Kubjikamatatantra 23

एवं संशोधयित्वा तु पूर्वसिद्धि[र्] यथा यथा

evaṃ saṃśodhayitvā tu pūrvasiddhi[r] yathā yathā

Sanskrit only: no published translation is held for this verse.

तदा सङ्कुरुते कीर्तिम् इत्य् आज्ञा पारमेश्वरी । सतताभ्यासयोगेन सद्यम् उत्क्रमणे क्षमः

tadā saṅkurute kīrtim ity ājñā pārameśvarī / satatābhyāsayogena sadyam utkramaṇe kṣamaḥ

Sanskrit only: no published translation is held for this verse.

क्रुद्धः संहरते क्षिप्रं घटिकाभ्यन्तरेण वै । तृण वृक्षलतादीनां षट्पदाकाशगामिनाम्

kruddhaḥ saṃharate kṣipraṃ ghaṭikābhyantareṇa vai / tṛṇa vṛkṣalatādīnāṃ ṣaṭpadākāśagāminām

Sanskrit only: no published translation is held for this verse.

फलपुष्पप्रपातेन तदा सिद्धिं विलक्षयेत् । अकालेनापि कालस् तु षड्घटिकाभ्यन्तरेण वै

phalapuṣpaprapātena tadā siddhiṃ vilakṣayet / akālenāpi kālas tu ṣaḍghaṭikābhyantareṇa vai

Sanskrit only: no published translation is held for this verse.

षण्मासाभ्यासयोगेन आत्मनः कुरुते ध्रुवम् । एवं ते कथितं सर्वं सरहस्यं महामतम्

ṣaṇmāsābhyāsayogena ātmanaḥ kurute dhruvam / evaṃ te kathitaṃ sarvaṃ sarahasyaṃ mahāmatam

Sanskrit only: no published translation is held for this verse.

क्षुरिकाद्यर्गलाभ्यासं कथयाम्य् उपदेशतः । एतद्विज्ञानसारो ऽयं विज्ञानानेकसङ्कुलम्

kṣurikādyargalābhyāsaṃ kathayāmy upadeśataḥ / etadvijñānasāro 'yaṃ vijñānānekasaṅkulam

Sanskrit only: no published translation is held for this verse.

अनादेशान् न तद् देयं दत्ते स्याल्लिङ्गभेदकृत् । लुब्धक्रुद्धेषु दुष्टेषु गोपयेदं सुरक्षितम्

anādeśān na tad deyaṃ datte syālliṅgabhedakṛt / lubdhakruddheṣu duṣṭeṣu gopayedaṃ surakṣitam

Sanskrit only: no published translation is held for this verse.

परं चाज्ञापहारो ऽस्ति यस्य हानिर् न विद्यते । एवं सुरक्षिता देवि वारितासि पुनः पुनः

paraṃ cājñāpahāro 'sti yasya hānir na vidyate / evaṃ surakṣitā devi vāritāsi punaḥ punaḥ

Sanskrit only: no published translation is held for this verse.

अनादिष्टस्य शिष्येदं दास्यसे नरकार्थिनी । पञ्चात्मानं यदा ज्ञातं यदा ज्ञातं षडध्वरम्

anādiṣṭasya śiṣyedaṃ dāsyase narakārthinī / pañcātmānaṃ yadā jñātaṃ yadā jñātaṃ ṣaḍadhvaram

Sanskrit only: no published translation is held for this verse.

तदा त्व् अपश्चिमम् इदं कथ्यम् उत्क्रान्तिकारणम् । अन्यद् वा पश्चिमं वक्ष्ये दुःखाक्रान्तस्य योगिनः

tadā tv apaścimam idaṃ kathyam utkrāntikāraṇam / anyad vā paścimaṃ vakṣye duḥkhākrāntasya yoginaḥ

Sanskrit only: no published translation is held for this verse.

सर्वज्ञविहिते मार्गे न दोषस् तत्प्रसाधने । आत्मनश् च परस्यैव क्रुद्धचेतोऽवधारणम्

sarvajñavihite mārge na doṣas tatprasādhane / ātmanaś ca parasyaiva kruddhaceto'vadhāraṇam

Sanskrit only: no published translation is held for this verse.

