Kesava Kasmiri: Kramadipika 6

षष्ठ-पटलम् अथैवं साधित-मन्त्रयोः प्रयोगादीन् दर्शयति- विनियोगान् अथो वक्ष्ये मन्त्रयोर् उभयोः समान् । तद्-अर्थ-कारिणो ऽनन्त-वीर्यान् मन्त्रांश् च कांश्चन

ṣaṣṭha-paṭalam athaivaṃ sādhita-mantrayoḥ prayogādīn darśayati- viniyogān atho vakṣye mantrayor ubhayoḥ samān | tad-artha-kāriṇo 'nanta-vīryān mantrāṃś ca kāṃścana

Sanskrit only: no published translation is held for this verse.

प्रयोगार्थं दशाष्टादशाक्षरयोर् ध्यानम् आह- वन्दे तं देवकी-पुत्रं सद्यो-जातं द्यु-सप्रभम् । पीताम्बरं कर-लसच्-छङ्ख-चक्र-गदाम्बुजम्

prayogārthaṃ daśāṣṭādaśākṣarayor dhyānam āha- vande taṃ devakī-putraṃ sadyo-jātaṃ dyu-saprabham | pītāmbaraṃ kara-lasac-chaṅkha-cakra-gadāmbujam

Sanskrit only: no published translation is held for this verse.

एवं ध्यात्वा जपेल् लक्षं मन्त्रं ब्राह्मे मुहूर्तके । स्वादु-प्लुतैश् च कुसुमैः पलाशैर् अयुतं हुनेत्

evaṃ dhyātvā japel lakṣaṃ mantraṃ brāhme muhūrtake | svādu-plutaiś ca kusumaiḥ palāśair ayutaṃ hunet

Sanskrit only: no published translation is held for this verse.

फलम् आह-- मन्वोर् अन्यतरेणैवं कुर्याद् यः सुसमाहितः । स्मृतिं मेधां मति-बलं लब्ध्वा स कविराड् भवेत् । स्यान् मनुस् तत् समजपध्यान-होम-फलो ऽपरः

phalam āha-- manvor anyatareṇaivaṃ kuryād yaḥ susamāhitaḥ | smṛtiṃ medhāṃ mati-balaṃ labdhvā sa kavirāḍ bhavet | syān manus tat samajapadhyāna-homa-phalo 'paraḥ

Sanskrit only: no published translation is held for this verse.

मन्त्रम् आह- श्रीमन्-मुकुन्द-चरणौ सदेति शरणं ततः । अहं प्रपद्य इत्य् उक्तो मौकुन्दो ऽष्टादशाक्षरः

mantram āha- śrīman-mukunda-caraṇau sadeti śaraṇaṃ tataḥ | ahaṃ prapadya ity ukto maukundo 'ṣṭādaśākṣaraḥ

Sanskrit only: no published translation is held for this verse.

मन्त्रोद्धारः: श्री-मुकुन्द-चरणौ सदा शरणम् अहं प्रपद्ये । ऋष्य्-आदिकम् आह- नारदो ऽस्य तु गायत्री मुकुन्दश् चषि-पूर्वकाः । प्रातः प्रातः पिबेत् तोयं जप्तं यो ऽष्तोत्तरं शतम् । अनेन षड्भिर् मासैः स भवेच् छ्रुतधरो नरः

mantroddhāraḥ: śrī-mukunda-caraṇau sadā śaraṇam ahaṃ prapadye | ṛṣy-ādikam āha- nārado 'sya tu gāyatrī mukundaś caṣi-pūrvakāḥ | prātaḥ prātaḥ pibet toyaṃ japtaṃ yo 'ṣtottaraṃ śatam | anena ṣaḍbhir māsaiḥ sa bhavec chrutadharo naraḥ

Sanskrit only: no published translation is held for this verse.

प्रयोगान्तरम् आह- उपसंहृत-दिव्याङ्गं पुरोवन् मातुर् अङ्कगम् । चलद्-दोश् चरणं बालं नीलाभं संस्मरन् जपेत्

prayogāntaram āha- upasaṃhṛta-divyāṅgaṃ purovan mātur aṅkagam | calad-doś caraṇaṃ bālaṃ nīlābhaṃ saṃsmaran japet

Sanskrit only: no published translation is held for this verse.

अयुतं तावद् एवाज्यैर् जुहुयाच् च हुताशने । स लभेद् अचलां भक्तिं श्रद्धां शान्तिं च शाश्वतीम्

ayutaṃ tāvad evājyair juhuyāc ca hutāśane | sa labhed acalāṃ bhaktiṃ śraddhāṃ śāntiṃ ca śāśvatīm

Sanskrit only: no published translation is held for this verse.

मन्त्रान्तरम् आह- मनुनैतत्-समस्तान्ते मरुन्-नमित-शब्दितः । बाल-लीलात्मने हुं फट् नम इत्य् अमुनाथवा

mantrāntaram āha- manunaitat-samastānte marun-namita-śabditaḥ | bāla-līlātmane huṃ phaṭ nama ity amunāthavā

Sanskrit only: no published translation is held for this verse.

