तिथीशो भारभूतिश् च स्थाणुनामो हरस् तथा । झण्टीशो भौक्तिकश् चैव सद्योजातस् त्व् अनुग्रही
tithīśo bhārabhūtiś ca sthāṇunāmo haras tathā / jhaṇṭīśo bhauktikaś caiva sadyojātas tv anugrahī
Sanskrit only: no published translation is held for this verse.
Kubjikamatatantra 10
क्रूरसेनस् तथान्यो वै महासेनस् ततः परः । प्रथमादौ स्थिता ह्य् एते उपरिष्टाद् विलक्षयेत्
krūrasenas tathānyo vai mahāsenas tataḥ paraḥ / prathamādau sthitā hy ete upariṣṭād vilakṣayet
Sanskrit only: no published translation is held for this verse.
क्रोधश् चण्डः प्रचण्डश् च शिवैकरुद्र एव च । कूर्मश् चैवैकनेत्रश् च चतुरास्यो ऽवसानुगः
krodhaś caṇḍaḥ pracaṇḍaś ca śivaikarudra eva ca / kūrmaś caivaikanetraś ca caturāsyo 'vasānugaḥ
Sanskrit only: no published translation is held for this verse.
प्रथमा या स्थिता पङ्क्तिः पीठत्रयविभूषिता । अजेशः शर्म सोमश् च लाङ्गुलीशो ऽथ दारुकः
prathamā yā sthitā paṅktiḥ pīṭhatrayavibhūṣitā / ajeśaḥ śarma somaś ca lāṅgulīśo 'tha dārukaḥ
Sanskrit only: no published translation is held for this verse.
अर्धनार्यो ह्य् उमाकान्तो आषाढी दिण्डिर् एव च । धात्रीशश् च तथा मीनो मेषो लोहित-म्-एव च
ardhanāryo hy umākānto āṣāḍhī diṇḍir eva ca / dhātrīśaś ca tathā mīno meṣo lohita-m-eva ca
Sanskrit only: no published translation is held for this verse.
शिखीशश् छगलण्डश् च द्विरण्डो मध्यपङ्क्तिगाः । महाकालश् च वालाख्यो भुजङ्गाख्यः पिनाकिनः
śikhīśaś chagalaṇḍaś ca dviraṇḍo madhyapaṅktigāḥ / mahākālaś ca vālākhyo bhujaṅgākhyaḥ pinākinaḥ
Sanskrit only: no published translation is held for this verse.
खड्गानन्दो बकानन्दः श्वेतानन्दस् तथैव च । भृगुश् चैवान्तिमे चक्रे अष्टौ तांश् च प्रपूजयेत्
khaḍgānando bakānandaḥ śvetānandas tathaiva ca / bhṛguś caivāntime cakre aṣṭau tāṃś ca prapūjayet
Sanskrit only: no published translation is held for this verse.
लाकुलानन्द मध्यस्थं संवर्तानन्दसंयुतम् । तयोर् मध्यगतां देवीं कुब्जिकां परमेश्वरीम्
lākulānanda madhyasthaṃ saṃvartānandasaṃyutam / tayor madhyagatāṃ devīṃ kubjikāṃ parameśvarīm
Sanskrit only: no published translation is held for this verse.
पूजयेत् पीठसंयुक्तां पारम्पर्येण संयुताम् । यथा सिद्धास् तथा देव्याः संहार्यादि प्रपूजयेत्
pūjayet pīṭhasaṃyuktāṃ pāramparyeṇa saṃyutām / yathā siddhās tathā devyāḥ saṃhāryādi prapūjayet
Sanskrit only: no published translation is held for this verse.
वागेश्यन्ताः क्रमेणैव गुरुवक्त्रप्रसादतः । षडारे डादिषट्कं तु क्रमेणैव प्रपूजयेत्
vāgeśyantāḥ krameṇaiva guruvaktraprasādataḥ / ṣaḍāre ḍādiṣaṭkaṃ tu krameṇaiva prapūjayet
Sanskrit only: no published translation is held for this verse.
कुलाष्टकं ततो बाह्ये अष्टारे पङ्कजे क्रमात् । पञ्चद्रव्यभृतं पात्रं तदग्रे सन्निवेशयेत्
kulāṣṭakaṃ tato bāhye aṣṭāre paṅkaje kramāt / pañcadravyabhṛtaṃ pātraṃ tadagre sanniveśayet
Sanskrit only: no published translation is held for this verse.
