Kāṭhaka Saṃhitā (Kṛṣṇa Yajurveda; in part) 26.3

न दीक्षितेन होतव्यम्

na dīkṣitena hotavyam

Sanskrit only: no published translation is held for this verse.

हविर् वै दीक्षितः

havir vai dīkṣitaḥ

Sanskrit only: no published translation is held for this verse.

रुद्रो ऽग्निः

rudro 'gniḥ

Sanskrit only: no published translation is held for this verse.

यज् जुहुयाद्धविर्भूतम् आत्मानं रुद्रायापिदध्यात्

yaj juhuyāddhavirbhūtam ātmānaṃ rudrāyāpidadhyāt

Sanskrit only: no published translation is held for this verse.

यन् न जुहुयाद् यज्ञपरुर् अन्तरियात्

yan na juhuyād yajñaparur antariyāt

Sanskrit only: no published translation is held for this verse.

यदि क्रीतस् सोमस् स्याद् दीक्षितस्याग्नौ जुहुयात्

yadi krītas somas syād dīkṣitasyāgnau juhuyāt

Sanskrit only: no published translation is held for this verse.

विसृष्टो हि तर्हि यज्ञः

visṛṣṭo hi tarhi yajñaḥ

Sanskrit only: no published translation is held for this verse.

प्रेता आहुतयो भवन्ति

pretā āhutayo bhavanti

Sanskrit only: no published translation is held for this verse.

यद्य् अक्रीतो ऽरणी चाज्यं चादाय परेत्याग्निं मथित्वा वैष्णव्यर्चा यूपस्यान्ते जुहुयात्

yady akrīto 'raṇī cājyaṃ cādāya paretyāgniṃ mathitvā vaiṣṇavyarcā yūpasyānte juhuyāt

Sanskrit only: no published translation is held for this verse.

वैष्णवो वै यूपः

vaiṣṇavo vai yūpaḥ

Sanskrit only: no published translation is held for this verse.

स्वयैवैनं देवतयाच्छैति

svayaivainaṃ devatayācchaiti

Sanskrit only: no published translation is held for this verse.

अत्य् अन्यान् अगां नान्यान् उपागाम् इति

aty anyān agāṃ nānyān upāgām iti

Sanskrit only: no published translation is held for this verse.

अति ह्य् अन्यान् एति

ati hy anyān eti

Sanskrit only: no published translation is held for this verse.

नान्यान् उपैति

nānyān upaiti

Sanskrit only: no published translation is held for this verse.

यान् नाजुजोषं परि तान् अवृजम् इति

yān nājujoṣaṃ pari tān avṛjam iti

Sanskrit only: no published translation is held for this verse.

यान् हि न जुषते परि तान् वृणक्ति

yān hi na juṣate pari tān vṛṇakti

Sanskrit only: no published translation is held for this verse.

अर्वाक् त्वा परेभ्यो ऽविदं परो ऽवरेभ्य इति

arvāk tvā parebhyo 'vidaṃ paro 'varebhya iti

Sanskrit only: no published translation is held for this verse.

अर्वाग्घ्य् एनं परेभ्यो विन्दति परो ऽवरेभ्यः

arvāgghy enaṃ parebhyo vindati paro 'varebhyaḥ

Sanskrit only: no published translation is held for this verse.

तं त्वा जुषामहे वनस्पते देवयज्याया इति

taṃ tvā juṣāmahe vanaspate devayajyāyā iti

Sanskrit only: no published translation is held for this verse.

देवयज्यायै ह्य् एनं जुषते

devayajyāyai hy enaṃ juṣate

Sanskrit only: no published translation is held for this verse.

जुष्टं विष्णव इति

juṣṭaṃ viṣṇava iti

Sanskrit only: no published translation is held for this verse.

यज्ञो वै विष्णुः

yajño vai viṣṇuḥ

Sanskrit only: no published translation is held for this verse.

यज्ञायैवैनं जुष्टं करोति

yajñāyaivainaṃ juṣṭaṃ karoti

Sanskrit only: no published translation is held for this verse.

देवस् त्वा सविता मध्वानक्त्व् इति

devas tvā savitā madhvānaktv iti

Sanskrit only: no published translation is held for this verse.

घृतं वै देवानां मधु

ghṛtaṃ vai devānāṃ madhu

Sanskrit only: no published translation is held for this verse.

