इति कुलालिकाम्नाये श्रीकुब्जिकामते द्वीपाम्नायो नाम एकविंशतिमः पटलः श्रीकुब्जिका उवाच श्रुता देव महाव्याप्तिः समस्तव्यस्तविस्तरात् । इदानीं श्रोतुम् इच्छामि त्वत्सकाशान् मनोद्भवाम्
iti kulālikāmnāye śrīkubjikāmate dvīpāmnāyo nāma ekaviṃśatimaḥ paṭalaḥ śrīkubjikā uvāca śrutā deva mahāvyāptiḥ samastavyastavistarāt / idānīṃ śrotum icchāmi tvatsakāśān manodbhavām
Sanskrit only: no published translation is held for this verse.
अपरां देहजैर् भिन्नां शब्दराशिं सभैरवम्
aparāṃ dehajair bhinnāṃ śabdarāśiṃ sabhairavam
Sanskrit only: no published translation is held for this verse.
श्रीभैरव उवाच साधु भद्रे पुनः साधु महावस्तुप्रबोधके । तद् अहं सम्प्रवक्ष्यामि सिद्धकौलं महातपे
śrībhairava uvāca sādhu bhadre punaḥ sādhu mahāvastuprabodhake / tad ahaṃ sampravakṣyāmi siddhakaulaṃ mahātape
Sanskrit only: no published translation is held for this verse.
महाकल्पान्तसंहारे महाप्रलयम् अद्भुतम् सूर्यकोटिकराभासं विद्युच्छटलताकुलम् । कालाग्निशिखराटोपं शूलज्वालोर्मिसङ्कुलम्
mahākalpāntasaṃhāre mahāpralayam adbhutam sūryakoṭikarābhāsaṃ vidyucchaṭalatākulam / kālāgniśikharāṭopaṃ śūlajvālormisaṅkulam
Sanskrit only: no published translation is held for this verse.
विस्फुलिङ्गज्वलन्तौघैर् महाज्वालार्चिवर्तुलम् । ज्वालामालाकुलोज्ज्वालैः करालैर् भीमभीषणैः
visphuliṅgajvalantaughair mahājvālārcivartulam / jvālāmālākulojjvālaiḥ karālair bhīmabhīṣaṇaiḥ
Sanskrit only: no published translation is held for this verse.
स्वर्गपातालभूर्लोकैर् अन्तरीक्षैर् दिशो दश । मच्छरीरे समुत्पन्ना महाक्रोधसमुद्भवा
svargapātālabhūrlokair antarīkṣair diśo daśa / maccharīre samutpannā mahākrodhasamudbhavā
Sanskrit only: no published translation is held for this verse.
अकारादिक्षकारान्ता एकैकाक्षरभेदिता । भैरवावलिनी देवी विलोमेन समुद्धरेत्
akārādikṣakārāntā ekaikākṣarabheditā / bhairavāvalinī devī vilomena samuddharet
Sanskrit only: no published translation is held for this verse.
तद् अहं सम्प्रवक्ष्यामि शृणु कुब्जि महाधिपे । क्ष ह स आदितः कृत्वा अकारान्तेन सम्पुटम् म महामोहावलि ॡ महामाया ॡपाद भैरव भ भूतभयावलि ए रौद्र एकदंष्ट्र भैरव ब वडवामुखावलि ऐ महादंष्ट्र ऐरावत भैरव फ लम्पटावलि ओ कङ्काल ओघाम्बु भैरव प पवनावलि औ अनङ्ग औषधीघ्न भैरव न कुसुमावलि अं स्वच्छन्द अंजन भैरव ध विपुलावलि अः मन्मथ अःह्वकायभैरव द सुरतावलि क उन्मत्त कम्बल भैरव थ कूर्मावलि ख मेघनाद खरुषानन भैरव त त्वरितावलि ग कराल गोमुख भैरव ण मन्दरावलि घ विकराल घण्टाल भैरव ढ खट्वाङ्गावलि ङ महाबल ङणनान्तभैरव ड चन्द्रावलि च असिताङ्ग चण्डधार भैरव ठ वज्रावलि छ उल्क छटाटोप भैरव ट मन्थावलि ज एकपाद जटालाक्ष भैरव ञ कान्तावलि झ कपाल झङ्कीश भैरव झ अम्बिकावलि ञ व्योम ञभटेश्वर भैरव ज भेदकावलि ट वेताल टङ्कपाणि भैरव छ कृतान्तावलि ठ आमर्दक ठानुबन्ध भैरव च चतुर्भुजावलि ड महासाह डामर भैरव ङ योगावलि ढ रुरु ढढृकर्ण भैरव घ भूतावलि ण भुवन णतीकान्त