देवाश् च वा असुराश् च संयत्ता आसन्
devāś ca vā asurāś ca saṃyattā āsan
Sanskrit only: no published translation is held for this verse.
Library·Kāṭhaka Saṃhitā (Kṛṣṇa Yajurveda; in part)·25·25.6
Kāṭhaka Saṃhitā (Kṛṣṇa Yajurveda; in part) 25.6
तान् यद् अस्यास् तेजो यज्ञियम् आसीत् तत् सिंहीरूपम् इव महिषीरूपम् इव भूत्वान्तरातिष्ठत्
tān yad asyās tejo yajñiyam āsīt tat siṃhīrūpam iva mahiṣīrūpam iva bhūtvāntarātiṣṭhat
Sanskrit only: no published translation is held for this verse.
ते ऽविदुर् यतरान् वा इयम् उपावर्त्स्यति त इदं भविष्यन्तीति
te 'vidur yatarān vā iyam upāvartsyati ta idaṃ bhaviṣyantīti
Sanskrit only: no published translation is held for this verse.
तां देवा उपामन्त्रयन्त
tāṃ devā upāmantrayanta
Sanskrit only: no published translation is held for this verse.
साब्रवीद् वार्यं वृणै माम् एव पूर्वाम् अग्नेर् आहुतिर् अश्नवाता अथ मया यूयं सर्वान् कामान् व्यश्नवाथेति
sābravīd vāryaṃ vṛṇai mām eva pūrvām agner āhutir aśnavātā atha mayā yūyaṃ sarvān kāmān vyaśnavātheti
Sanskrit only: no published translation is held for this verse.
सा देवान् उपावर्तत
sā devān upāvartata
Sanskrit only: no published translation is held for this verse.
ततो देवा अभवन्
tato devā abhavan
Sanskrit only: no published translation is held for this verse.
परासुरा अभवन्
parāsurā abhavan
Sanskrit only: no published translation is held for this verse.
यस्यैवं विदुष उत्तरवेदिर् न्युप्यते यश् चैवं विद्वान् निवपति भवत्य् आत्मना परास्य भ्रातृव्यो भवति
yasyaivaṃ viduṣa uttaravedir nyupyate yaś caivaṃ vidvān nivapati bhavaty ātmanā parāsya bhrātṛvyo bhavati
Sanskrit only: no published translation is held for this verse.
दश पश्चात् तिरश्ची पदानि भवन्ति
daśa paścāt tiraścī padāni bhavanti
Sanskrit only: no published translation is held for this verse.
दशोभयतः प्राची
daśobhayataḥ prācī
Sanskrit only: no published translation is held for this verse.
अपरिमिता पुरस्तात्
aparimitā purastāt
Sanskrit only: no published translation is held for this verse.
विराजा संमिता
virājā saṃmitā
Sanskrit only: no published translation is held for this verse.
यद् वा असुराणां वित्तम् आसीत् तद् देवा वेद्याविन्दन्त
yad vā asurāṇāṃ vittam āsīt tad devā vedyāvindanta
Sanskrit only: no published translation is held for this verse.
तद् वेद्या वेदित्वम्
tad vedyā veditvam
Sanskrit only: no published translation is held for this verse.
यद् वेद्यं तद् उत्तरवेद्या
yad vedyaṃ tad uttaravedyā
Sanskrit only: no published translation is held for this verse.
तद् उत्तरवेद्या उत्तरवेदित्वम्
tad uttaravedyā uttaraveditvam
Sanskrit only: no published translation is held for this verse.
यस्यैवं विदुषो वेदिश् च क्रियत उत्तरवेदिश् च न्युप्यते वित्तं चैव वेद्यं च भ्रातृव्यस्य विन्दते
yasyaivaṃ viduṣo vediś ca kriyata uttaravediś ca nyupyate vittaṃ caiva vedyaṃ ca bhrātṛvyasya vindate
Sanskrit only: no published translation is held for this verse.
प्रजापतेर् वै नासिकाशीर्यत
prajāpater vai nāsikāśīryata
Sanskrit only: no published translation is held for this verse.
