इति कुलालिकाम्नाये श्रीकुब्जिकामते चन्द्रद्वीपावतारो नाम प्रथमः पटलः श्रीभैरव उवाच जय त्वं मालिनी देवी निर्मले मलनाशिनी । ज्ञानशक्तिः प्रभुर् देवी बुद्धिस् त्वं तेजवर्धनी
iti kulālikāmnāye śrīkubjikāmate candradvīpāvatāro nāma prathamaḥ paṭalaḥ śrībhairava uvāca jaya tvaṃ mālinī devī nirmale malanāśinī / jñānaśaktiḥ prabhur devī buddhis tvaṃ tejavardhanī
Sanskrit only: no published translation is held for this verse.
जननी सर्वभूतानां संसारे ऽस्मिन् व्यवस्थिता । माता वीरावली देवी कारुण्यं कुरु वत्सले
jananī sarvabhūtānāṃ saṃsāre 'smin vyavasthitā / mātā vīrāvalī devī kāruṇyaṃ kuru vatsale
Sanskrit only: no published translation is held for this verse.
एवं स्तुता महादेवी भैरवेण महात्मना । ततो लिङ्गं विनिर्भिद्य निर्गता परमेश्वरी
evaṃ stutā mahādevī bhairaveṇa mahātmanā / tato liṅgaṃ vinirbhidya nirgatā parameśvarī
Sanskrit only: no published translation is held for this verse.
नीलाञ्जनसमप्रख्या कुब्जरूपा वृकोदरा । ईषत्करालवदना बर्बरोर्ध्वशिरोरुहा
nīlāñjanasamaprakhyā kubjarūpā vṛkodarā / īṣatkarālavadanā barbarordhvaśiroruhā
Sanskrit only: no published translation is held for this verse.
सुरूपा च विरूपा च अनेकाकाररूपिणी । वामप्रसारितकरा वामदेवी-म्-उवाच ह
surūpā ca virūpā ca anekākārarūpiṇī / vāmaprasāritakarā vāmadevī-m-uvāca ha
Sanskrit only: no published translation is held for this verse.
आज्ञानन्दसमाविष्टा स्तुत्यानन्दाकुलीकृता । न वेद्मि को ऽत्र मां स्तौति काहं कस्य वरप्रदा
ājñānandasamāviṣṭā stutyānandākulīkṛtā / na vedmi ko 'tra māṃ stauti kāhaṃ kasya varapradā
Sanskrit only: no published translation is held for this verse.
उवाचैवं महासत्त्वा दृष्टिपातो मदीयकः । आशीविषेव दुष्प्रेक्ष्यः स कथं धारितस् त्वया
uvācaivaṃ mahāsattvā dṛṣṭipāto madīyakaḥ / āśīviṣeva duṣprekṣyaḥ sa kathaṃ dhāritas tvayā
Sanskrit only: no published translation is held for this verse.
प्रार्थयस्व तदा किञ्चिद् यत् ते मनसि रोचते
prārthayasva tadā kiñcid yat te manasi rocate
Sanskrit only: no published translation is held for this verse.
श्रीभैरव उवाच प्रसादाय महादेवि ददाज्ञानुग्रहं मम । तपसा तव चोग्रेण मम हानिः कुजाम्बिके
śrībhairava uvāca prasādāya mahādevi dadājñānugrahaṃ mama / tapasā tava cogreṇa mama hāniḥ kujāmbike
Sanskrit only: no published translation is held for this verse.
सञ्जाता तेन मे देवि पूर्वम् उक्तम् इदं मया । एवं श्रुत्वा महादेवी सलज्जा गद्गदेक्षना
sañjātā tena me devi pūrvam uktam idaṃ mayā / evaṃ śrutvā mahādevī salajjā gadgadekṣanā
Sanskrit only: no published translation is held for this verse.
किं ते सिद्धं महादेव येन लज्जापिता वयम्
kiṃ te siddhaṃ mahādeva yena lajjāpitā vayam
Sanskrit only: no published translation is held for this verse.
श्रीभैरव उवाच पूर्वम् उक्तं मया तुभ्यम् आज्ञासमयगोचरे । मत्तुल्यानुगृहीत्वा तु पश्चाद् भव गणाम्बिका
śrībhairava uvāca pūrvam uktaṃ mayā tubhyam ājñāsamayagocare / mattulyānugṛhītvā tu paścād bhava gaṇāmbikā
Sanskrit only: no published translation is held for this verse.
कस्येदं सिद्धसन्तानं पारम्पर्यक्रमागतम् । मत्सकाशात् पुनस् तुभ्यं त्वत्सकाशात् पुनर् मम
kasyedaṃ siddhasantānaṃ pāramparyakramāgatam / matsakāśāt punas tubhyaṃ tvatsakāśāt punar mama
Sanskrit only: no published translation is held for this verse.
एवं तद् भैरवं वाक्यं श्रुत्वा देवी पराङ्मुखी । सञ्जाता कुब्जिकारूपा लज्जातो रभसोदिता
evaṃ tad bhairavaṃ vākyaṃ śrutvā devī parāṅmukhī / sañjātā kubjikārūpā lajjāto rabhasoditā
Sanskrit only: no published translation is held for this verse.
किं तु लज्जायसे देवि पूर्वम् आज्ञा मया तव । इदानीं दद मे शीघ्रं मा शङ्का मा विलम्बय
kiṃ tu lajjāyase devi pūrvam ājñā mayā tava / idānīṃ dada me śīghraṃ mā śaṅkā mā vilambaya
Sanskrit only: no published translation is held for this verse.