क्रमाम्नायं पुनः पात्रे कुर्यात् तेनाभिषेचनम् । मुखेन वाथ कर्तव्यं यस्योपरि सुभावना
kramāmnāyaṃ punaḥ pātre kuryāt tenābhiṣecanam / mukhena vātha kartavyaṃ yasyopari subhāvanā
Sanskrit only: no published translation is held for this verse.
ततश् चादेशयेत् तं तु कुरु कार्यं यदृच्छया । अधिकारपदं सर्वं मोक्षितं ते प्रसादतः
tataś cādeśayet taṃ tu kuru kāryaṃ yadṛcchayā / adhikārapadaṃ sarvaṃ mokṣitaṃ te prasādataḥ
Sanskrit only: no published translation is held for this verse.
ततः प्रभृति देवेशि योग्यो भवति शासने । शासनं भूषयेन् नित्यं गुप्ताचारविधौ स्थितः
tataḥ prabhṛti deveśi yogyo bhavati śāsane / śāsanaṃ bhūṣayen nityaṃ guptācāravidhau sthitaḥ
Sanskrit only: no published translation is held for this verse.
अव्यक्तेन तु लिङ्गेन व्यक्तलिङ्गेन वा पुनः । येन लिङ्गेन यस्येदं तल्लिङ्गं न परित्यजेत्
avyaktena tu liṅgena vyaktaliṅgena vā punaḥ / yena liṅgena yasyedaṃ talliṅgaṃ na parityajet
Sanskrit only: no published translation is held for this verse.
आकाशात् पतितं तोयं यथा गच्छति सागरम् । गर्तानद्योपचारेण तथा सर्वं कुलान्वये
ākāśāt patitaṃ toyaṃ yathā gacchati sāgaram / gartānadyopacāreṇa tathā sarvaṃ kulānvaye
Sanskrit only: no published translation is held for this verse.
यास्यन्ति लिङ्गिनः सर्वे निश्चयार्थो ऽन्यथा न हि । कस्मात् प्रत्यक्षरूपेण तत्राज्ञा वर्तते यतः
yāsyanti liṅginaḥ sarve niścayārtho 'nyathā na hi / kasmāt pratyakṣarūpeṇa tatrājñā vartate yataḥ
Sanskrit only: no published translation is held for this verse.
समुद्रवत् कुलानन्दं यस्मात् तत् सर्वतोमुखम् । कुलं तद् एव विज्ञेयं सर्वानुग्रहकारकम्
samudravat kulānandaṃ yasmāt tat sarvatomukham / kulaṃ tad eva vijñeyaṃ sarvānugrahakārakam
Sanskrit only: no published translation is held for this verse.
ब्राह्मणं क्षत्रियं वैश्यं शूद्रं प्राकृतम् अन्त्यजम् । मातङ्गम्लेच्छजात्युत्थं बौद्धसाङ्ख्यदिगम्बरम्
brāhmaṇaṃ kṣatriyaṃ vaiśyaṃ śūdraṃ prākṛtam antyajam / mātaṅgamlecchajātyutthaṃ bauddhasāṅkhyadigambaram
Sanskrit only: no published translation is held for this verse.
त्रिदण्डमुण्डखट्वाङ्ग- मुषलान्यक्रियान्वितम् । यास्यन्ति परमं शैवं शैवो याति न कुत्रचित्
tridaṇḍamuṇḍakhaṭvāṅga- muṣalānyakriyānvitam / yāsyanti paramaṃ śaivaṃ śaivo yāti na kutracit
Sanskrit only: no published translation is held for this verse.
तच् च कौलभृतानन्दं नेतरं तु क्रियाकुलम् । सर्वज्ञमार्गविहितं सर्वाचारप्रपालकम्
tac ca kaulabhṛtānandaṃ netaraṃ tu kriyākulam / sarvajñamārgavihitaṃ sarvācāraprapālakam
Sanskrit only: no published translation is held for this verse.
कौलिकाचारमार्गेण भावाद्वैतेन सर्वथा । तत्त्वाद्वैतेन मार्गेण सर्वथा यत्र संस्थितः
kaulikācāramārgeṇa bhāvādvaitena sarvathā / tattvādvaitena mārgeṇa sarvathā yatra saṃsthitaḥ
Sanskrit only: no published translation is held for this verse.
पालयेल् लौकिकाचारम् अद्वैतं समनुष्ठयेत् । गोपयेद् गुप्तलिङ्गानि तत्प्रविष्टानि सर्वथा
pālayel laukikācāram advaitaṃ samanuṣṭhayet / gopayed guptaliṅgāni tatpraviṣṭāni sarvathā
Sanskrit only: no published translation is held for this verse.
