Kātyāyana Śulba-sūtra 3

चतुरश्राच्चतुरश्रं निर्जिहीर्षन्यावन्निर्जिहीर्षेत्तावदुभयतोऽपच्छिद्य शङ्कू निखाय पार्श्वमानीं कृत्वा पार्श्वमानीसम्मितामक्ष्णयां तत्रोपसंहरति स समासेऽपच्छेदः सा करण्येष निर्ह्रासः

caturaśrāccaturaśraṃ nirjihīrṣanyāvannirjihīrṣettāvadubhayato'pacchidya śaṅkū nikhāya pārśvamānīṃ kṛtvā pārśvamānīsammitāmakṣṇayāṃ tatropasaṃharati sa samāse'pacchedaḥ sā karaṇyeṣa nirhrāsaḥ

Sanskrit only: no published translation is held for this verse.

दीर्घचतुरश्रं समचतुरश्रं चिकीर्षन् मध्ये तिर्यगपच्छिद्यान्यतरद्विभज्येतरत्पुरस्ताद्दक्षिणतश्चोपदध्याच्छेषमागन्तुना पुरयेत्तस्योक्तो निर्ह्रासः

dīrghacaturaśraṃ samacaturaśraṃ cikīrṣan madhye tiryagapacchidyānyataradvibhajyetaratpurastāddakṣiṇataścopadadhyāccheṣamāgantunā purayettasyokto nirhrāsaḥ

Sanskrit only: no published translation is held for this verse.

अतिदीर्घं चेत्तिर्यङ्मान्यापच्छिद्यापच्छिद्यैकसमासेन समस्य शेषं यथायोगमुपसंहरेदित्येकः समासः

atidīrghaṃ cettiryaṅmānyāpacchidyāpacchidyaikasamāsena samasya śeṣaṃ yathāyogamupasaṃharedityekaḥ samāsaḥ

Sanskrit only: no published translation is held for this verse.

समचतुरश्रं दीर्घचतुरश्रं चिकीर्षन्मध्येऽक्ष्णयाऽपच्छिद्य तच्च विभज्यान्यतरत्पुरस्तादुत्तरतश्चोपदध्याद्विषमं चेद्यथायोगमुपसंहरेदिति व्यासः

samacaturaśraṃ dīrghacaturaśraṃ cikīrṣanmadhye'kṣṇayā'pacchidya tacca vibhajyānyataratpurastāduttarataścopadadhyādviṣamaṃ cedyathāyogamupasaṃharediti vyāsaḥ

Sanskrit only: no published translation is held for this verse.

प्रमाणं चतुरश्रमादेशादन्यत्

pramāṇaṃ caturaśramādeśādanyat

Sanskrit only: no published translation is held for this verse.

द्विप्रमाणा चतुःकरणी त्रिप्रमाण नवकरणी चतुःप्रमाणा षोडशकरणी

dvipramāṇā catuḥkaraṇī tripramāṇa navakaraṇī catuḥpramāṇā ṣoḍaśakaraṇī

Sanskrit only: no published translation is held for this verse.

यावत्प्रमाणा रज्जुर्भवति तावन्तस्तावन्तो वर्गा भवन्ति तान्समस्येत्

yāvatpramāṇā rajjurbhavati tāvantastāvanto vargā bhavanti tānsamasyet

Sanskrit only: no published translation is held for this verse.

अर्धप्रमाणेन पादप्रमाणं विधीयते । तृतीयेन नवमॐऽशः । चतुर्थेन षोडशी कला

ardhapramāṇena pādapramāṇaṃ vidhīyate | tṛtīyena navamaoṃ'śaḥ | caturthena ṣoḍaśī kalā

Sanskrit only: no published translation is held for this verse.

एष निर्ह्रासस्तस्य पुरस्तादुक्तं शास्त्रम्

eṣa nirhrāsastasya purastāduktaṃ śāstram

Sanskrit only: no published translation is held for this verse.

यावत्प्रमाणा रज्जुर्भवतीति विवृद्धे ह्रासो भवति

yāvatpramāṇā rajjurbhavatīti vivṛddhe hrāso bhavati

Sanskrit only: no published translation is held for this verse.

चतुरश्रं मण्डलं चिकीर्षन्मध्यादंसे निपात्य पार्श्वतः परिलिख्य तत्र यदतिरिक्तं भवति तस्य तृतीयेन सह मण्डलं परिलिखेत् स समाधिः

caturaśraṃ maṇḍalaṃ cikīrṣanmadhyādaṃse nipātya pārśvataḥ parilikhya tatra yadatiriktaṃ bhavati tasya tṛtīyena saha maṇḍalaṃ parilikhet sa samādhiḥ

Sanskrit only: no published translation is held for this verse.

मण्डलं चतुरश्रं चिकीर्षन् विष्कम्भं पञ्चदशभागान् कृत्वा द्वावुद्धरेच्छेषः करणी

maṇḍalaṃ caturaśraṃ cikīrṣan viṣkambhaṃ pañcadaśabhāgān kṛtvā dvāvuddhareccheṣaḥ karaṇī

Sanskrit only: no published translation is held for this verse.