श्रीकुब्जिका उवाच अप्रबुद्धप्रमत्तेन यदा तद् रभसोदितम् । तत् किं निग्रहबुद्ध्या वा युक्तं त्वेदं कुजेश्वर
śrīkubjikā uvāca aprabuddhapramattena yadā tad rabhasoditam / tat kiṃ nigrahabuddhyā vā yuktaṃ tvedaṃ kujeśvara
Sanskrit only: no published translation is held for this verse.
श्रीभैरव उवाच सर्वानुग्रहके देवि किं न बुध्यसि चात्मनि । न मया रहितं किञ्चिन् न त्वया रहितं क्वचित्
śrībhairava uvāca sarvānugrahake devi kiṃ na budhyasi cātmani / na mayā rahitaṃ kiñcin na tvayā rahitaṃ kvacit
Sanskrit only: no published translation is held for this verse.
अन्योन्यगुणयोगेन कार्यकारणयोगतः । त्वं गुरुर् मम देवेशि अहं ते न विचारणात्
anyonyaguṇayogena kāryakāraṇayogataḥ / tvaṃ gurur mama deveśi ahaṃ te na vicāraṇāt
Sanskrit only: no published translation is held for this verse.
रुद्रभैरववीराणाम् एषा चाज्ञा न कस्यचित् । यदि शिष्यं न मन्येथ मित्रत्वेन तदा दद
rudrabhairavavīrāṇām eṣā cājñā na kasyacit / yadi śiṣyaṃ na manyetha mitratvena tadā dada
Sanskrit only: no published translation is held for this verse.
एवं ब्रूते तदा देव्या सर्वम् एतद् भविष्यति । पश्चिमेदं कृतं देव पूर्वभागविवर्जितम्
evaṃ brūte tadā devyā sarvam etad bhaviṣyati / paścimedaṃ kṛtaṃ deva pūrvabhāgavivarjitam
Sanskrit only: no published translation is held for this verse.
चन्द्रद्वीपं मनोरम्यं देव त्यक्तुं न मे मनः । पश्चिमं सर्वमार्गाणां त्वं तावद् अनुशीलय
candradvīpaṃ manoramyaṃ deva tyaktuṃ na me manaḥ / paścimaṃ sarvamārgāṇāṃ tvaṃ tāvad anuśīlaya
Sanskrit only: no published translation is held for this verse.
पश्चिमाम्नायमार्गो ऽयं सिद्धानाम् अखिलं दद । गच्छाम्य् अहं पुनस् तत्र भारते कुलपर्वतम्
paścimāmnāyamārgo 'yaṃ siddhānām akhilaṃ dada / gacchāmy ahaṃ punas tatra bhārate kulaparvatam
Sanskrit only: no published translation is held for this verse.
अनादियुगपर्यन्तं कीर्तयामास तद्विदाम् । श्रीपर्वतं कुमाराख्यं छायाछत्रविभूषितम्
anādiyugaparyantaṃ kīrtayāmāsa tadvidām / śrīparvataṃ kumārākhyaṃ chāyāchatravibhūṣitam
Sanskrit only: no published translation is held for this verse.
एवम् उक्त्वा गता तूर्णं श्रीमत्कौमारपर्वतम् । तत्र छायात्मिका देवी अव्यक्ता व्यक्तरूपिणी
evam uktvā gatā tūrṇaṃ śrīmatkaumāraparvatam / tatra chāyātmikā devī avyaktā vyaktarūpiṇī
Sanskrit only: no published translation is held for this verse.
क्षपित्वा कालपर्यायं यावद् आलोकयेद् दिशाम् । उत्तरां तावत् तत् सर्वं लिङ्गपूर्णं महावनम्
kṣapitvā kālaparyāyaṃ yāvad ālokayed diśām / uttarāṃ tāvat tat sarvaṃ liṅgapūrṇaṃ mahāvanam
Sanskrit only: no published translation is held for this verse.
अशीतियोजनायामं समन्तात् परिमण्डलम् । चतुर्द्वारसमोपेतं तीर्थकोटिभिर् आवृतम्
aśītiyojanāyāmaṃ samantāt parimaṇḍalam / caturdvārasamopetaṃ tīrthakoṭibhir āvṛtam
Sanskrit only: no published translation is held for this verse.
अनेकसिद्धसंछन्नं मनोरम्यम् अनोपमम् । तमोगुणगणाकीर्णम् अनेकाश्चर्यसंकुलम्
anekasiddhasaṃchannaṃ manoramyam anopamam / tamoguṇagaṇākīrṇam anekāścaryasaṃkulam
Sanskrit only: no published translation is held for this verse.
देव्यादृष्टिनिपातेन अकस्माच् छ्रीर् उपस्थिता । तेन श्रीशैलम् उद्दिष्टं देव्यानामप्रतिष्ठितम्
devyādṛṣṭinipātena akasmāc chrīr upasthitā / tena śrīśailam uddiṣṭaṃ devyānāmapratiṣṭhitam
Sanskrit only: no published translation is held for this verse.
अङ्गुष्ठेन कृता रेखा स्वस्थानस्य च तस्य वै । तत्र जाता नदी दिव्या सासीमा उभयोर् अपि
aṅguṣṭhena kṛtā rekhā svasthānasya ca tasya vai / tatra jātā nadī divyā sāsīmā ubhayor api
Sanskrit only: no published translation is held for this verse.
तच्छायां निश्चलां कृत्वा आज्ञां दत्त्वा तु शाम्भवीम् । अत्र यो विशते कश्चित् स मे तुल्यो भविष्यति
tacchāyāṃ niścalāṃ kṛtvā ājñāṃ dattvā tu śāmbhavīm / atra yo viśate kaścit sa me tulyo bhaviṣyati
Sanskrit only: no published translation is held for this verse.
