Kāṭhaka Saṃhitā (Kṛṣṇa Yajurveda; in part) 25.2

देवाश् च वा असुराश् च यज्ञे संयत्ता आसन्

devāś ca vā asurāś ca yajñe saṃyattā āsan

Sanskrit only: no published translation is held for this verse.

स यज्ञो ऽबिभेद् यतरे ऽभिजेष्यन्ति ते मा विमथिष्यन्त इति

sa yajño 'bibhed yatare 'bhijeṣyanti te mā vimathiṣyanta iti

Sanskrit only: no published translation is held for this verse.

स न्यलयत

sa nyalayata

Sanskrit only: no published translation is held for this verse.

तं देवा अभिजित्यान्वैच्छन्

taṃ devā abhijityānvaicchan

Sanskrit only: no published translation is held for this verse.

ते प्रबाहुग् इच्छन्त आयन्

te prabāhug icchanta āyan

Sanskrit only: no published translation is held for this verse.

तम् इन्द्र उपर्युपर्य् अत्यक्रामत्

tam indra uparyupary atyakrāmat

Sanskrit only: no published translation is held for this verse.

सो ऽब्रवीत् को मायम् उपर्युपर्य् अत्यक्रमीद् इति

so 'bravīt ko māyam uparyupary atyakramīd iti

Sanskrit only: no published translation is held for this verse.

अहम् एष कृच्छ्रे हन्तेति

aham eṣa kṛcchre hanteti

Sanskrit only: no published translation is held for this verse.

अथ कस् त्वम् इति

atha kas tvam iti

Sanskrit only: no published translation is held for this verse.

अहम् एष कृच्छ्राद् आहर्तेति

aham eṣa kṛcchrād āharteti

Sanskrit only: no published translation is held for this verse.

एमूषो नामायं वराह इत्य् अब्रवीत्

emūṣo nāmāyaṃ varāha ity abravīt

Sanskrit only: no published translation is held for this verse.

एकविंशत्याः पुराम् अश्ममयीनां पारे यत् किं चासुराणां वामं वसु तेन तिष्ठति तं जहि य एष कृच्छ्रे हन्तावोचथा इति

ekaviṃśatyāḥ purām aśmamayīnāṃ pāre yat kiṃ cāsurāṇāṃ vāmaṃ vasu tena tiṣṭhati taṃ jahi ya eṣa kṛcchre hantāvocathā iti

Sanskrit only: no published translation is held for this verse.

तम् इन्द्रो दाल्भूष्याभिविसृज्य पराभिनत्

tam indro dālbhūṣyābhivisṛjya parābhinat

Sanskrit only: no published translation is held for this verse.

सो ऽब्रवीद् एष हतस् तम् आहर य एष कृच्छ्राद् आहर्तावोचथा इति

so 'bravīd eṣa hatas tam āhara ya eṣa kṛcchrād āhartāvocathā iti

Sanskrit only: no published translation is held for this verse.

तं विष्णुर् अपासङ्ग आहरत्

taṃ viṣṇur apāsaṅga āharat

Sanskrit only: no published translation is held for this verse.

यज्ञो वै विष्णुः

yajño vai viṣṇuḥ

Sanskrit only: no published translation is held for this verse.

यज्ञेनैवैषां तद् यज्ञम् अवृञ्जत पशुभिः पशून् इन्द्रियेणेन्द्रियम्

yajñenaivaiṣāṃ tad yajñam avṛñjata paśubhiḥ paśūn indriyeṇendriyam

Sanskrit only: no published translation is held for this verse.

ततो देवा अभवन्

tato devā abhavan

Sanskrit only: no published translation is held for this verse.

परासुरा अभवन्

parāsurā abhavan

Sanskrit only: no published translation is held for this verse.

यज्ञो वै विष्णुः

yajño vai viṣṇuḥ

Sanskrit only: no published translation is held for this verse.

यज्ञेनैवैतद् यज्ञं भ्रातृव्यस्य वृङ्क्ते पशुभिः पशून् इन्द्रियेणेन्द्रियम्

yajñenaivaitad yajñaṃ bhrātṛvyasya vṛṅkte paśubhiḥ paśūn indriyeṇendriyam

Sanskrit only: no published translation is held for this verse.