मन्त्रोद्धारः: समस्त-मन्रुन्-नमितः बाल-लीलात्मने हुं फट् स्वाहा । ऋष्य्-आदीन् आह- नलकूवर-गायत्री-बाल-कृष्णा इतीरिताः । ऋस्याद्याः सिद्धयः सर्वाः स्युर् जपाद्यैर् इहामुना

mantroddhāraḥ: samasta-manrun-namitaḥ bāla-līlātmane huṃ phaṭ svāhā | ṛṣy-ādīn āha- nalakūvara-gāyatrī-bāla-kṛṣṇā itīritāḥ | ṛsyādyāḥ siddhayaḥ sarvāḥ syur japādyair ihāmunā

Sanskrit only: no published translation is held for this verse.

लम्बितं बाल-शयने रुदन्तं वल्लवी-जनैः । प्रेक्ष्यमाणं दुग्ध-बुद्ध्या तर्पयेत् सो ऽश्नुते ऽशनम्

lambitaṃ bāla-śayane rudantaṃ vallavī-janaiḥ | prekṣyamāṇaṃ dugdha-buddhyā tarpayet so 'śnute 'śanam

Sanskrit only: no published translation is held for this verse.

मन्त्रान्तरम् आह- अमुना वान्न-रूपान्ते रस-रूप-पदं वदेत् । तुष्ट-रूप नमो द्वन्द्वम् अन्नाधिपतये मम । अन्नं प्रयच्छ स्वाहेति त्रिंशद्-अर्णो ऽन्नदो मनुः

mantrāntaram āha- amunā vānna-rūpānte rasa-rūpa-padaṃ vadet | tuṣṭa-rūpa namo dvandvam annādhipataye mama | annaṃ prayaccha svāheti triṃśad-arṇo 'nnado manuḥ

Sanskrit only: no published translation is held for this verse.

मन्त्रोद्धारः: अन्न-रूप रस-रूप तुष्ट-रूप नमो नमः अन्नाधिपतये मनान्नं प्रयच्छ स्वाहा । ऋष्य्-आदीन् आह- नारदानुष्टुब्-अन्नाधिपतयो ऽस्यर्षि-पूर्वकाः । भूत-बाल-ग्रहोन्माद-स्मृति-भ्रंशाद्य्-उपद्रवैः । पूतना-स्तन-पातारं ग्रस्त-मूर्ध्नि स्मरन् जपेत्

mantroddhāraḥ: anna-rūpa rasa-rūpa tuṣṭa-rūpa namo namaḥ annādhipataye manānnaṃ prayaccha svāhā | ṛṣy-ādīn āha- nāradānuṣṭub-annādhipatayo 'syarṣi-pūrvakāḥ | bhūta-bāla-grahonmāda-smṛti-bhraṃśādy-upadravaiḥ | pūtanā-stana-pātāraṃ grasta-mūrdhni smaran japet

Sanskrit only: no published translation is held for this verse.

तां पूतनां रुदतीं क्रन्दमानां भावयेत्- सासु-चूषण-निर्भिन्न-सर्वाङ्गीं रुदतीं च ताम् । आविश्य सर्वे मुक्त्वा तं विद्रवन्ति द्रुतं ग्रहाः

tāṃ pūtanāṃ rudatīṃ krandamānāṃ bhāvayet- sāsu-cūṣaṇa-nirbhinna-sarvāṅgīṃ rudatīṃ ca tām | āviśya sarve muktvā taṃ vidravanti drutaṃ grahāḥ

Sanskrit only: no published translation is held for this verse.

प्रयोगान्तरम् आह- जुहुयात् खर-मञ्जर्या मञ्जरीभिर् विभावसौ । सुस्नातः पञ्च-गव्याद्भिः पूतनाहन्तुर् आनने

prayogāntaram āha- juhuyāt khara-mañjaryā mañjarībhir vibhāvasau | susnātaḥ pañca-gavyādbhiḥ pūtanāhantur ānane

Sanskrit only: no published translation is held for this verse.

प्राशयेच् छिष्ट-गव्यं तत्-कलशेनाभिषेचयेत् । साध्यं सहस्र-जप्तेन सर्वोपद्रव-शान्तये

prāśayec chiṣṭa-gavyaṃ tat-kalaśenābhiṣecayet | sādhyaṃ sahasra-japtena sarvopadrava-śāntaye

Sanskrit only: no published translation is held for this verse.

मन्त्रान्तरम् आह- अमुनैतद् द्वादशार्णं हुं फट् स्वाहान्तकेन वा । ऋष्य्-आद्या ब्रह्म-गायत्री-ग्रह-घ्न-हरयो ऽस्य तु

mantrāntaram āha- amunaitad dvādaśārṇaṃ huṃ phaṭ svāhāntakena vā | ṛṣy-ādyā brahma-gāyatrī-graha-ghna-harayo 'sya tu

Sanskrit only: no published translation is held for this verse.