मेध्यम् एवैनं यज्ञियं करोति

medhyam evainaṃ yajñiyaṃ karoti

Sanskrit only: no published translation is held for this verse.

ओषधे त्रायस्वैनम् इति

oṣadhe trāyasvainam iti

Sanskrit only: no published translation is held for this verse.

वर्मेव करोति

varmeva karoti

Sanskrit only: no published translation is held for this verse.

स्वधिते मैनं हिंसीर् इति

svadhite mainaṃ hiṃsīr iti

Sanskrit only: no published translation is held for this verse.

वज्रो वै स्वधितिर् अहिंसायै

vajro vai svadhitir ahiṃsāyai

Sanskrit only: no published translation is held for this verse.

यः प्रथमश् शकलः परापतति तम् आहरेत्

yaḥ prathamaś śakalaḥ parāpatati tam āharet

Sanskrit only: no published translation is held for this verse.

एतं वा एतस्य परापतन्तं तेजो ऽनुपरापतति

etaṃ vā etasya parāpatantaṃ tejo 'nuparāpatati

Sanskrit only: no published translation is held for this verse.

सतेजसम् एवैनं मिनोति

satejasam evainaṃ minoti

Sanskrit only: no published translation is held for this verse.

यो दक्षिणावृन् न तं वृश्चेत्

yo dakṣiṇāvṛn na taṃ vṛścet

Sanskrit only: no published translation is held for this verse.

गर्त्यस् स

gartyas sa

Sanskrit only: no published translation is held for this verse.

य उदङ्ङ् आवृतो न तम्

ya udaṅṅ āvṛto na tam

Sanskrit only: no published translation is held for this verse.

स्थूण्यस् स

sthūṇyas sa

Sanskrit only: no published translation is held for this verse.

य ऊर्ध्वशाख ऊर्ध्वशकलस् तं वृश्चेत्

ya ūrdhvaśākha ūrdhvaśakalas taṃ vṛścet

Sanskrit only: no published translation is held for this verse.

एष वै यूप्यः

eṣa vai yūpyaḥ

Sanskrit only: no published translation is held for this verse.

य एव यूप्यस् तं वृश्चति

ya eva yūpyas taṃ vṛścati

Sanskrit only: no published translation is held for this verse.

यो ऽशुष्काग्रो बहुशाखो बहुपर्णस् तं वृश्चेत्

yo 'śuṣkāgro bahuśākho bahuparṇas taṃ vṛścet

Sanskrit only: no published translation is held for this verse.

ओषधयो वै वनस्पतयः

oṣadhayo vai vanaspatayaḥ

Sanskrit only: no published translation is held for this verse.

पशव ओषधयः

paśava oṣadhayaḥ

Sanskrit only: no published translation is held for this verse.

पशुभिर् एवैनं समर्धयति

paśubhir evainaṃ samardhayati

Sanskrit only: no published translation is held for this verse.

यश् शुष्काग्रो ऽशाखो ऽपर्णस् तं वृश्चेद् यं द्विष्यात् तस्य

yaś śuṣkāgro 'śākho 'parṇas taṃ vṛśced yaṃ dviṣyāt tasya

Sanskrit only: no published translation is held for this verse.

ओषधयो वनस्पतयः

oṣadhayo vanaspatayaḥ

Sanskrit only: no published translation is held for this verse.

पशव ओषधयः

paśava oṣadhayaḥ

Sanskrit only: no published translation is held for this verse.

पशुभिर् एवैनं व्यर्धयति

paśubhir evainaṃ vyardhayati

Sanskrit only: no published translation is held for this verse.

य उदङ् प्राङ् उपनतस् तं वृश्चेत्

ya udaṅ prāṅ upanatas taṃ vṛścet

Sanskrit only: no published translation is held for this verse.

एष वै मेधम् अभ्युपनतः

eṣa vai medham abhyupanataḥ

Sanskrit only: no published translation is held for this verse.

य एव मेधम् अभ्युपनतस् तं वृश्चति

ya eva medham abhyupanatas taṃ vṛścati

Sanskrit only: no published translation is held for this verse.

