Kubjikamatatantra 12

किं तु ज्येष्ठचतुष्कस्य द्वे ऽवस्था न भवन्ति हि । इति कुलालिकाम्नाये श्रीकुब्जिकामते षट्प्रकारनिर्णयो नाम एकादशमः पटलः श्रीकुब्जिका उवाच कुलेशानाम् अवस्थानां लक्षणं वद भैरव । येन वै ऽनाहतं देवं जानीमः परमेश्वर

kiṃ tu jyeṣṭhacatuṣkasya dve 'vasthā na bhavanti hi / iti kulālikāmnāye śrīkubjikāmate ṣaṭprakāranirṇayo nāma ekādaśamaḥ paṭalaḥ śrīkubjikā uvāca kuleśānām avasthānāṃ lakṣaṇaṃ vada bhairava / yena vai 'nāhataṃ devaṃ jānīmaḥ parameśvara

Sanskrit only: no published translation is held for this verse.

श्रीभैरव उवाच कथयामि वरारोहे प्रत्ययं तु सलक्षणम् । ताम् अविज्ञाय भ्रष्टत्वम् अवश्यं हितकारिणि

śrībhairava uvāca kathayāmi varārohe pratyayaṃ tu salakṣaṇam / tām avijñāya bhraṣṭatvam avaśyaṃ hitakāriṇi

Sanskrit only: no published translation is held for this verse.

अक्रमाज्ञा भवेद् येषां रभसाज्ञा प्रकाशिता । सामर्थ्यतो ऽथ दयया उक्तकालाद् अवान्तरे

akramājñā bhaved yeṣāṃ rabhasājñā prakāśitā / sāmarthyato 'tha dayayā uktakālād avāntare

Sanskrit only: no published translation is held for this verse.

तामसास् ते समाख्यातास् तमोऽवस्थान्तरान्विताः । समयानि न मन्यन्ते गुर्वाज्ञालोपकारकाः

tāmasās te samākhyātās tamo'vasthāntarānvitāḥ / samayāni na manyante gurvājñālopakārakāḥ

Sanskrit only: no published translation is held for this verse.

कलिद्वन्द्वप्रिया नित्यं छिद्रान्वेषणतत्पराः । गुरोपवादनिरता निरपेक्षा मुहुर् मुहुः

kalidvandvapriyā nityaṃ chidrānveṣaṇatatparāḥ / guropavādaniratā nirapekṣā muhur muhuḥ

Sanskrit only: no published translation is held for this verse.

अपवादं रुषित्वा तु गुरोर् यान्ति पराङ्मुखाः । येनासौ निधनं याति तत् करोति तमोऽन्वितः

apavādaṃ ruṣitvā tu guror yānti parāṅmukhāḥ / yenāsau nidhanaṃ yāti tat karoti tamo'nvitaḥ

Sanskrit only: no published translation is held for this verse.

मोहाविष्टो न जानाति आत्मसम्भावितः कुधीः । अहङ्कारतमोलुब्धः पूर्वजातिम् अनुस्मरेत्

mohāviṣṭo na jānāti ātmasambhāvitaḥ kudhīḥ / ahaṅkāratamolubdhaḥ pūrvajātim anusmaret

Sanskrit only: no published translation is held for this verse.

गुरुं विचारयित्वा तु शोकेनान्तरितात्मनः । प्रयाति गृहसायोज्यं तमेनाकुलितेक्षणः

guruṃ vicārayitvā tu śokenāntaritātmanaḥ / prayāti gṛhasāyojyaṃ tamenākulitekṣaṇaḥ

Sanskrit only: no published translation is held for this verse.

तेनाधमपदं याति जीवन्न् एव मृतस् तु सः । बुद्धिमन्तो महाप्राज्ञः स्वागमार्थविशारदः

tenādhamapadaṃ yāti jīvann eva mṛtas tu saḥ / buddhimanto mahāprājñaḥ svāgamārthaviśāradaḥ

Sanskrit only: no published translation is held for this verse.

ततः क्षमापयेन् नाथं तद्विदाम्नायपूजनम् । त्रिसप्तकं तु मौनेन सर्वोपस्करणैः सह

tataḥ kṣamāpayen nāthaṃ tadvidāmnāyapūjanam / trisaptakaṃ tu maunena sarvopaskaraṇaiḥ saha

Sanskrit only: no published translation is held for this verse.