कर्तव्यं भीवने गत्वा रक्तमण्डलकं सुभम् । मण्डलान्ते तु षट्कोणं तत्र देव्यः सुभीषणाः

kartavyaṃ bhīvane gatvā raktamaṇḍalakaṃ subham / maṇḍalānte tu ṣaṭkoṇaṃ tatra devyaḥ subhīṣaṇāḥ

Sanskrit only: no published translation is held for this verse.

पूजयेद् यक्षिणीमूला डामर्यन्तं विदुर् बुधाः । कुसुमिन्या सहैकत्वम् आत्मानं मध्यतो न्यसेत्

pūjayed yakṣiṇīmūlā ḍāmaryantaṃ vidur budhāḥ / kusuminyā sahaikatvam ātmānaṃ madhyato nyaset

Sanskrit only: no published translation is held for this verse.

मांसखण्डैः प्रपूज्येत रक्तेनार्घं प्रदापयेत् । भेदयित्वा तु अष्टाङ्गं विष्ठमूत्रसमेकतः

māṃsakhaṇḍaiḥ prapūjyeta raktenārghaṃ pradāpayet / bhedayitvā tu aṣṭāṅgaṃ viṣṭhamūtrasamekataḥ

Sanskrit only: no published translation is held for this verse.

किञ्चिदलिसमायुक्तम् अर्घपात्रं नियोजयेत् । क्ष्मापलेनाथ नारेण कृष्णवस्त्रोद्भवेन च

kiñcidalisamāyuktam arghapātraṃ niyojayet / kṣmāpalenātha nāreṇa kṛṣṇavastrodbhavena ca

Sanskrit only: no published translation is held for this verse.

पूजयेद् वाथ नैवेद्यैर् धातुं दत्त्वा स्वकां स्वकाम् । रक्तपात्रं पृथक्कुर्यान् नैवेद्यानि पृथक् पृथक्

pūjayed vātha naivedyair dhātuṃ dattvā svakāṃ svakām / raktapātraṃ pṛthakkuryān naivedyāni pṛthak pṛthak

Sanskrit only: no published translation is held for this verse.

कपालशकलैः सर्वं पात्रादौ धूपकावधिम् । सान्निध्यकरणार्थं तु धूपान्यं सन्नियोजयेत्

kapālaśakalaiḥ sarvaṃ pātrādau dhūpakāvadhim / sānnidhyakaraṇārthaṃ tu dhūpānyaṃ sanniyojayet

Sanskrit only: no published translation is held for this verse.

येनाकृष्टाः प्रयान्त्य् आशु सन्निधाना भवन्ति हि । क्ष्मापलं हि च क्ष्मापित्तं नरास्थि शैलमद्रजम्

yenākṛṣṭāḥ prayānty āśu sannidhānā bhavanti hi / kṣmāpalaṃ hi ca kṣmāpittaṃ narāsthi śailamadrajam

Sanskrit only: no published translation is held for this verse.

किञ्चिदलिसमायुक्तं धूपो ऽयं परमार्थतः । एवोपचारयोगेन धूपयित्वा समुच्चरेत्

kiñcidalisamāyuktaṃ dhūpo 'yaṃ paramārthataḥ / evopacārayogena dhūpayitvā samuccaret

Sanskrit only: no published translation is held for this verse.

विद्यां स्वधातुसंयुक्तां यस्य तस्य शतं जपेत्

vidyāṃ svadhātusaṃyuktāṃ yasya tasya śataṃ japet

Sanskrit only: no published translation is held for this verse.

शतं शतं जपित्वा तु एकैकायाः समर्पयेत् । गृह्णन्त्व् इदं मया दत्तम् अत्राज्ञा पारमेश्वरी

śataṃ śataṃ japitvā tu ekaikāyāḥ samarpayet / gṛhṇantv idaṃ mayā dattam atrājñā pārameśvarī

Sanskrit only: no published translation is held for this verse.

