Kedarabhatta (12th c.): Vrttaratnakara (sutra verses only) 6

प्रस्तारो नष्टमुद्दिष्टमेकद्वयादिलगक्रिया । सङ्ख्यानमध्वयोगश्च षडेते प्रत्ययाः स्मृताः

prastāro naṣṭamuddiṣṭamekadvayādilagakriyā / saṅkhyānamadhvayogaśca ṣaḍete pratyayāḥ smṛtāḥ

Sanskrit only: no published translation is held for this verse.

पादे सर्वगुरावाद्याल्लघुं न्यस्य गुरोरधः । यथोपरि तथा शेषं भूयः कुर्यादमुं विधिम्

pāde sarvagurāvādyāllaghuṃ nyasya guroradhaḥ / yathopari tathā śeṣaṃ bhūyaḥ kuryādamuṃ vidhim

Sanskrit only: no published translation is held for this verse.

ऊने दद्याद् गुरूनेव यावत्सर्वलघुर्भवेत् । प्रस्तारो ऽयं समाख्यातश्छन्दोविचितिवेदिभिः

ūne dadyād gurūneva yāvatsarvalaghurbhavet / prastāro 'yaṃ samākhyātaśchandovicitivedibhiḥ

Sanskrit only: no published translation is held for this verse.

नष्टस्य यो भवेदङ्कस्तस्यार्धे ऽर्धे समे च लः ॥ विषमे चैकमाधाय स्यादर्धे ऽर्धे गुरुभवेत्

naṣṭasya yo bhavedaṅkastasyārdhe 'rdhe same ca laḥ // viṣame caikamādhāya syādardhe 'rdhe gurubhavet

Sanskrit only: no published translation is held for this verse.

उद्दिष्टं द्विगुणानाद्यादुपर्यङ्कान्समालिखेत् । लघुस्था ये च तत्राङ्कास्तैः सैकैर्मिश्रितैर्भवेत्

uddiṣṭaṃ dviguṇānādyāduparyaṅkānsamālikhet / laghusthā ye ca tatrāṅkāstaiḥ saikairmiśritairbhavet

Sanskrit only: no published translation is held for this verse.

वर्णान्वृत्तभवान्सैकानौत्तराधर्यतः स्थितान् । एकादिक्रमतश्चैतानुपर्युपरि निक्षिपेत्

varṇānvṛttabhavānsaikānauttarādharyataḥ sthitān / ekādikramataścaitānuparyupari nikṣipet

Sanskrit only: no published translation is held for this verse.

उपान्त्यतो निवर्तेत त्यजन्नेकैकमूर्ध्वतः । उपर्याद्याद् गुरोरेकमेकद्व्यादिलगक्रिया

upāntyato nivarteta tyajannekaikamūrdhvataḥ / uparyādyād gurorekamekadvyādilagakriyā

Sanskrit only: no published translation is held for this verse.

लगक्रियाङ्कसन्दोहे भवेत्सङ्ख्या विमिश्रिते । उद्दिष्टाङ्कसमाहारः सैका वा जनयेदिमाम्

lagakriyāṅkasandohe bhavetsaṅkhyā vimiśrite / uddiṣṭāṅkasamāhāraḥ saikā vā janayedimām

Sanskrit only: no published translation is held for this verse.

सङ्ख्यैव द्विगुणैकोना सद्भिरध्वा प्रकीर्तितः ॥ वृत्तस्याङ्गुलिका व्याप्तिरधः कुर्यात्तथाङ्गुलिम्

saṅkhyaiva dviguṇaikonā sadbhiradhvā prakīrtitaḥ // vṛttasyāṅgulikā vyāptiradhaḥ kuryāttathāṅgulim

Sanskrit only: no published translation is held for this verse.

वंशे ऽभूत्कश्यपस्य प्रकटगुणगणः शैवसिद्धान्तवेत्ता विप्रः पव्येकनामा विमलतरमतिर्वेदतत्त्वार्थबोधे । केदारस्तस्य सूनुः शिवचरणयुगाराधनैकाग्रचित्तश्छन्दस्तेनाभिरामं वृत्तरत्नाकराख्यम्

vaṃśe 'bhūtkaśyapasya prakaṭaguṇagaṇaḥ śaivasiddhāntavettā vipraḥ pavyekanāmā vimalataramatirvedatattvārthabodhe / kedārastasya sūnuḥ śivacaraṇayugārādhanaikāgracittaśchandastenābhirāmaṃ vṛttaratnākarākhyam

Sanskrit only: no published translation is held for this verse.