अवस्थाश् चोपशाम्यन्ते तमो ऽवस्थाचतुष्टयम् । लोलुपादौ तु चत्वारि क्रमाद् ध्य् एवं व्यपोहयेत्

avasthāś copaśāmyante tamo 'vasthācatuṣṭayam / lolupādau tu catvāri kramād dhy evaṃ vyapohayet

Sanskrit only: no published translation is held for this verse.

मायया भृतचित्तस् तु दासत्वेन तु रञ्जयेत् । उक्तकालार्धमानेन रञ्जितो ऽनुग्रहेद् गुरुः

māyayā bhṛtacittas tu dāsatvena tu rañjayet / uktakālārdhamānena rañjito 'nugrahed guruḥ

Sanskrit only: no published translation is held for this verse.

तीव्रत्वे ऽपि हि सञ्जाते मन्दत्वं सम्प्रवर्तते । उपदेशोपचारेण अवस्थालक्षणं भवेत्

tīvratve 'pi hi sañjāte mandatvaṃ sampravartate / upadeśopacāreṇa avasthālakṣaṇaṃ bhavet

Sanskrit only: no published translation is held for this verse.

राजसो ऽयं समाख्यातश् चाहङ्कारगुणान्वितः । पण्डितो ऽहं सुभक्तो ऽहं वक्ताहं बोधको ह्य् अहम्

rājaso 'yaṃ samākhyātaś cāhaṅkāraguṇānvitaḥ / paṇḍito 'haṃ subhakto 'haṃ vaktāhaṃ bodhako hy aham

Sanskrit only: no published translation is held for this verse.

ज्ञानिनो ऽहं समर्थो ऽहं वयं सर्वगुणेश्वराः । करोति गुरुणा सार्धं वादम् अज्ञानचेतसः

jñānino 'haṃ samartho 'haṃ vayaṃ sarvaguṇeśvarāḥ / karoti guruṇā sārdhaṃ vādam ajñānacetasaḥ

Sanskrit only: no published translation is held for this verse.

इदं तत्त्वम् इदं तत्त्वम् आगमोक्तं न जानथ । एवं ऽसौ रजसालिप्तो यद्य् आत्मानं न संस्मरेत्

idaṃ tattvam idaṃ tattvam āgamoktaṃ na jānatha / evaṃ 'sau rajasālipto yady ātmānaṃ na saṃsmaret

Sanskrit only: no published translation is held for this verse.

तदावस्थाचतुष्केण लोलुपाद्येन गृह्यते । परस्त्रियं हसेन् नित्यं धावयित्वा विलग्यते

tadāvasthācatuṣkeṇa lolupādyena gṛhyate / parastriyaṃ hasen nityaṃ dhāvayitvā vilagyate

Sanskrit only: no published translation is held for this verse.

स शृङ्गारी मदस्रावी नित् यम् एवं गजो यथा । आत्मानं विक्रयित्वा तु मद्यमांसं समाचरेत्

sa śṛṅgārī madasrāvī nit yam evaṃ gajo yathā / ātmānaṃ vikrayitvā tu madyamāṃsaṃ samācaret

Sanskrit only: no published translation is held for this verse.

विवेको यदि चित्तस्थस् तदाराध्यं समाश्रयेत् । अथ चेत् पूर्वविहितां क्रमपूजां समाचरेत्

viveko yadi cittasthas tadārādhyaṃ samāśrayet / atha cet pūrvavihitāṃ kramapūjāṃ samācaret

Sanskrit only: no published translation is held for this verse.

मध्यमस्य ततः पश्चाद् अवस्था शुभदायिका । उत्तमं परया भक्त्या आविष्टस् तु सदा गुरोः

madhyamasya tataḥ paścād avasthā śubhadāyikā / uttamaṃ parayā bhaktyā āviṣṭas tu sadā guroḥ

Sanskrit only: no published translation is held for this verse.

उक्तकालेन चादेशा- नुग्रहः सम्प्रपादितः । त्रिशुद्धान्तरभावेन यस्य भावो न चान्यथा

uktakālena cādeśā- nugrahaḥ samprapāditaḥ / triśuddhāntarabhāvena yasya bhāvo na cānyathā

Sanskrit only: no published translation is held for this verse.