भवत्य् आत्मना

bhavaty ātmanā

Sanskrit only: no published translation is held for this verse.

परास्य भ्रातृव्यो भवति

parāsya bhrātṛvyo bhavati

Sanskrit only: no published translation is held for this verse.

देवयजनम् इच्छन्ति

devayajanam icchanti

Sanskrit only: no published translation is held for this verse.

यज्ञम् एवेच्छन्ति

yajñam evecchanti

Sanskrit only: no published translation is held for this verse.

यद् विन्दन्ति यज्ञम् एव विन्दन्ति

yad vindanti yajñam eva vindanti

Sanskrit only: no published translation is held for this verse.

यद् उदीचीनं प्राचीनं प्रवणं स्यात् तस्मिन् यजेत यज्ञकामः

yad udīcīnaṃ prācīnaṃ pravaṇaṃ syāt tasmin yajeta yajñakāmaḥ

Sanskrit only: no published translation is held for this verse.

एवम् एव हि स यज्ञो ऽशयद् यज्ञस्यानुवित्त्यै

evam eva hi sa yajño 'śayad yajñasyānuvittyai

Sanskrit only: no published translation is held for this verse.

यत् समं प्रतिष्ठितं तस्मिन् यजेत गतश्रीः

yat samaṃ pratiṣṭhitaṃ tasmin yajeta gataśrīḥ

Sanskrit only: no published translation is held for this verse.

प्रतिष्ठा वा एतस्मा एष्टव्या यो गतश्रीः

pratiṣṭhā vā etasmā eṣṭavyā yo gataśrīḥ

Sanskrit only: no published translation is held for this verse.

एतद् भूम्याः प्रतिष्ठितं यत् समम्

etad bhūmyāḥ pratiṣṭhitaṃ yat samam

Sanskrit only: no published translation is held for this verse.

प्रतिष्ठाम् एवास्मै विन्दति

pratiṣṭhām evāsmai vindati

Sanskrit only: no published translation is held for this verse.

गच्छति प्रतिष्ठाम्

gacchati pratiṣṭhām

Sanskrit only: no published translation is held for this verse.

त्र्युन्नते यजेत भ्रातृव्यवान्

tryunnate yajeta bhrātṛvyavān

Sanskrit only: no published translation is held for this verse.

त्र्युन्नतेन वै विष्णुर् इमांल् लोकान् उदजयत्

tryunnatena vai viṣṇur imāṃl lokān udajayat

Sanskrit only: no published translation is held for this verse.

स एभ्यो लोकेभ्यो ऽसुरान् प्राणुदत

sa ebhyo lokebhyo 'surān prāṇudata

Sanskrit only: no published translation is held for this verse.

इमान् एव लोकान् उज्जयति

imān eva lokān ujjayati

Sanskrit only: no published translation is held for this verse.

एभ्यो लोकेभ्यो भ्रातृव्यं प्रणुदते

ebhyo lokebhyo bhrātṛvyaṃ praṇudate

Sanskrit only: no published translation is held for this verse.

यस्यैकधा मध्य उन्नतं स्यात् तस्मिन् यजेत स्वर्गकामः

yasyaikadhā madhya unnataṃ syāt tasmin yajeta svargakāmaḥ

Sanskrit only: no published translation is held for this verse.

अतो वै देवास् स्वर्गं लोकम् आयन् स्वर्गस्य लोकस्य समष्ट्यै

ato vai devās svargaṃ lokam āyan svargasya lokasya samaṣṭyai

Sanskrit only: no published translation is held for this verse.

यत्रौषधयो बह्वीर् अन्या अन्या इव स्युस् तस्मिन् यजेत पशुकामः

yatrauṣadhayo bahvīr anyā anyā iva syus tasmin yajeta paśukāmaḥ

Sanskrit only: no published translation is held for this verse.

ओषधयो वै पशवः

oṣadhayo vai paśavaḥ

Sanskrit only: no published translation is held for this verse.