मन्त्रोद्धारः: ॐ नमो भगवते वासुदेवाय हुं फट् स्वाहा । निज-पादाम्बुजाक्षिप्त-शकटं चिन्तयन् जपेत् । अयुतं मन्त्रयोर् एकं सर्व-विघ्नोपशन्तये

mantroddhāraḥ: oṃ namo bhagavate vāsudevāya huṃ phaṭ svāhā | nija-pādāmbujākṣipta-śakaṭaṃ cintayan japet | ayutaṃ mantrayor ekaṃ sarva-vighnopaśantaye

Sanskrit only: no published translation is held for this verse.

अङ्गान्य् अमीषां मन्त्राणाम् आचक्रादिभिर् अर्चना । अङ्गैर् इन्द्रादि-वज्राद्यैर् उदिता सम्पदे सदा

aṅgāny amīṣāṃ mantrāṇām ācakrādibhir arcanā | aṅgair indrādi-vajrādyair uditā sampade sadā

Sanskrit only: no published translation is held for this verse.

मृत्युञ्जय-विधिं दर्शयति- बालो नील-तनुर् दोर्भ्यां दध्य्-उत्थं पायसं दधत् । हरिर् वो ऽव्याद् द्वीपि-नख-किङ्किणी-जाल-मण्डितः

mṛtyuñjaya-vidhiṃ darśayati- bālo nīla-tanur dorbhyāṃ dadhy-utthaṃ pāyasaṃ dadhat | harir vo 'vyād dvīpi-nakha-kiṅkiṇī-jāla-maṇḍitaḥ

Sanskrit only: no published translation is held for this verse.

ध्यात्वैवाग्नौ जुहुयात् शतवीर्याङ्कुर-त्रिकैः । पयः-सर्पिः-प्लुतैर् लक्षम् एकं तावज् जपेन् मनुम्

dhyātvaivāgnau juhuyāt śatavīryāṅkura-trikaiḥ | payaḥ-sarpiḥ-plutair lakṣam ekaṃ tāvaj japen manum

Sanskrit only: no published translation is held for this verse.

गुरवे दक्षिणां दत्त्वा भोजयेद् द्विज-पुङ्गवान् । स ह्य् अब्दानां शतं जीवेन् न रोगो नात्र संशयः

gurave dakṣiṇāṃ dattvā bhojayed dvija-puṅgavān | sa hy abdānāṃ śataṃ jīven na rogo nātra saṃśayaḥ

Sanskrit only: no published translation is held for this verse.

मन्त्रान्तरम् आह- अत्रापरो मनुर् द्वादशार्णान्ते पुरुषोत्तम । आयुर् मे देहि सम्भाष्य विष्णवे प्रभविष्णवे

mantrāntaram āha- atrāparo manur dvādaśārṇānte puruṣottama | āyur me dehi sambhāṣya viṣṇave prabhaviṣṇave

Sanskrit only: no published translation is held for this verse.

नमो ऽन्तो द्व्य्-अधिक-त्रिंशद्-अर्णो ऽस्यार्षिस् तु नारदः । छन्दो ऽनुष्टुप्-देवता च श्री-कृष्णो ऽङ्गान्य् अतो ब्रुवे

namo 'nto dvy-adhika-triṃśad-arṇo 'syārṣis tu nāradaḥ | chando 'nuṣṭup-devatā ca śrī-kṛṣṇo 'ṅgāny ato bruve

Sanskrit only: no published translation is held for this verse.

मन्त्रोद्धारः: ॐ नमो भगवते वासुदेवाय पुरुषोत्तम् आयुर् मे देहि विष्णवे प्रभविष्णवे नमः । रवि-भूतेन्द्रिय-वसु-नेत्रार्णैश् चात्मने युतैः । महानन्द-पद-ज्योतिर् माया-विद्या-पदैः क्रमात्

mantroddhāraḥ: oṃ namo bhagavate vāsudevāya puruṣottam āyur me dehi viṣṇave prabhaviṣṇave namaḥ | ravi-bhūtendriya-vasu-netrārṇaiś cātmane yutaiḥ | mahānanda-pada-jyotir māyā-vidyā-padaiḥ kramāt

Sanskrit only: no published translation is held for this verse.

एतस्य पुरश्चरणादिम् आह- जप्त्वा लक्षम् इमं मन्त्रम् अयुतं पायसैर् हुनेत् । पूर्ववद् दूर्वया जुह्वद् आयुर् दीर्घतरं लभेत्

etasya puraścaraṇādim āha- japtvā lakṣam imaṃ mantram ayutaṃ pāyasair hunet | pūrvavad dūrvayā juhvad āyur dīrghataraṃ labhet

Sanskrit only: no published translation is held for this verse.