तस्य चैवोत्तरे मार्गे दक्षिणाम्नायपूर्वकम् । विन्दते निखिलं ज्ञानं निरहङ्कारी दृढव्रतः

tasya caivottare mārge dakṣiṇāmnāyapūrvakam / vindate nikhilaṃ jñānaṃ nirahaṅkārī dṛḍhavrataḥ

Sanskrit only: no published translation is held for this verse.

उदयन्ति शुभावस्थाः प्रभावत्यादितः क्रमात् । षट्कमार्गेति याः प्रोक्ताः शुभास् ताश् चोदयन्ति वै

udayanti śubhāvasthāḥ prabhāvatyāditaḥ kramāt / ṣaṭkamārgeti yāḥ proktāḥ śubhās tāś codayanti vai

Sanskrit only: no published translation is held for this verse.

प्रभाभिरञ्जितात्मा वै पश्यते भुवनत्रयम् । तारकान्तस्थम् आत्मानं देदीप्यन्तं सुवर्चसम्

prabhābhirañjitātmā vai paśyate bhuvanatrayam / tārakāntastham ātmānaṃ dedīpyantaṃ suvarcasam

Sanskrit only: no published translation is held for this verse.

चन्द्ररूपं यदा पश्येत् तारामण्डलमध्यतः । तारावती तु सा प्रोक्ता अवस्था सिद्धिदायिका

candrarūpaṃ yadā paśyet tārāmaṇḍalamadhyataḥ / tārāvatī tu sā proktā avasthā siddhidāyikā

Sanskrit only: no published translation is held for this verse.

अभ्यस्यन्तः स्वरूपेण समाधिस्थः प्रपश्यति । आत्मबिम्बपुरस्थं तु बिम्बा सावश्यसिद्धिदा

abhyasyantaḥ svarūpeṇa samādhisthaḥ prapaśyati / ātmabimbapurasthaṃ tu bimbā sāvaśyasiddhidā

Sanskrit only: no published translation is held for this verse.

समाधिस्थः स्वबिम्बं तु आसनेन समन्वितम् । उत्पतन्तं यदा पश्येत् तदा सा बिम्बखेचरी

samādhisthaḥ svabimbaṃ tu āsanena samanvitam / utpatantaṃ yadā paśyet tadā sā bimbakhecarī

Sanskrit only: no published translation is held for this verse.

दृष्ट्वैतां तु महावस्थां सिद्धे[र्] भ्रान्तिं न कारयेत् । अवश्यं याति खेचक्रे ह्य् उक्तकालं कुलेश्वरि

dṛṣṭvaitāṃ tu mahāvasthāṃ siddhe[r] bhrāntiṃ na kārayet / avaśyaṃ yāti khecakre hy uktakālaṃ kuleśvari

Sanskrit only: no published translation is held for this verse.

एषावस्था समासाद्य दशावस्था[स्] त्यजेत् पुनः । गुणान् उत्पादयित्वा तु अनाहतपदं व्रजेत्

eṣāvasthā samāsādya daśāvasthā[s] tyajet punaḥ / guṇān utpādayitvā tu anāhatapadaṃ vrajet

Sanskrit only: no published translation is held for this verse.

अथान्यत् परमं वक्ष्ये मणिपूरं यथा स्थितम् । तथा त्वं शृणु कल्याणि कल्याणानन्दवर्धनम्

athānyat paramaṃ vakṣYe maṇipūraṃ yathā sthitam / tathā tvaṃ śṛṇu kalyāṇi kalyāṇānandavardhanam

Sanskrit only: no published translation is held for this verse.

स्थितं द्वादशभेदेन सोमेशादौ शिखान्तिकम् । नाभ्युदरनितम्बोरु- जङ्घाङ्घ्रीम् अनुक्रमात्

sthitaṃ dvādaśabhedena someśādau śikhāntikam / nābhyudaranitamboru- jaṅghāṅghrīm anukramāt

Sanskrit only: no published translation is held for this verse.

कुलनाथमहेशस्य संस्थितो मणिपूरकः । तनुचक्रे समावृत्य यथावस्थं तथा शृणु

kulanāthamaheśasya saṃsthito maṇipūrakaḥ / tanucakre samāvṛtya yathāvasthaṃ tathā śṛṇu

Sanskrit only: no published translation is held for this verse.

सोमेशोदरसंस्थं तु द्वादशार्चिसमन्वितम् । द्वीपक्षेत्रसमायुक्तं तद् एवान्यान् विलक्षयेत्

someśodarasaṃsthaṃ tu dvādaśārcisamanvitam / dvīpakṣetrasamāyuktaṃ tad evānyān vilakṣayet

Sanskrit only: no published translation is held for this verse.