हर्ता कर्ता स्वतन्त्रो ऽसौ भ्रष्टज्ञानप्रकाशकः । आज्ञातो गुणम् ऐश्वर्यं त्रैलोक्ये सचराचरे
hartā kartā svatantro 'sau bhraṣṭajñānaprakāśakaḥ / ājñāto guṇam aiśvaryaṃ trailokye sacarācare
Sanskrit only: no published translation is held for this verse.
एवम् आक्षेपयित्वा तु गता त्रिकूटपर्वतम् । तत्र कालं क्षपित्वा तु किष्किन्धाख्यम् अनुग्रहेत्
evam ākṣepayitvā tu gatā trikūṭaparvatam / tatra kālaṃ kṣapitvā tu kiṣkindhākhyam anugrahet
Sanskrit only: no published translation is held for this verse.
तस्य चाज्ञाविभूतिं तु दत्त्वानुगृह्य राक्षसान् । येन तिष्ठाम्य् अहं तीरे समुद्रस्य त्व् अशङ्किता
tasya cājñāvibhūtiṃ tu dattvānugṛhya rākṣasān / yena tiṣṭhāmy ahaṃ tīre samudrasya tv aśaṅkitā
Sanskrit only: no published translation is held for this verse.
तत्र कन्याकुमारी त्वं गत्वा कालस्य पर्ययम् । समुद्रम् अनुगृहीत्वा दरदण्डीं गता पुनः
tatra kanyākumārī tvaṃ gatvā kālasya paryayam / samudram anugṛhītvā daradaṇḍīṃ gatā punaḥ
Sanskrit only: no published translation is held for this verse.
तत्र छायाधरी देवी अव्यक्तगुणचेतसा । लोकानुग्रहहेत्वर्थं तत्राज्ञां मोचयेत् पुनः
tatra chāyādharī devī avyaktaguṇacetasā / lokānugrahahetvarthaṃ tatrājñāṃ mocayet punaḥ
Sanskrit only: no published translation is held for this verse.
पूर्वस्थाने तु या वाचा सा त्व् अत्रैव भविष्यति । एवम् उक्त्वा गता दूरं पश्चिमं हिमगह्वरम्
pūrvasthāne tu yā vācā sā tv atraiva bhaviṣyati / evam uktvā gatā dūraṃ paścimaṃ himagahvaram
Sanskrit only: no published translation is held for this verse.
यत्र ओलम्बिका नाम तिष्ठते वनपल्लिका । रक्ताम्बरधरा रक्ता रक्तस्था रतिलालसा
yatra olambikā nāma tiṣṭhate vanapallikā / raktāmbaradharā raktā raktasthā ratilālasā
Sanskrit only: no published translation is held for this verse.
तत्रस्था गह्वरान्तस्था गुहागहनवासिनी । यावत् सन्तिष्ठते कालं तावद् योगिमयं खिलम्
tatrasthā gahvarāntasthā guhāgahanavāsinī / yāvat santiṣṭhate kālaṃ tāvad yogimayaṃ khilam
Sanskrit only: no published translation is held for this verse.
तैस् तु सन्तोषिता देवी नयोपायैर् अनेकधा । ततः प्रसन्नगम्भीरा उवाचेदं कुजेश्वरी
tais tu santoṣitā devī nayopāyair anekadhā / tataḥ prasannagambhīrā uvācedaṃ kujeśvarī
Sanskrit only: no published translation is held for this verse.
अनेकोपायरचना विवेकगुणशालिनी । ओड्डिता येन अङ्घ्रिभ्यां तेनेदम् ओड्डियानकम्
anekopāyaracanā vivekaguṇaśālinī / oḍḍitā yena aṅghribhyāṃ tenedam oḍḍiyānakam
Sanskrit only: no published translation is held for this verse.
भविष्यति पुरावस्थम् अष्टकोटिगुणाश्रयम् । आगत्य खेचरीचक्रात् त्व् अमोघाज्ञाप्रसादतः
bhaviṣyati purāvastham aṣṭakoṭiguṇāśrayam / āgatya khecarīcakrāt tv amoghājñāprasādataḥ
Sanskrit only: no published translation is held for this verse.
अष्टौ ते मानसाः पुत्रा भविष्यन्ति च षड्गुणाः । शाकिन्यष्टकमाता त्वम् अष्टसिंहासनाधिपाः
aṣṭau te mānasāḥ putrā bhaviṣyanti ca ṣaḍguṇāḥ / śākinyaṣṭakamātā tvam aṣṭasiṃhāsanādhipāḥ
Sanskrit only: no published translation is held for this verse.
रुद्राणी रुद्रशाकी च गोमुखी सुमुखी तथा । वानरी केकरी चैव कालरात्री च भट्टिका
rudrāṇī rudraśākī ca gomukhī sumukhī tathā / vānarī kekarī caiva kālarātrī ca bhaṭṭikā
Sanskrit only: no published translation is held for this verse.
वामनो हर्षणश् चैव सिंहवक्त्रो महाबलः । महाकालैकवीरश् च भैरवश् च प्रचण्डकः
vāmano harṣaṇaś caiva siṃhavaktro mahābalaḥ / mahākālaikavīraś ca bhairavaś ca pracaṇḍakaḥ
Sanskrit only: no published translation is held for this verse.
चतुर्भुजो गणाध्यक्षो गजवक्त्रो महोत्कटः । ऐरावतो विनायक्षः षड् एते प्रातिचारकाः
caturbhujo gaṇādhyakṣo gajavaktro mahotkaṭaḥ / airāvato vināyakṣaḥ ṣaḍ ete prāticārakāḥ
Sanskrit only: no published translation is held for this verse.