सोत्तरवेदिर् अभवत्
sottaravedir abhavat
Sanskrit only: no published translation is held for this verse.
यज्ञः प्रजापतिः
yajñaḥ prajāpatiḥ
Sanskrit only: no published translation is held for this verse.
यद् उत्तरवेदिं निवपति प्रजापतेर् एव नासिकां मुखतः प्रतिदधाति
yad uttaravediṃ nivapati prajāpater eva nāsikāṃ mukhataḥ pratidadhāti
Sanskrit only: no published translation is held for this verse.
चत्वारि वा एतस्या नामानि नासिका कशारिस् सिंह्य् उत्तरवेदिः
catvāri vā etasyā nāmāni nāsikā kaśāris siṃhy uttaravediḥ
Sanskrit only: no published translation is held for this verse.
तप्तायन्य् असीति
taptāyany asīti
Sanskrit only: no published translation is held for this verse.
तप्ता ह्य् एनानैत्
taptā hy enānait
Sanskrit only: no published translation is held for this verse.
वित्तायन्य् असीति
vittāyany asīti
Sanskrit only: no published translation is held for this verse.
वित्ता ह्य् एनानैत्
vittā hy enānait
Sanskrit only: no published translation is held for this verse.
अवतान् मा नाथितम् इति
avatān mā nāthitam iti
Sanskrit only: no published translation is held for this verse.
नाथितान् ह्य् एनान् आवत्
nāthitān hy enān āvat
Sanskrit only: no published translation is held for this verse.
अवताद् व्यथितम् इति
avatād vyathitam iti
Sanskrit only: no published translation is held for this verse.
व्यथितान् ह्य् एनान् आवत्
vyathitān hy enān āvat
Sanskrit only: no published translation is held for this verse.
अग्ने अङ्गिरो यो ऽस्यां पृथिव्याम् असि यो द्वितीयस्यां यस् तृतीयस्याम् इति
agne aṅgiro yo 'syāṃ pṛthivyām asi yo dvitīyasyāṃ yas tṛtīyasyām iti
Sanskrit only: no published translation is held for this verse.
यद् एवास्यैषु लोकेषु श्लिष्टं यन् न्यक्तं तद् अवरुन्द्धे
yad evāsyaiṣu lokeṣu śliṣṭaṃ yan nyaktaṃ tad avarunddhe
Sanskrit only: no published translation is held for this verse.
विदेद् अग्निर् नभो नामेति
vided agnir nabho nāmeti
Sanskrit only: no published translation is held for this verse.
यद् वा अग्नेर् वामं वसु तन् नभः
yad vā agner vāmaṃ vasu tan nabhaḥ
Sanskrit only: no published translation is held for this verse.
तेनेमां पृथिवीं प्राविशज् जानुदघ्नम् अधः
tenemāṃ pṛthivīṃ prāviśaj jānudaghnam adhaḥ
Sanskrit only: no published translation is held for this verse.
तस्माज् जानुदघ्नं खेयं तस्यैव वामस्य वसोर् अनुवित्त्यै
tasmāj jānudaghnaṃ kheyaṃ tasyaiva vāmasya vasor anuvittyai
Sanskrit only: no published translation is held for this verse.
सिंह्य् असि महिष्य् असीति
siṃhy asi mahiṣy asīti
Sanskrit only: no published translation is held for this verse.
सिंहीरूपम् इव हि तन् महिषीरूपम् इव भूत्वान्तरातिष्ठत्
siṃhīrūpam iva hi tan mahiṣīrūpam iva bhūtvāntarātiṣṭhat
Sanskrit only: no published translation is held for this verse.
देवेभ्यः प्रथस्वेति प्रथयत्य् एवैनाम्
devebhyaḥ prathasveti prathayaty evainām
Sanskrit only: no published translation is held for this verse.
देवेभ्यः कल्पस्वेति कल्पयत्य् एवैनाम्
devebhyaḥ kalpasveti kalpayaty evainām
Sanskrit only: no published translation is held for this verse.
