इति कुलालिकाम्नाये श्रीकुब्जिकामते स्वच्छन्दशिखाधिकारो नामाष्टमः पटलः श्रीभैरव उवाच भेदयित्वा परं तत्त्वं हकारं नाम नामतः । सो ऽष्टाकपालो विज्ञेयस् तस्याकाशं तु तच् छिरः
iti kulālikāmnāye śrīkubjikāmate svacchandaśikhādhikāro nāmāṣṭamaḥ paṭalaḥ śrībhairava uvāca bhedayitvā paraṃ tattvaṃ hakāraṃ nāma nāmataḥ / so 'ṣṭākapālo vijñeyas tasyākāśaṃ tu tac chiraḥ
Sanskrit only: no published translation is held for this verse.
अघोरम् इति विख्यातं द्वात्रिंशाक्षरभूषितम् । तस्मात् सञ्जायते सृष्टिः सा तु सृष्टिर् हृदि स्थिता
aghoram iti vikhyātaṃ dvātriṃśākṣarabhūṣitam / tasmāt sañjāyate sṛṣṭiḥ sā tu sṛṣṭir hṛdi sthitā
Sanskrit only: no published translation is held for this verse.
द्वात्रिंश मातरस् तास् तु चक्रारूढा विचिन्तयेत् । चण्डा घण्टा महानासा सुमुखी दुर्मुखी बला
dvātriṃśa mātaras tās tu cakrārūḍhā vicintayet / caṇḍā ghaṇṭā mahānāsā sumukhī durmukhī balā
Sanskrit only: no published translation is held for this verse.
रेवती प्रथमा घोरा सौम्या भीमा महाबला । जया च विजया चैव अजिता चापराजिता
revatī prathamā ghorā saumyā bhīmā mahābalā / jayā ca vijayā caiva ajitā cāparājitā
Sanskrit only: no published translation is held for this verse.
महोत्कटा विरूपाक्षी शुष्का चाकाशमातरा । सेहारी जातहारी च दंष्ट्राली शुष्करेवती
mahotkaṭā virūpākṣī śuṣkā cākāśamātarā / sehārī jātahārī ca daṃṣṭrālī śuṣkarevatī
Sanskrit only: no published translation is held for this verse.
पिपीलिका पुष्पहारी अशनी सस्यहारिका । भद्रकाली सुभद्रा च भद्रभीमा सुभद्रिका
pipīlikā puṣpahārī aśanī sasyahārikā / bhadrakālī subhadrā ca bhadrabhīmā subhadrikā
Sanskrit only: no published translation is held for this verse.
मनसा पूजयेत् तस्था भक्ष्यभोज्यादिभिः क्रमात् । पुष्पैर् नानाविधैर् देवि नानालङ्कारकादिभिः
manasā pūjayet tasthā bhakṣyabhojyādibhiḥ kramāt / puṣpair nānāvidhair devi nānālaṅkārakādibhiḥ
Sanskrit only: no published translation is held for this verse.
स्रवन्तं चिन्तयेत् तस्थम् अमृतं सर्वतोमुखम् । तेनाप्यायितदेहस् तु तत्क्षणाद् विरजो भवेत्
sravantaṃ cintayet tastham amṛtaṃ sarvatomukham / tenāpyāyitadehas tu tatkṣaṇād virajo bhavet
Sanskrit only: no published translation is held for this verse.
यागं तु मानसं कृत्वा कस्य सिद्धिर् न जायते । सम्पूर्णमण्डलं ध्यात्वा अघोरं नाम नामतः
yāgaṃ tu mānasaṃ kṛtvā kasya siddhir na jāyate / sampūrṇamaṇḍalaṃ dhyātvā aghoraṃ nāma nāmataḥ
Sanskrit only: no published translation is held for this verse.
सो ऽष्टाकपालः प्रवरस् तत्त्वव्यापी निरक्षरः । स एव चन्द्ररूपी स्यात् कर्णिकायां विचिन्तयेत्
so 'ṣṭākapālaḥ pravaras tattvavyāpī nirakṣaraḥ / sa eva candrarūpī syāt karṇikāyāṃ vicintayet
Sanskrit only: no published translation is held for this verse.