पुत्रीपुत्राष्टकोपेता निवृत्तिस्था नियामिका । अनेकसृष्टिकर्ता च सुसम्पूर्णगुणोज्ज्वलः
putrīputrāṣṭakopetā nivṛttisthā niyāmikā / anekasṛṣṭikartā ca susampūrṇaguṇojjvalaḥ
Sanskrit only: no published translation is held for this verse.
कृते चोड्डमहेशानो मित्रानन्दः पतिस् तव । अष्टौ पुत्राः करिष्यन्ति अधिकारं पश्चिमान्वये
kṛte coḍḍamaheśāno mitrānandaḥ patis tava / aṣṭau putrāḥ kariṣyanti adhikāraṃ paścimānvaye
Sanskrit only: no published translation is held for this verse.
अधिकारं करिष्यन्ति षट् कुलाधिपतीश्वराः । युगे युगे भविष्यन्ति पृथक्संज्ञाक्रमोदयाः
adhikāraṃ kariṣyanti ṣaṭ kulādhipatīśvarāḥ / yuge yuge bhaviṣyanti pṛthaksaṃjñākramodayāḥ
Sanskrit only: no published translation is held for this verse.
एवं ते सूचितं सर्वं क्रमौघः कुलपद्धतिः । भविष्यद्रक्तचामुण्डे गमिष्यामो यथेप्सितम्
evaṃ te sūcitaṃ sarvaṃ kramaughaḥ kulapaddhatiḥ / bhaviṣyadraktacāmuṇḍe gamiṣyāmo yathepsitam
Sanskrit only: no published translation is held for this verse.
एवं दत्त्वा वरं तेभ्यः करालं च समागता । महाज्वालालिसन्दीप्तं दीप्ततेजानलप्रभम्
evaṃ dattvā varaṃ tebhyaḥ karālaṃ ca samāgatā / mahājvālālisandīptaṃ dīptatejānalaprabham
Sanskrit only: no published translation is held for this verse.
महाज्वालावलीटोपं देव्यास् तेजो महाद्भुतम् । धृतं येन प्रतापो ऽस्यास् तेन तज् जालसंज्ञकम्
mahājvālāvalīṭopaṃ devyās tejo mahādbhutam / dhṛtaṃ yena pratāpo 'syās tena taj jālasaṃjñakam
Sanskrit only: no published translation is held for this verse.
किञ्चित्कालस्य पर्याये प्रबुद्धकिरणोज्ज्वला । विचित्ररचनानेकं पश्यत्य् अग्रेन्द्रजालवत्
kiñcitkālasya paryāye prabuddhakiraṇojjvalā / vicitraracanānekaṃ paśyaty agrendrajālavat
Sanskrit only: no published translation is held for this verse.
कस्यैषा रचना दिव्या पूर्वम् आसीद् इहाध्वरे । मत्तेजसः प्रतापेन भ्रष्टा त्वं न पलायिता
kasyaiṣā racanā divyā pūrvam āsīd ihādhvare / mattejasaḥ pratāpena bhraṣṭā tvaṃ na palāyitā
Sanskrit only: no published translation is held for this verse.
करालवदने तुभ्यं मायाजालप्रसारिके । जालन्धराधिपत्यत्वं भविष्यत्य् अचिरेण तु
karālavadane tubhyaṃ māyājālaprasārike / jālandharādhipatyatvaṃ bhaviṣyaty acireṇa tu
Sanskrit only: no published translation is held for this verse.
आगत्य खेचरीचक्राच् छ्रीसिद्धकौण्डलीश्वरः । अशेषार्थविदो नाथः स ते नाथो भविष्यति
āgatya khecarīcakrāc chrīsiddhakauṇḍalīśvaraḥ / aśeṣārthavido nāthaḥ sa te nātho bhaviṣyati
Sanskrit only: no published translation is held for this verse.
भविष्यन्ति करालिन्यो दशैव दुहिता तव । भविष्यन्त्य् उत्तरानन्दा दशैते गुणवत्तराः
bhaviṣyanti karālinyo daśaiva duhitā tava / bhaviṣyanty uttarānandā daśaite guṇavattarāḥ
Sanskrit only: no published translation is held for this verse.
प्रातिचारास् तु षड् भद्रे भविष्यन्त्य् अनुगोचरे । आज्ञानन्दसमेकत्वं करालीदुहिताजनम्
prāticārās tu ṣaḍ bhadre bhaviṣyanty anugocare / ājñānandasamekatvaṃ karālīduhitājanam
Sanskrit only: no published translation is held for this verse.
माला शिवा तथा दुर्गा पावनी हर्षणी तथा । जया तु सुप्रभा चैव प्रभा चण्डा च रुग्मिनी
mālā śivā tathā durgā pāvanī harṣaṇī tathā / jayā tu suprabhā caiva prabhā caṇḍā ca rugminī
Sanskrit only: no published translation is held for this verse.
शकुनिः सुमतिर् नन्दो गोपालश् च पितामहः । पल्लवो मेघनिर्घोषः शिखिवक्त्रो महाध्वजः
śakuniḥ sumatir nando gopālaś ca pitāmahaḥ / pallavo meghanirghoṣaḥ śikhivaktro mahādhvajaḥ
Sanskrit only: no published translation is held for this verse.
कालकूटो दशैवैते पुत्राः सिंहासनाधिपाः । भविष्यन्ति भवे तुभ्यं मेघवर्णादितो गणाः
kālakūṭo daśaivaite putrāḥ siṃhāsanādhipāḥ / bhaviṣyanti bhave tubhyaṃ meghavarṇādito gaṇāḥ
Sanskrit only: no published translation is held for this verse.