दुःखितो ऽहं विरक्तो ऽहं भ्रष्टो ऽहं समयोज्झितः । गृह्णन्तु देवताः क्षिप्रं मया दत्तां स्वकां तनुम्

duḥkhito 'haṃ virakto 'haṃ bhraṣṭo 'haṃ samayojjhitaḥ / gṛhṇantu devatāḥ kṣipraṃ mayā dattāṃ svakāṃ tanum

Sanskrit only: no published translation is held for this verse.

आज्ञा यदि प्रमाणो ऽस्ति प्रमाणं यदि चान्वयम् । तेन सत्येन गृह्णन्तु मत्प्रदत्तं मरीचयः

ājñā yadi pramāṇo 'sti pramāṇaṃ yadi cānvayam / tena satyena gṛhṇantu matpradattaṃ marīcayaḥ

Sanskrit only: no published translation is held for this verse.

एवं विरक्तदेहस् तु यावत् कुर्याद् दिने दिने । तावद् आयान्ति योगिन्यः सप्तमे ऽहनि भासुराः

evaṃ viraktadehas tu yāvat kuryād dine dine / tāvad āyānti yoginyaḥ saptame 'hani bhāsurāḥ

Sanskrit only: no published translation is held for this verse.

ज्ञानसिद्धिप्रसिद्धस्य सप्तरात्रान्तकावधिम् । क्षपयन्त्य् अन्यथा नैव शीघ्रं संहारयन्ति ताः

jñānasiddhiprasiddhasya saptarātrāntakāvadhim / kṣapayanty anyathā naiva śīghraṃ saṃhārayanti tāḥ

Sanskrit only: no published translation is held for this verse.

अथ चेद् दुष्टकर्माणां निग्रहेदं प्रकारयेत् । तद् आत्माङ्गसमुद्भूतं किञ्चिद् द्रव्यं न गृह्णयेत्

atha ced duṣṭakarmāṇāṃ nigrahedaṃ prakārayet / tad ātmāṅgasamudbhūtaṃ kiñcid dravyaṃ na gṛhṇayet

Sanskrit only: no published translation is held for this verse.

ब्रह्मणालेप्य-म्-आत्मानं पश्चाद् ध्यानं नियोजयेत् । परमात्मस्वरूपो ऽहं भैरवो ऽहं महाप्रभुः

brahmaṇālepya-m-ātmānaṃ paścād dhyānaṃ niyojayet / paramātmasvarūpo 'haṃ bhairavo 'haṃ mahāprabhuḥ

Sanskrit only: no published translation is held for this verse.

इति मत्वा प्रयुञ्जीत षोढान्यासं स्वके तनौ । कृत्वा षोडश वाराणि ततो वज्रतनुर् भवेत्

iti matvā prayuñjīta ṣoḍhānyāsaṃ svake tanau / kṛtvā ṣoḍaśa vārāṇi tato vajratanur bhavet

Sanskrit only: no published translation is held for this verse.

अथातः सम्प्रवक्ष्यामि लोहके साधनं यथा । अयुतैकेन सिद्धिः स्याल् लिङ्गे वै पश्चिमामुखे

athātaḥ sampravakṣyāmi lohake sādhanaṃ yathā / ayutaikena siddhiḥ syāl liṅge vai paścimāmukhe

Sanskrit only: no published translation is held for this verse.

स्वयम्भौ बाणलिङ्गे वा इतरे वापि सुव्रते । तत्र स्थित्वा जपेद् एवम् एकचित्तः समाहितः

svayambhau bāṇaliṅge vā itare vāpi suvrate / tatra sthitvā japed evam ekacittaḥ samāhitaḥ

Sanskrit only: no published translation is held for this verse.

सदा क्रुद्धेन कर्तव्यं निग्रहं सप्तवासरैः । शतम् अष्टोत्तरेणैव यावत् तन्निग्रहो भवेत्

sadā kruddhena kartavyaṃ nigrahaṃ saptavāsaraiḥ / śatam aṣṭottareṇaiva yāvat tannigraho bhavet

Sanskrit only: no published translation is held for this verse.

अतोर्ध्वे यन्त्रकर्माणि निग्रहानुग्रहं प्रति । कृत्वा कुण्डलिकास् तिस्रो अष्टौ द्वादश षोडश

atordhve yantrakarmāṇi nigrahānugrahaṃ prati / kṛtvā kuṇḍalikās tisro aṣṭau dvādaśa ṣoḍaśa

Sanskrit only: no published translation is held for this verse.

