इति कुलालिकाम्नाये श्रीकुब्जिकामते देव्यासमयो नाम मन्त्रोद्धारे दशमः पटलः श्रीकुब्जिका उवाच मन्त्रतन्त्रैस् त्वया देव भ्रामिताहं क्रियादिभिः । ध्यानधारणयोगैश् च इदानीं कथय स्फुटम्
iti kulālikāmnāye śrīkubjikāmate devyāsamayo nāma mantroddhāre daśamaḥ paṭalaḥ śrīkubjikā uvāca mantratantrais tvayā deva bhrāmitāhaṃ kriyādibhiḥ / dhyānadhāraṇayogaiś ca idānīṃ kathaya sphuṭam
Sanskrit only: no published translation is held for this verse.
पूर्वतन्त्रे त्वया देव सूचितं न प्रकाशितम् । अधुना श्रोतुम् इच्छामि षट्पदार्थविनिर्णयम्
pūrvatantre tvayā deva sūcitaṃ na prakāśitam / adhunā śrotum icchāmi ṣaṭpadārthavinirṇayam
Sanskrit only: no published translation is held for this verse.
श्रीभैरव उवाच महानन्दकरं वाक्यं महाश्चर्यकरं परम् । गोपितं सर्वदेवानां तथा ते कथयाम्य् अहम्
śrībhairava uvāca mahānandakaraṃ vākyaṃ mahāścaryakaraṃ param / gopitaṃ sarvadevānāṃ tathā te kathayāmy aham
Sanskrit only: no published translation is held for this verse.
अनादिनिधनेशानाच् छिवात् परमकारणात् । दिव्याज्ञायाः क्रमो जातः पारम्पर्यौघसन्ततिः
anādinidhaneśānāc chivāt paramakāraṇāt / divyājñāyāḥ kramo jātaḥ pāramparyaughasantatiḥ
Sanskrit only: no published translation is held for this verse.
अकुलं च कुलं चैव कुलाकुलविनिर्णयम् । अधुना कथयिष्यामि नवधा निर्णयो यथा
akulaṃ ca kulaṃ caiva kulākulavinirṇayam / adhunā kathayiṣyāmi navadhā nirṇayo yathā
Sanskrit only: no published translation is held for this verse.
परस्य परमां विद्धि योनिम् आद्यां महाम्बिके । रूपातीतादियोगेन परेच्छेयं चतुर्विधा
parasya paramāṃ viddhi yonim ādyāṃ mahāmbike / rūpātītādiyogena pareccheyaṃ caturvidhā
Sanskrit only: no published translation is held for this verse.
रूपातीतं तु कामाख्यं रूपं पूर्णगिरिर् महान् । पदं जालन्धराख्यं तु पिण्डम् ओड्रं प्रकीर्तितम्
rūpātītaṃ tu kāmākhyaṃ rūpaṃ pūrṇagirir mahān / padaṃ jālandharākhyaṃ tu piṇḍam oḍraṃ prakīrtitam
Sanskrit only: no published translation is held for this verse.
अन्तिमामृत सूक्ष्मा च सुसूक्ष्माद्यं चतुष्टयम् । अकुलेश्वरदेवस्य सम्बन्धः प्रथमः स्मृतः
antimāmṛta sūkṣmā ca susūkṣmādyaṃ catuṣṭayam / akuleśvaradevasya sambandhaḥ prathamaḥ smṛtaḥ
Sanskrit only: no published translation is held for this verse.
रूपातीतात् परो हिन्दुः शक्त्याधिष्ठित भास्वरः । ततो नादो निरोधश् च अर्धचन्द्रम् अनुक्रमात्
rūpātītāt paro hinduḥ śaktyādhiṣṭhita bhāsvaraḥ / tato nādo nirodhaś ca ardhacandram anukramāt
Sanskrit only: no published translation is held for this verse.
एतत् तत् पञ्चकं प्रोक्तं ज्ञानरत्नमहोदयम् । सा योनिः परमा ज्ञेया क्रियाध्वानमहोदधिः
etat tat pañcakaṃ proktaṃ jñānaratnamahodayam / sā yoniḥ paramā jñeyā kriyādhvānamahodadhiḥ
Sanskrit only: no published translation is held for this verse.
बिन्दुतत्त्वात् परो बिन्दुर् मकारोकार-म्-एव च । अकारस् तु समाख्यातः षट्पदार्थविभेदकः
bindutattvāt paro bindur makārokāra-m-eva ca / akāras tu samākhyātaḥ ṣaṭpadārthavibhedakaḥ
Sanskrit only: no published translation is held for this verse.
रूपात् पदं समुत्पन्नं कालरूपं षडाननम् । षड्विधाध्वानयोगेन सृजते संहरन्ति च
rūpāt padaṃ samutpannaṃ kālarūpaṃ ṣaḍānanam / ṣaḍvidhādhvānayogena sṛjate saṃharanti ca
Sanskrit only: no published translation is held for this verse.
आधाराधेययोगेन षट्पदार्थपदेन च । कुरुते विविधां सृष्टिं येन तत् कथ्यते ऽ धुना
ādhārādheyayogena ṣaṭpadārthapadena ca / kurute vividhāṃ sṛṣṭiṃ yena tat kathyate ' dhunā
Sanskrit only: no published translation is held for this verse.
आत्मा धारयते शक्तिम् आत्मा हंसोपरिस्थितः । हंसः समीरणान्तस्थः स च नाडीपथे स्थितः
ātmā dhārayate śaktim ātmā haṃsoparisthitaḥ / haṃsaḥ samīraṇāntasthaḥ sa ca nāḍīpathe sthitaḥ
Sanskrit only: no published translation is held for this verse.