बृहत्कुक्षैकदंष्ट्रश् च गणेशो विघ्नराट् प्रभुः । महानन्दः षड् एवैते भविष्यन्ति गणेश्वराः
bṛhatkukṣaikadaṃṣṭraś ca gaṇeśo vighnarāṭ prabhuḥ / mahānandaḥ ṣaḍ evaite bhaviṣyanti gaṇeśvarāḥ
Sanskrit only: no published translation is held for this verse.
उत्तरानन्दम् ईशानाः करिष्यन्ति युगे युगे । ज्ञानभ्रंशावसाने तु संज्ञाभेदान् पुनः पुनः
uttarānandam īśānāḥ kariṣyanti yuge yuge / jñānabhraṃśāvasāne tu saṃjñābhedān punaḥ punaḥ
Sanskrit only: no published translation is held for this verse.
कराली तव सन्ताने भविष्यन्ति ममाज्ञया । एवम् उक्त्वा महेशानी गता सह्यं महावनम्
karālī tava santāne bhaviṣyanti mamājñayā / evam uktvā maheśānī gatā sahyaṃ mahāvanam
Sanskrit only: no published translation is held for this verse.
सम्पूर्णमण्डलार्चीभिः पूरयन्ती जगत्त्रयम् । निःशेषं निखिलं विश्वं लोकालोकान्तसंस्थितम्
sampūrṇamaṇḍalārcībhiḥ pūrayantī jagattrayam / niḥśeṣaṃ nikhilaṃ viśvaṃ lokālokāntasaṃsthitam
Sanskrit only: no published translation is held for this verse.
यावत् सन्तिष्ठते तत्स्था नयोपादैर् अनेकधा । तावच् चण्डाक्षी बलवत् परिचर्याम् अनेकधा
yāvat santiṣṭhate tatsthā nayopādair anekadhā / tāvac caṇḍākṣī balavat paricaryām anekadhā
Sanskrit only: no published translation is held for this verse.
कुर्वन्ती विविधोपायैः सौकर्यरचनान् बहून् । तेजोभाभिः प्रदीप्यन्ते चण्डाक्षीगुणपूरिताः
kurvantī vividhopāyaiḥ saukaryaracanān bahūn / tejobhābhiḥ pradīpyante caṇḍākṣīguṇapūritāḥ
Sanskrit only: no published translation is held for this verse.
यस्मिन्न् अद्रौ स्थिता देवी देदीप्यार्चिर् घनोज्ज्वला । तत् प्रदेशं स्थिरं जातम् अन्यद् दग्धं चराचरम्
yasminn adrau sthitā devī dedīpyārcir ghanojjvalā / tat pradeśaṃ sthiraṃ jātam anyad dagdhaṃ carācaram
Sanskrit only: no published translation is held for this verse.
आपूरितम् इदं सर्वम् अनेकरचनादिभिः । पश्यते पर्वतं माता कालान्ते मुदितेक्षणा
āpūritam idaṃ sarvam anekaracanādibhiḥ / paśyate parvataṃ mātā kālānte muditekṣaṇā
Sanskrit only: no published translation is held for this verse.
तावच् चण्डाक्षिणीत्य् अग्रे पश्यत्य् अमिततेजसा । विश्वामृतैः पूरयन्ती दिव्यौघगुणलालसा
tāvac caṇḍākṣiṇīty agre paśyaty amitatejasā / viśvāmṛtaiḥ pūrayantī divyaughaguṇalālasā
Sanskrit only: no published translation is held for this verse.
उवाचेदं महादेवी साधु पूर्णमनोरथे । येनेदं पूरितं स्थानं तेन त्वं पूर्णरूपिणी
uvācedaṃ mahādevī sādhu pūrṇamanorathe / yenedaṃ pūritaṃ sthānaṃ tena tvaṃ pūrṇarūpiṇī
Sanskrit only: no published translation is held for this verse.
भविष्यत्य् आधिपत्यत्वं पर्वतो ऽयं तवोद्भवः । विषुवेन तु योगेन येनेदं संस्कृतं त्वया
bhaviṣyaty ādhipatyatvaṃ parvato 'yaṃ tavodbhavaḥ / viṣuvena tu yogena yenedaṃ saṃskṛtaṃ tvayā
Sanskrit only: no published translation is held for this verse.
तेन पीठेश्वरी त्वं वै भविष्यसि युगे युगे । तेजस्कन्धासनं तुभ्यं द्वापरान्ताधिकारिणी
tena pīṭheśvarī tvaṃ vai bhaviṣyasi yuge yuge / tejaskandhāsanaṃ tubhyaṃ dvāparāntādhikāriṇī
Sanskrit only: no published translation is held for this verse.
भविष्यति भवे ऽवश्यं चक्रानन्दः पतिस् तव । सम्पूर्णमण्डलाकारो ग्रन्थाधारः कुलेश्वरः
bhaviṣyati bhave 'vaśyaṃ cakrānandaḥ patis tava / sampūrṇamaṇḍalākāro granthādhāraḥ kuleśvaraḥ
Sanskrit only: no published translation is held for this verse.
द्वादशैव भवे तुभ्यं भविष्यन्ति कुमारिकाः । ताभ्यस् त्व् एकैककोटिश् च आधिपत्याधिकारिकाः
dvādaśaiva bhave tubhyaṃ bhaviṣyanti kumārikāḥ / tābhyas tv ekaikakoṭiś ca ādhipatyādhikārikāḥ
Sanskrit only: no published translation is held for this verse.
भविष्यन्ति तथा पुत्राः प्रातिचारास् तदर्धतः । आगन्तुं खेचरीचक्रात् प्रेरितास् तु ममाज्ञया
bhaviṣyanti tathā putrāḥ prāticārās tadardhataḥ / āgantuṃ khecarīcakrāt preritās tu mamājñayā
Sanskrit only: no published translation is held for this verse.
