Kātyāyana Śulba-sūtra 1

रज्जुसमासं वक्ष्यामः

rajjusamāsaṃ vakṣyāmaḥ

Sanskrit only: no published translation is held for this verse.

समे शङ्कुं निखाय शङ्कुसम्मितया रज्ज्वा मण्डलं परिलिख्य यत्र लेखयोः शङ्क्वग्रच्छाया निपतति तत्र शङ्कू निहन्ति सा प्राची । तदन्तरं रज्ज्वाभ्यस्य पाशौ कृत्वा शङ्क्वोः पाशौ प्रतिमुच्य दक्षिणायम्य मध्ये शङ्कुमेवमुत्तरतः सोदीची

same śaṅkuṃ nikhāya śaṅkusammitayā rajjvā maṇḍalaṃ parilikhya yatra lekhayoḥ śaṅkvagracchāyā nipatati tatra śaṅkū nihanti sā prācī | tadantaraṃ rajjvābhyasya pāśau kṛtvā śaṅkvoḥ pāśau pratimucya dakṣiṇāyamya madhye śaṅkumevamuttarataḥ sodīcī

Sanskrit only: no published translation is held for this verse.

रज्ज्वन्तयोः पाशौ करोति । श्रोण्यंसनिरञ्छनसंख्यासमासभङ्गेषु लक्षणानि । प्राच्यन्तयोः शङ्कु निहन्ति । श्रोण्योरंसयोश्च । शङ्क्वोः पाशौ प्रतिमुच्य निरञ्छनेन गृहीत्वा दक्षिणपूर्वां दिशं हरन्ति । एवमुत्तरतः । विपर्यस्येतरतः । स समाधिः सर्वत्र

rajjvantayoḥ pāśau karoti | śroṇyaṃsanirañchanasaṃkhyāsamāsabhaṅgeṣu lakṣaṇāni | prācyantayoḥ śaṅku nihanti | śroṇyoraṃsayośca | śaṅkvoḥ pāśau pratimucya nirañchanena gṛhītvā dakṣiṇapūrvāṃ diśaṃ haranti | evamuttarataḥ | viparyasyetarataḥ | sa samādhiḥ sarvatra

Sanskrit only: no published translation is held for this verse.

प्रमाणमभ्यस्याभ्यासचतुर्थे लक्ष्णं करोति तन्निरञ्छनम् । अक्ष्णया तिर्यङ्मानीशेष

pramāṇamabhyasyābhyāsacaturthe lakṣṇaṃ karoti tannirañchanam | akṣṇayā tiryaṅmānīśeṣa

Sanskrit only: no published translation is held for this verse.

प्रमाणार्धं वाभ्यस्याभ्यासषष्ठे लक्षणं करोति तन्निरञ्छनम् । अक्ष्णया तिर्यङ्मानिशेषः

pramāṇārdhaṃ vābhyasyābhyāsaṣaṣṭhe lakṣaṇaṃ karoti tannirañchanam | akṣṇayā tiryaṅmāniśeṣaḥ

Sanskrit only: no published translation is held for this verse.

प्रमाणार्धे समचतुरश्रस्य शङ्कुः । शास्त्रवदर्धे दीर्घचतुरश्रस्य । शकटमुखस्य चैवम्

pramāṇārdhe samacaturaśrasya śaṅkuḥ | śāstravadardhe dīrghacaturaśrasya | śakaṭamukhasya caivam

Sanskrit only: no published translation is held for this verse.

एतेन प्राग्वंशवेदिमानानि व्याख्यातानि । शालामानं च । तत्रोदीची प्राचीवत् । सदसश्चैवम्

etena prāgvaṃśavedimānāni vyākhyātāni | śālāmānaṃ ca | tatrodīcī prācīvat | sadasaścaivam

Sanskrit only: no published translation is held for this verse.

अपरिमितं प्रमाणाद्भूयः

aparimitaṃ pramāṇādbhūyaḥ

Sanskrit only: no published translation is held for this verse.

प्रमाणे शास्त्रं प्रमाणं निर्हासविवृद्ध्योः । योगश्च

pramāṇe śāstraṃ pramāṇaṃ nirhāsavivṛddhyoḥ | yogaśca

Sanskrit only: no published translation is held for this verse.

इतरस्यवितृतीये दक्षिणत इत्येतद्वक्ष्यामः । गार्हपत्याहवनीययोरन्तरालं षढ्धा सप्तधा वागन्तुसमं त्रेधा विभज्यापरवितृतीयलक्षणेन दक्षिणायम्य तस्मिन्नग्निः । विपर्यस्योत्तरत उत्करः

itarasyavitṛtīye dakṣiṇata ityetadvakṣyāmaḥ | gārhapatyāhavanīyayorantarālaṃ ṣaḍhdhā saptadhā vāgantusamaṃ tredhā vibhajyāparavitṛtīyalakṣaṇena dakṣiṇāyamya tasminnagniḥ | viparyasyottarata utkaraḥ

Sanskrit only: no published translation is held for this verse.

अपिवान्तरत्रिभागोऽनया रज्ज्वा पुर्वार्धे समचतुरश्रं कृत्वा श्रोण्यामग्निः । विपर्यस्योत्तरांस उत्करः

apivāntaratribhāgo'nayā rajjvā purvārdhe samacaturaśraṃ kṛtvā śroṇyāmagniḥ | viparyasyottarāṃsa utkaraḥ

Sanskrit only: no published translation is held for this verse.