नाड्यः पिण्डे सकर्माद्यः पशुर् मायामलान्विताः । एतत् षट्कं समाख्यातं कुलमार्गप्रबोधकम्
nāḍyaḥ piṇḍe sakarmādyaḥ paśur māyāmalānvitāḥ / etat ṣaṭkaṃ samākhyātaṃ kulamārgaprabodhakam
Sanskrit only: no published translation is held for this verse.
अत्र जातं जगत् सर्वं क्रियाकारणगोचरम् । पराच् च शाम्भवं ज्ञानं विज्ञानानेकसङ्कुलम्
atra jātaṃ jagat sarvaṃ kriyākāraṇagocaram / parāc ca śāmbhavaṃ jñānaṃ vijñānānekasaṅkulam
Sanskrit only: no published translation is held for this verse.
विशुद्धिर् बोधजननी षोडशान्त-म्-अधोर्ध्वतः । मणिपूरक शब्दस्थं दशपञ्चावतारकम्
viśuddhir bodhajananī ṣoḍaśānta-m-adhordhvataḥ / maṇipūraka śabdasthaṃ daśapañcāvatārakam
Sanskrit only: no published translation is held for this verse.
सा तु माया परा ज्ञेया चतुर्योनिर् महाम्बिके । शब्दसूत्रेण येनैताः पञ्चाश मणयो महान्
sā tu māyā parā jñeyā caturyonir mahāmbike / śabdasūtreṇa yenaitāḥ pañcāśa maṇayo mahān
Sanskrit only: no published translation is held for this verse.
आपूरिताश् च महता तेनेदं मणिपूरकम् । अस्याधारं तु विज्ञेयं कर्णकुब्जं महापुरम्
āpūritāś ca mahatā tenedaṃ maṇipūrakam / asyādhāraṃ tu vijñeyaṃ karṇakubjaṃ mahāpuram
Sanskrit only: no published translation is held for this verse.
विज्ञानैः पञ्चदशभिः पूरितं भुक्तिमुक्तिदम् । मणिपूरकमालायां ग्रन्थिर् जाता चतुर्विधा
vijñānaiḥ pañcadaśabhiḥ pūritaṃ bhuktimuktidam / maṇipūrakamālāyāṃ granthir jātā caturvidhā
Sanskrit only: no published translation is held for this verse.
मण्डलं मन्त्रविद्याश् च मुद्रा ग्रन्थिश् चतुर्विधा । मायायन्त्रोदरे चान्या पुंसां सृष्टिर् अनाहता
maṇḍalaṃ mantravidyāś ca mudrā granthiś caturvidhā / māyāyantrodare cānyā puṃsāṃ sṛṣṭir anāhatā
Sanskrit only: no published translation is held for this verse.
नदते दशधा सा तु दिव्यानन्दप्रदायिका । चिणीति प्रथमं शब्दं चिञ्चिनी तु द्वितीयकम्
nadate daśadhā sā tu divyānandapradāyikā / ciṇīti prathamaṃ śabdaṃ ciñcinī tu dvitīyakam
Sanskrit only: no published translation is held for this verse.
चीरवाकी तृतीयं तु शङ्खशब्दं चतुर्थकम् । पञ्चमं तन्त्रिनिर्घोषं षष्ठं वंशरवस् तथा
cīravākī tṛtīyaṃ tu śaṅkhaśabdaṃ caturthakam / pañcamaṃ tantrinirghoṣaṃ ṣaṣṭhaṃ vaṃśaravas tathā
Sanskrit only: no published translation is held for this verse.
सप्तमं कंसतालं तु मेघशब्दं तु चाष्टमम् । नवमं दाघनिर्घोषं दशमं दुन्दुभिस्वनः
saptamaṃ kaṃsatālaṃ tu meghaśabdaṃ tu cāṣṭamam / navamaṃ dāghanirghoṣaṃ daśamaṃ dundubhisvanaḥ
Sanskrit only: no published translation is held for this verse.
नवशब्दम् परित्यज्य दशमं मोक्षदं परम् । हननेन विना येन व्याहरेद् दशधा रवम्
navaśabdam parityajya daśamaṃ mokṣadaṃ param / hananena vinā yena vyāhared daśadhā ravam
Sanskrit only: no published translation is held for this verse.
तेनैवानाहतं जातं कर्णकुब्जाद् विनिर्गतम् । दशधा रवते-द्-एवम् अष्टपत्त्रोपरिस्थितम्
tenaivānāhataṃ jātaṃ karṇakubjād vinirgatam / daśadhā ravate-d-evam aṣṭapattroparisthitam
Sanskrit only: no published translation is held for this verse.
दशधा गुणदातारं चिच्चेताहृदयात्मकम् । प्रमाणपदयोगेन क्षोभयित्वा नवान् बहून्
daśadhā guṇadātāraṃ ciccetāhṛdayātmakam / pramāṇapadayogena kṣobhayitvā navān bahūn
Sanskrit only: no published translation is held for this verse.
कलाकर्मसमायोगात् स्वाधिष्ठानं विनिर्मितम् । शतकोटिसुविस्तीर्णं भुवनानेकसङ्कुलम्
kalākarmasamāyogāt svādhiṣṭhānaṃ vinirmitam / śatakoṭisuvistīrṇaṃ bhuvanānekasaṅkulam
Sanskrit only: no published translation is held for this verse.
मायाकालकलाकीर्णम् आधारं ब्रह्मणस् तु तत् । चतुष्कलसमोपेतं शिवशक्तिसमन्वितम्
māyākālakalākīrṇam ādhāraṃ brahmaṇas tu tat / catuṣkalasamopetaṃ śivaśaktisamanvitam
Sanskrit only: no published translation is held for this verse.