येन ते नामतो ब्रूमि यथा ते ऽहं प्रसादिता । हंसावली सुतारा च हर्षा वाणी सुलोचना
yena te nāmato brūmi yathā te 'haṃ prasāditā / haṃsāvalī sutārā ca harṣā vāṇī sulocanā
Sanskrit only: no published translation is held for this verse.
महानन्दा सुनन्दा च कोटराक्षी वृकानना । यशोवती विशालाक्षी सुन्दरी द्वादशी तथा
mahānandā sunandā ca koṭarākṣī vṛkānanā / yaśovatī viśālākṣī sundarī dvādaśī tathā
Sanskrit only: no published translation is held for this verse.
सिंहासनाधिपत्ये ताः पूर्णाद्रौ कुलकन्यकाः । वलिर् नन्दो दशग्रीवो हयग्रीवो हयस् तथा
siṃhāsanādhipatye tāḥ pūrṇādrau kulakanyakāḥ / valir nando daśagrīvo hayagrīvo hayas tathā
Sanskrit only: no published translation is held for this verse.
सुग्रीवो गोपतिर् भीष्मः शिखण्डी खण्डलस् तथा । शक्रश् चण्डाधिपः सिद्धाः सर्वानुग्रहकारकाः
sugrīvo gopatir bhīṣmaḥ śikhaṇḍī khaṇḍalas tathā / śakraś caṇḍādhipaḥ siddhāḥ sarvānugrahakārakāḥ
Sanskrit only: no published translation is held for this verse.
हंसभेदादिमार्गस्य भविष्यन्ति प्रकाशकाः । आमोदश् च प्रमोदश् च सुमुखो दुर्मुखस् तथा
haṃsabhedādimārgasya bhaviṣyanti prakāśakāḥ / āmodaś ca pramodaś ca sumukho durmukhas tathā
Sanskrit only: no published translation is held for this verse.
अविघ्नो विघ्नकर्ता च तव मार्गेषु रक्षकाः । एतत् सर्वं यथान्यायं चण्डाक्षी पुरतस् तव
avighno vighnakartā ca tava mārgeṣu rakṣakāḥ / etat sarvaṃ yathānyāyaṃ caṇḍākṣī puratas tava
Sanskrit only: no published translation is held for this verse.
भविष्यति ममाज्ञातो गच्छामः कामिकं यथा । एवम् उक्त्वा गता शीघ्रं यत्रोच्छुष्मा नदी शुभा
bhaviṣyati mamājñāto gacchāmaḥ kāmikaṃ yathā / evam uktvā gatā śīghraṃ yatrocchuṣmā nadī śubhā
Sanskrit only: no published translation is held for this verse.
महोच्छुष्मवनान्तस्था दिव्यादिव्यौघवाहिनी । महोच्छुष्मह्रदं यत्र यत्र नीलो महाह्रदः
mahocchuṣmavanāntasthā divyādivyaughavāhinī / mahocchuṣmahradaṃ yatra yatra nīlo mahāhradaḥ
Sanskrit only: no published translation is held for this verse.
तत्र सा रम् अते देवी दिव्याज्ञागुणशालिनी । उभयोस् तटयोस् तस्था रमित्वा कालपर्ययम्
tatra sā ram ate devī divyājñāguṇaśālinī / ubhayos taṭayos tasthā ramitvā kālaparyayam
Sanskrit only: no published translation is held for this verse.
यावत् पश्यति विश्वाङ्गी तत्त्वाङ्गी तावत् पश्यति । कामभोगकृताटोपां वसन्ततिलकोज्ज्वलाम्
yāvat paśyati viśvāṅgī tattvāṅgī tāvat paśyati / kāmabhogakṛtāṭopāṃ vasantatilakojjvalām
Sanskrit only: no published translation is held for this verse.
द्रवयन्तीं द्रवन्तीं ताम् इच्छया भुवनत्रयम् । तां दृष्ट्वा प्रहसिता माता का त्वं कस्माद् इहागता
dravayantīṃ dravantīṃ tām icchayā bhuvanatrayam / tāṃ dṛṣṭvā prahasitā mātā kā tvaṃ kasmād ihāgatā
Sanskrit only: no published translation is held for this verse.
तां दृष्ट्वा मोहिता माता जानन्त्य् अपि न जानती । विश्रम्य च मुहूर्तैकं यावद् आलोकयेत् पुनः
tāṃ dṛṣṭvā mohitā mātā jānanty api na jānatī / viśramya ca muhūrtaikaṃ yāvad ālokayet punaḥ
Sanskrit only: no published translation is held for this verse.
तावोच्छुष्म इहायाता ममाग्रे शोकवाहिनी । साधु कामिनि सर्वत्र यत् त्वया दर्शितं मम
tāvocchuṣma ihāyātā mamāgre śokavāhinī / sādhu kāmini sarvatra yat tvayā darśitaṃ mama
Sanskrit only: no published translation is held for this verse.
कामानन्दफलावाप्तिस् तेन कामेश्वरी भव । कारुण्यात् कामरूपं तु ममाग्रे विविधं कृतम्
kāmānandaphalāvāptis tena kāmeśvarī bhava / kāruṇyāt kāmarūpaṃ tu mamāgre vividhaṃ kṛtam
Sanskrit only: no published translation is held for this verse.
तेनेदं कामरूपं तु महत् पीठं तवाध्वरम् । भविष्यति कलौ प्राप्ते चन्द्रानन्दः पतिस् तव
tenedaṃ kāmarūpaṃ tu mahat pīṭhaṃ tavādhvaram / bhaviṣyati kalau prāpte candrānandaḥ patis tava
Sanskrit only: no published translation is held for this verse.