मध्ये यकारलोपस्य लोप्ये निष्कद्वयस्य च । कर्मकर्माणुरूपेण शेषा वर्णा यथासुखम्

madhye yakāralopasya lopye niṣkadvayasya ca / karmakarmāṇurūpeṇa śeṣā varṇā yathāsukham

Sanskrit only: no published translation is held for this verse.

अथातः सम्प्रवक्ष्यामि स्वप्नमानवकाम्बिकाम् । प्राणं वह्निसमारूढं मात्राद्वादशभेदितम्

athātaḥ sampravakṣyāmi svapnamānavakāmbikām / prāṇaṃ vahnisamārūḍhaṃ mātrādvādaśabheditam

Sanskrit only: no published translation is held for this verse.

अक्षरान्तरितं कृत्वा सषडङ्गा भवेद् उमे । ह्रस्वा त्याज्या प्रयत्नेन दीर्घा ग्राह्या सुलोचने

akṣarāntaritaṃ kṛtvā saṣaḍaṅgā bhaved ume / hrasvā tyājyā prayatnena dīrghā grāhyā sulocane

Sanskrit only: no published translation is held for this verse.

अयुतं पूर्वसेवायां पञ्चप्रणवसम्पुटे । रक्ताश्वमारकुसुमैः सिध्यते नात्र संशयः

ayutaṃ pūrvasevāyāṃ pañcapraṇavasampuṭe / raktāśvamārakusumaiḥ sidhyate nātra saṃśayaḥ

Sanskrit only: no published translation is held for this verse.

अष्टोत्तरशतं जप्त्वा शय्यारूढो निशासु च । शुभाशुभं वदेद् रात्रौ सिद्धविद्यां तु कौलिकीम्

aṣṭottaraśataṃ japtvā śayyārūḍho niśāsu ca / śubhāśubhaṃ vaded rātrau siddhavidyāṃ tu kaulikīm

Sanskrit only: no published translation is held for this verse.

अथान्यम् अपि वक्ष्यामि प्रयोगं मृत्युनाशनम् । सङ्कोच्य मूलचक्रन् तु जन्मस्थं धारयेत् क्षणात्

athānyam api vakṣyāmi prayogaṃ mṛtyunāśanam / saṅkocya mūlacakran tu janmasthaṃ dhārayet kṣaṇāt

Sanskrit only: no published translation is held for this verse.

सङ्घट्टे पीडनं कृत्वा लम्बकं तु विदारयेत् । लम्बकामृतसन्तृप्तो जयेन् मृत्युं न संशयः

saṅghaṭṭe pīḍanaṃ kṛtvā lambakaṃ tu vidārayet / lambakāmṛtasantṛpto jayen mṛtyuṃ na saṃśayaḥ

Sanskrit only: no published translation is held for this verse.

दाहशोषस् तु सन्तापो वैवर्णं वा महद्भुतम् । नाशयेत वरारोहे अनेनाभ्यासयोगतः

dāhaśoṣas tu santāpo vaivarṇaṃ vā mahadbhutam / nāśayeta varārohe anenābhyāsayogataḥ

Sanskrit only: no published translation is held for this verse.

रसनां शून्यमध्यस्थां कृत्वा चैव निराश्रयम् । न दन्तैर् दशनान् स्पृष्ट्वा ओष्ठौ नैव परस्परम्

rasanāṃ śūnyamadhyasthāṃ kṛtvā caiva nirāśrayam / na dantair daśanān spṛṣṭvā oṣṭhau naiva parasparam

Sanskrit only: no published translation is held for this verse.

त्यज्य स्पर्शनम् एतेषां जिनेन् मृत्युं न संशयः । एष मृत्युञ्जयो योगो न भूतो न भविष्यति

tyajya sparśanam eteṣāṃ jinen mṛtyuṃ na saṃśayaḥ / eṣa mṛtyuñjayo yogo na bhūto na bhaviṣyati

Sanskrit only: no published translation is held for this verse.