लाङ्गली दक्षिणे कुक्षौ वामे दारुकजं विभुम् । अर्धनारीश्वरं नाभौ स्वचक्रपरिवारितम्

lāṅgalī dakṣiṇe kukṣau vāme dārukajaṃ vibhum / ardhanārīśvaraṃ nābhau svacakraparivāritam

Sanskrit only: no published translation is held for this verse.

दक्षिणेन ह्य् उमाकान्तं नितम्बे वामतो ऽषढिम् । डिण्डित्रियुगलोरुभ्यां जानुभ्यां मीनमेषकौ

dakṣiṇena hy umākāntaṃ nitambe vāmato 'ṣaḍhim / ḍiṇḍitriyugalorubhyāṃ jānubhyāṃ mīnameṣakau

Sanskrit only: no published translation is held for this verse.

लोहिताख्यं शिखीनाथं दक्षादौ वामम् आश्रितौ । पीठनाथं तथा क्षेत्रं द्वीपं द्वीपाधिपैः सह

lohitākhyaṃ śikhīnāthaṃ dakṣādau vāmam āśritau / pīṭhanāthaṃ tathā kṣetraṃ dvīpaṃ dvīpādhipaiḥ saha

Sanskrit only: no published translation is held for this verse.

मणिवद् द्योतयन्तं तु पूरयन्तं दिशो दश । सूर्यकान्तिमणिप्रख्यं भास्करेव प्रपश्यते

maṇivad dyotayantaṃ tu pūrayantaṃ diśo daśa / sūryakāntimaṇiprakhyaṃ bhāskareva prapaśyate

Sanskrit only: no published translation is held for this verse.

कालसङ्ख्याकरं देवं कलैर् द्वादशभिर् युतम् । पीठनाथं तु द्वीपस्थं मासमासादितः क्रमात्

kālasaṅkhyākaraṃ devaṃ kalair dvādaśabhir yutam / pīṭhanāthaṃ tu dvīpasthaṃ māsamāsāditaḥ kramāt

Sanskrit only: no published translation is held for this verse.

पूरयेद् वर्षसन्तानं युगमन्वन्तराणि च । कल्पं चेति महाकल्पं मणिद्वादशभिः खिलम्

pūrayed varṣasantānaṃ yugamanvantarāṇi ca / kalpaṃ ceti mahākalpaṃ maṇidvādaśabhiḥ khilam

Sanskrit only: no published translation is held for this verse.

यतः पूरयेद् विश्वात्मा तेनेदं मणिपूरकम् । शक्तिमार्गप्रपन्नानां भुक्तिमुक्तिफलप्रदम्

yataḥ pūrayed viśvātmā tenedaṃ maṇipūrakam / śaktimārgaprapannānāṃ bhuktimuktiphalapradam

Sanskrit only: no published translation is held for this verse.

एकैकं चिन्तयेच् चक्रं नाथाज्ञा ह्य् उपदेशतः । भवन्ति सर्वसिद्धीनि उत्तमाधममध्यमाः

ekaikaṃ cintayec cakraṃ nāthājñā hy upadeśataḥ / bhavanti sarvasiddhīni uttamādhamamadhyamāḥ

Sanskrit only: no published translation is held for this verse.

मणिपूरक पादस्थं पीठेश्वरसमन्वितम् । द्वीपद्वीपाधिपैर् युक्तं मासम् एकं यदाभ्यसेत्

maṇipūraka pādasthaṃ pīṭheśvarasamanvitam / dvīpadvīpādhipair yuktaṃ māsam ekaṃ yadābhyaset

Sanskrit only: no published translation is held for this verse.

पादचारि जगत् सर्वं क्षोभयेद् अविचारतः । पूजाध्यानसमाधिस्थः शक्तिमार्गेण योगवित्

pādacāri jagat sarvaṃ kṣobhayed avicārataḥ / pūjādhyānasamādhisthaḥ śaktimārgeṇa yogavit

Sanskrit only: no published translation is held for this verse.

षण्मासेन अवश्यं हि वत्सरान्तं न संशयः । अन्यच् छीघ्रगतिस् तस्य आत्मनः सम्प्रवर्तते

ṣaṇmāsena avaśyaṃ hi vatsarāntaṃ na saṃśayaḥ / anyac chīghragatis tasya ātmanaḥ sampravartate

Sanskrit only: no published translation is held for this verse.