भैरव ग अभयावलि त विभूति तडिद्भास्वर भैरव ख चर्चकावलि थ ऊर्ध्वसेफ थविर भैरव क भस्मान्तकावलि द क्रूर दन्तुर भैरव अः सृष्टिकावलि ध लोहित धनद भैरव अं विजयावलि न लम्पट नागकर्ण भैरव औ ब्रह्मावलि प चर्चक प्रचण्ड भैरव ओ सद्योजातावलि फ ॥॥॥। फेत्कार भैरव ऐ फेत्कारावलि ब अचिन्त्य वीरसिंह भैरव ए कर्णमोटावलि भ महादेवाङ्ग भृकुटि भैरव ॡ महामोहावलि म महाकालाग्नि मेघभासुर भैरव ऌ महामायावलि य मार्तण्ड युगान्त भैरव ॠ गान्धारावलि र प्राण रौरव भैरव ऋ पुष्पावलि ल अनन्त लम्बोष्ठ भैरव ऊ शब्दावलि व उच्छुष्म वसल भैरव उ महाघोषावलि श महायश शुकतुण्ड भैरव ई सूक्ष्मावलि ष महोद्यान षटालाक्ष भैरव विद्यावलि स अमृत सुनास भैरव आ व्यापकावलि ह शुभङ्कर हूहूक भैरव अ महामायावलि क्ष प्रलयान्तक क्षयान्त भैरव
tad ahaṃ sampravakṣyāmi śṛṇu kubji mahādhipe / kṣa ha sa āditaḥ kṛtvā akārāntena sampuṭam ma mahāmohāvali ḹ mahāmāyā ḹpāda bhairava bha bhūtabhayāvali e raudra ekadaṃṣṭra bhairava ba vaḍavāmukhāvali ai mahādaṃṣṭra airāvata bhairava pha lampaṭāvali o kaṅkāla oghāmbu bhairava pa pavanāvali au anaṅga auṣadhīghna bhairava na kusumāvali aṃ svacchanda aṃjana bhairava dha vipulāvali aḥ manmatha aḥhvakāyabhairava da suratāvali ka unmatta kambala bhairava tha kūrmāvali kha meghanāda kharuṣānana bhairava ta tvaritāvali ga karāla gomukha bhairava ṇa mandarāvali gha vikarāla ghaṇṭāla bhairava ḍha khaṭvāṅgāvali ṅa mahābala ṅaṇanāntabhairava ḍa candrāvali ca asitāṅga caṇḍadhāra bhairava ṭha vajrāvali cha ulka chaṭāṭopa bhairava ṭa manthāvali ja ekapāda jaṭālākṣa bhairava ña kāntāvali jha kapāla jhaṅkīśa bhairava jha ambikāvali ña vyoma ñabhaṭeśvara bhairava ja bhedakāvali ṭa vetāla ṭaṅkapāṇi bhairava cha kṛtāntāvali ṭha āmardaka ṭhānubandha bhairava ca caturbhujāvali ḍa mahāsāha ḍāmara bhairava ṅa yogāvali ḍha ruru ḍhaḍhṛkarṇa bhairava gha bhūtāvali ṇa bhuvana ṇatīkānta bhairava ga abhayāvali ta vibhūti taḍidbhāsvara bhairava kha carcakāvali tha ūrdhvasepha thavira bhairava ka bhasmāntakāvali da krūra dantura bhairava aḥ sṛṣṭikāvali dha lohita dhanada bhairava aṃ vijayāvali na lampaṭa nāgakarṇa bhairava au brahmāvali pa carcaka pracaṇḍa bhairava o sadyojātāvali pha ....... phetkāra bhairava ai phetkārāvali ba acintya vīrasiṃha bhairava e karṇamoṭāvali bha mahādevāṅga bhṛkuṭi bhairava ḹ mahāmohāvali ma mahākālāgni meghabhāsura bhairava ḷ mahāmāyāvali ya mārtaṇḍa yugānta bhairava ṝ gāndhārāvali ra prāṇa raurava bhairava ṛ puṣpāvali la ananta lamboṣṭha bhairava ū śabdāvali va ucchuṣma vasala bhairava u mahāghoṣāvali śa mahāyaśa śukatuṇḍa bhairava ī sūkṣmāvali ṣa mahodyāna ṣaṭālākṣa bhairava vidyāvali sa amṛta sunāsa bhairava ā vyāpakāvali ha śubhaṅkara hūhūka bhairava a mahāmāyāvali kṣa pralayāntaka kṣayānta bhairava
Sanskrit only: no published translation is held for this verse.
