Library·Kesava Kasmiri: Kramadipika·7
ऋष्य्-आदिकम् आह- ऋषिर् ब्रह्मा च गायत्री-च्छन्दः कृष्णस् तु देवता । युग-वर्णैः समस्तेन प्रोक्तं स्याद् अङ्ग-पञ्चकम्
ṛṣy-ādikam āha- ṛṣir brahmā ca gāyatrī-cchandaḥ kṛṣṇas tu devatā | yuga-varṇaiḥ samastena proktaṃ syād aṅga-pañcakam
Sanskrit only: no published translation is held for this verse.
ध्यानम् आह- पञ्च-वर्षम् अतिदृप्तम् अङ्गणे धावमानम् अलकाकुलेक्षणम् । किङ्किणी-वलय-हार-नूपुरैर् अञ्जितं स्मरत गोप-बालकम्
dhyānam āha- pañca-varṣam atidṛptam aṅgaṇe dhāvamānam alakākulekṣaṇam | kiṅkiṇī-valaya-hāra-nūpurair añjitaṃ smarata gopa-bālakam
Sanskrit only: no published translation is held for this verse.
पुरश्चरणम् आह- ध्यात्वैवं प्रजपेद् अष्ट-लक्षं तावत् सहस्रकम् । जुहुयात् ब्रह्म-वृक्षोत्थ-समिद्भिः पायसेन वा
puraścaraṇam āha- dhyātvaivaṃ prajaped aṣṭa-lakṣaṃ tāvat sahasrakam | juhuyāt brahma-vṛkṣottha-samidbhiḥ pāyasena vā
Sanskrit only: no published translation is held for this verse.
पूजा-प्रकारम् आह- प्रासादे स्थापितं कृष्णम् अमुना नित्यशो ऽर्चयेत् । द्वार-पूजादि पीठार्चनान्तं कृत्वोक्त-मार्गतः
pūjā-prakāram āha- prāsāde sthāpitaṃ kṛṣṇam amunā nityaśo 'rcayet | dvāra-pūjādi pīṭhārcanāntaṃ kṛtvokta-mārgataḥ
Sanskrit only: no published translation is held for this verse.
मध्ये ऽर्च-पद् धरिं दिक्षु विदिक्ष्व् अङ्गानि च क्रमात् । वासुदेवः सङ्कर्षणः प्रद्युम्नश् चानिरुद्धकः
madhye 'rca-pad dhariṃ dikṣu vidikṣv aṅgāni ca kramāt | vāsudevaḥ saṅkarṣaṇaḥ pradyumnaś cāniruddhakaḥ
Sanskrit only: no published translation is held for this verse.
रुक्मिणी सत्यभामा च लक्ष्मणा जाम्बवत्य् अपि । दिग्-विदिक्ष्व् अर्चयेद् एतान् इन्द्र-वज्रादिकान् बहिः
rukmiṇī satyabhāmā ca lakṣmaṇā jāmbavaty api | dig-vidikṣv arcayed etān indra-vajrādikān bahiḥ
Sanskrit only: no published translation is held for this verse.
फलम् आह- यो ऽमुं मन्त्रं जपेन् नित्यं विधिनेत्य् अर्चयेद् धरिम् । स सर्व-सम्पत्-सम्पूर्णो नित्यं शुद्धं पदं व्रजेत्
phalam āha- yo 'muṃ mantraṃ japen nityaṃ vidhinety arcayed dharim | sa sarva-sampat-sampūrṇo nityaṃ śuddhaṃ padaṃ vrajet
Sanskrit only: no published translation is held for this verse.
मन्त्रान्तरम् आह- तार-श्री-शक्ति-मारान्ते श्री-कृष्णाय-पदं वदेत् । श्री-गोविन्दाय तस्योर्ध्वं श्री-गोपी-जन इत्य् अपि । वल्लभाय ततस् त्रिः श्री-सिद्धि-गोपालको मनुः
mantrāntaram āha- tāra-śrī-śakti-mārānte śrī-kṛṣṇāya-padaṃ vadet | śrī-govindāya tasyordhvaṃ śrī-gopī-jana ity api | vallabhāya tatas triḥ śrī-siddhi-gopālako manuḥ
Sanskrit only: no published translation is held for this verse.