अधमाद् उत्तमं ज्ञानं यद्य् अर्थी उत्तमो भवेत् । लिङ्गिनो वा द्विजन्मा वा आज्ञार्थी तु न वञ्चयेत्
adhamād uttamaṃ jñānaṃ yady arthī uttamo bhavet / liṅgino vā dvijanmā vā ājñārthī tu na vañcayet
Sanskrit only: no published translation is held for this verse.
एकान्ते विहितं सर्वं कुर्वीत न जनाकुले । अन्यथा स्थितिभङ्गः स्यान् नश्यते शासनं प्रिये
ekānte vihitaṃ sarvaṃ kurvīta na janākule / anyathā sthitibhaṅgaḥ syān naśyate śāsanaṃ priye
Sanskrit only: no published translation is held for this verse.
वर्जयेत् कौलिकान् बौद्धान् तथा मीमांसकास्थितान् । कस्माद् भ्रष्टक्रिया तेषां न मोक्षो नैव साधनम्
varjayet kaulikān bauddhān tathā mīmāṃsakāsthitān / kasmād bhraṣṭakriyā teṣāṃ na mokṣo naiva sādhanam
Sanskrit only: no published translation is held for this verse.
जिह्वोपस्थनिमित्तार्थम् अद्वैतं तेषु सर्वथा । कौलिकाचारनिर्मुक्ताः श्वानवद् विचरन्ति ते
jihvopasthanimittārtham advaitaṃ teṣu sarvathā / kaulikācāranirmuktāḥ śvānavad vicaranti te
Sanskrit only: no published translation is held for this verse.
निराचारं प्रकुर्वन्ति निराचारविवर्जिताः । विषं भक्षन्ति ते मूढा यथाज्ञामन्त्रवर्जिताः
nirācāraṃ prakurvanti nirācāravivarjitāḥ / viṣaṃ bhakṣanti te mūḍhā yathājñāmantravarjitāḥ
Sanskrit only: no published translation is held for this verse.
यद्य् अपि ते त्रिकालज्ञास् त्रैलोक्याकर्षणक्षमाः । तथापि संवृताचाराः पालयन्ति कुलस्थितिम्
yady api te trikālajñās trailokyākarṣaṇakṣamāḥ / tathāpi saṃvṛtācārāḥ pālayanti kulasthitim
Sanskrit only: no published translation is held for this verse.
निराचारेण योगेन पश्यन्ति विषयोज्झिताः । विषयस्थो ऽपहासित्वं निराचारेण यात्य् असौ
nirācāreṇa yogena paśyanti viṣayojjhitāḥ / viṣayastho 'pahāsitvaṃ nirācāreṇa yāty asau
Sanskrit only: no published translation is held for this verse.
भ्रष्टनष्टकुलं त्यज्य कुलकौलं समाश्रयेत् । तत्र योगिगुरूणां च पूज्यते चरणाम्बुजम्
bhraṣṭanaṣṭakulaṃ tyajya kulakaulaṃ samāśrayet / tatra yogigurūṇāṃ ca pūjyate caraṇāmbujam
Sanskrit only: no published translation is held for this verse.
समयेन विना देवि समर्थो भवते कथम् । सामर्थ्येन विना चर्या निराचारात्मिका भवेत्
samayena vinā devi samartho bhavate katham / sāmarthyena vinā caryā nirācārātmikā bhavet
Sanskrit only: no published translation is held for this verse.
ज्ञात्वाम्नायपदं सर्वं यथावस्थं कुलेश्वरम् । षट्प्रकारविधानेन निर्गताचाररूपिणम्
jñātvāmnāyapadaṃ sarvaṃ yathāvasthaṃ kuleśvaram / ṣaṭprakāravidhānena nirgatācārarūpiṇam
Sanskrit only: no published translation is held for this verse.
सामर्थ्यगुणयुक्तात्मा विषयातीतो जितेन्द्रियः । विरजो रञ्जितात्मा वै निराचारो भवेत् तु सः
sāmarthyaguṇayuktātmā viṣayātīto jitendriyaḥ / virajo rañjitātmā vai nirācāro bhavet tu saḥ
Sanskrit only: no published translation is held for this verse.
एतत् ते कथितं देवि सरहस्यं सुगोपितम् । अन्यद् यत् ते मनस्थं तु तत् पृच्छ वदतो मम
etat te kathitaṃ devi sarahasyaṃ sugopitam / anyad yat te manasthaṃ tu tat pṛccha vadato mama
Sanskrit only: no published translation is held for this verse.