वायुस्कन्धोपविष्टो ऽसौ आत्मभेदप्रकाशकः । अशेषार्थविदो नाथः सर्वज्ञः परमेश्वरः
vāyuskandhopaviṣṭo 'sau ātmabhedaprakāśakaḥ / aśeṣārthavido nāthaḥ sarvajñaḥ parameśvaraḥ
Sanskrit only: no published translation is held for this verse.
कामिके कामुकस् तुभ्यं कामदेवो भविष्यति । भविष्यन्ति महानन्दास् त्रयोदश गुणान्विताः
kāmike kāmukas tubhyaṃ kāmadevo bhaviṣyati / bhaviṣyanti mahānandās trayodaśa guṇānvitāḥ
Sanskrit only: no published translation is held for this verse.
योगिन्यो योगसम्पन्नास् तव डिक्करिकाः शुभाः । पुत्रास् त्रयोदशा ह्य् एवं सप्तैते प्रातिचारकाः
yoginyo yogasampannās tava ḍikkarikāḥ śubhāḥ / putrās trayodaśā hy evaṃ saptaite prāticārakāḥ
Sanskrit only: no published translation is held for this verse.
भविष्यन्ति जगद्दीपा जगदानन्दकारकाः । प्रभा प्रसूतिः शान्ताभा भानुवत्या च श्रीबला
bhaviṣyanti jagaddīpā jagadānandakārakāḥ / prabhā prasūtiḥ śāntābhā bhānuvatyā ca śrībalā
Sanskrit only: no published translation is held for this verse.
हारी च हारिणी चैव शालिनी कन्दुकी तथा । मुक्तावली तथा चान्या गौतमी कौशिकी तथा
hārī ca hāriṇī caiva śālinī kandukī tathā / muktāvalī tathā cānyā gautamī kauśikī tathā
Sanskrit only: no published translation is held for this verse.
शाकोदरी च विख्याता राज्ञाः सिंहासनाधिपाः । भानुर् अनन्तहेतुश् च सुराजः सुन्दरस् तथा
śākodarī ca vikhyātā rājñāḥ siṃhāsanādhipāḥ / bhānur anantahetuś ca surājaḥ sundaras tathā
Sanskrit only: no published translation is held for this verse.
महावक्त्रार्जुनो भीमो द्रोणको भस्मको ऽन्तकः । केतुध्वजो विशालाक्षः कल्याणश् चतुराननः
mahāvaktrārjuno bhīmo droṇako bhasmako 'ntakaḥ / ketudhvajo viśālākṣaḥ kalyāṇaś caturānanaḥ
Sanskrit only: no published translation is held for this verse.
एषोऽवतारो विविधः कलौ प्राप्ते भविष्यति । लम्पटो घण्टकर्णश् च स्थूलदन्तो गजाननः
eṣo'vatāro vividhaḥ kalau prāpte bhaviṣyati / lampaṭo ghaṇṭakarṇaś ca sthūladanto gajānanaḥ
Sanskrit only: no published translation is held for this verse.
बृहत्कुक्षिः सुरानन्दः सप्तमस् तु बलोत्कटः । सप्तैते विषमाः क्रुद्धाः सर्वसन्तानपालकाः
bṛhatkukṣiḥ surānandaḥ saptamas tu balotkaṭaḥ / saptaite viṣamāḥ kruddhāḥ sarvasantānapālakāḥ
Sanskrit only: no published translation is held for this verse.
पीठोपपीठसन्दोहे क्षेत्रे क्षेत्रे महाबलाः । सर्वसाधारणा ह्य् एते भविष्यन्ति कलौ युगे
pīṭhopapīṭhasandohe kṣetre kṣetre mahābalāḥ / sarvasādhāraṇā hy ete bhaviṣyanti kalau yuge
Sanskrit only: no published translation is held for this verse.
अन्यत् कामाम्बिके किञ्चिद् भणिष्यामः करिष्यथ । सर्वसाधारणं तच् च चतुर्णां तु विजानथ
anyat kāmāmbike kiñcid bhaṇiṣyāmaḥ kariṣyatha / sarvasādhāraṇaṃ tac ca caturṇāṃ tu vijānatha
Sanskrit only: no published translation is held for this verse.
भविष्यति कलाचक्रं मच्छरीरसमुद्भवम् । परापरविभागज्ञं मातङ्गकुलसम्भवम्
bhaviṣyati kalācakraṃ maccharīrasamudbhavam / parāparavibhāgajñaṃ mātaṅgakulasambhavam
Sanskrit only: no published translation is held for this verse.
नीलस्योत्तरभागे तु महोच्छुष्मवनान्तगम् । परापरं तु तेनेदं पञ्चमं पीठनायकम्
nīlasyottarabhāge tu mahocchuṣmavanāntagam / parāparaṃ tu tenedaṃ pañcamaṃ pīṭhanāyakam
Sanskrit only: no published translation is held for this verse.
मातङ्गिनीकुलान्तस्थम् आद्यं चैवाथ पञ्चमम् । तेन जातं जगत् सर्वं तत् सञ्जातं कुलाकुलम्
mātaṅginīkulāntastham ādyaṃ caivātha pañcamam / tena jātaṃ jagat sarvaṃ tat sañjātaṃ kulākulam
Sanskrit only: no published translation is held for this verse.
मच्छरीराङ्गसम्भूतं भविष्यन्ति तवाध्वरे । कार्यदृष्टौ प्रशस्तं तु अप्रशस्तम् इतरे जने
maccharīrāṅgasambhūtaṃ bhaviṣyanti tavādhvare / kāryadṛṣṭau praśastaṃ tu apraśastam itare jane
Sanskrit only: no published translation is held for this verse.