तारः प्रणवः श्रीः श्री-बीजं शक्ति-बीजं काम-बीजान्ते श्री-कृष्णायेति स्वरूपं तद् अनु श्री-गोविन्दायेति स्वरूपं तद् अनु श्री-गोपी-जन-वल्लभायेति स्वरूपं श्री-बीज-त्रयम् इति सिद्धि-गोपालको मन्त्र उद्धृतः । ध्यानम् आह- माधवी-मण्डपासीनौ गरुडेनाभिपालितौ
tāraḥ praṇavaḥ śrīḥ śrī-bījaṃ śakti-bījaṃ kāma-bījānte śrī-kṛṣṇāyeti svarūpaṃ tad anu śrī-govindāyeti svarūpaṃ tad anu śrī-gopī-jana-vallabhāyeti svarūpaṃ śrī-bīja-trayam iti siddhi-gopālako mantra uddhṛtaḥ | dhyānam āha- mādhavī-maṇḍapāsīnau garuḍenābhipālitau
Sanskrit only: no published translation is held for this verse.
दिव्य-क्रीडासु निरतौ राम-कृष्णौ स्मरन् जपेत् । चक्री वसु-स्वर-युतः सर्ग्य् एकार्णो मनुर् मतः
divya-krīḍāsu niratau rāma-kṛṣṇau smaran japet | cakrī vasu-svara-yutaḥ sargy ekārṇo manur mataḥ
Sanskrit only: no published translation is held for this verse.
कृष्णेति द्व्य्-अक्षरः काम-पूर्वस् त्र्य्-अर्णः स एव तु । स एव चतुर्-अर्णः स्यात् ङे ऽन्तो ऽन्यश् चतुर्-अक्षरः
kṛṣṇeti dvy-akṣaraḥ kāma-pūrvas try-arṇaḥ sa eva tu | sa eva catur-arṇaḥ syāt ṅe 'nto 'nyaś catur-akṣaraḥ
Sanskrit only: no published translation is held for this verse.
वक्ष्यते पञ्च-वर्णः स्यात् कृष्णाय नम इत्य् अपि । कृष्णायेति स्मर-द्वन्द्व-मध्ये पञ्चाक्षरो ऽपरः
vakṣyate pañca-varṇaḥ syāt kṛṣṇāya nama ity api | kṛṣṇāyeti smara-dvandva-madhye pañcākṣaro 'paraḥ
Sanskrit only: no published translation is held for this verse.
गोपालायाग्नि-जायान्तः षड्-अक्षर उदाहृतः । कृष्णाय-काम-बीजाढ्यो वह्निजायान्तको ऽपरः
gopālāyāgni-jāyāntaḥ ṣaḍ-akṣara udāhṛtaḥ | kṛṣṇāya-kāma-bījāḍhyo vahnijāyāntako 'paraḥ
Sanskrit only: no published translation is held for this verse.
षडक्षरः प्राग्-उदितः कृष्ण-गोविन्दकौ पुनः । चतुर्थ्य्-अन्तौ सप्त-वर्णः सप्त-वर्णो ऽन्यः पुरो ऽदितः
ṣaḍakṣaraḥ prāg-uditaḥ kṛṣṇa-govindakau punaḥ | caturthy-antau sapta-varṇaḥ sapta-varṇo 'nyaḥ puro 'ditaḥ
Sanskrit only: no published translation is held for this verse.
श्री-शक्ति-मारः कृष्णाय मारः सप्ताक्षरो ऽपरः । कृष्ण-गोविन्दकौ ङे ऽन्तौ स्मराढ्याव् अष्ट-वर्णकः
śrī-śakti-māraḥ kṛṣṇāya māraḥ saptākṣaro 'paraḥ | kṛṣṇa-govindakau ṅe 'ntau smarāḍhyāv aṣṭa-varṇakaḥ
Sanskrit only: no published translation is held for this verse.