एष क्रोधो महादेवि मम हृदयनिःसृतः । पञ्चाशभैरवोपेता मालिन्या सह संयुता
eṣa krodho mahādevi mama hṛdayaniḥsṛtaḥ / pañcāśabhairavopetā mālinyā saha saṃyutā
Sanskrit only: no published translation is held for this verse.
अनेन न्यासमात्रेण सकलीकृतविग्रहः । चिन्तयेद् देहम् आत्मानम् उक्तलक्षणसंयुतम्
anena nyāsamātreṇa sakalīkṛtavigrahaḥ / cintayed deham ātmānam uktalakṣaṇasaṃyutam
Sanskrit only: no published translation is held for this verse.
संहरन्तं जगत् सर्वम् छिन्दन्तं पाशपञ्जरम् । निर्दहन्तं जगत् सर्वम् भस्मकूटं विचिन्तयेत्
saṃharantaṃ jagat sarvam chindantaṃ pāśapañjaram / nirdahantaṃ jagat sarvam bhasmakūṭaṃ vicintayet
Sanskrit only: no published translation is held for this verse.
अकारादिक्षकारान्तं पशुदेहे विचिन्तयेत् । अधोमुखोर्ध्वपादान्तं संहारानलमध्यगम्
akārādikṣakārāntaṃ paśudehe vicintayet / adhomukhordhvapādāntaṃ saṃhārānalamadhyagam
Sanskrit only: no published translation is held for this verse.
संवर्तानलदह्यन्तं चतुर्दशवियोजितम् । तद्बीजं सम्प्रवक्ष्यामि महाक्रोधस्य भैरवि
saṃvartānaladahyantaṃ caturdaśaviyojitam / tadbījaṃ sampravakṣyāmi mahākrodhasya bhairavi
Sanskrit only: no published translation is held for this verse.
क्रोधहृदयानुजा देवी महाभैरवम् अब्रवीत्
krodhahṛdayānujā devī mahābhairavam abravīt
Sanskrit only: no published translation is held for this verse.
कुजाख्यमन्त्रम् उच्चार्य त्रैलोक्यम् अपि संहरेत् । कैलासम् अपि पातयेद् वाचासिद्धिः प्रवर्तते
kujākhyamantram uccārya trailokyam api saṃharet / kailāsam api pātayed vācāsiddhiḥ pravartate
Sanskrit only: no published translation is held for this verse.
एकैकाक्षरसम्भिन्नाम् उद्धरामि परापराम् । अकारादिक्षकारान्तं नामं वक्ष्यामि पार्वति
ekaikākṣarasambhinnām uddharāmi parāparām / akārādikṣakārāntaṃ nāmaṃ vakṣyāmi pārvati
Sanskrit only: no published translation is held for this verse.
ऐ विज्ञानशक्त्यावलि ब महार्णववीर ओ लोहितावलि फ महामरवीर औ उल्कावलि प महादम्भकवीर अं लोलुपावलि न चर्चिकवीर अः बर्बरावलि ध प्रमथवीर क पवनावलि द कनकवीर ख लम्पटावलि थ खरोदकवीर ग मातावलि त गरुडवीर घ रौद्रावलि ण मेघनादवीर ङ सर्वभक्षावलि ढ महागर्जनवीर च ज्येष्ठावलि ड चर्वकवीर छ अम्बिकावलि ठ छेदकवीर ज वेदावलि ट त्रिशिखवीर झ क्रोधावलि ञ मारीचिवीर ञ ब्रह्मघोषावलि झ विधानवीर ट सर्ववीरावलि ज विकटवीर ठ वज्रकावलि छ वसन्तकवीर ड कन्यावलि च अभयवीर ढ प्रसन्नावलि ङ विपक्षवीर ण महाक्रोधावलि घ महाबलिवीर त डामरावलि ग कटङ्कटवीर थ महादंष्ट्रावलि ख डमरुकवीर द आधारावलि क धर्मवीर ध आसन्नावलि अः महातिबलवीर न उज्ज्वलावलि अं सर्ववीर प सागरावलि औ महाकायवीर फ त्रिभुवनावलि ओ वरलामुखवीर ब वलयावलि ऐ भस्मान्तकवीर भ निद्रावलि ए दुर्जयवीर म सन्ध्यावलि ॡ महावेतालवीर य चन्द्रवीणावलि ऌ महारौरववीर र मन्मथावलि ॠ महादुर्धरवीर ल व्योमावलि ऋ महाभोगवीर व ऊष्मावलि ऊ वज्रवीर श सितावलि उ कालाग्निवीर ष महामायावलि ई सर्वलोकवीर स सर्वदेवतावलि इ महानादवीर ह योगावलि आ परापरवीर क्ष अनन्ताख्यावलि अ महाक्षयान्तवीर अथापरा परा ख्याता महामाया परापरा । मन्त्रगर्भा महादेवी विश्रुता भुवनत्रये
