Kātyāyana Śulba-sūtra 2

अङ्गुलै रथसंमितायाः प्रमाणम् । तत्राष्टाशीतिशतमीषा । चतुःशतमक्षः । षडशीतिर्युगम् । चत्वारोऽष्टकाः शम्या

aṅgulai rathasaṃmitāyāḥ pramāṇam | tatrāṣṭāśītiśatamīṣā | catuḥśatamakṣaḥ | ṣaḍaśītiryugam | catvāro'ṣṭakāḥ śamyā

Sanskrit only: no published translation is held for this verse.

पैतृक्यां द्विपुरुषं समचतुरश्रं कृत्वा करणीमध्ये शङ्कवः स समाधिः

paitṛkyāṃ dvipuruṣaṃ samacaturaśraṃ kṛtvā karaṇīmadhye śaṅkavaḥ sa samādhiḥ

Sanskrit only: no published translation is held for this verse.

करणी तत्करणी तिर्यङ्मानी पार्श्वमान्यक्ष्णया चेति रज्जवः

karaṇī tatkaraṇī tiryaṅmānī pārśvamānyakṣṇayā ceti rajjavaḥ

Sanskrit only: no published translation is held for this verse.

पदं तिर्यङ्मानी त्रिपदा पार्श्वमानी तस्याक्ष्ण्या रज्जुर्दशकरणी

padaṃ tiryaṅmānī tripadā pārśvamānī tasyākṣṇyā rajjurdaśakaraṇī

Sanskrit only: no published translation is held for this verse.

एवं द्विपदा तिर्यङ्मानी षट्पदा पार्श्वमानी तस्याक्ष्णया रज्जुश्चत्वारिंशत्करणी

evaṃ dvipadā tiryaṅmānī ṣaṭpadā pārśvamānī tasyākṣṇayā rajjuścatvāriṃśatkaraṇī

Sanskrit only: no published translation is held for this verse.

उपदिष्टं युगप्रमाणं शम्याप्रमाणं च दर्शनात्

upadiṣṭaṃ yugapramāṇaṃ śamyāpramāṇaṃ ca darśanāt

Sanskrit only: no published translation is held for this verse.

दीर्घचतुरश्रस्याक्ष्णया रज्जुस्तिर्यङ्मानी पार्श्वमानी च यत्पृथग्भूते कुरुतस्तदुभयं करोतीति क्षेत्रज्ञानम्

dīrghacaturaśrasyākṣṇayā rajjustiryaṅmānī pārśvamānī ca yatpṛthagbhūte kurutastadubhayaṃ karotīti kṣetrajñānam

Sanskrit only: no published translation is held for this verse.

समचतुरश्रस्याक्ष्णया रज्जुर्द्विकरणी

samacaturaśrasyākṣṇayā rajjurdvikaraṇī

Sanskrit only: no published translation is held for this verse.

करणीं तृतीयेन वर्धयेत्तच्च स्वचतुर्थेनात्मचतुस्तृंशोनेन सविशेष इति विशेषः

karaṇīṃ tṛtīyena vardhayettacca svacaturthenātmacatustṛṃśonena saviśeṣa iti viśeṣaḥ

Sanskrit only: no published translation is held for this verse.

प्रमाणं तिर्यक् द्विकरण्यायामस्तस्याक्ष्णया रज्जुस्त्रिकरणी

pramāṇaṃ tiryak dvikaraṇyāyāmastasyākṣṇayā rajjustrikaraṇī

Sanskrit only: no published translation is held for this verse.

तृतीयकरण्येतेन व्याख्याता । प्रमाणविभागस्तु नवधा करणीतृतीयं नवभागः । नवभागास्त्रयस्तृतीयकरणी

tṛtīyakaraṇyetena vyākhyātā | pramāṇavibhāgastu navadhā karaṇītṛtīyaṃ navabhāgaḥ | navabhāgāstrayastṛtīyakaraṇī

Sanskrit only: no published translation is held for this verse.

सौत्रामण्यां प्रक्रमार्था । तृतीयकरणी समासार्था

sautrāmaṇyāṃ prakramārthā | tṛtīyakaraṇī samāsārthā

Sanskrit only: no published translation is held for this verse.

तुल्यप्रमाणानां समचतुरस्राणामुक्तः समासः । नानाप्रमाणसमासे ह्रसीयसः करण्या वर्षीयसोऽपच्छिन्द्यात्तस्याक्ष्णया रज्जुरुभे समस्यतीति समासः

tulyapramāṇānāṃ samacaturasrāṇāmuktaḥ samāsaḥ | nānāpramāṇasamāse hrasīyasaḥ karaṇyā varṣīyaso'pacchindyāttasyākṣṇayā rajjurubhe samasyatīti samāsaḥ

Sanskrit only: no published translation is held for this verse.