षट्प्रकारम् इदं कुब्जि स्वाधिष्ठानं पृथक् पृथक् । षट्पदार्थविभागो ऽयं दुर्लभः प्रकटीकृतः
ṣaṭprakāram idaṃ kubji svādhiṣṭhānaṃ pṛthak pṛthak / ṣaṭpadārthavibhāgo 'yaṃ durlabhaḥ prakaṭīkṛtaḥ
Sanskrit only: no published translation is held for this verse.
क्रियातत्त्वार्थनिर्देशं कुब्जिके ऽन्यत्र गोपितम् । कुलाकुलम् इदं षट्कम् उत्तरं ते प्रकाशितम्
kriyātattvārthanirdeśaṃ kubjike 'nyatra gopitam / kulākulam idaṃ ṣaṭkam uttaraṃ te prakāśitam
Sanskrit only: no published translation is held for this verse.
दक्षिणस्यापि षट्कस्य साम्प्रतं निर्णयं शृणु । मणिपूरकदेवस्य तत् तेजो भास्वरस् तु यः
dakṣiṇasyāpi ṣaṭkasya sāmprataṃ nirṇayaṃ śṛṇu / maṇipūrakadevasya tat tejo bhāsvaras tu yaḥ
Sanskrit only: no published translation is held for this verse.
तत्र तद् दक्षिणं षट्कम् आज्ञापूर्वं कुलोद्भवम् । सृष्टिमार्गक्रमायातं शिवशक्तेः कुलाकुलम्
tatra tad dakṣiṇaṃ ṣaṭkam ājñāpūrvaṃ kulodbhavam / sṛṣṭimārgakramāyātaṃ śivaśakteḥ kulākulam
Sanskrit only: no published translation is held for this verse.
संहारपदषट्कस्य कुलं शक्त्यान्तदक्षिणम् । गुदम् आधारम् इत्य् उक्तं स्वाधिष्ठानं तु लिङ्गजम्
saṃhārapadaṣaṭkasya kulaṃ śaktyāntadakṣiṇam / gudam ādhāram ity uktaṃ svādhiṣṭhānaṃ tu liṅgajam
Sanskrit only: no published translation is held for this verse.
मणिपूरक नाभिस्थं हृदिस्थं च अनाहतम् । विशुद्धिः कण्ठदेशे तु आज्ञा नेत्रद्वयान्तरे
maṇipūraka nābhisthaṃ hṛdisthaṃ ca anāhatam / viśuddhiḥ kaṇṭhadeśe tu ājñā netradvayāntare
Sanskrit only: no published translation is held for this verse.
विशुद्धिः षोडशैर् भेदैर् दशधा तु अनाहतम् । मणिपूरक विज्ञेयं भेदैर् द्वादशभिः स्थितम्
viśuddhiḥ ṣoḍaśair bhedair daśadhā tu anāhatam / maṇipūraka vijñeyaṃ bhedair dvādaśabhiḥ sthitam
Sanskrit only: no published translation is held for this verse.
अनेकार्थगुणाधारं स्वाधिष्ठानं तु षट्कलम् । चतुष्कलं तु आधारम् आज्ञाभेदद्वयं विदुः
anekārthaguṇādhāraṃ svādhiṣṭhānaṃ tu ṣaṭkalam / catuṣkalaṃ tu ādhāram ājñābhedadvayaṃ viduḥ
Sanskrit only: no published translation is held for this verse.
श्रीकुब्जिका उवाच आज्ञाभेदद्वयं नाथ कथं तत् परमेश्वर । आचचक्ष्व प्रयत्नेन येन भ्रान्तिर् विनश्यति
śrīkubjikā uvāca ājñābhedadvayaṃ nātha kathaṃ tat parameśvara / ācacakṣva prayatnena yena bhrāntir vinaśyati
Sanskrit only: no published translation is held for this verse.
श्रीभैरव उवाच लक्षवारसहस्रैस् तु वारं वारं पुनः पुनः । एष साङ्केतिको ह्य् अर्थः कथ्यमानं न बुध्यसि
śrībhairava uvāca lakṣavārasahasrais tu vāraṃ vāraṃ punaḥ punaḥ / eṣa sāṅketiko hy arthaḥ kathyamānaṃ na budhyasi
Sanskrit only: no published translation is held for this verse.
शाम्भवं कथितं ज्ञानं सृष्टिमार्गेण शक्तिगम् । इच्छाशक्तिसमायुक्तम् उत्तरं ते प्रकाशितम्
śāmbhavaṃ kathitaṃ jñānaṃ sṛṣṭimārgeṇa śaktigam / icchāśaktisamāyuktam uttaraṃ te prakāśitam
Sanskrit only: no published translation is held for this verse.
इच्छाज्ञानं परित्यज्य शम्भुर् अत्रापि दक्षिणम् । क्रियाशक्तिर् अधोभागे संयोगात् प्रत्ययायते
icchājñānaṃ parityajya śambhur atrāpi dakṣiṇam / kriyāśaktir adhobhāge saṃyogāt pratyayāyate
Sanskrit only: no published translation is held for this verse.
ऊर्ध्वशक्तिनिपातेन अधःशक्तिनिकुञ्चनात् । कुरुते विविधां सृष्टिम् अनेकाकाररूपिणीम्
ūrdhvaśaktinipātena adhaḥśaktinikuñcanāt / kurute vividhāṃ sṛṣṭim anekākārarūpiṇīm
Sanskrit only: no published translation is held for this verse.
न शिवेन विना शक्तिर् न शिवः शक्तिवर्जितः । क्रियातत्त्वस्य मार्गो ऽयं परेच्छाध्वं तु केवलम्
na śivena vinā śaktir na śivaḥ śaktivarjitaḥ / kriyātattvasya mārgo 'yaṃ parecchādhvaṃ tu kevalam
Sanskrit only: no published translation is held for this verse.