ai vijñānaśaktyāvali ba mahārṇavavīra o lohitāvali pha mahāmaravīra au ulkāvali pa mahādambhakavīra aṃ lolupāvali na carcikavīra aḥ barbarāvali dha pramathavīra ka pavanāvali da kanakavīra kha lampaṭāvali tha kharodakavīra ga mātāvali ta garuḍavīra gha raudrāvali ṇa meghanādavīra ṅa sarvabhakṣāvali ḍha mahāgarjanavīra ca jyeṣṭhāvali ḍa carvakavīra cha ambikāvali ṭha chedakavīra ja vedāvali ṭa triśikhavīra jha krodhāvali ña mārīcivīra ña brahmaghoṣāvali jha vidhānavīra ṭa sarvavīrāvali ja vikaṭavīra ṭha vajrakāvali cha vasantakavīra ḍa kanyāvali ca abhayavīra ḍha prasannāvali ṅa vipakṣavīra ṇa mahākrodhāvali gha mahābalivīra ta ḍāmarāvali ga kaṭaṅkaṭavīra tha mahādaṃṣṭrāvali kha ḍamarukavīra da ādhārāvali ka dharmavīra dha āsannāvali aḥ mahātibalavīra na ujjvalāvali aṃ sarvavīra pa sāgarāvali au mahākāyavīra pha tribhuvanāvali o varalāmukhavīra ba valayāvali ai bhasmāntakavīra bha nidrāvali e durjayavīra ma sandhyāvali ḹ mahāvetālavīra ya candravīṇāvali ḷ mahārauravavīra ra manmathāvali ṝ mahādurdharavīra la vyomāvali ṛ mahābhogavīra va ūṣmāvali ū vajravīra śa sitāvali u kālāgnivīra ṣa mahāmāyāvali ī sarvalokavīra sa sarvadevatāvali i mahānādavīra ha yogāvali ā parāparavīra kṣa anantākhyāvali a mahākṣayāntavīra athāparā parā khyātā mahāmāyā parāparā / mantragarbhā mahādevī viśrutā bhuvanatraye
Sanskrit only: no published translation is held for this verse.
य्र्यौं र्र्यौं ल्र्यौं व्र्यौं श्र्यौं ष्र्यौं स्र्यौं ह्र्यौं क्ष्र्यौं कामाख्यस्य ह्स्र्यौं पूर्णगिरि स्म्र्यौं ओड्डियान क्ष्म्र्यौं जालन्धर । श्री हा क डो क श्री कामरिवाडी श्री देववाडी श्रीं ह्रीं अमृतविद्ये पुत्रं देहि आयुं देहि यशं देहि श्रीकुब्जिका उवाच प्रमादाल्लोपम् आयाते सिद्धे समयमण्डले । साधकस्य भवेद् ग्लानिः क्लिष्टो विघ्नैः प्रबाध्यते
yryauṃ rryauṃ lryauṃ vryauṃ śryauṃ ṣryauṃ sryauṃ hryauṃ kṣryauṃ kāmākhyasya hsryauṃ pūrṇagiri smryauṃ oḍḍiyāna kṣmryauṃ jālandhara | śrī hā ka ḍo ka śrī kāmarivāḍī śrī devavāḍī śrīṃ hrīṃ amṛtavidye putraṃ dehi āyuṃ dehi yaśaṃ dehi śrīkubjikā uvāca pramādāllopam āyāte siddhe samayamaṇḍale / sādhakasya bhaved glāniḥ kliṣṭo vighnaiḥ prabādhyate
Sanskrit only: no published translation is held for this verse.
का गतिस् तस्य देवेश कथं शुद्धिम् अवाप्नुयात् । तम् आचक्षस्व सर्वज्ञ समयघ्नः शुध्यते यथा
kā gatis tasya deveśa kathaṃ śuddhim avāpnuyāt / tam ācakṣasva sarvajña samayaghnaḥ śudhyate yathā
Sanskrit only: no published translation is held for this verse.
श्रीभैरव उवाच अट्टहासादितः कृत्वा राजगृहम् अपश्चिमम् । आयुधैः सहितां देवीं क्षेत्रपालसमन्विताम्
śrībhairava uvāca aṭṭahāsāditaḥ kṛtvā rājagṛham apaścimam / āyudhaiḥ sahitāṃ devīṃ kṣetrapālasamanvitām
Sanskrit only: no published translation is held for this verse.