मध्यदेशस्थितं तच् च मत्समीपे व्यवस्थितम् । सिद्धपालकसंयुक्तं भविष्यत्य् अवतारकम्
madhyadeśasthitaṃ tac ca matsamīpe vyavasthitam / siddhapālakasaṃyuktaṃ bhaviṣyaty avatārakam
Sanskrit only: no published translation is held for this verse.
निराचारं जगत् सर्वं निराचारविवर्जितम् । निराचारेण योगेन करिष्यन्ति निराकुलम्
nirācāraṃ jagat sarvaṃ nirācāravivarjitam / nirācāreṇa yogena kariṣyanti nirākulam
Sanskrit only: no published translation is held for this verse.
हारिका हारि गान्धारी वीरा चैव नखी तथा । ज्वालिनी सुमुखी चैव पिङ्गली च सुकेशिनी
hārikā hāri gāndhārī vīrā caiva nakhī tathā / jvālinī sumukhī caiva piṅgalī ca sukeśinī
Sanskrit only: no published translation is held for this verse.
श्रीफलः कष्मलश् चण्डश् चण्डालश् चेटकस् तथा । मातङ्गो बाहुको वीरो अव्यक्तो नवमः स्मृतः
śrīphalaḥ kaṣmalaś caṇḍaś caṇḍālaś ceṭakas tathā / mātaṅgo bāhuko vīro avyakto navamaḥ smṛtaḥ
Sanskrit only: no published translation is held for this verse.
हेरम्बो धूलिसंज्ञस् तु पिशाचः कुब्जवामनः । परापरं तु तत् पीठं कामपीठोर्ध्वमध्यगम्
herambo dhūlisaṃjñas tu piśācaḥ kubjavāmanaḥ / parāparaṃ tu tat pīṭhaṃ kāmapīṭhordhvamadhyagam
Sanskrit only: no published translation is held for this verse.
त्रिश्रोत्रं पूरितं यस्मात् त्रिश्रोत्रा त्वं तथा भव । नदीरूपासि माङ्गल्ये भव त्वं कामरूपिणी
triśrotraṃ pūritaṃ yasmāt triśrotrā tvaṃ tathā bhava / nadīrūpāsi māṅgalye bhava tvaṃ kāmarūpiṇī
Sanskrit only: no published translation is held for this verse.
मातङ्गानां कुलोत्पन्ने यस् त्वां नित्याभिवादयेत् । तेषु क्षेमकरी नित्यं न मन्यन्ते क्षयङ्करी
mātaṅgānāṃ kulotpanne yas tvāṃ nityābhivādayet / teṣu kṣemakarī nityaṃ na manyante kṣayaṅkarī
Sanskrit only: no published translation is held for this verse.
त्वां मुक्त्वा यो ऽन्यवर्णस् तु यो ऽत्र पीठे भविष्यति । तस्यापदकरी नित्यं भविष्यसि कुलाम्बिके
tvāṃ muktvā yo 'nyavarṇas tu yo 'tra pīṭhe bhaviṣyati / tasyāpadakarī nityaṃ bhaviṣyasi kulāmbike
Sanskrit only: no published translation is held for this verse.
एवं तिष्ठ ममानन्दे जगानन्दकरी चिरम् । भविष्यति पुरावस्थम् अमोघाज्ञाप्रसादतः
evaṃ tiṣṭha mamānande jagānandakarī ciram / bhaviṣyati purāvastham amoghājñāprasādataḥ
Sanskrit only: no published translation is held for this verse.
एवम् उक्त्वा गता शीघ्रं देवीकोटं कृतक्षणात् । आलोकनेन महता अट्टहासो ऽट्टहासतः
evam uktvā gatā śīghraṃ devīkoṭaṃ kṛtakṣaṇāt / ālokanena mahatā aṭṭahāso 'ṭṭahāsataḥ
Sanskrit only: no published translation is held for this verse.
कोलागिर्यां तथोज्जेनी प्रयागवरणादिकम् । विरजेकाम्रकाद्यं च अन्यच् चान्यं चराचरम्
kolāgiryāṃ tathojjenī prayāgavaraṇādikam / virajekāmrakādyaṃ ca anyac cānyaṃ carācaram
Sanskrit only: no published translation is held for this verse.
यत्र यत्र गता देवी यत्र यत्रावलोकयेत् । तत्र सन्दोहतीर्थं च उपक्षेत्राण्य् अनेकधा
yatra yatra gatā devī yatra yatrāvalokayet / tatra sandohatīrthaṃ ca upakṣetrāṇy anekadhā
Sanskrit only: no published translation is held for this verse.
कृतं तु भारते वर्षे आत्मकीर्तिकुमारिका । तेन कौमारिकाखण्डं सञ्जातं पुण्यपावनम्
kṛtaṃ tu bhārate varṣe ātmakīrtikumārikā / tena kaumārikākhaṇḍaṃ sañjātaṃ puṇyapāvanam
Sanskrit only: no published translation is held for this verse.
पूर्वसन्तानदेवेन यद् उक्तं भारतं व्रज । तदावसाने कुब्जेशि उभाभ्यां मेलकं त्व् इह
pūrvasantānadevena yad uktaṃ bhārataṃ vraja / tadāvasāne kubjeśi ubhābhyāṃ melakaṃ tv iha
Sanskrit only: no published translation is held for this verse.
तत् कृतं सकलं देव्या आज्ञानन्दावबोधकम् । आगता तु पुनस् तत्र पूर्वरूपानुयायिनी
tat kṛtaṃ sakalaṃ devyā ājñānandāvabodhakam / āgatā tu punas tatra pūrvarūpānuyāyinī
Sanskrit only: no published translation is held for this verse.