उत्तरस्य तु मार्गस्य यच् छतुष्कं सुसूक्ष्मगम् । क्षोभितं तेन चात्मानं पुनः षोडशधा कृतम्
uttarasya tu mārgasya yac chatuṣkaṃ susūkṣmagam / kṣobhitaṃ tena cātmānaṃ punaḥ ṣoḍaśadhā kṛtam
Sanskrit only: no published translation is held for this verse.
विशुद्धं परतत्त्वान्तं तेनात्मानं विसर्पितम् । चतुस्त्रिंशतिभेदेन तस्मान् ऽनेकविधाकृतिः
viśuddhaṃ paratattvāntaṃ tenātmānaṃ visarpitam / catustriṃśatibhedena tasmān 'nekavidhākṛtiḥ
Sanskrit only: no published translation is held for this verse.
सप्रत्ययगुणाधारम् अवस्थागुणदायकम् । लक्ष्यते येन सुश्रोणि तच् छृणुष्व यथार्थतः
sapratyayaguṇādhāram avasthāguṇadāyakam / lakṣyate yena suśroṇi tac chṛṇuṣva yathārthataḥ
Sanskrit only: no published translation is held for this verse.
मुक्ताफलनिभाकारं क्वचिज् ज्वालाचलाचलम् । क्वचिन् मर्कटिजालाभं मृगतृष्णेव चापलम्
muktāphalanibhākāraṃ kvacij jvālācalācalam / kvacin markaṭijālābhaṃ mṛgatṛṣṇeva cāpalam
Sanskrit only: no published translation is held for this verse.
रूपातीतं च रूपं च पदपिण्डं चतुर्विधम् । विशुद्धतनुदेवस्य आद्यभेदं चतुष्टयम्
rūpātītaṃ ca rūpaṃ ca padapiṇḍaṃ caturvidham / viśuddhatanudevasya ādyabhedaṃ catuṣṭayam
Sanskrit only: no published translation is held for this verse.
सरहस्यं प्रबुद्धानां क्षुब्धानां तु क्रियाध्वरे । तस्मात् पीठचतुष्कं तु सञ्जातं तु कुलाकुलम्
sarahasyaṃ prabuddhānāṃ kṣubdhānāṃ tu kriyādhvare / tasmāt pīṭhacatuṣkaṃ tu sañjātaṃ tu kulākulam
Sanskrit only: no published translation is held for this verse.
कलाभृत्तनुदेवस्य कैलासोपरिसंस्थितम् । मध्यदेशे तु रन्ध्रस्थं श्रीमदोड्रकुलेश्वरम्
kalābhṛttanudevasya kailāsoparisaṃsthitam / madhyadeśe tu randhrasthaṃ śrīmadoḍrakuleśvaram
Sanskrit only: no published translation is held for this verse.
प्रथमं पीतवर्णं तु सशैलवनकाननम् । वनोपवनसंयुक्तं हेमप्राकारमण्डितम्
prathamaṃ pītavarṇaṃ tu saśailavanakānanam / vanopavanasaṃyuktaṃ hemaprākāramaṇḍitam
Sanskrit only: no published translation is held for this verse.
नदीनदसमाकीर्णम् अनेकार्थसमाकुलम् । सर्वबीजसमाकीर्णं चतुरस्रं समन्ततः
nadīnadasamākīrṇam anekārthasamākulam / sarvabījasamākīrṇaṃ caturasraṃ samantataḥ
Sanskrit only: no published translation is held for this verse.
वज्रार्गलसमोपेतं वज्रहस्ता तु मालिनी । तत्राधिपत्ययोगेन पीठपीठेश्वरीयुतम्
vajrārgalasamopetaṃ vajrahastā tu mālinī / tatrādhipatyayogena pīṭhapīṭheśvarīyutam
Sanskrit only: no published translation is held for this verse.
तस्यैव दक्षिणे कोणे चन्द्राभं चन्द्रवर्चसम् । अर्धचन्द्र पुराकारं सरि त्सरसमाकुलम्
tasyaiva dakṣiṇe koṇe candrābhaṃ candravarcasam / ardhacandra purākāraṃ sari tsarasamākulam
Sanskrit only: no published translation is held for this verse.
जलकल्लोलगम्भीरं षड्रसार्णवसङ्कुलम् । वीचीतरङ्गकल्लोलैस् तटास्फालनभीषणैः
jalakallolagambhīraṃ ṣaḍrasārṇavasaṅkulam / vīcītaraṅgakallolais taṭāsphālanabhīṣaṇaiḥ
Sanskrit only: no published translation is held for this verse.
तत्त्वनाथोपरिस्थं तु पुरं तत् पारमेश्वरम् । हिमचन्द्रशिलाभिश् च समन्तान् निचितं तु तम्
tattvanāthoparisthaṃ tu puraṃ tat pārameśvaram / himacandraśilābhiś ca samantān nicitaṃ tu tam
Sanskrit only: no published translation is held for this verse.
प्राकारेण विचित्रेण गोपुराट्टालशोभितम् । अनेकगुणसञ्छन्नम् अनेकाश्चर्यसङ्कुलम्
prākāreṇa vicitreṇa gopurāṭṭālaśobhitam / anekaguṇasañchannam anekāścaryasaṅkulam
Sanskrit only: no published translation is held for this verse.
तत्र तत्त्वेश्वरं देवं देव्याधिष्ठितविग्रहम् । श्यामवर्णं सुतेजाढ्यं पाशहस्तं सुलोचनम्
tatra tattveśvaraṃ devaṃ devyādhiṣṭhitavigraham / śyāmavarṇaṃ sutejāḍhyaṃ pāśahastaṃ sulocanam
Sanskrit only: no published translation is held for this verse.
