तुषारकणिकाभासे द्वादशान्तावलम्बिनि । उमाख्ये हृद्गते गौरि द्वादशादित्यवर्चसे
tuṣārakaṇikābhāse dvādaśāntāvalambini / umākhye hṛdgate gauri dvādaśādityavarcase
Sanskrit only: no published translation is held for this verse.
Kubjikamatatantra 24
शून्ये शून्यान्तरावस्थे हंसाख्ये प्राणधारिणि । लम्बाख्ये परमे देवि दक्षिणोत्तरगामिनि
śūnye śūnyāntarāvasthe haṃsākhye prāṇadhāriṇi / lambākhye parame devi dakṣiṇottaragāmini
Sanskrit only: no published translation is held for this verse.
नासाग्रे तु समुत्तीर्णे मध्यसूत्रप्रवाहिनि । हृल्लेखे परमानन्दे तालुमूर्ध्नि व्यवस्थिते
nāsāgre tu samuttīrṇe madhyasūtrapravāhini / hṛllekhe paramānande tālumūrdhni vyavasthite
Sanskrit only: no published translation is held for this verse.
नादघण्टिकसङ्घृष्टे गुणाष्टकसमन्विते । स्थूलसूक्ष्मे तु सङ्क्षुब्धे धर्माधर्मपुटद्वये
nādaghaṇṭikasaṅghṛṣṭe guṇāṣṭakasamanvite / sthūlasūkṣme tu saṅkṣubdhe dharmādharmapuṭadvaye
Sanskrit only: no published translation is held for this verse.
कार्यकारणकर्तृत्वे त्रिशून्ये नादविग्रहे । परापरपरे शुद्धे चैतन्ये शाश्वते ध्रुवे
kāryakāraṇakartṛtve triśūnye nādavigrahe / parāparapare śuddhe caitanye śāśvate dhruve
Sanskrit only: no published translation is held for this verse.
सर्ववर्णधरी देवि गुह्यतत्त्वेति विश्रुते । अशरीरे महाभागे संसारार्णवतारिणि
sarvavarṇadharī devi guhyatattveti viśrute / aśarīre mahābhāge saṃsārārṇavatāriṇi
Sanskrit only: no published translation is held for this verse.
जया च विजया चैव जयन्ती चापराजिता- । तुम्बुरुबीजमध्यस्थे नमस् ते पापमोचनि
jayā ca vijayā caiva jayantī cāparājitā- / tumburubījamadhyasthe namas te pāpamocani
Sanskrit only: no published translation is held for this verse.
बन्धमोक्षकरी देवि षोडशान्ते व्यवस्थिते । भ्रामणी शक्तिशूलेन महाव्यूहसमन्विते
bandhamokṣakarī devi ṣoḍaśānte vyavasthite / bhrāmaṇī śaktiśūlena mahāvyūhasamanvite
Sanskrit only: no published translation is held for this verse.
भ्रमणि भ्रामणी गौरि मायायन्त्रप्रवाहिनि । स्वच्छन्दभैरवी देवि क्रोध-उन्मत्तभैरवि
bhramaṇi bhrāmaṇī gauri māyāyantrapravāhini / svacchandabhairavī devi krodha-unmattabhairavi
Sanskrit only: no published translation is held for this verse.
पञ्चाशद्वर्णरूपस्थे त्वया रुद्राः प्रकीर्तिताः । अमृताख्ये रुरुश् चण्डे नमस् ते ज्ञानभैरवि
pañcāśadvarṇarūpasthe tvayā rudrāḥ prakīrtitāḥ / amṛtākhye ruruś caṇḍe namas te jñānabhairavi
Sanskrit only: no published translation is held for this verse.
दंष्ट्रोत्कटे विद्युज्जिह्वे तारकाक्षि भयानके । नमामि देवदेवेशि अघोरे घोररूपिणि
daṃṣṭrotkaṭe vidyujjihve tārakākṣi bhayānake / namāmi devadeveśi aghore ghorarūpiṇi
Sanskrit only: no published translation is held for this verse.
ज्वालामुखी वेगवती उमादेवि सरस्वति । हंसस्वरोद्वहे देवि गोमुखि शक्तिमालिनि
jvālāmukhī vegavatī umādevi sarasvati / haṃsasvarodvahe devi gomukhi śaktimālini
Sanskrit only: no published translation is held for this verse.
क्रोष्टुके सुभगे देवि दुर्गे कात्यायनी तथा । नित्यक्लिन्नासमाख्याते रक्ते एकाक्षरे परे
kroṣṭuke subhage devi durge kātyāyanī tathā / nityaklinnāsamākhyāte rakte ekākṣare pare
Sanskrit only: no published translation is held for this verse.