क्षेत्रोपक्षेत्रसन्दोहैः सेवनान् निर्मलो भवेत् । अथाशक्तः प्रमादी वा पीठसङ्कीर्तनात् प्रिये
kṣetropakṣetrasandohaiḥ sevanān nirmalo bhavet / athāśaktaḥ pramādī vā pīṭhasaṅkīrtanāt priye
Sanskrit only: no published translation is held for this verse.
सम्यक् शुद्धिम् अवाप्नोति प्रातर् उत्थाय यः पठेत् । तद् अहं सम्प्रवक्ष्यामि समयानां विशुद्धये
samyak śuddhim avāpnoti prātar utthāya yaḥ paṭhet / tad ahaṃ sampravakṣyāmi samayānāṃ viśuddhaye
Sanskrit only: no published translation is held for this verse.
अट्टहासे कदम्बस्थां सौम्यास्यां वज्रधारिणीम् । महाघण्टसमोपेतां प्रणमामि सिवङ्करीम्
aṭṭahāse kadambasthāṃ saumyāsyāṃ vajradhāriṇīm / mahāghaṇṭasamopetāṃ praṇamāmi sivaṅkarīm
Sanskrit only: no published translation is held for this verse.
चरित्रायां करञ्जस्थां कृष्णाख्यां शक्तिधारिणीम् । महाबलसमोपेतां प्रणमामि सुसिद्धिदाम्
caritrāyāṃ karañjasthāṃ kṛṣṇākhyāṃ śaktidhāriṇīm / mahābalasamopetāṃ praṇamāmi susiddhidām
Sanskrit only: no published translation is held for this verse.
अग्निकेन समोपेतां दण्डहस्तां नगौकसाम् । कोलागिर्ये महालक्ष्मीं नौमि लक्ष्मीविवर्धनीम्
agnikena samopetāṃ daṇḍahastāṃ nagaukasām / kolāgirye mahālakṣmīṃ naumi lakṣmīvivardhanīm
Sanskrit only: no published translation is held for this verse.
ज्वालामुखीं श्रीजयन्त्यां निम्बस्थां खड्गधारिणीम् । महाप्रेतसमोपेतां नौमि सर्वार्थसिद्धिदाम्
jvālāmukhīṃ śrījayantyāṃ nimbasthāṃ khaḍgadhāriṇīm / mahāpretasamopetāṃ naumi sarvārthasiddhidām
Sanskrit only: no published translation is held for this verse.
अश्वत्थस्थां महामायाम् उज्जैन्यां पाशधारिणीम् । महाकालसमोपेतां नौमि सर्वार्थसिद्धिदाम्
aśvatthasthāṃ mahāmāyām ujjainyāṃ pāśadhāriṇīm / mahākālasamopetāṃ naumi sarvārthasiddhidām
Sanskrit only: no published translation is held for this verse.
उडुम्बरतलावस्थां वायुवेगां ध्वजायुधाम् । प्रयागे पवनोपेतां नौमि शत्रुविनाशनीम्
uḍumbaratalāvasthāṃ vāyuvegāṃ dhvajāyudhām / prayāge pavanopetāṃ naumi śatruvināśanīm
Sanskrit only: no published translation is held for this verse.
वाराणस्यां तु तालस्थाम् ऊर्ध्वकेशीं गदायुधाम् । प्रणम्य शिरसा देवीं शाङ्करीं शाङ्करान्विताम्
vārāṇasyāṃ tu tālasthām ūrdhvakeśīṃ gadāyudhām / praṇamya śirasā devīṃ śāṅkarīṃ śāṅkarānvitām
Sanskrit only: no published translation is held for this verse.
कर्णमोटीं वटस्थां तु सशूलां हेतुकान्विताम् । श्रीकोटे श्रीपदां नौमि राज्यसम्पददायिनीम्
karṇamoṭīṃ vaṭasthāṃ tu saśūlāṃ hetukānvitām / śrīkoṭe śrīpadāṃ naumi rājyasampadadāyinīm
Sanskrit only: no published translation is held for this verse.
विरजायाम्बिकदेवीं मुद्रापट्टिशधारिणीम् । अनलेन समोपेतां प्रणमामि जयावहाम्
virajāyāmbikadevīṃ mudrāpaṭṭiśadhāriṇīm / analena samopetāṃ praṇamāmi jayāvahām
Sanskrit only: no published translation is held for this verse.
ऐरुड्याम् अग्निवक्त्रां तु वज्रशक्तिधरां शुभाम् । घण्टारवसमोपेतां नमामि रिपुनाशनीम्
airuḍyām agnivaktrāṃ tu vajraśaktidharāṃ śubhām / ghaṇṭāravasamopetāṃ namāmi ripunāśanīm
Sanskrit only: no published translation is held for this verse.
