याद् यं द्विष्यात् तस्य
anyatarām upadadhyād yaṃ dviṣyāt tasya
Sanskrit only: no published translation is held for this verse.
रेतसैवैनं व्यर्धयति
retasaivainaṃ vyardhayati
Sanskrit only: no published translation is held for this verse.
यद्य् उत्तरवयसे चिन्वीत प्रथमायाम् अन्यां चित्याम् उपदध्याद् उत्तमायाम् अन्याम्
yady uttaravayase cinvīta prathamāyām anyāṃ cityām upadadhyād uttamāyām anyām
Sanskrit only: no published translation is held for this verse.
रेत एव सिक्तम् आभ्यां परिगृह्णाति
reta eva siktam ābhyāṃ parigṛhṇāti
Sanskrit only: no published translation is held for this verse.
ऋतव्ये उपदधात्य् ऋतूनां विधृत्यै
ṛtavye upadadhāty ṛtūnāṃ vidhṛtyai
Sanskrit only: no published translation is held for this verse.
द्वे द्वे उपदधाति
dve dve upadadhāti
Sanskrit only: no published translation is held for this verse.
द्वौ द्वौ ह्य् ऋतवः
dvau dvau hy ṛtavaḥ
Sanskrit only: no published translation is held for this verse.
अथैषा त्र्यालिखिता
athaiṣā tryālikhitā
Sanskrit only: no published translation is held for this verse.
देवाश् च वा असुराश् च समावद् एव यज्ञे ऽकुर्वत
devāś ca vā asurāś ca samāvad eva yajñe 'kurvata
Sanskrit only: no published translation is held for this verse.
यद् एव देवा अकुर्वत तद् असुरा अकुर्वत
yad eva devā akurvata tad asurā akurvata
Sanskrit only: no published translation is held for this verse.
ते देवा एतां त्र्यालिखिताम् अपश्यन्
te devā etāṃ tryālikhitām apaśyan
Sanskrit only: no published translation is held for this verse.
ताम् उत्तरलक्ष्माणम् उपादधत
tām uttaralakṣmāṇam upādadhata
Sanskrit only: no published translation is held for this verse.
तद् असुरा नान्ववायन्
tad asurā nānvavāyan
Sanskrit only: no published translation is held for this verse.
ततो देवा अभवन्
tato devā abhavan
Sanskrit only: no published translation is held for this verse.
परासुरा अभवन्
parāsurā abhavan
Sanskrit only: no published translation is held for this verse.
य एवं विद्वान् एताम् उत्तरलक्ष्माणम् उपधत्ते भ्रातृव्यस्यानन्ववायाय भवत्य् आत्मना परास्य भ्रातृव्यो भवति
ya evaṃ vidvān etām uttaralakṣmāṇam upadhatte bhrātṛvyasyānanvavāyāya bhavaty ātmanā parāsya bhrātṛvyo bhavati
Sanskrit only: no published translation is held for this verse.
अधरलक्ष्माणम् उपदध्याद् यं द्विष्यात् तस्य
adharalakṣmāṇam upadadhyād yaṃ dviṣyāt tasya
Sanskrit only: no published translation is held for this verse.
असुरयोनिम् एवैनम् अनुपराभावयति
asurayonim evainam anuparābhāvayati
Sanskrit only: no published translation is held for this verse.
इमे वै लोकास् त्र्यालिखिताः
ime vai lokās tryālikhitāḥ
Sanskrit only: no published translation is held for this verse.
इमान् एवैतया लोकान् आप्नोति
imān evaitayā lokān āpnoti
Sanskrit only: no published translation is held for this verse.
यस्या मृद उखां कुर्वन्ति तस्या एतां कुर्यात्
yasyā mṛda ukhāṃ kurvanti tasyā etāṃ kuryāt
Sanskrit only: no published translation is held for this verse.
तेनैवास्य सर्वा इष्टका ज्योतिष्मतीर् यजुष्मतीर् भवन्ति
tenaivāsya sarvā iṣṭakā jyotiṣmatīr yajuṣmatīr bhavanti
Sanskrit only: no published translation is held for this verse.