नाभिचक्राद् अधश् चाग्निर् निवृत्ते तु गमागमे । द्वन्द्वातीतं पदं देवि चिन्तातीतं प्रचक्ष्यते

nābhicakrād adhaś cāgnir nivṛtte tu gamāgame / dvandvātītaṃ padaṃ devi cintātītaṃ pracakṣyate

Sanskrit only: no published translation is held for this verse.

पृष्ठवंश-अधस्तात् तु स्पन्दने विलयं गते । कालातीतं परं स्थानं चिन्तातीतम् इहोच्यते

pṛṣṭhavaṃśa-adhastāt tu spandane vilayaṃ gate / kālātītaṃ paraṃ sthānaṃ cintātītam ihocyate

Sanskrit only: no published translation is held for this verse.

गुदगुह्यान्तरे ग्रन्थिः सीवन्या बदिरास्थिवत् । जरातीतं पदं दिव्यं भावातीतं प्रचक्ष्यते

gudaguhyāntare granthiḥ sīvanyā badirāsthivat / jarātītaṃ padaṃ divyaṃ bhāvātītaṃ pracakṣyate

Sanskrit only: no published translation is held for this verse.

गुदगुह्यान्तरे ग्रन्थिर् गुहाधारे सुखोदये । परानन्दपदं दिव्यं चिन्तातीतं तु कथ्यते

gudaguhyāntare granthir guhādhāre sukhodaye / parānandapadaṃ divyaṃ cintātītaṃ tu kathyate

Sanskrit only: no published translation is held for this verse.

राजदन्तद्वयोर् मध्ये अधस्तात् पीडयेद् भृशम् । ऊर्ध्वदृष्टिं परां कृत्वा एवम् एतत् समभ्यसेत्

rājadantadvayor madhye adhastāt pīḍayed bhṛśam / ūrdhvadṛṣṭiṃ parāṃ kṛtvā evam etat samabhyaset

Sanskrit only: no published translation is held for this verse.

अनेन जयते मृत्युं नात्र कार्यविचारणात् । नादान्ते संस्थितं लक्ष्यं पञ्चतत्त्वस्य मध्यगम्

anena jayate mṛtyuṃ nātra kāryavicāraṇāt / nādānte saṃsthitaṃ lakṣyaṃ pañcatattvasya madhyagam

Sanskrit only: no published translation is held for this verse.

चतुष्कलसमोपेतं तत्र स्थित्वा जपेत् प्रिये । जरा मृत्युश् च रोगाश् च ईतयो विविधाश् च ये

catuṣkalasamopetaṃ tatra sthitvā japet priye / jarā mṛtyuś ca rogāś ca ītayo vividhāś ca ye

Sanskrit only: no published translation is held for this verse.

नश्यन्ते नात्र सन्देहस् तुहिनं तु रवेर् यथा । अधः प्राणं समानीय कुण्डलीपदमध्यगम्

naśyante nātra sandehas tuhinaṃ tu raver yathā / adhaḥ prāṇaṃ samānīya kuṇḍalīpadamadhyagam

Sanskrit only: no published translation is held for this verse.

तत्र रुन्ध्यात् प्रयत्नेन वृत्तिराजविवर्जितम् । ये प्राणास् ते महाजीवे गतायुर् वीरवन्दिते

tatra rundhyāt prayatnena vṛttirājavivarjitam / ye prāṇās te mahājīve gatāyur vīravandite

Sanskrit only: no published translation is held for this verse.

तत्रासक्तः सदा देवि मृत्युजिद् भवते क्षणात् । कथितं सरहस्यं तु सुगोप्यं तु तवानघे

tatrāsaktaḥ sadā devi mṛtyujid bhavate kṣaṇāt / kathitaṃ sarahasyaṃ tu sugopyaṃ tu tavānaghe

Sanskrit only: no published translation is held for this verse.

षोढान्यासविधानं तु पूर्वं तु कथितं मया । निरोधोत्क्रमणादीनां किं त्वेदं न प्रकाशयेत्

ṣoḍhānyāsavidhānaṃ tu pūrvaṃ tu kathitaṃ mayā / nirodhotkramaṇādīnāṃ kiṃ tvedaṃ na prakāśayet

Sanskrit only: no published translation is held for this verse.