दारयन्तं बकं दोर्भ्यां कृष्णं संगृह्य तुण्डयोः । स्मरन् शिशूनाम् आतङ्के स्पृष्ट्वाऽयतरम् अभ्यसेत् । तज्-जप्त-तिलजाभ्यङ्गाद् भवेयुः सुखिनश् च ते

dārayantaṃ bakaṃ dorbhyāṃ kṛṣṇaṃ saṃgṛhya tuṇḍayoḥ | smaran śiśūnām ātaṅke spṛṣṭvā'yataram abhyaset | taj-japta-tilajābhyaṅgād bhaveyuḥ sukhinaś ca te

Sanskrit only: no published translation is held for this verse.

अस्मिन्न् एव बाल-रक्षार्थे ऽन्यो ऽपि मन्त्रो ऽस्तीत्य् आह- अत्राप्य् अन्यो मनुर् बाल-वपुषे वह्नि-वल्लभा । गोरक्षायां क्वणद्-वेणुं चारयन्तं पशूंस् तथा

asminn eva bāla-rakṣārthe 'nyo 'pi mantro 'stīty āha- atrāpy anyo manur bāla-vapuṣe vahni-vallabhā | gorakṣāyāṃ kvaṇad-veṇuṃ cārayantaṃ paśūṃs tathā

Sanskrit only: no published translation is held for this verse.

अस्मिन्न् एव बाल-रक्षार्थे गो-रक्षायां च मन्त्रान्तरम् आह- उक्त्वा गोपालक-पदं पुनर् वेशधराय च । वासुदेवाय वर्मास्त्र-शिरांस्य् अष्टादशाक्षर

asminn eva bāla-rakṣārthe go-rakṣāyāṃ ca mantrāntaram āha- uktvā gopālaka-padaṃ punar veśadharāya ca | vāsudevāya varmāstra-śirāṃsy aṣṭādaśākṣara

Sanskrit only: no published translation is held for this verse.

मन्त्रोद्धारः: गोपालक-वेश-धराय वासुदेवाय हुं फट् स्वाहा । मनोर् नारद-गायत्री-कृष्ण-र्ष्यादिर् अनेन वा । कुर्याद् गोपाल-संरक्षाम् आचक्राद्य्-अङ्गिना बुधः

mantroddhāraḥ: gopālaka-veśa-dharāya vāsudevāya huṃ phaṭ svāhā | manor nārada-gāyatrī-kṛṣṇa-rṣyādir anena vā | kuryād gopāla-saṃrakṣām ācakrādy-aṅginā budhaḥ

Sanskrit only: no published translation is held for this verse.

विष-हरण-प्रयोगम् आह- कुम्भी-नसादि-क्ष्वेडार्तौ दष्ट-मूर्ध्नि स्मरन् हरिम् । नृत्यन्तं कालिय-फणारङ्गे ऽन्यतरम् अभ्यसेत्

viṣa-haraṇa-prayogam āha- kumbhī-nasādi-kṣveḍārtau daṣṭa-mūrdhni smaran harim | nṛtyantaṃ kāliya-phaṇāraṅge 'nyataram abhyaset

Sanskrit only: no published translation is held for this verse.

दृशा पीयूष-वर्षिण्या सिञ्चन्तं तत् तनुं बुधः । तर्जयन् वाम-तर्जन्या तं द्राङ् मोचयते विषात्

dṛśā pīyūṣa-varṣiṇyā siñcantaṃ tat tanuṃ budhaḥ | tarjayan vāma-tarjanyā taṃ drāṅ mocayate viṣāt

Sanskrit only: no published translation is held for this verse.

प्रयोगान्तरम् आह- आपूर्व-कलशं तोयैः स्मृत्वा कालिय-मर्दनम् । जप्त्वाष्ट-शतम् आसिञ्चेद् विषिणं स सुखी भवेत्

prayogāntaram āha- āpūrva-kalaśaṃ toyaiḥ smṛtvā kāliya-mardanam | japtvāṣṭa-śatam āsiñced viṣiṇaṃ sa sukhī bhavet

Sanskrit only: no published translation is held for this verse.

कालिय-मर्दन-मन्त्रम् आह- काव्य-मध्ये लियस्यान्ते फणामध्येदि-वर्णकान् । उक्त्वा पुनर् वदेन् नृत्यं करोति तम् अनन्तरम्

kāliya-mardana-mantram āha- kāvya-madhye liyasyānte phaṇāmadhyedi-varṇakān | uktvā punar vaden nṛtyaṃ karoti tam anantaram

Sanskrit only: no published translation is held for this verse.

नमामि देवकी-पुत्र इत्य् उक्त्वा नृत्य-शब्दतः । राजानम् अच्युतं ब्रूयाद् इति दन्त-लिपिर् मनुः

namāmi devakī-putra ity uktvā nṛtya-śabdataḥ | rājānam acyutaṃ brūyād iti danta-lipir manuḥ

Sanskrit only: no published translation is held for this verse.