पादुके पादलेपं वा मनोवेगः प्रजायते । एवं जानुनि अभ्यासाद् भूतवेतालनयकः

pāduke pādalepaṃ vā manovegaḥ prajāyate / evaṃ jānuni abhyāsād bhūtavetālanayakaḥ

Sanskrit only: no published translation is held for this verse.

कुरुते विविधाश्चर्यं कल्पस्थायी भवेत् तु सः । आत्मवन्तो महोत्साह ऊरुभ्यां उरगेश्वरः

kurute vividhāścaryaṃ kalpasthāyī bhavet tu saḥ / ātmavanto mahotsāha ūrubhyāṃ urageśvaraḥ

Sanskrit only: no published translation is held for this verse.

किं तु तद्द्विगुणेनैव कालेन प्रथमादितः । क्रमेण सिध्यते सर्वम् आद्यन्तेन विलक्षयेत्

kiṃ tu taddviguṇenaiva kālena prathamāditaḥ / krameṇa sidhyate sarvam ādyantena vilakṣayet

Sanskrit only: no published translation is held for this verse.

नितम्बाभ्यासयोगेन गुह्यकानां पतिर् भवेत् । यक्षविद्याधराणं च प्रेतपैशाचराक्षसाम्

nitambābhyāsayogena guhyakānāṃ patir bhavet / yakṣavidyādharāṇaṃ ca pretapaiśācarākṣasām

Sanskrit only: no published translation is held for this verse.

क्रीडते नायको भूत्वा पूर्वमार्गविधौ स्थितः । कुक्षिमार्गगते चक्रे अभ्यसन्तः श्रियं लभेत्

krīḍate nāyako bhūtvā pūrvamārgavidhau sthitaḥ / kukṣimārgagate cakre abhyasantaḥ śriyaṃ labhet

Sanskrit only: no published translation is held for this verse.

किन्नरेन्द्र सगन्धर्वो लोकालोकेषु पूज्यते । वायुवद् भ्रमते सो हि सर्वत्रैवम् अशङ्कितः

kinnarendra sagandharvo lokālokeṣu pūjyate / vāyuvad bhramate so hi sarvatraivam aśaṅkitaḥ

Sanskrit only: no published translation is held for this verse.

मध्यनाभिगते चक्रे मूलमेढ्रे यदाभ्यसेत् । शान्तिपुष्टिवशाकर्षं सर्वज्ञत्वं पृथुश्रियम्

madhyanābhigate cakre mūlameḍhre yadābhyaset / śāntipuṣṭivaśākarṣaṃ sarvajñatvaṃ pṛthuśriyam

Sanskrit only: no published translation is held for this verse.

सकृत्संस्मरणाद् एवम् अभ्यसन्तः खगेश्वरः । ब्रह्माण्डान्तरनिःशेषं भ्रमते कामरूपिणः

sakṛtsaṃsmaraṇād evam abhyasantaḥ khageśvaraḥ / brahmāṇḍāntaraniḥśeṣaṃ bhramate kāmarūpiṇaḥ

Sanskrit only: no published translation is held for this verse.

साङ्ख्यज्ञानविदो भूत्वा विचरेत् स्वपुरं पुनह् । अथ स्पष्टतरं देवि शक्तित्यागं शृणुष्व मे

sāṅkhyajñānavido bhūtvā vicaret svapuraṃ punah / atha spaṣṭataraṃ devi śaktityāgaṃ śṛṇuṣva me

Sanskrit only: no published translation is held for this verse.

यद् एतत् परमं बीजं हंसाख्यं हृदि संस्थितम् । विना तेनोपलब्धिं च न जानाति कदाचन

yad etat paramaṃ bījaṃ haṃsākhyaṃ hṛdi saṃsthitam / vinā tenopalabdhiṃ ca na jānāti kadācana

Sanskrit only: no published translation is held for this verse.

तस्य रूपत्रयं भद्रे नादं संयोगम् एव च । वियोगं चेति सुश्रोणि लक्षणीयं प्रयत्नतः

tasya rūpatrayaṃ bhadre nādaṃ saṃyogam eva ca / viyogaṃ ceti suśroṇi lakṣaṇīyaṃ prayatnataḥ

Sanskrit only: no published translation is held for this verse.