ब्राह्मी माहेश्वरी चैव कौमारी वैष्णवी तथा । वाराही चैव माहेन्द्री चामुण्डा त्व् अभयानना
brāhmī māheśvarī caiva kaumārī vaiṣṇavī tathā / vārāhī caiva māhendrī cāmuṇḍā tv abhayānanā
Sanskrit only: no published translation is held for this verse.
योगेशी त्वं हि देवेशि कुलाष्टकविभूषिते । ऐन्द्री चैव तु आग्नेयी याम्या नैरृत्यवारुणी
yogeśī tvaṃ hi deveśi kulāṣṭakavibhūṣite / aindrī caiva tu āgneyī yāmyā nairṛtyavāruṇī
Sanskrit only: no published translation is held for this verse.
वायव्या चैव कौबेरी ईशानी समुदाहृता । प्रयागा वरुणा कोल्ला अट्टहासा जयन्तिका
vāyavyā caiva kauberī īśānī samudāhṛtā / prayāgā varuṇā kollā aṭṭahāsā jayantikā
Sanskrit only: no published translation is held for this verse.
चरित्रेकाम्रके चैव देविकोट्टं तु चाष्टधा । तथा काली उमा देवी देवदूति नमो ऽस्तु ते
caritrekāmrake caiva devikoṭṭaṃ tu cāṣṭadhā / tathā kālī umā devī devadūti namo 'stu te
Sanskrit only: no published translation is held for this verse.
भद्रकालि महादेवि चर्ममुण्डे भयावहे । महोच्छुष्मे महाशान्ते नमस् ते शक्तिरूपिणि
bhadrakāli mahādevi carmamuṇḍe bhayāvahe / mahocchuṣme mahāśānte namas te śaktirūpiṇi
Sanskrit only: no published translation is held for this verse.
भूर् भुवः स्वेति स्वाहान्ते दयां नाथे कुरुष्व मे । ज्ञानार्थिनो महामाये एतद् इच्छामि वेदितुम्
bhūr bhuvaḥ sveti svāhānte dayāṃ nāthe kuruṣva me / jñānārthino mahāmāye etad icchāmi veditum
Sanskrit only: no published translation is held for this verse.
यस् त्व् इदं पठते स्तोत्रं त्रिसन्ध्यं चैव मानवः । प्राप्नोति चिन्तितान् कामान् स्त्रीणां भवति वल्लभः
yas tv idaṃ paṭhate stotraṃ trisandhyaṃ caiva mānavaḥ / prāpnoti cintitān kāmān strīṇāṃ bhavati vallabhaḥ
Sanskrit only: no published translation is held for this verse.
इति शिवशक्तिसमरसमहामायास्तवः समाप्तः श्रीकुब्जिका उवाच कुलजानां महेशान पवित्रारोहणं कथम् । कस्मिन् काले कथं कार्यं किमर्थं वद मे प्रभो
iti śivaśaktisamarasamahāmāyāstavaḥ samāptaḥ śrīkubjikā uvāca kulajānāṃ maheśāna pavitrārohaṇaṃ katham / kasmin kāle kathaṃ kāryaṃ kimarthaṃ vada me prabho
Sanskrit only: no published translation is held for this verse.
श्रीभैरव उवाच पुरा देवासुरैर् देवि क्षीरोदो मथितो यदा । तत्र नेत्रो महाभागे कश्यपस्य सुतो बली
śrībhairava uvāca purā devāsurair devi kṣīrodo mathito yadā / tatra netro mahābhāge kaśyapasya suto balī
Sanskrit only: no published translation is held for this verse.
मन्थाने योजितो भद्रे विषनिद्राविमूर्छितः । न शक्नोति तलस्यान्ते वर्षासु वसितुं यदा
manthāne yojito bhadre viṣanidrāvimūrchitaḥ / na śaknoti talasyānte varṣāsu vasituṃ yadā
Sanskrit only: no published translation is held for this verse.
तेनाहं राधितो देवि पवित्रेण महात्मना । दिव्यं वर्षसहस्रं तु वायुभक्षो महाबलः
tenāhaṃ rādhito devi pavitreṇa mahātmanā / divyaṃ varṣasahasraṃ tu vāyubhakṣo mahābalaḥ
Sanskrit only: no published translation is held for this verse.
तुष्टो ऽहं तस्य देवेशि किं कर्तव्यं पुरोदितम् । ततो ऽसौ दण्डवद् भूमौ मम पादाग्रतः स्थितः
tuṣṭo 'haṃ tasya deveśi kiṃ kartavyaṃ puroditam / tato 'sau daṇḍavad bhūmau mama pādāgrataḥ sthitaḥ
Sanskrit only: no published translation is held for this verse.