आधारं सर्वसृष्टेस् तु महापीठोपरिस्थितम् । कैलासदक्षिणे शृङ्गे अनेकगुणसङ्कुलम्
ādhāraṃ sarvasṛṣṭes tu mahāpīṭhoparisthitam / kailāsadakṣiṇe śṛṅge anekaguṇasaṅkulam
Sanskrit only: no published translation is held for this verse.
श्रीमज्जालन्धरं पीठं तत्रस्थं लक्षयेत् प्रिये । कैलासस्योत्तरे शृङ्गे अनेकार्चिसमाकुलम्
śrīmajjālandharaṃ pīṭhaṃ tatrasthaṃ lakṣayet priye / kailāsasyottare śṛṅge anekārcisamākulam
Sanskrit only: no published translation is held for this verse.
ग्रसन्तम् इव त्रैलोक्यं सूर्यकोटिसमप्रभम् । पिङ्गलं दहनावस्थं लेलिहानं सुदारुणम्
grasantam iva trailokyaṃ sūryakoṭisamaprabham / piṅgalaṃ dahanāvasthaṃ lelihānaṃ sudāruṇam
Sanskrit only: no published translation is held for this verse.
ममापि देवि दुष्प्रेक्ष्यं किं पुनस् त्व् इतरैर् जनैः । त्रिकोणपुरमध्यस्थं वज्रप्राकारमण्डितम्
mamāpi devi duṣprekṣyaṃ kiṃ punas tv itarair janaiḥ / trikoṇapuramadhyasthaṃ vajraprākāramaṇḍitam
Sanskrit only: no published translation is held for this verse.
वज्रस्तम्भमयं दिव्यं पुरं वै पारमेश्वरम् । कालाग्निगोपुराट्टालं समन्तात् परिवेष्टितम्
vajrastambhamayaṃ divyaṃ puraṃ vai pārameśvaram / kālāgnigopurāṭṭālaṃ samantāt pariveṣṭitam
Sanskrit only: no published translation is held for this verse.
बहुरूपसमाकीर्णं विद्यागुणविभूषितम् । अनेकाश्चर्यसम्पन्नं जीवभूतं जगत्त्रये
bahurūpasamākīrṇaṃ vidyāguṇavibhūṣitam / anekāścaryasampannaṃ jīvabhūtaṃ jagattraye
Sanskrit only: no published translation is held for this verse.
आपूरितम् इदं येन तेन तत् पूर्णसंज्ञितम् । सप्तजिह्वासमोपेतं कालरूपं षडाननम्
āpūritam idaṃ yena tena tat pūrṇasaṃjñitam / saptajihvāsamopetaṃ kālarūpaṃ ṣaḍānanam
Sanskrit only: no published translation is held for this verse.
पूर्णमाया समायुक्तं साञ्जनं चारुरूपिणम् । शक्तिहस्तं महावीर्यं सृष्टिसंहारकारकम्
pūrṇamāyā samāyuktaṃ sāñjanaṃ cārurūpiṇam / śaktihastaṃ mahāvīryaṃ sṛṣṭisaṃhārakārakam
Sanskrit only: no published translation is held for this verse.
नपुंसकगुणान्तस्थं व्याप्तिभूतं विनिर्गतम् । मध्यपीठस्य पूर्वेण चाग्रशृङ्गे व्यवस्थितम्
napuṃsakaguṇāntasthaṃ vyāptibhūtaṃ vinirgatam / madhyapīṭhasya pūrveṇa cāgraśṛṅge vyavasthitam
Sanskrit only: no published translation is held for this verse.
पद्मिनीदलसङ्काशं धूम्रवत् ताम्रवर्चसम् । महाप्रचण्डदण्डौघैः स्फालनोल्लाललालसैः
padminīdalasaṅkāśaṃ dhūmravat tāmravarcasam / mahāpracaṇḍadaṇḍaughaiḥ sphālanollālalālasaiḥ
Sanskrit only: no published translation is held for this verse.
धूयमानं समन्तात् तु शोषयन्तं चराचरम् । षडस्रमण्डलान्तस्थं सर्वव्यापिकुलेश्वरम्
dhūyamānaṃ samantāt tu śoṣayantaṃ carācaram / ṣaḍasramaṇḍalāntasthaṃ sarvavyāpikuleśvaram
Sanskrit only: no published translation is held for this verse.
न तेन रहितं किञ्चित् सृष्टिसंहारगोचरे । इन्द्रनीलनिभैः स्तम्भैः समन्तान् निचितं पुरम्
na tena rahitaṃ kiñcit sṛṣṭisaṃhāragocare / indranīlanibhaiḥ stambhaiḥ samantān nicitaṃ puram
Sanskrit only: no published translation is held for this verse.
प्राकारगोपुराट्टालं ध्वजाएकुशधनुर्धरम् । पञ्चबाणधरं देवं कामदेव्या समन्वितम्
prākāragopurāṭṭālaṃ dhvajāekuśadhanurdharam / pañcabāṇadharaṃ devaṃ kāmadevyā samanvitam
Sanskrit only: no published translation is held for this verse.
द्रावयन्तं जगत् सर्वं श्रुतिरूपं तनूज्झितम् । चतुर्दशविधस्यापि नायको दण्डधारकः
drāvayantaṃ jagat sarvaṃ śrutirūpaṃ tanūjjhitam / caturdaśavidhasyāpi nāyako daṇḍadhārakaḥ
Sanskrit only: no published translation is held for this verse.