चैतन्यत्रितयं चात्र आत्मशक्तिशिवात्मकम् । अविनाभावयोगेन चैतन्यत्रितयस्थितम्

caitanyatritayaṃ cātra ātmaśaktiśivātmakam / avinābhāvayogena caitanyatritayasthitam

Sanskrit only: no published translation is held for this verse.

तेनोपचर्यते भद्रे हंसदेवः परापरः । सङ्कोचे तु परा शक्तिर् विकासे भैरवः स्मृतः

tenopacaryate bhadre haṃsadevaḥ parāparaḥ / saṅkoce tu parā śaktir vikāse bhairavaḥ smṛtaḥ

Sanskrit only: no published translation is held for this verse.

मध्ये आत्मा सदा तिष्ठेत् पूर्यष्टकसमन्वितः । विकासश् चोर्ध्वनाडिस् तु सङ्कोचोऽधः प्रकीर्तितः

madhye ātmā sadā tiṣṭhet pūryaṣṭakasamanvitaḥ / vikāsaś cordhvanāḍis tu saṅkoco'dhaḥ prakīrtitaḥ

Sanskrit only: no published translation is held for this verse.

मध्ये नाभिर् इति प्रोक्तस् त्रयम् एतत् सुदुर्लभम् । ऊर्ध्वनाडीनिरोधेन अधोनाडीनिकुञ्चनात्

madhye nābhir iti proktas trayam etat sudurlabham / ūrdhvanāḍīnirodhena adhonāḍīnikuñcanāt

Sanskrit only: no published translation is held for this verse.

मध्ये चित्तं समादाय मथनं तत्र कारयेत् । योनिमध्यगतं लिङ्गं योन्योदरपुटीकृतम्

madhye cittaṃ samādāya mathanaṃ tatra kārayet / yonimadhyagataṃ liṅgaṃ yonyodarapuṭīkṛtam

Sanskrit only: no published translation is held for this verse.

तन्मध्ये चात्मनो रूपं लक्षयेत पुनः पुनः । मथनं ह्य् एतद् आख्यातम् अज्ञानमलनाशनम्

tanmadhye cātmano rūpaṃ lakṣayeta punaḥ punaḥ / mathanaṃ hy etad ākhyātam ajñānamalanāśanam

Sanskrit only: no published translation is held for this verse.

मध्यमन्थानयोगेन ज्ञानाग्निर् ज्वलते किल । ज्वलिते तु तदा वह्नौ ज्योतिर् एवं प्रवर्धते

madhyamanthānayogena jñānāgnir jvalate kila / jvalite tu tadā vahnau jyotir evaṃ pravardhate

Sanskrit only: no published translation is held for this verse.

प्रवर्धनान् महाज्योतेर् आनन्दम् उपजायते । मथनाद् भगलिङ्गाभ्यां यथानन्दः प्रजायते

pravardhanān mahājyoter ānandam upajāyate / mathanād bhagaliṅgābhyāṃ yathānandaḥ prajāyate

Sanskrit only: no published translation is held for this verse.

मथनाच् छिवशक्त्योस् तु तथानन्दः प्रजायते । निश्चयत्वं भवेद् देवि शिवशक्त्योर् अभेदतः

mathanāc chivaśaktyos tu tathānandaḥ prajāyate / niścayatvaṃ bhaved devi śivaśaktyor abhedataḥ

Sanskrit only: no published translation is held for this verse.

मथनं ह्य् एतद् एवोक्तम् अमृतोत्पादकं प्रिये । तेनामृतेन चात्मानं प्लाव्यमानं विचिन्तयेत्

mathanaṃ hy etad evoktam amṛtotpādakaṃ priye / tenāmṛtena cātmānaṃ plāvyamānaṃ vicintayet

Sanskrit only: no published translation is held for this verse.

एषा सा परमा वृत्तिः परतत्त्वम् इदं स्मृतम् । एतत् तत् परमं ब्रह्म परमानन्दलक्षणम्

eṣā sā paramā vṛttiḥ paratattvam idaṃ smṛtam / etat tat paramaṃ brahma paramānandalakṣaṇam

Sanskrit only: no published translation is held for this verse.