तत्त्वं तत्र महानादं हकारं नाम नामतः । षट्पदार्थयुतो देवि नवकेन प्रसिध्यति
tattvaṃ tatra mahānādaṃ hakāraṃ nāma nāmataḥ / ṣaṭpadārthayuto devi navakena prasidhyati
Sanskrit only: no published translation is held for this verse.
स एव लीयते विष्णोर् विष्णु रुद्रसमाश्रितः । स एव कालो विज्ञेयः सर्वभक्षो हुताशनः
sa eva līyate viṣṇor viṣṇu rudrasamāśritaḥ / sa eva kālo vijñeyaḥ sarvabhakṣo hutāśanaḥ
Sanskrit only: no published translation is held for this verse.
स एव लीयते माया सा च विष्णुः प्रकीर्तिता । सा शक्तिर् निर्मला कुब्जि कालो वै येन भक्षितः
sa eva līyate māyā sā ca viṣṇuḥ prakīrtitā / sā śaktir nirmalā kubji kālo vai yena bhakṣitaḥ
Sanskrit only: no published translation is held for this verse.
स विष्णुः शिवतां याति सेतुं भित्त्वा कुलेश्वरि । स च तुर्यपदं प्राप्य उन्मनत्वं हि तत् पदम्
sa viṣṇuḥ śivatāṃ yāti setuṃ bhittvā kuleśvari / sa ca turyapadaṃ prāpya unmanatvaṃ hi tat padam
Sanskrit only: no published translation is held for this verse.
आश्रयं देवदेवस्य अघोरस्य महातपे । निर्वाणं तु परं विन्द्यात् स कुब्जीशः प्रकीर्तितः
āśrayaṃ devadevasya aghorasya mahātape / nirvāṇaṃ tu paraṃ vindyāt sa kubjīśaḥ prakīrtitaḥ
Sanskrit only: no published translation is held for this verse.
स ध्रुवो वासुदेवश् च अजातः परिकीर्तितः । तत्र शक्तिं सदा कुर्यात् तत्रासक्तः सदा भवेत्
sa dhruvo vāsudevaś ca ajātaḥ parikīrtitaḥ / tatra śaktiṃ sadā kuryāt tatrāsaktaḥ sadā bhavet
Sanskrit only: no published translation is held for this verse.
न पापैर् लिप्यते देवि महापापैः सुदारुणैः । न कालस्य वशं गच्छेन् न जरा न च दुःखितः
na pāpair lipyate devi mahāpāpaiḥ sudāruṇaiḥ / na kālasya vaśaṃ gacchen na jarā na ca duḥkhitaḥ
Sanskrit only: no published translation is held for this verse.
सर्वतीर्थफलं चैव सर्वयज्ञेषु दीक्षितः । हृन्नादं मनसोत्थाप्य व्रजेन् निर्वाणजं पदम्
sarvatīrthaphalaṃ caiva sarvayajñeṣu dīkṣitaḥ / hṛnnādaṃ manasotthāpya vrajen nirvāṇajaṃ padam
Sanskrit only: no published translation is held for this verse.
चेतसा त्व् अमृतं गृह्य आगच्छेद् घण्टिकाश्रयम् । तदुत्थं भारतीमूले कृत्वासौ ऽमृतम् अश्नुते
cetasā tv amṛtaṃ gṛhya āgacched ghaṇṭikāśrayam / tadutthaṃ bhāratīmūle kṛtvāsau 'mṛtam aśnute
Sanskrit only: no published translation is held for this verse.
आपूर्य वदनं तेन स्वच्छन्देन कुजेश्वरि । अनन्गधेनवीं दुग्ध्[ व् ]आ तत्त्वं व्याप्येश्वरेण तु
āpūrya vadanaṃ tena svacchandena kujeśvari / anangadhenavīṃ dugdh[ v ]ā tattvaṃ vyāpyeśvareṇa tu
Sanskrit only: no published translation is held for this verse.
