Kāṭhaka Saṃhitā (Kṛṣṇa Yajurveda; in part) 26.7

साध्या वै नाम देवा आसन् पूर्वे देवेभ्यः

sādhyā vai nāma devā āsan pūrve devebhyaḥ

Sanskrit only: no published translation is held for this verse.

तेषां न किं चन स्वम् आसीत्

teṣāṃ na kiṃ cana svam āsīt

Sanskrit only: no published translation is held for this verse.

ते ऽग्निं मथित्वाग्नौ जुह्वत आसत

te 'gniṃ mathitvāgnau juhvata āsata

Sanskrit only: no published translation is held for this verse.

तस्माद् बन्धोः पशवो ऽजायन्त

tasmād bandhoḥ paśavo 'jāyanta

Sanskrit only: no published translation is held for this verse.

तस्माद् आग्नेयास् सर्वे पशव उच्यन्ते

tasmād āgneyās sarve paśava ucyante

Sanskrit only: no published translation is held for this verse.

यद् अग्निं मथित्वा पशुम् आलभते प्रजातम् एवैनम् आलभते

yad agniṃ mathitvā paśum ālabhate prajātam evainam ālabhate

Sanskrit only: no published translation is held for this verse.

अथो यथापूर्वम् एव करोति

atho yathāpūrvam eva karoti

Sanskrit only: no published translation is held for this verse.

तद् आहुः पशुम् आलभ्याग्निर् मथितव्य इति

tad āhuḥ paśum ālabhyāgnir mathitavya iti

Sanskrit only: no published translation is held for this verse.

अग्निस् सर्वा देवताः

agnis sarvā devatāḥ

Sanskrit only: no published translation is held for this verse.

सर्वा एव देवताः पशवः

sarvā eva devatāḥ paśavaḥ

Sanskrit only: no published translation is held for this verse.

आलब्धाय जनयति

ālabdhāya janayati

Sanskrit only: no published translation is held for this verse.

पशुना सर्वाणि सवनानि पशुमन्ति वीर्यावन्ति कर्तव्यानि

paśunā sarvāṇi savanāni paśumanti vīryāvanti kartavyāni

Sanskrit only: no published translation is held for this verse.

यद् वपया प्रातस्सवने चरन्ति तेन तत् पशुमद् वीर्यावत्

yad vapayā prātassavane caranti tena tat paśumad vīryāvat

Sanskrit only: no published translation is held for this verse.

यद् दक्षिणाभिर् मध्यन्दिने तेन तत् पशुमद् वीर्यावत्

yad dakṣiṇābhir madhyandine tena tat paśumad vīryāvat

Sanskrit only: no published translation is held for this verse.

यद् इतरेण पशुना तृतीयसवने तेन तत् पशुमद् वीर्यावत्

yad itareṇa paśunā tṛtīyasavane tena tat paśumad vīryāvat

Sanskrit only: no published translation is held for this verse.

सर्वाण्य् अस्य सवनानि पशुमन्ति वीर्यावन्ति भवन्ति य एवं वेद

sarvāṇy asya savanāni paśumanti vīryāvanti bhavanti ya evaṃ veda

Sanskrit only: no published translation is held for this verse.

सर्वाभ्यो वा एष दिग्भ्य ऋद्ध्या आलभ्यते यत् पशुः

sarvābhyo vā eṣa digbhya ṛddhyā ālabhyate yat paśuḥ

Sanskrit only: no published translation is held for this verse.

यत् प्राञ्चम् आप्रीणन्ति देवलोकं तेनाभिजयति

yat prāñcam āprīṇanti devalokaṃ tenābhijayati

Sanskrit only: no published translation is held for this verse.

यद् उदञ्चम् आप्रीतं नयन्ति मनुष्यलोकं तेनाभिजयति

yad udañcam āprītaṃ nayanti manuṣyalokaṃ tenābhijayati

Sanskrit only: no published translation is held for this verse.

यद् दक्षिणतः परिहृत्यावद्यन्ति पितृलोकं तेनाभिजयति

yad dakṣiṇataḥ parihṛtyāvadyanti pitṛlokaṃ tenābhijayati

Sanskrit only: no published translation is held for this verse.

यत् प्रतीचीनं समवत्तं हरन्त्य् एतां तेन दिशम् अभिजयति

yat pratīcīnaṃ samavattaṃ haranty etāṃ tena diśam abhijayati

Sanskrit only: no published translation is held for this verse.

यद् ऊर्ध्वस् तिष्ठञ् जुहोति स्वर्गं तेन लोकम् अभिजयति

yad ūrdhvas tiṣṭhañ juhoti svargaṃ tena lokam abhijayati

Sanskrit only: no published translation is held for this verse.

पशुना वै देवास् स्वर्गं लोकम् आयन्

paśunā vai devās svargaṃ lokam āyan

Sanskrit only: no published translation is held for this verse.

ते शरीरम् अधून्वत

te śarīram adhūnvata

Sanskrit only: no published translation is held for this verse.

स्वर्गो वपा

svargo vapā

Sanskrit only: no published translation is held for this verse.

यद् वपया प्रातस्सवने चरन्ति स्वर्गस्य लोकस्य समष्ट्यै

yad vapayā prātassavane caranti svargasya lokasya samaṣṭyai

Sanskrit only: no published translation is held for this verse.

यद् इतरेण पशुना तृतीयसवने शरीरस्य निष्क्रीत्यै

yad itareṇa paśunā tṛtīyasavane śarīrasya niṣkrītyai

Sanskrit only: no published translation is held for this verse.

यार्द्रा बहुपर्णा तयोपाकुर्यात्

yārdrā bahuparṇā tayopākuryāt

Sanskrit only: no published translation is held for this verse.

ओषधयो वै वनस्पतयः

oṣadhayo vai vanaspatayaḥ

Sanskrit only: no published translation is held for this verse.

पशव ओषधयः

paśava oṣadhayaḥ

Sanskrit only: no published translation is held for this verse.

पशुभिर् एवैनं समर्धयति

paśubhir evainaṃ samardhayati

Sanskrit only: no published translation is held for this verse.

या शुष्कापर्णा तयोपाकुर्याद् यं द्विष्यात् तस्य

yā śuṣkāparṇā tayopākuryād yaṃ dviṣyāt tasya

Sanskrit only: no published translation is held for this verse.

ओषधयो वै वनस्पतयः

oṣadhayo vai vanaspatayaḥ

Sanskrit only: no published translation is held for this verse.

पशव ओषधयः

paśava oṣadhayaḥ

Sanskrit only: no published translation is held for this verse.

पशुभिर् एवैनं व्यर्धयति

paśubhir evainaṃ vyardhayati

Sanskrit only: no published translation is held for this verse.