तद् आनन्दपरानन्दं शक्तित्यागम् इति स्मृतम् । एष ते मणिपूरस् तु सरहस्यं प्रकाशितम्

tad ānandaparānandaṃ śaktityāgam iti smṛtam / eṣa te maṇipūras tu sarahasyaṃ prakāśitam

Sanskrit only: no published translation is held for this verse.

गोपितं पूर्वतन्त्रेषु कुब्जि तुभ्यं प्रकाशितम् । द्वीपमार्गविभागेन पीठनाथक्रमेण तु

gopitaṃ pūrvatantreṣu kubji tubhyaṃ prakāśitam / dvīpamārgavibhāgena pīṭhanāthakrameṇa tu

Sanskrit only: no published translation is held for this verse.

दुर्लभं सिद्धमार्गस्य किं पुनस् त्व् इतरेषु च । उक्तकालेन सिध्यन्ति अवश्यं नानृतं वचः

durlabhaṃ siddhamārgasya kiṃ punas tv itareṣu ca / uktakālena sidhyanti avaśyaṃ nānṛtaṃ vacaḥ

Sanskrit only: no published translation is held for this verse.

शृणु देवि यथावस्थं स्वाधिष्ठानं वदामि ते । कलाकलितदेहस्य यथास्थानं निगद्यते

śṛṇu devi yathāvasthaṃ svādhiṣṭhānaṃ vadāmi te / kalākalitadehasya yathāsthānaṃ nigadyate

Sanskrit only: no published translation is held for this verse.

पूर्वम् एकार्णवे घोरे तमोभूते जगत्त्रये । लिङ्गरूपधरश् चाहं परेच्छावशवर्तिनः

pūrvam ekārṇave ghore tamobhūte jagattraye / liṅgarūpadharaś cāhaṃ parecchāvaśavartinaḥ

Sanskrit only: no published translation is held for this verse.

षण्मुखः कालरूपो ऽहं लिङ्गाकारो व्यवस्थितः । षट्कलाभिर् वृतो नित्यं विश्वमध्ये रमाम्य् अहम्

ṣaṇmukhaḥ kālarūpo 'haṃ liṅgākāro vyavasthitaḥ / ṣaṭkalābhir vṛto nityaṃ viśvamadhye ramāmy aham

Sanskrit only: no published translation is held for this verse.

षट्कौषिकेन युक्तो ऽहं पिण्डो ऽहं ऽनङ्गवर्चसः । ततः प्रवर्तिता सृष्टिर् ममेच्छा तु पुनः प्रिये

ṣaṭkauṣikena yukto 'haṃ piṇḍo 'haṃ 'naṅgavarcasaḥ / tataḥ pravartitā sṛṣṭir mamecchā tu punaḥ priye

Sanskrit only: no published translation is held for this verse.

ब्रह्मविष्ण्वादिभिः सिद्धैः पूजिताराधित[ः] स्तुतः । ततो ऽहं वरम् आपन्नस् तेषु भावानुवर्तिनाम्

brahmaviṣṇvādibhiḥ siddhaiḥ pūjitārādhita[ḥ] stutaḥ / tato 'haṃ varam āpannas teṣu bhāvānuvartinām

Sanskrit only: no published translation is held for this verse.

षडस्रं चतुरस्रं तु आत्मानं च समर्पितम् । तेन ते कारणत्वेन सृष्टिकृत् कारणेश्वराः

ṣaḍasraṃ caturasraṃ tu ātmānaṃ ca samarpitam / tena te kāraṇatvena sṛṣṭikṛt kāraṇeśvarāḥ

Sanskrit only: no published translation is held for this verse.

हर्ता कर्ता स्वतन्त्रास् ते मद्रूपगुणचेतसः । पुनः स्तोत्रं समारब्धं तैस् तु नाथैः पुनर् ह्य् अह् अम्

hartā kartā svatantrās te madrūpaguṇacetasaḥ / punaḥ stotraṃ samārabdhaṃ tais tu nāthaiḥ punar hy ah am

Sanskrit only: no published translation is held for this verse.

यावन् ऽनेकविधानेन तावत् तेषां वरप्रदः । पुनः सन्तोषितो ऽतीव वरं प्रार्थय पुष्कलम्

yāvan 'nekavidhānena tāvat teṣāṃ varapradaḥ / punaḥ santoṣito 'tīva varaṃ prārthaya puṣkalam

Sanskrit only: no published translation is held for this verse.