अघोरं पञ्चमध्ये तु आत्मतत्त्वं विचिन्तयेत् । यो ऽग्निर् ज्वलति चापेन एकस् तिष्ठति पञ्चधा
aghoraṃ pañcamadhye tu ātmatattvaṃ vicintayet / yo 'gnir jvalati cāpena ekas tiṣṭhati pañcadhā
Sanskrit only: no published translation is held for this verse.
त्रैलोक्यं व्यापितं तेन यजन्ते ब्रह्मवादिनः । तस्यैव यः शिखां वेत्ति आहिताग्निः स उच्यते
trailokyaṃ vyāpitaṃ tena yajante brahmavādinaḥ / tasyaiva yaḥ śikhāṃ vetti āhitāgniḥ sa ucyate
Sanskrit only: no published translation is held for this verse.
सोऽ ग्निर् देवमुखं विन्द्याद् अघोरः सर्वतोमुखः । मुखेषु च मुखं देवि त्रैलोक्ये ऽपि प्रगीयते
so' gnir devamukhaṃ vindyād aghoraḥ sarvatomukhaḥ / mukheṣu ca mukhaṃ devi trailokye 'pi pragīyate
Sanskrit only: no published translation is held for this verse.
विना तेन वरारोहे न होमो न च भोजनम् । शुचिर् अग्निर् भवेद् देवो बहुरूपः कुजेश्वरि
vinā tena varārohe na homo na ca bhojanam / śucir agnir bhaved devo bahurūpaḥ kujeśvari
Sanskrit only: no published translation is held for this verse.
तदन्तं तु जपं कुर्यात् कृत्वा हृत्स्थं तु केशवम् । अधस्तात् सेतुमार्गस्य तिष्ठते तु कुजेश्वरः
tadantaṃ tu japaṃ kuryāt kṛtvā hṛtsthaṃ tu keśavam / adhastāt setumārgasya tiṣṭhate tu kujeśvaraḥ
Sanskrit only: no published translation is held for this verse.
स चासनं परं तस्य सेव्यते किं न मन्त्रराट् । विद्याराजेति विख्यातो मन्त्रराजेति कथ्यते
sa cāsanaṃ paraṃ tasya sevyate kiṃ na mantrarāṭ / vidyārājeti vikhyāto mantrarājeti kathyate
Sanskrit only: no published translation is held for this verse.
मुद्राराजेति महतां मण्डलाधिपतिः स्मृतः । ब्रह्मविष्ण्वीश्वराद्येषु पतिर् देवि प्रचक्ष्यते
mudrārājeti mahatāṃ maṇḍalādhipatiḥ smṛtaḥ / brahmaviṣṇvīśvarādyeṣu patir devi pracakṣyate
Sanskrit only: no published translation is held for this verse.
नानेन सदृशो देवि मन्त्रकोटिशतैर् अपि । हृदयं सर्वमन्त्राणां परमं परिकीर्तितम्
nānena sadṛśo devi mantrakoṭiśatair api / hṛdayaṃ sarvamantrāṇāṃ paramaṃ parikīrtitam
Sanskrit only: no published translation is held for this verse.
अनेन हीना देवेशि महान् अपि न सिध्यति । ग्रहयन्त्रेषु सर्वेषु व्याधितेषु कुलेश्वरि
anena hīnā deveśi mahān api na sidhyati / grahayantreṣu sarveṣu vyādhiteṣu kuleśvari
Sanskrit only: no published translation is held for this verse.
रिपुनाशे च बलवान् दारिद्रभयनाशनम् । तस्माद् आराध्य यत्नेन दुःखसिंहः प्रकीर्तितः
ripunāśe ca balavān dāridrabhayanāśanam / tasmād ārādhya yatnena duḥkhasiṃhaḥ prakīrtitaḥ
Sanskrit only: no published translation is held for this verse.