कालिय-व्यफणा-मध्ये इति नृत्यं करोति तं । देवकी-पुत्रं नमामि नृत्य राजानम् उच्यतम् ॥ अस्य मन्त्रस्य अङ्गादीनि दर्शयति- अस्याङ्गान्यङ्घ्रिभिर् न्यस्तैः समस्तैर् नारदो मुनिः । छन्दो ऽनुष्टुब् देवता च कृष्णः कालिय-मर्दनः

kāliya-vyaphaṇā-madhye iti nṛtyaṃ karoti taṃ | devakī-putraṃ namāmi nṛtya rājānam ucyatam || asya mantrasya aṅgādīni darśayati- asyāṅgānyaṅghribhir nyastaiḥ samastair nārado muniḥ | chando 'nuṣṭub devatā ca kṛṣṇaḥ kāliya-mardanaḥ

Sanskrit only: no published translation is held for this verse.

पुरश्चरणम् आह- जप्यो लक्षं मनुर् अयं होतव्यं सर्पिषायुतम् । अङ्ग-दिक्पाल-वज्राद्यैर् अर्चनास्य समीरिता

puraścaraṇam āha- japyo lakṣaṃ manur ayaṃ hotavyaṃ sarpiṣāyutam | aṅga-dikpāla-vajrādyair arcanāsya samīritā

Sanskrit only: no published translation is held for this verse.

अयं मन्त्रः लक्षं जप्यः सर्पिषा घृतेन पुनर् अयुतं होतव्यम् । अङ्ग-दिक्-पाल-वज्राद्यैस् त्रिभिर् आवरणैर् अर्चना पूजा कथिता ॥ प्रयोगम् आह- क्रिया सर्वा च कर्तव्या विसघ्नी पूर्वम् ईरिता । सदृशो ऽनेन जगति नहि क्ष्वेड-हरो मनुः

ayaṃ mantraḥ lakṣaṃ japyaḥ sarpiṣā ghṛtena punar ayutaṃ hotavyam | aṅga-dik-pāla-vajrādyais tribhir āvaraṇair arcanā pūjā kathitā || prayogam āha- kriyā sarvā ca kartavyā visaghnī pūrvam īritā | sadṛśo 'nena jagati nahi kṣveḍa-haro manuḥ

Sanskrit only: no published translation is held for this verse.

विषघ्नं प्रयोगान्तरम् आह- अङ्गैः शुकतरोः पिष्टैर् गुलिका धेनु-वारिणा । आननस्याञ्जनालेपैर् विषघ्नी साधितामुना

viṣaghnaṃ prayogāntaram āha- aṅgaiḥ śukataroḥ piṣṭair gulikā dhenu-vāriṇā | ānanasyāñjanālepair viṣaghnī sādhitāmunā

Sanskrit only: no published translation is held for this verse.

अधुना प्रयोगान्तरं दर्शयति- उद्दण्ड-वाम-दोर्-दण्ड-धृत-गोवर्धनाचलम् । अन्य-हस्ताङ्गुली-व्यक्त-स्वर-वंशार्पिताननम्

adhunā prayogāntaraṃ darśayati- uddaṇḍa-vāma-dor-daṇḍa-dhṛta-govardhanācalam | anya-hastāṅgulī-vyakta-svara-vaṃśārpitānanam

Sanskrit only: no published translation is held for this verse.

ध्यायन् हरिं जपन् मन्वोर् एकं छत्रं विना व्रजेत् । वर्ष-वाताशनिभ्यः स्याद् भयं तस्य नहि क्वचित्

dhyāyan hariṃ japan manvor ekaṃ chatraṃ vinā vrajet | varṣa-vātāśanibhyaḥ syād bhayaṃ tasya nahi kvacit

Sanskrit only: no published translation is held for this verse.

प्रयोगान्तरम् आह- मोघ-मेघौघ-यत्नापगतेन्द्रं तं स्मरन् हुनेत् । लवणैर् अयुत-सङ्ख्यातैर् अनावृष्टिर् न संशयः

prayogāntaram āha- mogha-meghaugha-yatnāpagatendraṃ taṃ smaran hunet | lavaṇair ayuta-saṅkhyātair anāvṛṣṭir na saṃśayaḥ

Sanskrit only: no published translation is held for this verse.

प्रयोगान्तरम् आह- क्रीडन्तं यमुना-तोये मज्जन-प्लवनादिभिः । तच्-छीकर-जलासारैः सिच्यमानं प्रिया-जनैः

prayogāntaram āha- krīḍantaṃ yamunā-toye majjana-plavanādibhiḥ | tac-chīkara-jalāsāraiḥ sicyamānaṃ priyā-janaiḥ

Sanskrit only: no published translation is held for this verse.

ध्यात्वायुतं पयः-सिक्तैर् हुनेद् वानीर-तर्पणैः । वृष्टिर् भवत् काले ऽपि महती नात्र संशयः

dhyātvāyutaṃ payaḥ-siktair huned vānīra-tarpaṇaiḥ | vṛṣṭir bhavat kāle 'pi mahatī nātra saṃśayaḥ

Sanskrit only: no published translation is held for this verse.