प्रावृट्काले न शक्नोमि तलान्ते वसितुं हर । ततः सो ऽपि मया देवि कराभ्यां गृह्य भूतलात्
prāvṛṭkāle na śaknomi talānte vasituṃ hara / tataḥ so 'pi mayā devi karābhyāṃ gṛhya bhūtalāt
Sanskrit only: no published translation is held for this verse.
शिरसा धारितो देवि जटाजूटे वरानने । ततः सर्वैस् तु देवेशि शिरसा धारितः शुचिः
śirasā dhārito devi jaṭājūṭe varānane / tataḥ sarvais tu deveśi śirasā dhāritaḥ śuciḥ
Sanskrit only: no published translation is held for this verse.
दशकोटिस् तु पूजानां पवित्रारोहणे समा । वृथा दीक्षा वृथा ज्ञानं गुर्वाराधनम् एव च
daśakoṭis tu pūjānāṃ pavitrārohaṇe samā / vṛthā dīkṣā vṛthā jñānaṃ gurvārādhanam eva ca
Sanskrit only: no published translation is held for this verse.
हरते नागराजस् तु विना देवि पवित्रकात् । वृथा परिश्रमस् तस्य यो न कुर्यात् पवित्रकम्
harate nāgarājas tu vinā devi pavitrakāt / vṛthā pariśramas tasya yo na kuryāt pavitrakam
Sanskrit only: no published translation is held for this verse.
तस्मात् सर्वप्रयत्नेन कर्तव्यं कुलजैः प्रिये । आषाढे शुक्लपक्षे तु मिथुनस्थे दिवाकरे
tasmāt sarvaprayatnena kartavyaṃ kulajaiḥ priye / āṣāḍhe śuklapakṣe tu mithunasthe divākare
Sanskrit only: no published translation is held for this verse.
तदालाभे प्रकर्तव्यं कर्कटस्थे दिवाकरे । अविरोधेन कर्तव्यं यावत् स्यात् तुलपूर्णिमा
tadālābhe prakartavyaṃ karkaṭasthe divākare / avirodhena kartavyaṃ yāvat syāt tulapūrṇimā
Sanskrit only: no published translation is held for this verse.
सौवर्णं तु कृतं सूत्रं सूक्ष्मं तु त्रिगुणीकृतम् । तत्र तन्तुशतं प्रोक्तं ग्रन्थिपादं गुरोर् मतम्
sauvarṇaṃ tu kṛtaṃ sūtraṃ sūkṣmaṃ tu triguṇīkṛtam / tatra tantuśataṃ proktaṃ granthipādaṃ guror matam
Sanskrit only: no published translation is held for this verse.
पूज्यस्य द्व्यधिकं कार्यं प्रतिपूज्ये चतुराधिकम् । सप्ताधिकं शिवस्योक्तं योगेशीनां षडुत्तरम्
pūjyasya dvyadhikaṃ kāryaṃ pratipūjye caturādhikam / saptādhikaṃ śivasyoktaṃ yogeśīnāṃ ṣaḍuttaram
Sanskrit only: no published translation is held for this verse.
विद्यापीठस्य सर्वस्य कुर्यात् तच् च षडुत्तरम् । पादुकानां प्रकर्तव्यं शतम् अष्टाधिकं प्रिये
vidyāpīṭhasya sarvasya kuryāt tac ca ṣaḍuttaram / pādukānāṃ prakartavyaṃ śatam aṣṭādhikaṃ priye
Sanskrit only: no published translation is held for this verse.
अष्टत्रिंशच् च ग्रन्थ्यो वै पञ्चाशद् वा विकल्पना । अष्टाधिकं गुरोर् उक्तं वटुकस्य तथा भवेत्
aṣṭatriṃśac ca granthyo vai pañcāśad vā vikalpanā / aṣṭādhikaṃ guror uktaṃ vaṭukasya tathā bhavet
Sanskrit only: no published translation is held for this verse.
अथवा राजतं सूत्रम् अभावाद् वस्त्रजं भवेत् । शुक्लसूत्रं समादाय त्रिगुणं त्रिगुणीकृतम्
athavā rājataṃ sūtram abhāvād vastrajaṃ bhavet / śuklasūtraṃ samādāya triguṇaṃ triguṇīkṛtam
Sanskrit only: no published translation is held for this verse.
तेन तन्तुशतं कुर्याद् अष्टाधिकं महातपे । श्रीकण्ठादि चतुर्विंशैर् अजेशाद्यैस् तु षोडश
tena tantuśataṃ kuryād aṣṭādhikaṃ mahātape / śrīkaṇṭhādi caturviṃśair ajeśādyais tu ṣoḍaśa
Sanskrit only: no published translation is held for this verse.