मुषलायुधहस्तां तु महाजङ्घसमन्विताम् । नमामि शत्रुभङ्गार्थे पिङ्गाक्षीं हस्तिनापुरे
muṣalāyudhahastāṃ tu mahājaṅghasamanvitām / namāmi śatrubhaṅgārthe piṅgākṣīṃ hastināpure
Sanskrit only: no published translation is held for this verse.
एलापुरे खरास्यां तु पाशहस्तां महाबलाम् । गजकर्णसमोपेतां नौमि दुष्टप्रमर्दनीम्
elāpure kharāsyāṃ tu pāśahastāṃ mahābalām / gajakarṇasamopetāṃ naumi duṣṭapramardanīm
Sanskrit only: no published translation is held for this verse.
काश्मर्यां चैव गोकर्णां मुद्रालकुटधारिणीम् । तडिज्जङ्घसमोपेतां नमामि रिपुमर्दनीम्
kāśmaryāṃ caiva gokarṇāṃ mudrālakuṭadhāriṇīm / taḍijjaṅghasamopetāṃ namāmi ripumardanīm
Sanskrit only: no published translation is held for this verse.
करालेन समोपेतां नमाम्यङ्कुशधारिणीम् । क्रमणीं मरुदेशे तु त्रैलोक्याकृष्टिकारिकाम्
karālena samopetāṃ namāmyaṅkuśadhāriṇīm / kramaṇīṃ marudeśe tu trailokyākṛṣṭikārikām
Sanskrit only: no published translation is held for this verse.
रोमजङ्घसमोपेतां नगरे तु हलायुधाम् । चैत्रकच्छनिवासां तु नमामि धनसिद्धये
romajaṅghasamopetāṃ nagare tu halāyudhām / caitrakacchanivāsāṃ tu namāmi dhanasiddhaye
Sanskrit only: no published translation is held for this verse.
कुम्भकेन समोपेतां खट्वाङ्गकरभूषिताम् । नमामि पापशुद्ध्यर्थं चामुण्डाम् पुण्ड्रवर्धने
kumbhakena samopetāṃ khaṭvāṅgakarabhūṣitām / namāmi pāpaśuddhyarthaṃ cāmuṇḍām puṇḍravardhane
Sanskrit only: no published translation is held for this verse.
परस्तीरे प्रसन्नास्यां वज्रशृङ्खलधारिणीम् । नमामि त्रिजटोपेतां भेदस्तम्भनकारिकाम्
parastīre prasannāsyāṃ vajraśṛṅkhaladhāriṇīm / namāmi trijaṭopetāṃ bhedastambhanakārikām
Sanskrit only: no published translation is held for this verse.
पृष्ठापुरे विद्युन्मुखीं दण्डशक्त्यायुधोद्यताम् । नमामि घनरवोपेतां भेदजृम्भनकारिकाम्
pṛṣṭhāpure vidyunmukhīṃ daṇḍaśaktyāyudhodyatām / namāmi ghanaravopetāṃ bhedajṛmbhanakārikām
Sanskrit only: no published translation is held for this verse.
उल्कामुखसमोपेतां कुहुद्यां तु महाबलाम् । मुद्रालकुटधारिण्यां नौमि दुष्टाङ्गभञ्जनीम्
ulkāmukhasamopetāṃ kuhudyāṃ tu mahābalām / mudrālakuṭadhāriṇyāṃ naumi duṣṭāṅgabhañjanīm
Sanskrit only: no published translation is held for this verse.
पिशिताशसमोपेतां नौमि कट्टारिकोद्यताम् । सोपारे अग्निवक्त्रां तु अमित्रपशुदारिणीम्
piśitāśasamopetāṃ naumi kaṭṭārikodyatām / sopāre agnivaktrāṃ tu amitrapaśudāriṇīm
Sanskrit only: no published translation is held for this verse.
क्षीरिके लोकमातां तु खड्गहस्तां नमाम्य् अहम् । महामेरुसमोपेतां महतार्तिनिकृन्तनीम्
kṣīrike lokamātāṃ tu khaḍgahastāṃ namāmy aham / mahāmerusamopetāṃ mahatārtinikṛntanīm
Sanskrit only: no published translation is held for this verse.
वज्रायुधधरां सौम्यां भीमाननसमन्विताम् । स्तम्भाकृष्टिकरीं देवीं मायापुर्यां तु कम्पिनीम्
vajrāyudhadharāṃ saumyāṃ bhīmānanasamanvitām / stambhākṛṣṭikarīṃ devīṃ māyāpuryāṃ tu kampinīm
Sanskrit only: no published translation is held for this verse.
