पुष्पावरणके दिव्ये वस्त्रमाल्योपशोभिते । दिव्यगन्धसुगन्धाढ्ये दीपमालोपशोभिते
puṣpāvaraṇake divye vastramālyopaśobhite / divyagandhasugandhāḍhye dīpamālopaśobhite
Sanskrit only: no published translation is held for this verse.
Kubjikamatatantra 19
सौवर्णरजतादीभिस् ताम्रलोहशिलामृदा । भक्त्या-देवं स्वशक्त्या च पिष्टदीपान् घृतान्वितान्
sauvarṇarajatādībhis tāmralohaśilāmṛdā / bhaktyā-devaṃ svaśaktyā ca piṣṭadīpān ghṛtānvitān
Sanskrit only: no published translation is held for this verse.
नैवेद्यफल्गुषालिभ्यां पुष्पधूपैर् अनेकधा । एवं कृत्वा ततः पश्चाद् व्याख्याने वाचने ऽपि वा
naivedyaphalguṣālibhyāṃ puṣpadhūpair anekadhā / evaṃ kṛtvā tataḥ paścād vyākhyāne vācane 'pi vā
Sanskrit only: no published translation is held for this verse.
गुरुमण्डलकं कुर्यात् त्रिष्कालं पुस्तकाग्रतः । अहं वै गुरवस् तस्य यत्रास्ते चागमः स्वयम्
gurumaṇḍalakaṃ kuryāt triṣkālaṃ pustakāgrataḥ / ahaṃ vai guravas tasya yatrāste cāgamaḥ svayam
Sanskrit only: no published translation is held for this verse.
गुरुवच् च प्रमन्तव्यं विद्याबोधपरं गुरुम् । न विना च गुरोर् विद्या न विद्यारहितो गुरुः
guruvac ca pramantavyaṃ vidyābodhaparaṃ gurum / na vinā ca guror vidyā na vidyārahito guruḥ
Sanskrit only: no published translation is held for this verse.
यथा गुरुस् तथा विद्या यथा विद्या तथा गुरुः । प्राप्तविद्या गुरोः पार्श्वे विद्याप्राप्ते गुरुत्वता
yathā gurus tathā vidyā yathā vidyā tathā guruḥ / prāptavidyā guroḥ pārśve vidyāprāpte gurutvatā
Sanskrit only: no published translation is held for this verse.
एवं चाम्नायिको मार्गः सर्वथा ग्रन्थतो ऽर्थतः । वेत्ति सिद्धः स मे तुल्यः सामान्यस् तत्समो न हि
evaṃ cāmnāyiko mārgaḥ sarvathā granthato 'rthataḥ / vetti siddhaḥ sa me tulyaḥ sāmānyas tatsamo na hi
Sanskrit only: no published translation is held for this verse.
एष ते कौलिको मार्गः परमार्थोपदेशतः । कुलं च कुलविद्यां च कुलमार्गं कुलक्रमम्
eṣa te kauliko mārgaḥ paramārthopadeśataḥ / kulaṃ ca kulavidyāṃ ca kulamārgaṃ kulakramam
Sanskrit only: no published translation is held for this verse.
चतुष्कं यो विजानाति स भवेत् कुलनन्दनः । चतुष्टयं समाख्यातं पृच्छ-म्-अन्यं यथारुचि
catuṣkaṃ yo vijānāti sa bhavet kulanandanaḥ / catuṣṭayaṃ samākhyātaṃ pṛccha-m-anyaṃ yathāruci
Sanskrit only: no published translation is held for this verse.