Kātyāyana Śulba-sūtra 4

द्रोणचिद्रथचक्रचित्कङ्कचित्प्रौगचिदुभयतः प्रौगः समुह्यपुरीष इत्यग्नयः

droṇacidrathacakracitkaṅkacitpraugacidubhayataḥ praugaḥ samuhyapurīṣa ityagnayaḥ

Sanskrit only: no published translation is held for this verse.

द्रोणे यावानग्निः सपक्षपुच्छविशेषस्तावच्चतुरश्रं कृत्वा द्रोणदशमविभागो वृन्तमित्येके । तद्दशमेनापच्छिद्यापच्छिद्यैकसमासेन समस्य निर्हृत्य सर्वमग्निं तथाकृतिं कृत्वा पुरस्तात्पश्चाद्वोपदध्यात् । मण्डलेऽप्येवम्

droṇe yāvānagniḥ sapakṣapucchaviśeṣastāvaccaturaśraṃ kṛtvā droṇadaśamavibhāgo vṛntamityeke | taddaśamenāpacchidyāpacchidyaikasamāsena samasya nirhṛtya sarvamagniṃ tathākṛtiṃ kṛtvā purastātpaścādvopadadhyāt | maṇḍale'pyevam

Sanskrit only: no published translation is held for this verse.

प्रौगे यावानग्निः सपक्षपुच्छविशेषस्तावद्द्विगुणं चतुरश्रं कृत्वा यः पुरस्तात्करणीमध्ये शङ्कुर्यौ च श्रोण्योः सोऽग्निः

prauge yāvānagniḥ sapakṣapucchaviśeṣastāvaddviguṇaṃ caturaśraṃ kṛtvā yaḥ purastātkaraṇīmadhye śaṅkuryau ca śroṇyoḥ so'gniḥ

Sanskrit only: no published translation is held for this verse.

उभयतः प्रौगे तावदेव दीर्घचतुरश्रं कृत्वा करणीमध्येषु शङ्कवः स समाधिः

ubhayataḥ prauge tāvadeva dīrghacaturaśraṃ kṛtvā karaṇīmadhyeṣu śaṅkavaḥ sa samādhiḥ

Sanskrit only: no published translation is held for this verse.

प्रौगं चतुरश्रं चिकीर्षन्मध्ये प्राञ्चमपच्छिद्य विपर्यस्येतरत उपधाय दीर्घचतुरश्रसमासेन समस्येत् स समाधिः

praugaṃ caturaśraṃ cikīrṣanmadhye prāñcamapacchidya viparyasyetarata upadhāya dīrghacaturaśrasamāsena samasyet sa samādhiḥ

Sanskrit only: no published translation is held for this verse.

उभयतः प्रौगं चेन्मध्ये तिर्यगपच्छिद्य पूर्ववत्समस्येत्

ubhayataḥ praugaṃ cenmadhye tiryagapacchidya pūrvavatsamasyet

Sanskrit only: no published translation is held for this verse.

एतेनैव त्रिकर्णसमासो व्याख्यातः । पञ्चकर्णानां च । प्रौगेऽपच्छिद्यैककर्णानां । द्विकर्णानां समचतुरश्रेऽपच्छिद्य

etenaiva trikarṇasamāso vyākhyātaḥ | pañcakarṇānāṃ ca | prauge'pacchidyaikakarṇānāṃ | dvikarṇānāṃ samacaturaśre'pacchidya

Sanskrit only: no published translation is held for this verse.