नानेन सदृशः कश्चिन् नान्यो ऽस्ति सचराचरे । देवासुरमनुष्यानां तत्त्वरूपो महेश्वरि
nānena sadṛśaḥ kaścin nānyo 'sti sacarācare / devāsuramanuṣyānāṃ tattvarūpo maheśvari
Sanskrit only: no published translation is held for this verse.
मूर्ध्नः पादतलं यावत् तत्त्वं चरति देहिनाम् । निष्कलात् सकलं याति सकलान् निष्कलं पदम्
mūrdhnaḥ pādatalaṃ yāvat tattvaṃ carati dehinām / niṣkalāt sakalaṃ yāti sakalān niṣkalaṃ padam
Sanskrit only: no published translation is held for this verse.
एकेनांशेन वीराणां सर्वेषां किम् अपि स्तुतम् । स भैरवः शिवो भाति सर्वज्ञः सर्वजन्तुषु
ekenāṃśena vīrāṇāṃ sarveṣāṃ kim api stutam / sa bhairavaḥ śivo bhāti sarvajñaḥ sarvajantuṣu
Sanskrit only: no published translation is held for this verse.
यावत् तिष्ठत्य् असौ गात्रे तावज् जीवन्ति जन्तवः । विना तेन वरारोहे नास्ति नास्तीति कथ्यते
yāvat tiṣṭhaty asau gātre tāvaj jīvanti jantavaḥ / vinā tena varārohe nāsti nāstīti kathyate
Sanskrit only: no published translation is held for this verse.
तस्य देवाधिदेवस्य सर्वव्यापिमयस्य च । सर्वदेवमयो देवि कथं भक्त्या न सिध्यति
tasya devādhidevasya sarvavyāpimayasya ca / sarvadevamayo devi kathaṃ bhaktyā na sidhyati
Sanskrit only: no published translation is held for this verse.
येन विज्ञानमात्रेण स्मृतेनैव तु सुन्दरि । अक्षयान् लभते लोकान् मुक्तिस्थानं गमिष्यति
yena vijñānamātreṇa smṛtenaiva tu sundari / akṣayān labhate lokān muktisthānaṃ gamiṣyati
Sanskrit only: no published translation is held for this verse.
सर्वलक्षणहीनो ऽपि स्मरणात् कल्मषापहः । अहो मन्त्रस्य माहात्म्यं जप्यमानस्य नित्यशः
sarvalakṣaṇahīno 'pi smaraṇāt kalmaṣāpahaḥ / aho mantrasya māhātmyaṃ japyamānasya nityaśaḥ
Sanskrit only: no published translation is held for this verse.
विनापि लययोगेन योगिनीसमतां व्रजेत् । साधकाय प्रयच्छन्ति त्रैलोक्यज्ञानम् उत्तमम्
vināpi layayogena yoginīsamatāṃ vrajet / sādhakāya prayacchanti trailokyajñānam uttamam
Sanskrit only: no published translation is held for this verse.
आकाशादि प्रयच्छन्ति दिव्यदृष्टिश्रुतागमम् । सर्वभूता वशं यान्ति ग्रहाश् चैव विशेषतः
ākāśādi prayacchanti divyadṛṣṭiśrutāgamam / sarvabhūtā vaśaṃ yānti grahāś caiva viśeṣataḥ
Sanskrit only: no published translation is held for this verse.
विषं च निर्विषं कुर्याद् दर्शनाद् एव सर्वतः । न तस्य तिष्ठते गात्रे विषं स्थावरजङ्गमम्
viṣaṃ ca nirviṣaṃ kuryād darśanād eva sarvataḥ / na tasya tiṣṭhate gātre viṣaṃ sthāvarajaṅgamam
Sanskrit only: no published translation is held for this verse.
कीटलूतास् तु भूताश् च अपमृत्युर् न तिष्ठति । गरजं योगजं दोषं प्रलयं यान्ति दूरतः
kīṭalūtās tu bhūtāś ca apamṛtyur na tiṣṭhati / garajaṃ yogajaṃ doṣaṃ pralayaṃ yānti dūrataḥ
Sanskrit only: no published translation is held for this verse.