दधि-भक्षण-ङे-वह्नि-जायाभिर् अपरो ऽष्तकः । सुप्रसन्नात्मने प्रोक्त्वा मम इत्य् अपरो ऽष्तकः
dadhi-bhakṣaṇa-ṅe-vahni-jāyābhir aparo 'ṣtakaḥ | suprasannātmane proktvā mama ity aparo 'ṣtakaḥ
Sanskrit only: no published translation is held for this verse.
प्राक् प्रोक्तो मूल-मन्त्रश् च नवार्णः स्मर-संयुतः । कृष्ण-गोविन्दकौ ङे ऽन्तौ नमो ऽन्तो ऽन्यो नवार्णकः
prāk prokto mūla-mantraś ca navārṇaḥ smara-saṃyutaḥ | kṛṣṇa-govindakau ṅe 'ntau namo 'nto 'nyo navārṇakaḥ
Sanskrit only: no published translation is held for this verse.
क्लीं ग्लौं क्लीं श्यामलाङ्गाय नमस् तु स्याद् दशार्णकः । शिरो ऽन्तो बाल-वपुषे क्लीं कृष्णाय स्मृतो बुधैः
klīṃ glauṃ klīṃ śyāmalāṅgāya namas tu syād daśārṇakaḥ | śiro 'nto bāla-vapuṣe klīṃ kṛṣṇāya smṛto budhaiḥ
Sanskrit only: no published translation is held for this verse.
उक्तं छन्दस् तु गायत्री देवता कृष्ण ईडितः । क-ला-षड्ग-दीर्घकैर् अङ्गम् अथामुं चिन्तयेद् धरिम्
uktaṃ chandas tu gāyatrī devatā kṛṣṇa īḍitaḥ | ka-lā-ṣaḍga-dīrghakair aṅgam athāmuṃ cintayed dharim
Sanskrit only: no published translation is held for this verse.
ध्यानम् आह- अव्याद् व्याकोप-नीलाम्बुज-रुचिर् अरुणाम्भोज-नेत्राम्बुजस्थो । बालो जङ्घा-कटीर-स्थल-कलित-रणत्-किङ्किणीको मुकुन्दः । दोर्भ्यां हैयङ्गवीणं दधद् अतिविमलं पायसं विश्व-वन्द्यो गो-गोपी-गोप-वीतो रुरुनख-विलसत्-कण्ठ-भूषश् चिरं वः
dhyānam āha- avyād vyākopa-nīlāmbuja-rucir aruṇāmbhoja-netrāmbujastho | bālo jaṅghā-kaṭīra-sthala-kalita-raṇat-kiṅkiṇīko mukundaḥ | dorbhyāṃ haiyaṅgavīṇaṃ dadhad ativimalaṃ pāyasaṃ viśva-vandyo go-gopī-gopa-vīto rurunakha-vilasat-kaṇṭha-bhūṣaś ciraṃ vaḥ
Sanskrit only: no published translation is held for this verse.
एतेषां पुरश्चरणम् आह- ध्यात्वैवम् एकम् एतेषां लक्षं जप्यान् मनुं ततः । सर्पिः-सितोपलोपेतैः पायसैर् अयुतं हुनेत्
eteṣāṃ puraścaraṇam āha- dhyātvaivam ekam eteṣāṃ lakṣaṃ japyān manuṃ tataḥ | sarpiḥ-sitopalopetaiḥ pāyasair ayutaṃ hunet
Sanskrit only: no published translation is held for this verse.
तर्पयेत् तावद् अन्येषां मनूनां हुत-सङ्ख्यया । तर्पणं विहितं नित्यं यो ऽर्चयेत् सुसमाहितः
tarpayet tāvad anyeṣāṃ manūnāṃ huta-saṅkhyayā | tarpaṇaṃ vihitaṃ nityaṃ yo 'rcayet susamāhitaḥ
Sanskrit only: no published translation is held for this verse.