तस्येच्छाप्रेरितं सर्वं कामाद्यं सम्प्रवर्तते । तेनेदं चाग्रकोटिस्थं मनोन्मन्योर्ध्वसंस्थितम्
tasyecchāpreritaṃ sarvaṃ kāmādyaṃ sampravartate / tenedaṃ cāgrakoṭisthaṃ manonmanyordhvasaṃsthitam
Sanskrit only: no published translation is held for this verse.
स्त्रीपुंनपुंसके द्वे तु पीठव्याप्तौ परे विदुः ल् । कामेन क्षुभितं तत्त्वं स्थाणुसंज्ञा मनोन्मनम्
strīpuṃnapuṃsake dve tu pīṭhavyāptau pare viduḥ l / kāmena kṣubhitaṃ tattvaṃ sthāṇusaṃjñā manonmanam
Sanskrit only: no published translation is held for this verse.
मनोन्मनेन समनं द्वाव् एतौ तु नपुंसकौ । पुटरूपौ समाख्यातौ तस्मान् ऽन्यो व्यापिनः परः
manonmanena samanaṃ dvāv etau tu napuṃsakau / puṭarūpau samākhyātau tasmān 'nyo vyāpinaḥ paraḥ
Sanskrit only: no published translation is held for this verse.
सा तु माया परा देवी दुर्भेद्या चाक्षयाव्यया । व्यापिनी सर्वतत्त्वानाम् आत्मादौ त्व् अपरे ऽध्वनि
sā tu māyā parā devī durbhedyā cākṣayāvyayā / vyāpinī sarvatattvānām ātmādau tv apare 'dhvani
Sanskrit only: no published translation is held for this verse.
मायैव सा षडध्वस्य षट्त्रिंशानां विशेषतः । यया विभज्य चात्मानं स्वरूपे चाध्वनिर्मितम्
māyaiva sā ṣaḍadhvasya ṣaṭtriṃśānāṃ viśeṣataḥ / yayā vibhajya cātmānaṃ svarūpe cādhvanirmitam
Sanskrit only: no published translation is held for this verse.
अर्धकोट्या अधःस्थाने नादान्तं सन्निवेशितम् । उन्मनः समनश् चैव व्यापिनो ध्वनिर् एव च
ardhakoṭyā adhaḥsthāne nādāntaṃ sanniveśitam / unmanaḥ samanaś caiva vyāpino dhvanir eva ca
Sanskrit only: no published translation is held for this verse.
पीठचतुष्कम् एतत् तु स एवान्योन्यतः क्रमात् । ध्वनेर् नादः समुत्पन्नः स चानेकविधः स्थितः
pīṭhacatuṣkam etat tu sa evānyonyataḥ kramāt / dhvaner nādaḥ samutpannaḥ sa cānekavidhaḥ sthitaḥ
Sanskrit only: no published translation is held for this verse.
सूक्ष्मश् चैव सुसूक्ष्मश् च व्यक्ताव्यक्तो ऽथ कृत्रिमः । आत्मनो ऽप्य् अर्धकोट्यन्ते अधःस्थाने निवेशितः
sūkṣmaś caiva susūkṣmaś ca vyaktāvyakto 'tha kṛtrimaḥ / ātmano 'py ardhakoṭyante adhaḥsthāne niveśitaḥ
Sanskrit only: no published translation is held for this verse.
तस्मात् स कुरुते सृष्टिम् अनेकाकाररूपिणीम् । सूक्ष्मनादो गुहावासी कालाग्नौ तु सुसूक्ष्मगः
tasmāt sa kurute sṛṣṭim anekākārarūpiṇīm / sūkṣmanādo guhāvāsī kālāgnau tu susūkṣmagaḥ
Sanskrit only: no published translation is held for this verse.
स्वस्थानस्थस् तु अव्यक्तः पदान्ते व्यक्त-म्-आश्रितः । कृत्रिमश् चैव संयोगात् स चाकाशे व्यवस्थितः
svasthānasthas tu avyaktaḥ padānte vyakta-m-āśritaḥ / kṛtrimaś caiva saṃyogāt sa cākāśe vyavasthitaḥ
Sanskrit only: no published translation is held for this verse.
तस्माद् अक्षरसन्तानं वाग्विलासं प्रवर्तते । तेन सङ्क्षोभ्य चात्मानं अव्यक्ताव्यक्तरूपिणम्
tasmād akṣarasantānaṃ vāgvilāsaṃ pravartate / tena saṅkṣobhya cātmānaṃ avyaktāvyaktarūpiṇam
Sanskrit only: no published translation is held for this verse.
निरोधितं तु तेनेदं सूक्ष्मभावस्य सम्भवः । तेन नैरोधिकं नाम गोलाकारं व्यवस्थितम्
nirodhitaṃ tu tenedaṃ sūkṣmabhāvasya sambhavaḥ / tena nairodhikaṃ nāma golākāraṃ vyavasthitam
Sanskrit only: no published translation is held for this verse.
आत्मलग्नस्वरूपेण प्रतिमूर्ति द्वितीयकम् । तेन सङ्क्षोभ्य चात्मानम् अर्धचन्द्रविनिर्मितम्
ātmalagnasvarūpeṇa pratimūrti dvitīyakam / tena saṅkṣobhya cātmānam ardhacandravinirmitam
Sanskrit only: no published translation is held for this verse.
स्रवन्तम् अमृतं दिव्यं सर्वस्य जगतः स्थितम् । तस्य सम्प्लावनात्यर्थं विसर्गाभिरतस् तु यः
sravantam amṛtaṃ divyaṃ sarvasya jagataḥ sthitam / tasya samplāvanātyarthaṃ visargābhiratas tu yaḥ
Sanskrit only: no published translation is held for this verse.
तत्रादित्यं समुत्पन्नं वर्णानां प्रभुम् ईश्वरम् । बिन्दुरूपं जगन्नाथं क्रियाकालगुणोत्तरम्
tatrādityaṃ samutpannaṃ varṇānāṃ prabhum īśvaram / bindurūpaṃ jagannāthaṃ kriyākālaguṇottaram
Sanskrit only: no published translation is held for this verse.