तैर् उक्तं देवदेवेश लिङ्गेदं सर्वतोमुखम् । येन पूज्यो भवामीह तद् वरं दद मे प्रभो

tair uktaṃ devadeveśa liṅgedaṃ sarvatomukham / yena pūjyo bhavāmīha tad varaṃ dada me prabho

Sanskrit only: no published translation is held for this verse.

अस्य लिङ्गस्य माहात्म्यं व्याप्तिभूतं यथास्थितम् । तथा कुरु महेशान जानीमो निश्चयं यथा

asya liṅgasya māhātmyaṃ vyāptibhūtaṃ yathāsthitam / tathā kuru maheśāna jānīmo niścayaṃ yathā

Sanskrit only: no published translation is held for this verse.

ततस् तेषां महादेवि व्याप्तिमार्ग[ः] प्रदर्शितः । व्यक्तलिङ्गं कृतं पश्चात् षडध्वगुणगोचरम्

tatas teṣāṃ mahādevi vyāptimārga[ḥ] pradarśitaḥ / vyaktaliṅgaṃ kṛtaṃ paścāt ṣaḍadhvaguṇagocaram

Sanskrit only: no published translation is held for this verse.

षडध्वरोपदेशेन तनुस् तेषां प्रदर्शिता । द्विरण्डेन कृतं देहं शेषा वक्त्राणि चोर्ध्वतः

ṣaḍadhvaropadeśena tanus teṣāṃ pradarśitā / dviraṇḍena kṛtaṃ dehaṃ śeṣā vaktrāṇi cordhvataḥ

Sanskrit only: no published translation is held for this verse.

वामादिक्रमयोगेन सञ्जातानि विदुर् बुधाः । छगलण्डोत्तरं वक्त्रं महाकालोर्ध्वतः स्थितः

vāmādikramayogena sañjātāni vidur budhāḥ / chagalaṇḍottaraṃ vaktraṃ mahākālordhvataḥ sthitaḥ

Sanskrit only: no published translation is held for this verse.

वालिवक्त्रं भवेत् पूर्वं पुरुषं जीवरूपिणम् । भुजङ्गं दक्षिने क्रूरं नागरूपं महद्भुतम्

vālivaktraṃ bhavet pūrvaṃ puruṣaṃ jīvarūpiṇam / bhujaṅgaṃ dakṣine krūraṃ nāgarūpaṃ mahadbhutam

Sanskrit only: no published translation is held for this verse.

पश्चिमं तु पिनाकाख्यं निवृत्तिस्थं नियामकम् । अविद्याख्यं पुरा प्रोक्तं क्षणध्वंसीविनाशकम्

paścimaṃ tu pinākākhyaṃ nivṛttisthaṃ niyāmakam / avidyākhyaṃ purā proktaṃ kṣaṇadhvaṃsīvināśakam

Sanskrit only: no published translation is held for this verse.

अत्र मध्ये त्रयं श्रेष्ठम् अविनाशाक्षयाव्ययम् । माया शम्भुश् च पुरुषं क्षीयते न कदाचन

atra madhye trayaṃ śreṣṭham avināśākṣayāvyayam / māyā śambhuś ca puruṣaṃ kṣīYate na kadācana

Sanskrit only: no published translation is held for this verse.

पञ्चवक्त्रतनूद्भूतं षट्कौषकुलसम्भवम् । तेषां प्रदर्शितं रूपं कलाध्वं कुलनायकम्

pañcavaktratanūdbhūtaṃ ṣaṭkauṣakulasambhavam / teṣāṃ pradarśitaṃ rūpaṃ kalādhvaṃ kulanāyakam

Sanskrit only: no published translation is held for this verse.

साधितो ऽहं त्वया विष्णो निश्चलेनान्तरात्मना । भावाधिष्ठानयोगेन तेनेदं दर्शितं मया

sādhito 'haṃ tvayā viṣṇo niścalenāntarātmanā / bhāvādhiṣṭhānayogena tenedaṃ darśitaṃ mayā

Sanskrit only: no published translation is held for this verse.

स्वाधिष्ठानं परं योगं प्रविश्य मम सर्वथा । लिङ्गं प्रविश्य मेधावी येन पूज्यो भविष्यसि

svādhiṣṭhānaṃ paraṃ yogaṃ praviśya mama sarvathā / liṅgaṃ praviśya medhāvī yena pūjyo bhaviṣyasi

Sanskrit only: no published translation is held for this verse.