चूर्णलेपाञ्जनादीनि कुहकानि तु यानि वै । ये करिष्यन्ति रिपवः स्त्रियो वा पुरुषस्य वा
cūrṇalepāñjanādīni kuhakāni tu yāni vai / ye kariṣyanti ripavaḥ striyo vā puruṣasya vā
Sanskrit only: no published translation is held for this verse.
तत्क्षणात् प्रलयं यान्ति तेषां प्रत्यङ्गिरा भवेत् । स्मरणाद् देवदेवस्य इन्द्रं याति नरोत्तमः
tatkṣaṇāt pralayaṃ yānti teṣāṃ pratyaṅgirā bhavet / smaraṇād devadevasya indraṃ yāti narottamaḥ
Sanskrit only: no published translation is held for this verse.
ज्वलन्तो दृश्यते भूतैर् हृच्चक्रे विधिसंस्थितः । दुष्टाश् च प्रलयं यान्ति सिंहस्यैव यथा मृगाः
jvalanto dṛśyate bhūtair hṛccakre vidhisaṃsthitaḥ / duṣṭāś ca pralayaṃ yānti siṃhasyaiva yathā mṛgāḥ
Sanskrit only: no published translation is held for this verse.
एको दोषो हि मन्त्रस्य जप्यमानस्य जायते । जरा मृत्युश् च दारिद्र्यं व्याधयो विविधाः प्रिये
eko doṣo hi mantrasya japyamānasya jāyate / jarā mṛtyuś ca dāridryaṃ vyādhayo vividhāḥ priye
Sanskrit only: no published translation is held for this verse.
स्मरणात् प्रलयं यान्ति तुहिनं तु रवेर् इव । जप्यते येषु राष्ट्रेषु देशे वा सुरसुन्दरि
smaraṇāt pralayaṃ yānti tuhinaṃ tu raver iva / japyate yeṣu rāṣṭreṣu deśe vā surasundari
Sanskrit only: no published translation is held for this verse.
न रुजा जायते तत्र स्वामी तत्र विवर्धते । एकेनापि सुपुत्रेण घोरदेवाङ्गपूजनात्
na rujā jāyate tatra svāmī tatra vivardhate / ekenāpi suputreṇa ghoradevāṅgapūjanāt
Sanskrit only: no published translation is held for this verse.
घोरीशं तु यदा ज्ञातं स कुलं तारयिष्यति । पशवश् च न नश्यन्ति सदा वर्धति गोकुलम्
ghorīśaṃ tu yadā jñātaṃ sa kulaṃ tārayiṣyati / paśavaś ca na naśyanti sadā vardhati gokulam
Sanskrit only: no published translation is held for this verse.
वन्ध्या न जायते नारी न म्रियन्ते च बालकाः । ज्वररोगादिभिस् तस्य कुटुम्बं नैव पीड्यते
vandhyā na jāyate nārī na mriyante ca bālakāḥ / jvararogādibhis tasya kuṭumbaṃ naiva pīḍyate
Sanskrit only: no published translation is held for this verse.
सर्वलोकस्य सम्पूज्यो जायते राजवल्लभः । धारणीयं सदा गात्रे यथावत् प्रवदाम्य् अहम्
sarvalokasya sampūjyo jāyate rājavallabhaḥ / dhāraṇīyaṃ sadā gātre yathāvat pravadāmy aham
Sanskrit only: no published translation is held for this verse.
पुष्पेण गुडिकां कृत्वा मन्त्रं भूर्जे समालिखेत् । कुङ्कुमेन लिखेद् देवि रोचनायाथवा पुनः
puṣpeṇa guḍikāṃ kṛtvā mantraṃ bhūrje samālikhet / kuṅkumena likhed devi rocanāyāthavā punaḥ
Sanskrit only: no published translation is held for this verse.