अनेनैव ध्यानेन प्रयोगान्तरम् आह- अमुम् एव स्मरन् मूर्ध्नि विष-स्फोट-ज्वरादिभिः । स-दाह-मोहैर् आर्तस्य जपेच् छान्तिर् भवेत् क्षणात्

anenaiva dhyānena prayogāntaram āha- amum eva smaran mūrdhni viṣa-sphoṭa-jvarādibhiḥ | sa-dāha-mohair ārtasya japec chāntir bhavet kṣaṇāt

Sanskrit only: no published translation is held for this verse.

एतस्याम् एवार्तौ प्रकारान्तरम् आह- अथवा गरुडारूढं बल-प्रद्युम्न-संयुतम् । निज-ज्वर-विनिष्पिष्ट-ज्वराभिष्टुतम् अच्युतम्

etasyām evārtau prakārāntaram āha- athavā garuḍārūḍhaṃ bala-pradyumna-saṃyutam | nija-jvara-viniṣpiṣṭa-jvarābhiṣṭutam acyutam

Sanskrit only: no published translation is held for this verse.

ध्यात्वा ज्वराभिभूत्यस्य मूर्ध्न्य् अन्यतरम् अभ्यसेत् । शान्तिं व्रजेद् असाध्यो ऽपि ज्वरः सोपद्रवः क्षणात्

dhyātvā jvarābhibhūtyasya mūrdhny anyataram abhyaset | śāntiṃ vrajed asādhyo 'pi jvaraḥ sopadravaḥ kṣaṇāt

Sanskrit only: no published translation is held for this verse.

अनेनैव ध्यानेन प्रयोगान्तरम् आह- ध्यात्वैवम् अग्नाव् अभ्यर्च्य पयोक्तैश् चतुरङ्गुलैः । जुहुयाद् अमृताखण्डैर् अयुतं ज्वर-शान्तये

anenaiva dhyānena prayogāntaram āha- dhyātvaivam agnāv abhyarcya payoktaiś caturaṅgulaiḥ | juhuyād amṛtākhaṇḍair ayutaṃ jvara-śāntaye

Sanskrit only: no published translation is held for this verse.

प्रयोगान्तरम् आह- निशात-शर-निर्भिन्न-भीष्मताप-नुदं हरिम् । स्मृत्वा स्पृशन् जपेद् आर्तं पाणिभ्यां रोग-शान्तये

prayogāntaram āha- niśāta-śara-nirbhinna-bhīṣmatāpa-nudaṃ harim | smṛtvā spṛśan japed ārtaṃ pāṇibhyāṃ roga-śāntaye

Sanskrit only: no published translation is held for this verse.

प्रयोगान्तरम् आह- अपमृत्यु-विनाशाय सान्दीपनि-सुत-प्रदम् । ध्यात्वामृत-लता-खण्डैः क्षीराक्तैर् अयुतं हुनेत्

prayogāntaram āha- apamṛtyu-vināśāya sāndīpani-suta-pradam | dhyātvāmṛta-latā-khaṇḍaiḥ kṣīrāktair ayutaṃ hunet

Sanskrit only: no published translation is held for this verse.

प्रयोगान्तरम् आह- मृत-पुत्राय ददतं सुतान् विप्राय सार्जुनम् । ध्यात्वा लक्षं जपेद् एकं मन्वोः सुत-विवृद्धये

prayogāntaram āha- mṛta-putrāya dadataṃ sutān viprāya sārjunam | dhyātvā lakṣaṃ japed ekaṃ manvoḥ suta-vivṛddhaye

Sanskrit only: no published translation is held for this verse.

प्रयोगान्तरम् आह- पुत्र-जीवेन्धन-युते जुहुयाद् अनले ऽयुतम् । तत्-फलैर् मधुराक्तैः स्युः पुत्रा दीर्घायुषो ऽस्य तु

prayogāntaram āha- putra-jīvendhana-yute juhuyād anale 'yutam | tat-phalair madhurāktaiḥ syuḥ putrā dīrghāyuṣo 'sya tu

Sanskrit only: no published translation is held for this verse.

प्रयोगान्तरम् आह- क्षीर-द्रुक्-क्वाथ-सम्पूर्णम् अभ्यर्च्य कलशं निशि । जप्त्वायुतं प्रगे नारीम् अभिषिञ्चेद् द्विषट्-दिनम्

prayogāntaram āha- kṣīra-druk-kvātha-sampūrṇam abhyarcya kalaśaṃ niśi | japtvāyutaṃ prage nārīm abhiṣiñced dviṣaṭ-dinam

Sanskrit only: no published translation is held for this verse.

सा बन्ध्यापि सुतान् दीर्घ-जीविनो गद-वर्जितान् । लभते नात्र सन्देहस् तज्-जप्ताज्याशिनी सती

sā bandhyāpi sutān dīrgha-jīvino gada-varjitān | labhate nātra sandehas taj-japtājyāśinī satī

Sanskrit only: no published translation is held for this verse.

प्रयोगान्तरम् आह- प्रातर् वाचं-यमा नारी बोधि-च्छद-पुटे जलम् । मन्त्रयित्वाष्टोत्तर-शतं पिबेत् पुत्रीयती ध्रुवम्

prayogāntaram āha- prātar vācaṃ-yamā nārī bodhi-cchada-puṭe jalam | mantrayitvāṣṭottara-śataṃ pibet putrīyatī dhruvam

Sanskrit only: no published translation is held for this verse.