देवेभ्यश् शुन्धस्वेति शुन्धत्य् एवैनाम्
devebhyaś śundhasveti śundhaty evainām
Sanskrit only: no published translation is held for this verse.
देवेभ्यश् शुम्भस्वेति शुम्भत्य् एवैनाम्
devebhyaś śumbhasveti śumbhaty evainām
Sanskrit only: no published translation is held for this verse.
विभ्राड् बृहत् पिबतु सोम्यं मध्व् इति अन्तान् कल्पयति
vibhrāḍ bṛhat pibatu somyaṃ madhv iti antān kalpayati
Sanskrit only: no published translation is held for this verse.
देवपात्रं वा उत्तरवेदिः
devapātraṃ vā uttaravediḥ
Sanskrit only: no published translation is held for this verse.
देवपात्रेणैव देवतास् तर्पयति
devapātreṇaiva devatās tarpayati
Sanskrit only: no published translation is held for this verse.
अथो देवताभ्य एव देवपात्रं निवेदयति
atho devatābhya eva devapātraṃ nivedayati
Sanskrit only: no published translation is held for this verse.
यतीन् वै सालावृकेया आदन्
yatīn vai sālāvṛkeyā ādan
Sanskrit only: no published translation is held for this verse.
त आदीयमानास् संमृश्यमाना उत्तरवेदिं समुदक्रामन्
ta ādīyamānās saṃmṛśyamānā uttaravediṃ samudakrāman
Sanskrit only: no published translation is held for this verse.
तान् नाभ्यधृष्णुवन्
tān nābhyadhṛṣṇuvan
Sanskrit only: no published translation is held for this verse.
तेषाम् एको ऽस्मयत
teṣām eko 'smayata
Sanskrit only: no published translation is held for this verse.
तत एनान् अभ्यधृष्णुवन्
tata enān abhyadhṛṣṇuvan
Sanskrit only: no published translation is held for this verse.
तेषाम् एकैकम् आवर्हम् आदन्
teṣām ekaikam āvarham ādan
Sanskrit only: no published translation is held for this verse.
तस्मान् न मोघहासिना भव्यम्
tasmān na moghahāsinā bhavyam
Sanskrit only: no published translation is held for this verse.
यन् निस्सारयति
yan nissārayati
Sanskrit only: no published translation is held for this verse.
यद् एवास्या अभिमृतम् अमेध्यं तन् निस्सारयति
yad evāsyā abhimṛtam amedhyaṃ tan nissārayati
Sanskrit only: no published translation is held for this verse.
प्रोक्षति
prokṣati
Sanskrit only: no published translation is held for this verse.
एतावती वा इयं पृथिव्य् आसीद् यावत्य् उत्तरवेदिः
etāvatī vā iyaṃ pṛthivy āsīd yāvaty uttaravediḥ
Sanskrit only: no published translation is held for this verse.
तां समन्तं रक्षांसि सम्प्राकम्पन्त
tāṃ samantaṃ rakṣāṃsi samprākampanta
Sanskrit only: no published translation is held for this verse.
तानि देवा विनुद्यैताभिर् देवताभिस् समन्तं परिन्यदधुः
tāni devā vinudyaitābhir devatābhis samantaṃ parinyadadhuḥ
Sanskrit only: no published translation is held for this verse.
यत् प्रोक्षति
yat prokṣati
Sanskrit only: no published translation is held for this verse.
एतद्देवत्या वा इमा दिशः
etaddevatyā vā imā diśaḥ
Sanskrit only: no published translation is held for this verse.
रक्षांस्य् एव विनुद्यैताभिर् देवताभिस् समन्तम् आत्मानं परिनिदधाति गोपीथाय
rakṣāṃsy eva vinudyaitābhir devatābhis samantam ātmānaṃ parinidadhāti gopīthāya
Sanskrit only: no published translation is held for this verse.