महाक्रोधसमोपेतां पूतनाम्रातिकेश्वरे । गदाहस्तायुधां नौमि ताडनाकृष्टिकारिकाम्
mahākrodhasamopetāṃ pūtanāmrātikeśvare / gadāhastāyudhāṃ naumi tāḍanākṛṣṭikārikām
Sanskrit only: no published translation is held for this verse.
राजगृहे भग्ननासां महाकर्णसमन्विताम् । वज्रशक्तिधरां नौमि अशेषफलदायिकाम्
rājagṛhe bhagnanāsāṃ mahākarṇasamanvitām / vajraśaktidharāṃ naumi aśeṣaphaladāyikām
Sanskrit only: no published translation is held for this verse.
क्षेत्रोपक्षेत्रसन्दोहे स्थितभूचक्रमातराम् । क्षेत्रपालसमोपेतां कीर्तयेद् यः समाहितः
kṣetropakṣetrasandohe sthitabhūcakramātarām / kṣetrapālasamopetāṃ kīrtayed yaḥ samāhitaḥ
Sanskrit only: no published translation is held for this verse.
प्रातर् उत्थाय मन्त्रज्ञः स्वप्नकाले ऽथवा सुधीः । युक्तो ऽपि पातकैर् घोरैर् मातॄणां सम्मतो भवेत्
prātar utthāya mantrajñaḥ svapnakāle 'thavā sudhīḥ / yukto 'pi pātakair ghorair mātṝṇāṃ sammato bhavet
Sanskrit only: no published translation is held for this verse.
मातृहा पितृहा चैव ब्रह्मघ्न गोघ्न एव च । वीरद्रव्यापहारी च प्रमादात् समयच्युतः
mātṛhā pitṛhā caiva brahmaghna goghna eva ca / vīradravyāpahārī ca pramādāt samayacyutaḥ
Sanskrit only: no published translation is held for this verse.
मन्त्राचारविलुप्तो ऽपि पीठसङ्कीर्तनात् प्रिये । पापकञ्चुकम् उत्सृज्य नैव पश्यति दुर्गतिम्
mantrācāravilupto 'pi pīṭhasaṅkīrtanāt priye / pāpakañcukam utsṛjya naiva paśyati durgatim
Sanskrit only: no published translation is held for this verse.
यः पुनः शुद्धभावात्मा त्रिष्कालं परिवर्तयेत् । प्राप्नोति चिन्तितान् कामान् स्त्रीणां भवति वल्लभः
yaḥ punaḥ śuddhabhāvātmā triṣkālaṃ parivartayet / prāpnoti cintitān kāmān strīṇāṃ bhavati vallabhaḥ
Sanskrit only: no published translation is held for this verse.
कुण्डे ऽथ मण्डले वाथ प्रतिमायां पटे ऽपि वा । लिङ्गे दक्षिणमूर्तौ वा जलमध्ये गतो ऽपि वा
kuṇḍe 'tha maṇḍale vātha pratimāyāṃ paṭe 'pi vā / liṅge dakṣiṇamūrtau vā jalamadhye gato 'pi vā
Sanskrit only: no published translation is held for this verse.
त्रिष्कालम् एककालं वा यः पठेद् यस् तु भावितः । विषशस्त्रज१आग्निभ्यो व्याधिभूतग्रहैर् अपि
triṣkālam ekakālaṃ vā yaḥ paṭhed yas tu bhāvitaḥ / viṣaśastraja1āgnibhyo vyādhibhūtagrahair api
Sanskrit only: no published translation is held for this verse.
अजितः सुचिरं कालं जायते निरुपद्रवः । महाभये समुत्पन्ने कपिलागोमयेन तु
ajitaḥ suciraṃ kālaṃ jāyate nirupadravaḥ / mahābhaye samutpanne kapilāgomayena tu
Sanskrit only: no published translation is held for this verse.
चतुर्दिक्षु चतुर्विंश कारयेन् मण्डलानि तु । पूर्वम् उत्तरतश् चैव वारुण्यां दक्षिणेन तु
caturdikṣu caturviṃśa kārayen maṇḍalāni tu / pūrvam uttarataś caiva vāruṇyāṃ dakṣiṇena tu
Sanskrit only: no published translation is held for this verse.
षट्कं षट्कं तु कर्तव्यं तत्र पूज्य क्रमेण तु । श्मशानकल्पवृक्षे तु योगिन्यः क्षेत्रपास् तथा
ṣaṭkaṃ ṣaṭkaṃ tu kartavyaṃ tatra pūjya krameṇa tu / śmaśānakalpavṛkṣe tu yoginyaḥ kṣetrapās tathā
Sanskrit only: no published translation is held for this verse.