द्यां मा लेखीर् अन्तरिक्षं मा हिंसीः पृथिव्या संभवेति

dyāṃ mā lekhīr antarikṣaṃ mā hiṃsīḥ pṛthivyā saṃbhaveti

Sanskrit only: no published translation is held for this verse.

वज्रो वै यूप एषां लोकानाम् अहिंसायै

vajro vai yūpa eṣāṃ lokānām ahiṃsāyai

Sanskrit only: no published translation is held for this verse.

उदञ्चं प्राञ्चं प्रश्रयति

udañcaṃ prāñcaṃ praśrayati

Sanskrit only: no published translation is held for this verse.

एष वै देवलोकः

eṣa vai devalokaḥ

Sanskrit only: no published translation is held for this verse.

देवलोकम् एवैनम् उपप्रश्रयति

devalokam evainam upapraśrayati

Sanskrit only: no published translation is held for this verse.

वनस्पते शतवल्शो विरोहेत्य् आव्रश्चने जुहोति

vanaspate śatavalśo virohety āvraścane juhoti

Sanskrit only: no published translation is held for this verse.

वनस्पतिष्व् एव भूमानं दधाति

vanaspatiṣv eva bhūmānaṃ dadhāti

Sanskrit only: no published translation is held for this verse.

तस्माद् एत आव्रश्चनाद् भूयांसो जायन्ते

tasmād eta āvraścanād bhūyāṃso jāyante

Sanskrit only: no published translation is held for this verse.

सहस्रवल्शा वि वयं रुहेमेत्य् आशिषम् एवाशास्ते

sahasravalśā vi vayaṃ ruhemety āśiṣam evāśāste

Sanskrit only: no published translation is held for this verse.

यं त्वायं स्वधितिस् तेतिजानः प्रणिनाय महते सौभगायेति

yaṃ tvāyaṃ svadhitis tetijānaḥ praṇināya mahate saubhagāyeti

Sanskrit only: no published translation is held for this verse.

महते ह्य् एष सौभाग्याय प्रणीयते यो यज्ञाय प्रणीयते

mahate hy eṣa saubhāgyāya praṇīyate yo yajñāya praṇīyate

Sanskrit only: no published translation is held for this verse.

य आरोहस् तं वृश्चेद् यं द्विष्यात् तस्य

ya ārohas taṃ vṛśced yaṃ dviṣyāt tasya

Sanskrit only: no published translation is held for this verse.

अयोनिर् वा एषो ऽनायतनो य आरोहः

ayonir vā eṣo 'nāyatano ya ārohaḥ

Sanskrit only: no published translation is held for this verse.

अयोनिम् एवैनम् अनायतनं करोति

ayonim evainam anāyatanaṃ karoti

Sanskrit only: no published translation is held for this verse.

यस् स्वारुत् तं वृश्चेत्

yas svārut taṃ vṛścet

Sanskrit only: no published translation is held for this verse.

एष वै योनिमान् आयतनवान् यस् स्वारुत्

eṣa vai yonimān āyatanavān yas svārut

Sanskrit only: no published translation is held for this verse.

योनिमन्तम् एवायतनवन्तं यजमानं करोति

yonimantam evāyatanavantaṃ yajamānaṃ karoti

Sanskrit only: no published translation is held for this verse.

गुल्फदघ्ने वृश्चेत्

gulphadaghne vṛścet

Sanskrit only: no published translation is held for this verse.

परुर् हि गुल्फः

parur hi gulphaḥ

Sanskrit only: no published translation is held for this verse.

यज्ञपरुषा संमितम्

yajñaparuṣā saṃmitam

Sanskrit only: no published translation is held for this verse.

जानुदघ्ने वृश्चेत्

jānudaghne vṛścet

Sanskrit only: no published translation is held for this verse.

परुर् हि जानु

parur hi jānu

Sanskrit only: no published translation is held for this verse.

यज्ञपरुषा संमितम्

yajñaparuṣā saṃmitam

Sanskrit only: no published translation is held for this verse.

यावत्य् अनक्षसङ्गस् स्यात् तावति वृश्चेत्

yāvaty anakṣasaṅgas syāt tāvati vṛścet

Sanskrit only: no published translation is held for this verse.

यज्ञपरुषा संमितं पशूनाम् अप्रतिनोदाय

yajñaparuṣā saṃmitaṃ paśūnām apratinodāya

Sanskrit only: no published translation is held for this verse.