एतद् वा एतां पूर्वाम् अग्नेर् आहुतिर् अश्नुते यद् व्याघारयति
etad vā etāṃ pūrvām agner āhutir aśnute yad vyāghārayati
Sanskrit only: no published translation is held for this verse.
अथादो ऽब्रवीन् माम् एव पूर्वाम् अग्नेर् आहुतिर् अश्नवाता अथ मया यूयं सर्वान् कामान् व्यश्नवाथेति
athādo 'bravīn mām eva pūrvām agner āhutir aśnavātā atha mayā yūyaṃ sarvān kāmān vyaśnavātheti
Sanskrit only: no published translation is held for this verse.
अथ वा एषां तर्ह्य् असुरास् सपत्ना आसन्
atha vā eṣāṃ tarhy asurās sapatnā āsan
Sanskrit only: no published translation is held for this verse.
ते ऽकामयन्त सपत्नान् सहेमहीति
te 'kāmayanta sapatnān sahemahīti
Sanskrit only: no published translation is held for this verse.
सिंह्य् असि सपत्नसाही स्वाहेति सपत्नांस् तेनासहन्त
siṃhy asi sapatnasāhī svāheti sapatnāṃs tenāsahanta
Sanskrit only: no published translation is held for this verse.
ते ऽकामयन्त पशून् विन्देमहीति
te 'kāmayanta paśūn vindemahīti
Sanskrit only: no published translation is held for this verse.
सिंह्य् असि रायस्पोषवनिस् स्वाहेति पशूंस् तेनाविन्दन्त
siṃhy asi rāyaspoṣavanis svāheti paśūṃs tenāvindanta
Sanskrit only: no published translation is held for this verse.
ते ऽकामयन्त प्रजां विन्देमहीति
te 'kāmayanta prajāṃ vindemahīti
Sanskrit only: no published translation is held for this verse.
सिंह्य् असि सुप्रजावनिस् स्वाहेति प्रजां तेनाविन्दन्त
siṃhy asi suprajāvanis svāheti prajāṃ tenāvindanta
Sanskrit only: no published translation is held for this verse.
ते ऽकामयन्तादित्यास् स्यामेति
te 'kāmayantādityās syāmeti
Sanskrit only: no published translation is held for this verse.
सिंह्य् अस्य् आदित्यवनिस् स्वाहेत्य् आदित्यास् तेनाभवन्
siṃhy asy ādityavanis svāhety ādityās tenābhavan
Sanskrit only: no published translation is held for this verse.
तस्माद् इमा आदित्याः प्रजाः
tasmād imā ādityāḥ prajāḥ
Sanskrit only: no published translation is held for this verse.
ते ऽकामयन्त यज्ञियास् स्यामेति
te 'kāmayanta yajñiyās syāmeti
Sanskrit only: no published translation is held for this verse.
सिंह्य् अस्य् आवह देवान् देवायते यजमानाय स्वाहेति यज्ञियास् तेनाभवन्
siṃhy asy āvaha devān devāyate yajamānāya svāheti yajñiyās tenābhavan
Sanskrit only: no published translation is held for this verse.
ते ऽकामयन्त स्वर्गं लोकम् इयामेति
te 'kāmayanta svargaṃ lokam iyāmeti
Sanskrit only: no published translation is held for this verse.
भूतेभ्यस् त्वेति
bhūtebhyas tveti
Sanskrit only: no published translation is held for this verse.
देवा वै भूताः
devā vai bhūtāḥ
Sanskrit only: no published translation is held for this verse.
स्वर्गम् एव तेन लोकम् आयन्
svargam eva tena lokam āyan
Sanskrit only: no published translation is held for this verse.
यस्यैवं विदुष उत्तरवेदिर् व्याघार्यते यश् चैवं विद्वान् व्याघारयति सर्वान् एवैतया कामान् व्यश्नोति
yasyaivaṃ viduṣa uttaravedir vyāghāryate yaś caivaṃ vidvān vyāghārayati sarvān evaitayā kāmān vyaśnoti
Sanskrit only: no published translation is held for this verse.