वह्न्य्-आदी-शान्तम् अङ्गानि हृद्-आदि-कवचान्तकम् । अर्चयेत् पुरतो नेत्रम् अस्त्रं दिक्षु वह्निः पुनः
vahny-ādī-śāntam aṅgāni hṛd-ādi-kavacāntakam | arcayet purato netram astraṃ dikṣu vahniḥ punaḥ
Sanskrit only: no published translation is held for this verse.
इन्द्रवज्रादयः पूज्याः सपर्यैषा समीरिता । इत्य् एकम् एषां मन्त्राणां भजेद् यो मनु-वित्तमः
indravajrādayaḥ pūjyāḥ saparyaiṣā samīritā | ity ekam eṣāṃ mantrāṇāṃ bhajed yo manu-vittamaḥ
Sanskrit only: no published translation is held for this verse.
कर-प्रचेयाः सर्वार्थात् तस्यासौ पूज्यते ऽमरैः । सद्यः फल-प्रदं मन्त्रं वक्ष्ये ऽन्यं चतुर्-अक्षरम्
kara-praceyāḥ sarvārthāt tasyāsau pūjyate 'maraiḥ | sadyaḥ phala-pradaṃ mantraṃ vakṣye 'nyaṃ catur-akṣaram
Sanskrit only: no published translation is held for this verse.
स प्रोक्तः मार-युग्मान्तर-स्थ-कृष्ण-पदेन तु । ऋष्य्-आद्यम् अङ्ग-षट्कं च प्राग्-उक्तं प्रोक्तम् अस्य तु
sa proktaḥ māra-yugmāntara-stha-kṛṣṇa-padena tu | ṛṣy-ādyam aṅga-ṣaṭkaṃ ca prāg-uktaṃ proktam asya tu
Sanskrit only: no published translation is held for this verse.
ध्यानम् आह- श्रीमत्-कल्प-द्रु-मूलोद्गत-कमल-लसत्-कर्णिका-संस्थितो यस् तच्-चाख्यालम्बि-पद्मोदर-विगलद्-असङ्ख्यात-रत्नाभिषिक्तः । हेमाभः स्व-प्रभाभिस् त्रि-भुवनम् अखिलं भासयन् वासुदेवः पायाद् वः पायसादो ऽनवरत-नवनीतामृताशी वशी सः
dhyānam āha- śrīmat-kalpa-dru-mūlodgata-kamala-lasat-karṇikā-saṃsthito yas tac-cākhyālambi-padmodara-vigalad-asaṅkhyāta-ratnābhiṣiktaḥ | hemābhaḥ sva-prabhābhis tri-bhuvanam akhilaṃ bhāsayan vāsudevaḥ pāyād vaḥ pāyasādo 'navarata-navanītāmṛtāśī vaśī saḥ
Sanskrit only: no published translation is held for this verse.
पुरश्चरणम् आह- ध्यत्वैवं प्रजपेल् लक्षं चतुष्कं जुहुयात् ततः । त्रिमध्वक्तेर् बिल्व-फलैश् चत्वारिंशत्-सहस्रकम्
puraścaraṇam āha- dhyatvaivaṃ prajapel lakṣaṃ catuṣkaṃ juhuyāt tataḥ | trimadhvakter bilva-phalaiś catvāriṃśat-sahasrakam
Sanskrit only: no published translation is held for this verse.
पूजाम् आह- अङ्गैर् निधिभिर् इन्द्राद्यैर् वज्राद्यैर् अर्चनोदिता । तर्पयेद् दिनशः कृष्णं स्वादु-त्रय-धिया जलैः
pūjām āha- aṅgair nidhibhir indrādyair vajrādyair arcanoditā | tarpayed dinaśaḥ kṛṣṇaṃ svādu-traya-dhiyā jalaiḥ
Sanskrit only: no published translation is held for this verse.