भूमानम् एव पशूनाम् उपैति

bhūmānam eva paśūnām upaiti

Sanskrit only: no published translation is held for this verse.

यत्रौषधयः कृच्छ्रशः पर्यायशः परीयुस् तस्मिन् यजेत पशुकामः

yatrauṣadhayaḥ kṛcchraśaḥ paryāyaśaḥ parīyus tasmin yajeta paśukāmaḥ

Sanskrit only: no published translation is held for this verse.

अतो वै देवाः पशून् उदसृजन्त

ato vai devāḥ paśūn udasṛjanta

Sanskrit only: no published translation is held for this verse.

पशून् एवोत्सृजते

paśūn evotsṛjate

Sanskrit only: no published translation is held for this verse.

यद् ऋक्षम् अलोमकं तस्मिन् याजयेद् यं द्विष्यात्

yad ṛkṣam alomakaṃ tasmin yājayed yaṃ dviṣyāt

Sanskrit only: no published translation is held for this verse.

व्यृद्धं वा एतद् ओषधिभिर् यद् ऋक्षम् अलोमकम्

vyṛddhaṃ vā etad oṣadhibhir yad ṛkṣam alomakam

Sanskrit only: no published translation is held for this verse.

ओषधयः पशवः

oṣadhayaḥ paśavaḥ

Sanskrit only: no published translation is held for this verse.

पशुभिर् एवैनं व्यर्धयति

paśubhir evainaṃ vyardhayati

Sanskrit only: no published translation is held for this verse.

यत् समया देवयजनं पन्था विधावेत् तस्मिन् याजयेद् यं कामयेत

yat samayā devayajanaṃ panthā vidhāvet tasmin yājayed yaṃ kāmayeta

Sanskrit only: no published translation is held for this verse.

व्य् एनं प्रजया पशुभिश् छिन्द्याम् इति

vy enaṃ prajayā paśubhiś chindyām iti

Sanskrit only: no published translation is held for this verse.

एतद् वै विच्छिन्नं नाम देवयजनम्

etad vai vicchinnaṃ nāma devayajanam

Sanskrit only: no published translation is held for this verse.

व्य् एनं प्रजया पशुभिश् छिनत्ति

vy enaṃ prajayā paśubhiś chinatti

Sanskrit only: no published translation is held for this verse.

यद् अन्तरापश् च देवयजनं च पन्था विधावेत् तस्मिन् याजयेद् यं कामयेत

yad antarāpaś ca devayajanaṃ ca panthā vidhāvet tasmin yājayed yaṃ kāmayeta

Sanskrit only: no published translation is held for this verse.

नैनम् अपरो यज्ञ उपनमेद् इति

nainam aparo yajña upanamed iti

Sanskrit only: no published translation is held for this verse.

एतद् वै परिवर्त्म नाम देवयजनम्

etad vai parivartma nāma devayajanam

Sanskrit only: no published translation is held for this verse.

पर्य् एणम् अपरो यज्ञो वृणक्ति

pary eṇam aparo yajño vṛṇakti

Sanskrit only: no published translation is held for this verse.

यत्रापस् सर्वतस् समवद्रवेयुस् तस्मिन् यजेतान्नकामः

yatrāpas sarvatas samavadraveyus tasmin yajetānnakāmaḥ

Sanskrit only: no published translation is held for this verse.

दिग्भ्यो वा एतस्मा अन्नं हरन्ति यस्मै हरन्त्य् आपो ऽन्नम्

digbhyo vā etasmā annaṃ haranti yasmai haranty āpo 'nnam

Sanskrit only: no published translation is held for this verse.

सर्वाभ्य एव दिग्भ्यो ऽन्नाद्यम् अवरुन्द्धे

sarvābhya eva digbhyo 'nnādyam avarunddhe

Sanskrit only: no published translation is held for this verse.

तद् एतत् समापं नाम देवयजनम्

tad etat samāpaṃ nāma devayajanam

Sanskrit only: no published translation is held for this verse.

नीपतमम् इवर्तसमानानां भवति

nīpatamam ivartasamānānāṃ bhavati

Sanskrit only: no published translation is held for this verse.