इमे वै लोका अधृता आसन्
ime vai lokā adhṛtā āsan
Sanskrit only: no published translation is held for this verse.
ते सम्प्राकम्पन्त
te samprākampanta
Sanskrit only: no published translation is held for this verse.
तान् देवा एतैर् यजुर्भिर् व्यष्टभ्नुवन्
tān devā etair yajurbhir vyaṣṭabhnuvan
Sanskrit only: no published translation is held for this verse.
यद् एतैः परिधीन् परिदधात्य् एषां लोकानां विधृत्यै
yad etaiḥ paridhīn paridadhāty eṣāṃ lokānāṃ vidhṛtyai
Sanskrit only: no published translation is held for this verse.
अग्निर् वै देवेभ्यो ऽपाक्रामत्
agnir vai devebhyo 'pākrāmat
Sanskrit only: no published translation is held for this verse.
स यां प्रथमां प्रावसत् तां पशुष्व् अवसद् वृष्णेर् अन्तराशृङ्गम्
sa yāṃ prathamāṃ prāvasat tāṃ paśuṣv avasad vṛṣṇer antarāśṛṅgam
Sanskrit only: no published translation is held for this verse.
तस्माद् ऊर्णास्तुका भवति
tasmād ūrṇāstukā bhavati
Sanskrit only: no published translation is held for this verse.
यां द्वितीयां तां वनस्पतिषु पीतुदारौ
yāṃ dvitīyāṃ tāṃ vanaspatiṣu pītudārau
Sanskrit only: no published translation is held for this verse.
तस्मात् पीतुदारुर् भवति
tasmāt pītudārur bhavati
Sanskrit only: no published translation is held for this verse.
यां तृतीयां ताम् ओषधिषु सुगन्धितेजने
yāṃ tṛtīyāṃ tām oṣadhiṣu sugandhitejane
Sanskrit only: no published translation is held for this verse.
तस्मात् सुगन्धितेजनो भवति
tasmāt sugandhitejano bhavati
Sanskrit only: no published translation is held for this verse.
यद् एते संभारा भवन्ति
yad ete saṃbhārā bhavanti
Sanskrit only: no published translation is held for this verse.
यद् एवास्यात्र श्लिष्टं यन् न्यक्तं तद् एतैस् संभरति
yad evāsyātra śliṣṭaṃ yan nyaktaṃ tad etais saṃbharati
Sanskrit only: no published translation is held for this verse.
स पुनर् उपावर्तमानश् शरीरम् अधूनुत
sa punar upāvartamānaś śarīram adhūnuta
Sanskrit only: no published translation is held for this verse.
तस्य यन् मांसम् आसीत् तद् गुल्गुल्व् अभवद् यद् अस्थि स पीतुदारुर् यानि लोमानि स सुगन्धितेजनः
tasya yan māṃsam āsīt tad gulgulv abhavad yad asthi sa pītudārur yāni lomāni sa sugandhitejanaḥ
Sanskrit only: no published translation is held for this verse.
यद् एते संभारा भवन्ति
yad ete saṃbhārā bhavanti
Sanskrit only: no published translation is held for this verse.
यद् एवास्यात्र श्लिष्टं यन् न्यक्तं तद् एतैस् संभरत्य् अग्नेस् सर्वत्वाय
yad evāsyātra śliṣṭaṃ yan nyaktaṃ tad etais saṃbharaty agnes sarvatvāya
Sanskrit only: no published translation is held for this verse.
अग्नेः कुलायम् अस्य् अग्नेः पुरीषम् असीति
agneḥ kulāyam asy agneḥ purīṣam asīti
Sanskrit only: no published translation is held for this verse.
कुलायम् इव ह्य् एतत् पुरीषम् इव
kulāyam iva hy etat purīṣam iva
Sanskrit only: no published translation is held for this verse.
यज्ञः प्रत्यष्ठाद् इति यज्ञस्य प्रतिष्ठित्यै
yajñaḥ pratyaṣṭhād iti yajñasya pratiṣṭhityai
Sanskrit only: no published translation is held for this verse.