प्रयोगान्तरम् आह- प्रहितां काशि-राजेन कृत्यां छित्वा निजारिणा । तत्-तेजसा तन्-नगरीं दहन्तं भावयन् हरिम्

prayogāntaram āha- prahitāṃ kāśi-rājena kṛtyāṃ chitvā nijāriṇā | tat-tejasā tan-nagarīṃ dahantaṃ bhāvayan harim

Sanskrit only: no published translation is held for this verse.

स्व-स्नेहाक्तैर् हुनेद् रात्रौ सर्षपैः सप्त-वासरम् । कृत्या कर्तारम् एवासौ कुपिता नाशयेद् ध्रुवम्

sva-snehāktair huned rātrau sarṣapaiḥ sapta-vāsaram | kṛtyā kartāram evāsau kupitā nāśayed dhruvam

Sanskrit only: no published translation is held for this verse.

प्रयोगान्तरम् आह- आसीनम् आश्रमे दिव्ये बदरी-षण्ड-मण्डिते । स्पृशन्तं पाणि-पद्माभ्यां घण्टाकर्ण-कलेवरम्

prayogāntaram āha- āsīnam āśrame divye badarī-ṣaṇḍa-maṇḍite | spṛśantaṃ pāṇi-padmābhyāṃ ghaṇṭākarṇa-kalevaram

Sanskrit only: no published translation is held for this verse.

ध्यात्वाच्युतं तिलैर् लक्षं हुनेत् त्रि-मधुराप्लुतैः । मुक्तये सर्व-पापानां शान्तये कान्तये तनोः

dhyātvācyutaṃ tilair lakṣaṃ hunet tri-madhurāplutaiḥ | muktaye sarva-pāpānāṃ śāntaye kāntaye tanoḥ

Sanskrit only: no published translation is held for this verse.

प्रयोगान्तरम् आह- द्वेषयन्तं रुक्मि-बलौ द्यूतासक्तौ स्मरन् हरिम् । जुहुयाद् इष्टयोर् द्विष्ट्यै गुलिका गोमयोद्भवाः

prayogāntaram āha- dveṣayantaṃ rukmi-balau dyūtāsaktau smaran harim | juhuyād iṣṭayor dviṣṭyai gulikā gomayodbhavāḥ

Sanskrit only: no published translation is held for this verse.

प्रयोगान्तरम् आह- ज्वलद्-वह्नि-मुखैर् बाणैर् वर्षन्तं गरुडध्वजम् । धावमानं रिपु-गणम् अनुधावन्तम् अच्युतम्

prayogāntaram āha- jvalad-vahni-mukhair bāṇair varṣantaṃ garuḍadhvajam | dhāvamānaṃ ripu-gaṇam anudhāvantam acyutam

Sanskrit only: no published translation is held for this verse.

ध्यात्वैवम् अभ्यसेन् मन्वोर् एकं सप्त-सहस्रकम् । उच्चाटनं भवेद् एतद्-रिपूणां सप्तभिर् दिनैः

dhyātvaivam abhyasen manvor ekaṃ sapta-sahasrakam | uccāṭanaṃ bhaved etad-ripūṇāṃ saptabhir dinaiḥ

Sanskrit only: no published translation is held for this verse.

प्रयोगान्तरम् आह- उत्क्षिप्तवत्सकं ध्यायन् कपित्थ-फल-हारिणम् । अयुतं प्रजपेत् साध्यम् उच्चाटयति तत्-क्षणात्

prayogāntaram āha- utkṣiptavatsakaṃ dhyāyan kapittha-phala-hāriṇam | ayutaṃ prajapet sādhyam uccāṭayati tat-kṣaṇāt

Sanskrit only: no published translation is held for this verse.

प्रयोगान्तरम् आह- आत्मानं कंस-मथनं ध्यात्वा मञ्चान् निपातितम् । कंसात्मानम् अरिं कर्षन् गतासुं प्रजपेन् मनुम्

prayogāntaram āha- ātmānaṃ kaṃsa-mathanaṃ dhyātvā mañcān nipātitam | kaṃsātmānam ariṃ karṣan gatāsuṃ prajapen manum

Sanskrit only: no published translation is held for this verse.

अयुतं जुहुयाद् वास्य जन्मोडुतरु-तर्पणैः । अपि सेवित-पीयूषो मिर्यते ऽरिर् न संशयः

ayutaṃ juhuyād vāsya janmoḍutaru-tarpaṇaiḥ | api sevita-pīyūṣo miryate 'rir na saṃśayaḥ

Sanskrit only: no published translation is held for this verse.