अष्टाभिश् च महाकालैर् विद्यामाता चतुष्टयम् । षट्तन्तु डादिषट्कस्य कुलाष्टे चाष्टतन्तुकम्
aṣṭābhiś ca mahākālair vidyāmātā catuṣṭayam / ṣaṭtantu ḍādiṣaṭkasya kulāṣṭe cāṣṭatantukam
Sanskrit only: no published translation is held for this verse.
ग्रन्थयश् च यथाशोभा यथाशक्त्या पवित्रकम् । गोरोचना प्रकर्तव्या अथवा कुङ्कुमेन तु
granthayaś ca yathāśobhā yathāśaktyā pavitrakam / gorocanā prakartavyā athavā kuṅkumena tu
Sanskrit only: no published translation is held for this verse.
एवं निष्पादयित्वा तु यागं कृत्वा वरानने । दातव्यं भक्तियुक्तेन पूजान्ते तु पवित्रकम्
evaṃ niṣpādayitvā tu yāgaṃ kṛtvā varānane / dātavyaṃ bhaktiyuktena pūjānte tu pavitrakam
Sanskrit only: no published translation is held for this verse.
गीतं नृत्यं प्रकर्तव्यं स एवात्र वरानने । हिन्दोलं वाथ कर्तव्यं मन्दतारयुतेन तु
gītaṃ nṛtyaṃ prakartavyaṃ sa evātra varānane / hindolaṃ vātha kartavyaṃ mandatārayutena tu
Sanskrit only: no published translation is held for this verse.
प्राप्ताः समयिनो ये तु ते पूज्यास् तु प्रयत्नतः । तत् सर्वं तु प्रकर्तव्यं चातुर्मास्यं वरानने
prāptāḥ samayino ye tu te pūjyās tu prayatnataḥ / tat sarvaṃ tu prakartavyaṃ cāturmāsyaṃ varānane
Sanskrit only: no published translation is held for this verse.
सप्तवासरम् एवं तु त्रीणि वा एकम् एव वा । वीरक्रीडाकृते देवि सम्पन्नं भवते प्रिये
saptavāsaram evaṃ tu trīṇi vā ekam eva vā / vīrakrīḍākṛte devi sampannaṃ bhavate priye
Sanskrit only: no published translation is held for this verse.
तत् पवित्रं वरारोहे कृत्वा चैव क्षमापयेत् । बहुयज्ञफलं देवि बहुतीर्थफलं तथा
tat pavitraṃ varārohe kṛtvā caiva kṣamāpayet / bahuyajñaphalaṃ devi bahutīrthaphalaṃ tathā
Sanskrit only: no published translation is held for this verse.
दानधर्मस्य देवेशि कलां नार्घन्ति षोडशीम् । पवित्रं परमं पुण्यं सर्वदोषविवर्जितम्
dānadharmasya deveśi kalāṃ nārghanti ṣoḍaśīm / pavitraṃ paramaṃ puṇyaṃ sarvadoṣavivarjitam
Sanskrit only: no published translation is held for this verse.
तेन कार्यम् इदं देवि कुलजैस् तु वरानने । लङ्घनं समयानां तु कर्म विधिविनाकृतम्
tena kāryam idaṃ devi kulajais tu varānane / laṅghanaṃ samayānāṃ tu karma vidhivinākṛtam
Sanskrit only: no published translation is held for this verse.
ते दोषा नाशम् आयान्ति पवित्रेण वरानने । वर्षे वर्षे प्रकर्तव्यं यथाविभवविस्तरात्
te doṣā nāśam āyānti pavitreṇa varānane / varṣe varṣe prakartavyaṃ yathāvibhavavistarāt
Sanskrit only: no published translation is held for this verse.
काशैः कुशैः प्रकर्तव्यं भक्तियुक्तेन भैरवि । वित्तशाठ्यं न कर्तव्यम् इहैव तु कुलागमे
kāśaiḥ kuśaiḥ prakartavyaṃ bhaktiyuktena bhairavi / vittaśāṭhyaṃ na kartavyam ihaiva tu kulāgame
Sanskrit only: no published translation is held for this verse.
शाठ्येन यत् कृतं कर्म न तत् सिद्धिपदं भवेत् । एवं ज्ञात्वा वरारोहे वित्तशाठ्यं न कारयेत्
śāṭhyena yat kṛtaṃ karma na tat siddhipadaṃ bhavet / evaṃ jñātvā varārohe vittaśāṭhyaṃ na kārayet
Sanskrit only: no published translation is held for this verse.
तद्ग्रहश् च तथा पूजा पवित्रारोहणं परम् । एतत् सर्वं समाख्यातं किम् अन्यत् परिपृच्छसि
tadgrahaś ca tathā pūjā pavitrārohaṇaṃ param / etat sarvaṃ samākhyātaṃ kim anyat paripṛcchasi
Sanskrit only: no published translation is held for this verse.