पूर्वे तु श्वेतपुष्पैस् तु दक्षिणे पीतपुष्पकैः । पश्चिमे रक्तपुष्पैस् तु उत्तरे कृष्णपुष्पकैः
pūrve tu śvetapuṣpais tu dakṣiṇe pītapuṣpakaiḥ / paścime raktapuṣpais tu uttare kṛṣṇapuṣpakaiḥ
Sanskrit only: no published translation is held for this verse.
सायुधान् श्वेतपुष्पैस् तु गन्धैर् धूपैर् मनोरमैः । मध्ये तु कलशं स्थाप्य दिव्यतोयपरिप्लुतम्
sāyudhān śvetapuṣpais tu gandhair dhūpair manoramaiḥ / madhye tu kalaśaṃ sthāpya divyatoyapariplutam
Sanskrit only: no published translation is held for this verse.
चतुर्विंशति दीपांश् च स्थाने स्थाने प्रदापयेत् । चतुर्विंशति पीठांश् च क्रमेण परिवर्तयेत्
caturviṃśati dīpāṃś ca sthāne sthāne pradāpayet / caturviṃśati pīṭhāṃś ca krameṇa parivartayet
Sanskrit only: no published translation is held for this verse.
अहोरात्रोषितो भूत्वा निशाम् एकां सुयन्त्रितः । प्रभाते विमले मन्त्री वीरभोज्यं तु कारयेत्
ahorātroṣito bhūtvā niśām ekāṃ suyantritaḥ / prabhāte vimale mantrī vīrabhojyaṃ tu kārayet
Sanskrit only: no published translation is held for this verse.
ततः क्षमापयेत् पीठान् प्रणिपत्य पुनः पुनः । निर्विघ्नस् तु ततो मन्त्री क्षिप्रं भवति सिद्धिभाक्
tataḥ kṣamāpayet pīṭhān praṇipatya punaḥ punaḥ / nirvighnas tu tato mantrī kṣipraṃ bhavati siddhibhāk
Sanskrit only: no published translation is held for this verse.
उपसर्गग्रहादिभ्यः क्षयकुष्ठज्वरादिभिः । मुच्यते सर्वरोगैश् च धनवान् अपि जायते
upasargagrahādibhyaḥ kṣayakuṣṭhajvarādibhiḥ / mucyate sarvarogaiś ca dhanavān api jāyate
Sanskrit only: no published translation is held for this verse.
कन्या मनेप्सितान् कामान् लभते चाभिषेकतः । पुत्रार्थी लभते पुत्रान् कामुकः सुभगो भवेत्
kanyā manepsitān kāmān labhate cābhiṣekataḥ / putrārthī labhate putrān kāmukaḥ subhago bhavet
Sanskrit only: no published translation is held for this verse.
विद्यार्थी लभते विद्यां वणिग् वै लाभम् अश्नुते । मन्त्राराधनशीलश् च जायते निरुपद्रवः
vidyārthī labhate vidyāṃ vaṇig vai lābham aśnute / mantrārādhanaśīlaś ca jāyate nirupadravaḥ
Sanskrit only: no published translation is held for this verse.
योगाभ्यासरतो नित्यं प्राप्य सिद्धिं परं ययौ । द्वीपाम्नायप्रसङ्गेन सर्वम् एतत् प्रकाशितम्
yogābhyāsarato nityaṃ prāpya siddhiṃ paraṃ yayau / dvīpāmnāyaprasaṅgena sarvam etat prakāśitam
Sanskrit only: no published translation is held for this verse.
समस्तव्यस्तव्याप्तिस् तु क्षेत्रोपक्षेत्रसंयुतम् । यत् त्वया पृच्छितं सर्वं कालज्ञानं कुजेश्वरि
samastavyastavyāptis tu kṣetropakṣetrasaṃyutam / yat tvayā pṛcchitaṃ sarvaṃ kālajñānaṃ kujeśvari
Sanskrit only: no published translation is held for this verse.
तद् अहं सम्प्रवक्ष्यामि भक्तानां भक्तिवत्सले । सर्वं सम्पादितं तुभ्यम् आज्ञानन्दक्रमार्णवम्
tad ahaṃ sampravakṣyāmi bhaktānāṃ bhaktivatsale / sarvaṃ sampāditaṃ tubhyam ājñānandakramārṇavam
Sanskrit only: no published translation is held for this verse.
इदानीं शृणु कल्याणि कालचक्रं यथा स्थितम्
idānīṃ śṛṇu kalyāṇi kālacakraṃ yathā sthitam
Sanskrit only: no published translation is held for this verse.