भ्रातॄणां भ्रातृपुत्राश् च तत्पुत्राश् च गुरुर् यथा । पूजयन्त्य् अविकल्पेन सिद्धिमार्गे विधिर् ह्य् अयम्
bhrātṝṇāṃ bhrātṛputrāś ca tatputrāś ca gurur yathā / pūjayanty avikalpena siddhimārge vidhir hy ayam
Sanskrit only: no published translation is held for this verse.
आराध्यस् तिष्ठते यत्र तत्र किञ्चिन् न कारयेत् । मन्त्रतन्त्रक्रियायोगम् अधिकारं प्रभुत्वता
ārādhyas tiṣṭhate yatra tatra kiñcin na kārayet / mantratantrakriyāyogam adhikāraṃ prabhutvatā
Sanskrit only: no published translation is held for this verse.
पञ्चयोजनमात्रेण गत्वा कर्म समारभेत् । तत्पुरे दासवत् तिष्ठेद् आज्ञाश्रवणतत्परः
pañcayojanamātreṇa gatvā karma samārabhet / tatpure dāsavat tiṣṭhed ājñāśravaṇatatparaḥ
Sanskrit only: no published translation is held for this verse.
स्वपुरस्थं प्रयत्नेन यदाराध्यं न पश्यति । भुञ्जते मोहितात्मानः किल्बिषं भुञ्जते तु सः
svapurasthaṃ prayatnena yadārādhyaṃ na paśyati / bhuñjate mohitātmānaḥ kilbiṣaṃ bhuñjate tu saḥ
Sanskrit only: no published translation is held for this verse.
प्रायश्चित्तं चरेद् देवि कुब्जिकायायुतद्वयम् । अथ चेद् दर्पमूढस् तु ज्ञात्वा भुञ्जत्य् अशङ्कितः
prāyaścittaṃ cared devi kubjikāyāyutadvayam / atha ced darpamūḍhas tu jñātvā bhuñjaty aśaṅkitaḥ
Sanskrit only: no published translation is held for this verse.
लक्षं जप्त्वा भवेच् छुद्धि[र्] गुरुपूजा त्व् अनन्तरम् । समपादेन चारुह्य गुरोर् अग्रे अजानतः
lakṣaṃ japtvā bhavec chuddhi[r] gurupūjā tv anantaram / samapādena cāruhya guror agre ajānataḥ
Sanskrit only: no published translation is held for this verse.
कुब्जिकायुतम् एकं तु शुध्यते गुरुपूजया । गुरोर् आस्थानसंस्थाने चारुह्य पादुकैः सह
kubjikāyutam ekaṃ tu śudhyate gurupūjayā / guror āsthānasaṃsthāne cāruhya pādukaiḥ saha
Sanskrit only: no published translation is held for this verse.
गुरुदृष्टिगते पादे जपते तस्य पूर्ववत् । ज्येष्ठो भ्राता गुरोर् माता गुरोः स्थानार्चकास् तु ये
gurudṛṣṭigate pāde japate tasya pūrvavat / jyeṣṭho bhrātā guror mātā guroḥ sthānārcakās tu ye
Sanskrit only: no published translation is held for this verse.
त्रीण्य् एतास् तत्समा ज्ञेया द्रष्टव्या गुरुवद् यथा । अपमान्य यदा ह्य् एतान् आत्मसम्भावितः कुधीः
trīṇy etās tatsamā jñeyā draṣṭavyā guruvad yathā / apamānya yadā hy etān ātmasambhāvitaḥ kudhīḥ
Sanskrit only: no published translation is held for this verse.
प्रायश्चित्ती सलक्षेण शुध्यते गुरुपूजया । उपमर्द्य गुरोः स्थानं पापात्मा यत्र तिष्ठति
prāyaścittī salakṣeṇa śudhyate gurupūjayā / upamardya guroḥ sthānaṃ pāpātmā yatra tiṣṭhati
Sanskrit only: no published translation is held for this verse.
तस्य दर्शनसम्भाषात् पातकिनो भवन्ति ते । यदा साधुः प्रसन्नात्मा तदा लक्षत्रयेण वै
tasya darśanasambhāṣāt pātakino bhavanti te / yadā sādhuḥ prasannātmā tadā lakṣatrayeṇa vai
Sanskrit only: no published translation is held for this verse.
मण्डलानां सहस्रेण गुरुपूजा त्व् अनन्तरम् । पादुकोपानहौ छत्त्रं शय्यापट्टो ऽथ भाजनम् पादेन संस्पृशेद् यस् तु शिरे धृत्वाष्टकं जपेत्
maṇḍalānāṃ sahasreṇa gurupūjā tv anantaram / pādukopānahau chattraṃ śayyāpaṭṭo 'tha bhājanam pādena saṃspṛśed yas tu śire dhṛtvāṣṭakaṃ japet
Sanskrit only: no published translation is held for this verse.