मन्त्रान्तरम् आह- मारयोर् अस्य मांसाधोर् रक्तं चेद् अपरो मनुः । षड्-अङ्गान्यस्य कल-षट्-दीर्घैर् मन्त्र-शिखामणेः
mantrāntaram āha- mārayor asya māṃsādhor raktaṃ ced aparo manuḥ | ṣaḍ-aṅgānyasya kala-ṣaṭ-dīrghair mantra-śikhāmaṇeḥ
Sanskrit only: no published translation is held for this verse.
मन्त्र-स्वरूपम्: क्लीं क्लूं क्लें क्ल्ॐ क्लौं क्लः ॥ ध्यानम् आह- आरक्तोद्यान-कल्प-द्रुम-शिखर-लसत्-स्वर्ण-दोलाधिरूढं गोपाभ्यां प्रेङ्ख्यमानं विकसित-नव-बन्धूक-सिन्दूर-भासम् । बालं नीलाल-कान्तं कटि-तट-विलुठत् क्षुद्र-घण्टावटाढ्यं वन्दे शार्दूल-कामाङ्कुश-ललित-गला-कल्प-दीप्तं मुकुन्दम्
mantra-svarūpam: klīṃ klūṃ kleṃ kloṃ klauṃ klaḥ || dhyānam āha- āraktodyāna-kalpa-druma-śikhara-lasat-svarṇa-dolādhirūḍhaṃ gopābhyāṃ preṅkhyamānaṃ vikasita-nava-bandhūka-sindūra-bhāsam | bālaṃ nīlāla-kāntaṃ kaṭi-taṭa-viluṭhat kṣudra-ghaṇṭāvaṭāḍhyaṃ vande śārdūla-kāmāṅkuśa-lalita-galā-kalpa-dīptaṃ mukundam
Sanskrit only: no published translation is held for this verse.
एवं- ध्यत्वैवं पूर्व-क्प्त्यैनं जप्त्वा रक्तोत्पलैर् नवैः । मधुत्त्रय-प्लुतैर् हुत्वाप्य् अर्चयेत् पूर्ववद् धरिम्
evaṃ- dhyatvaivaṃ pūrva-kptyainaṃ japtvā raktotpalair navaiḥ | madhuttraya-plutair hutvāpy arcayet pūrvavad dharim
Sanskrit only: no published translation is held for this verse.
आराद् उक्तं मन्त्रयोः प्रयोगं दर्शयति- मधुर-त्रय-संयुक्तामारक्तां शालि-मञ्जरीम् । जुहुयान् नित्यशो ऽष्टार्धं शतम् एकेन मन्त्रयोः
ārād uktaṃ mantrayoḥ prayogaṃ darśayati- madhura-traya-saṃyuktāmāraktāṃ śāli-mañjarīm | juhuyān nityaśo 'ṣṭārdhaṃ śatam ekena mantrayoḥ
Sanskrit only: no published translation is held for this verse.
तस्य मण्डलतः पृथ्वी पृथ्वी-सस्य-कुलाकुला । स्याच् छालि-पुञ्ज-पूर्णं च तद्-वेश्माशु प्रजायते
tasya maṇḍalataḥ pṛthvī pṛthvī-sasya-kulākulā | syāc chāli-puñja-pūrṇaṃ ca tad-veśmāśu prajāyate
Sanskrit only: no published translation is held for this verse.
फलम् आह- यस् त्व् एतयोर् नियतम् अन्यतरं भजेत भव्नोर् जपार्चन-हुताद्रिभिर् आप्त-भक्तिः । श्रीमान् स मन्मथ इव प्रमदासु वाग्मी भूयात् तनोर् विपदि तच् च महोच्युताख्यम्
phalam āha- yas tv etayor niyatam anyataraṃ bhajeta bhavnor japārcana-hutādribhir āpta-bhaktiḥ | śrīmān sa manmatha iva pramadāsu vāgmī bhūyāt tanor vipadi tac ca mahocyutākhyam
Sanskrit only: no published translation is held for this verse.