वर्णसृष्टेस् तु कर्तारं देदीप्यन्तं सुवर्चसम् । उन्मनादिचतुष्कस्य सञ्जातेदं चतुष्कलम्
varṇasṛṣṭes tu kartāraṃ dedīpyantaṃ suvarcasam / unmanādicatuṣkasya sañjātedaṃ catuṣkalam
Sanskrit only: no published translation is held for this verse.
क्षुभितं क्रमयोगेन विशुद्धतनु शाम्भवम् । स्थितं षोडशभेदेन चतुष्केन पृथक् पृथक्
kṣubhitaṃ kramayogena viśuddhatanu śāmbhavam / sthitaṃ ṣoḍaśabhedena catuṣkena pṛthak pṛthak
Sanskrit only: no published translation is held for this verse.
कुलातीतशरीरस्य पिण्डम् आद्यं चतुष्कलम् । द्वादशाङ्गं कुलेशस्य मस्तके संव्यवस्थितम्
kulātītaśarīrasya piṇḍam ādyaṃ catuṣkalam / dvādaśāṅgaṃ kuleśasya mastake saṃvyavasthitam
Sanskrit only: no published translation is held for this verse.
चतुष्कलं द्वितीयं तु पीठरूपं जगाम्बिके । नादान्तोर्ध्वं तु मायाद्यं विज्ञेयं तु पुटत्रयम्
catuṣkalaṃ dvitīyaṃ tu pīṭharūpaṃ jagāmbike / nādāntordhvaṃ tu māyādyaṃ vijñeyaṃ tu puṭatrayam
Sanskrit only: no published translation is held for this verse.
ललाटोर्ध्वं कुलेशस्य ज्ञातव्यं तु कुलेश्वरि । तदधः पञ्चधा नादं कृत्रिमं मुखमण्डले
lalāṭordhvaṃ kuleśasya jñātavyaṃ tu kuleśvari / tadadhaḥ pañcadhā nādaṃ kṛtrimaṃ mukhamaṇḍale
Sanskrit only: no published translation is held for this verse.
निरोधं तत्समं ज्ञेयं चन्द्रसूर्यं ततोदरे । एवं विशुद्धदेवेन षोडशावयवं तनुम्
nirodhaṃ tatsamaṃ jñeyaṃ candrasūryaṃ tatodare / evaṃ viśuddhadevena ṣoḍaśāvayavaṃ tanum
Sanskrit only: no published translation is held for this verse.
अकुलेशकुलेशानं विभज्य च निवेशितम् । अत्र योगाभिपन्नानाम् अवस्थां शृणु भाविनि
akuleśakuleśānaṃ vibhajya ca niveśitam / atra yogābhipannānām avasthāṃ śṛṇu bhāvini
Sanskrit only: no published translation is held for this verse.
रोमाञ्चश् चाश्रुपातश् च विषुवं चन्द्रदर्शनम् । पिपीलिकापरः स्पर्शः सूर्यं रात्रौ च पश्यति
romāñcaś cāśrupātaś ca viṣuvaṃ candradarśanam / pipīlikāparaḥ sparśaḥ sūryaṃ rātrau ca paśyati
Sanskrit only: no published translation is held for this verse.
उत्पतेद् गगनाम्भोभिः शब्दान् मुञ्चति दारुणान् । वागीशत्वं प्रपद्येत किं त्व् अबद्धप्रलापिनः
utpated gaganāmbhobhiḥ śabdān muñcati dāruṇān / vāgīśatvaṃ prapadyeta kiṃ tv abaddhapralāpinaḥ
Sanskrit only: no published translation is held for this verse.
क्षोभः क्षुधाजयो निद्रा उन्मनत्वं क्षनात् क्षनात् । सुगन्धश् च सुदीप्तश् च वाचासिद्धिः प्रवर्तते
kṣobhaḥ kṣudhājayo nidrā unmanatvaṃ kṣanāt kṣanāt / sugandhaś ca sudīptaś ca vācāsiddhiḥ pravartate
Sanskrit only: no published translation is held for this verse.
षोडशैते महावस्थाः प्रत्यक्षानुभवेद् यदि । तदा तेन तु देहेन खेचरीकुलनन्दनः
ṣoḍaśaite mahāvasthāḥ pratyakṣānubhaved yadi / tadā tena tu dehena khecarīkulanandanaḥ
Sanskrit only: no published translation is held for this verse.
एतत् ते सरहस्यं तु विशुद्धं कथितं मया । इदानीं शृणु कल्याणि यथावस्थम् अनाहतम्
etat te sarahasyaṃ tu viśuddhaṃ kathitaṃ mayā / idānīṃ śṛṇu kalyāṇi yathāvastham anāhatam
Sanskrit only: no published translation is held for this verse.
कण्ठाधस्तात् कुलेशस्य उदरोर्ध्वम् अवस्थितम् । क्रोधशर्मादिभिः सिद्धैश् चक्रवर्तिदशान्वितः
kaṇṭhādhastāt kuleśasya udarordhvam avasthitam / krodhaśarmādibhiḥ siddhaiś cakravartidaśānvitaḥ
Sanskrit only: no published translation is held for this verse.
एकरुद्रः सुशर्मा च ग्रन्थौ नाले व्यवस्थितः । क्रोधाजेशादयः सिद्धाश् चक्रवर्तिदले स्थिताः
ekarudraḥ suśarmā ca granthau nāle vyavasthitaḥ / krodhājeśādayaḥ siddhāś cakravartidale sthitāḥ
Sanskrit only: no published translation is held for this verse.