इदं प्रयोजनं प्रकारान्तरेणापि भवतीति दर्शयति- अथवा निम्ब-तैलाक्तैर् हुनेद् अधोभिर् अक्षजैः । अयुतं प्रयतो रात्रौ मरणाय रिपोः क्षणात्

idaṃ prayojanaṃ prakārāntareṇāpi bhavatīti darśayati- athavā nimba-tailāktair huned adhobhir akṣajaiḥ | ayutaṃ prayato rātrau maraṇāya ripoḥ kṣaṇāt

Sanskrit only: no published translation is held for this verse.

अस्मिन्न् एवार्थे प्रयोगान्तरम् आह- दोषारिष्ट-दल-व्योष-कार्पासास्थि-कणैर् निशि । हुनेद् एरण्ड-तैलाक्तैः स्मशानस्थो ऽरि-शान्तये

asminn evārthe prayogāntaram āha- doṣāriṣṭa-dala-vyoṣa-kārpāsāsthi-kaṇair niśi | huned eraṇḍa-tailāktaiḥ smaśānastho 'ri-śāntaye

Sanskrit only: no published translation is held for this verse.

रागान् मारण-प्रयोगे प्रायश्चित्तम् आह- न शस्तं मारणं कर्म कुर्याच् चेद् अयुतं जपेत् । हुनेद् वा पायसैस् तावत् शान्तये शान्तमासः

rāgān māraṇa-prayoge prāyaścittam āha- na śastaṃ māraṇaṃ karma kuryāc ced ayutaṃ japet | huned vā pāyasais tāvat śāntaye śāntamāsaḥ

Sanskrit only: no published translation is held for this verse.

प्रयोगान्तरम् आह- जय-कामो जपेल् लक्षं पारिजात-हरं हरिम् । स्मरन् पराजयस् तस्य न कुतश्चिद् भविष्यति

prayogāntaram āha- jaya-kāmo japel lakṣaṃ pārijāta-haraṃ harim | smaran parājayas tasya na kutaścid bhaviṣyati

Sanskrit only: no published translation is held for this verse.

प्रयोगान्तरम् आह- पार्थे दिशन्तं गीतार्थं व्याख्या-मुद्राकरं हरिम् । रथस्थं भावयन् जप्याद् धर्म-वृद्ध्यै शमाय च

prayogāntaram āha- pārthe diśantaṃ gītārthaṃ vyākhyā-mudrākaraṃ harim | rathasthaṃ bhāvayan japyād dharma-vṛddhyai śamāya ca

Sanskrit only: no published translation is held for this verse.

प्रयोगान्तरम् आह- लक्षं पलाश-कुसुमैर् हुनेद् यो मधुराप्लुतैः । व्याख्याता सर्व-शास्त्राणां स कविर् वादिराड् भवेत्

prayogāntaram āha- lakṣaṃ palāśa-kusumair huned yo madhurāplutaiḥ | vyākhyātā sarva-śāstrāṇāṃ sa kavir vādirāḍ bhavet

Sanskrit only: no published translation is held for this verse.

प्रयोगान्तरम् आह- विश्वरूप-धरं प्रोद्यद्-भानुकोटि-सम-द्युतिम् । द्रुत-चामीकर-निभम् अग्नि-सोमात्मकं हरिम्

prayogāntaram āha- viśvarūpa-dharaṃ prodyad-bhānukoṭi-sama-dyutim | druta-cāmīkara-nibham agni-somātmakaṃ harim

Sanskrit only: no published translation is held for this verse.

अर्काग्नि-द्योत-दास्याङ्घ्रि-पङ्कजं दिव्य-भूषणम् । नानायुध-धरं व्याप्त-विश्वाकाशावकाशकम्

arkāgni-dyota-dāsyāṅghri-paṅkajaṃ divya-bhūṣaṇam | nānāyudha-dharaṃ vyāpta-viśvākāśāvakāśakam

Sanskrit only: no published translation is held for this verse.

राष्ट्र-पूर्-ग्राम-वास्तूनां शरीरस्य च रक्षणे । प्रजपेन् मन्त्रयोर् एकतरं ध्यात्वैवम् आदरात्

rāṣṭra-pūr-grāma-vāstūnāṃ śarīrasya ca rakṣaṇe | prajapen mantrayor ekataraṃ dhyātvaivam ādarāt

Sanskrit only: no published translation is held for this verse.

प्रयोगान्तरम् आह- अथवा व्यस्त-सर्वाङ्घ्रि-रचिताङ्गार्जुन-र्षिकम् । त्रिष्टुप्-छन्दसिकं विश्वरुप-विष्ण्व्-अधिदैवतम्

prayogāntaram āha- athavā vyasta-sarvāṅghri-racitāṅgārjuna-rṣikam | triṣṭup-chandasikaṃ viśvarupa-viṣṇv-adhidaivatam

Sanskrit only: no published translation is held for this verse.

जपेद् गीता-मनुं स्थाने हृषीकेशाद्यम् आज्यकैः । हुनेद् वा सर्व-रक्षायै सर्व-दुःखोपशान्तये

japed gītā-manuṃ sthāne hṛṣīkeśādyam ājyakaiḥ | huned vā sarva-rakṣāyai sarva-duḥkhopaśāntaye

Sanskrit only: no published translation is held for this verse.