पूर्वेशगोचरान्तास् ते मध्ये देवः सदाशिवः । चारोच्चारविचारैश् च एभिः सार्धं रमेत् तु सः
pūrveśagocarāntās te madhye devaḥ sadāśivaḥ / cāroccāravicāraiś ca ebhiḥ sārdhaṃ ramet tu saḥ
Sanskrit only: no published translation is held for this verse.
राज्यक्रीडाम् अथोर्ध्वे च संहारात्मा जगत्त्रयम् । मांसादपिशुनत्वेन ह्य् अभिलाषो ऽ धुना पुनः
rājyakrīḍām athordhve ca saṃhārātmā jagattrayam / māṃsādapiśunatvena hy abhilāṣo ' dhunā punaḥ
Sanskrit only: no published translation is held for this verse.
आप्यायितमनो हृष्टस् तुष्टचित्तस् तु वत्सलः । पृथ्वीं भ्रमामि निखिलां व्रजामो गिरिगह्वरम्
āpyāyitamano hṛṣṭas tuṣṭacittas tu vatsalaḥ / pṛthvīṃ bhramāmi nikhilāṃ vrajāmo girigahvaram
Sanskrit only: no published translation is held for this verse.
द्रव्यम् आवर्जयाम् आस विलसामो ददाम्य् अहम् । परं वैराग्यम् आपन्नो मोक्षान्वेषणतत्परः
dravyam āvarjayām āsa vilasāmo dadāmy aham / paraṃ vairāgyam āpanno mokṣānveṣaṇatatparaḥ
Sanskrit only: no published translation is held for this verse.
गुरुम् अन्वेषयिष्यामि येन भूयो न सम्भवः । सन्धिनालान्तरस्थो ऽसौ पातालम् अनुकाङ्क्षति
gurum anveṣayiṣyāmi yena bhūyo na sambhavaḥ / sandhinālāntarastho 'sau pātālam anukāṅkṣati
Sanskrit only: no published translation is held for this verse.
दिव्यसिद्धो भविष्यामः क्रीडामः कामिनीजनैः । मध्यदेशान्तरस्थो ऽसौ न किञ्चिद् अपि चिन्तयेत्
divyasiddho bhaviṣyāmaḥ krīḍāmaḥ kāminījanaiḥ / madhyadeśāntarastho 'sau na kiñcid api cintayet
Sanskrit only: no published translation is held for this verse.
सुखावस्थो जितक्रोधः सत्त्वावस्थो जितेन्द्रियः । तिष्ठते ऽनाहतो देवश् चक्रवर्त्यष्टकैर् वृतः
sukhāvastho jitakrodhaḥ sattvāvastho jitendriyaḥ / tiṣṭhate 'nāhato devaś cakravartyaṣṭakair vṛtaḥ
Sanskrit only: no published translation is held for this verse.
दशधावस्थिते चक्रे भावाभावसमन्वितः । गुरुवक्त्रगतो देवश् चक्रवर्तिसमन्वितः
daśadhāvasthite cakre bhāvābhāvasamanvitaḥ / guruvaktragato devaś cakravartisamanvitaḥ
Sanskrit only: no published translation is held for this verse.
स्वभावगुणसंयुक्तं चिन्तयन्तोपदेशतः । अभ्यसन्तस्य देवेशि अवस्थाः सम्भवन्ति हि
svabhāvaguṇasaṃyuktaṃ cintayantopadeśataḥ / abhyasantasya deveśi avasthāḥ sambhavanti hi
Sanskrit only: no published translation is held for this verse.
पुंसो भेदेन जायन्ते सात्त्वराजसतामसाः । उत्तमो मध्यमश् चेति कन्यसस् तु तृतीयकः
puṃso bhedena jāyante sāttvarājasatāmasāḥ / uttamo madhyamaś ceti kanyasas tu tṛtīyakaḥ
Sanskrit only: no published translation is held for this verse.
कन्यसे तामसावस्था राजसा सात्त्विका पुनः । मध्यमे रजसा युक्तं सत्त्वावस्थादितोत्तमः
kanyase tāmasāvasthā rājasā sāttvikā punaḥ / madhyame rajasā yuktaṃ sattvāvasthāditottamaḥ
Sanskrit only: no published translation is held for this verse.
याश् च ताः शृणु कल्याणि येषु योगस्य साधनम् । तमो मोहो रजः शोकश् चतुष्कं कन्यसादिकम्
yāś ca tāḥ śṛṇu kalyāṇi yeṣu yogasya sādhanam / tamo moho rajaḥ śokaś catuṣkaṃ kanyasādikam
Sanskrit only: no published translation is held for this verse.
लोलुपा रागवत्या च कामुका चापलायिनी । मध्यमादिष्व् अवस्थैताः कन्यसे तु द्वितीयका
lolupā rāgavatyā ca kāmukā cāpalāyinī / madhyamādiṣv avasthaitāḥ kanyase tu dvitīyakā
Sanskrit only: no published translation is held for this verse.
प्रभावती सुतारा च बिम्बा बिम्बखगेश्वरी । ज्येष्ठादिमध्यमे द्विस्था त्रिस्था कन्यसगोचरे
prabhāvatī sutārā ca bimbā bimbakhageśvarī / jyeṣṭhādimadhyame dvisthā tristhā kanyasagocare
Sanskrit only: no published translation is held for this verse.
उदयन्ति क्रमा ह्य् एताः समाधिविषये स्थिताः । अन्तिमैका द्विमध्यस्था त्रिधावस्था तु कन्यसे
udayanti kramā hy etāḥ samādhiviṣaye sthitāḥ / antimaikā dvimadhyasthā tridhāvasthā tu kanyase
Sanskrit only: no published translation is held for this verse.