अकारचतुरो मध्ये आत्मनाम समालिखेत् । मन्त्रेण छादितं नाम अङ्कुसेन तु रक्षितम्
akāracaturo madhye ātmanāma samālikhet / mantreṇa chāditaṃ nāma aṅkusena tu rakṣitam
Sanskrit only: no published translation is held for this verse.
माययाच्छादयित्वा तु शिवं मूर्ध्नि गतं लिखेत् । याष्टं षष्ठसमायुक्तं बिन्दुनादाङ्कितं प्रिये
māyayācchādayitvā tu śivaṃ mūrdhni gataṃ likhet / yāṣṭaṃ ṣaṣṭhasamāyuktaṃ bindunādāṅkitaṃ priye
Sanskrit only: no published translation is held for this verse.
तच् छिवं तु वरारोहे चतुराश्रमपूजितम् । सर्वं क्षस्थं परं मन्त्रं सर्वरक्षाकरं परम्
tac chivaṃ tu varārohe caturāśramapūjitam / sarvaṃ kṣasthaṃ paraṃ mantraṃ sarvarakṣākaraṃ param
Sanskrit only: no published translation is held for this verse.
नाम्ना तु गुडिका ह्य् एषा सर्वरोगविमर्दनी । सान्ता पूर्वं तु कर्तव्या ततः क्षस्थां तु कारयेत्
nāmnā tu guḍikā hy eṣā sarvarogavimardanī / sāntā pūrvaṃ tu kartavyā tataḥ kṣasthāṃ tu kārayet
Sanskrit only: no published translation is held for this verse.
क्षकारं कालम् आरूढम् ओकारोपरिदीपितम् । षष्ठस्वरयुतं देवि अमरत्वं प्रयच्छति
kṣakāraṃ kālam ārūḍham okāroparidīpitam / ṣaṣṭhasvarayutaṃ devi amaratvaṃ prayacchati
Sanskrit only: no published translation is held for this verse.
यस् तु धारयते दिव्यां गुडिकां शिवपूजिताम् । तस्य वक्ष्यामि सुश्रोणि गुणान् नानाविधान् शृणु
yas tu dhārayate divyāṃ guḍikāṃ śivapūjitām / tasya vakṣyāmi suśroṇi guṇān nānāvidhān śṛṇu
Sanskrit only: no published translation is held for this verse.
सर्वतीर्थेषु यः स्नातः सर्वयज्ञेषु दीक्षितः । न भयं विद्यते तस्य धरणद् अजरामरः
sarvatīrtheṣu yaḥ snātaḥ sarvayajñeṣu dīkṣitaḥ / na bhayaṃ vidyate tasya dharaṇad ajarāmaraḥ
Sanskrit only: no published translation is held for this verse.
सर्वव्रतानि चीर्णानि सर्वतीर्थनमस्कृतः । अवनिं विचरेत् सर्वां भैरवस् तु यथा हि सः
sarvavratāni cīrṇāni sarvatīrthanamaskṛtaḥ / avaniṃ vicaret sarvāṃ bhairavas tu yathā hi saḥ
Sanskrit only: no published translation is held for this verse.
सर्वे ते दर्शनात् तस्य साधकस्य महात्मनः । दुष्टाश् च प्रलयं यान्ति व्याधयो विद्रवन्ति च
sarve te darśanāt tasya sādhakasya mahātmanaḥ / duṣṭāś ca pralayaṃ yānti vyādhayo vidravanti ca
Sanskrit only: no published translation is held for this verse.
अब्रह्मचारी चारी स्याद् अस्नातः स्नानम् आप्नुयात् । न भयं विद्यते तस्य सङ्ग्रामे च सदा जयः
abrahmacārī cārī syād asnātaḥ snānam āpnuyāt / na bhayaṃ vidyate tasya saṅgrāme ca sadā jayaḥ
Sanskrit only: no published translation is held for this verse.
अभक्ष्यभक्षणं कृत्वा अगम्यागमनं तथा । नासौ लिप्यति पापेन पङ्कस्थं कमलं यथा
abhakṣyabhakṣaṇaṃ kṛtvā agamyāgamanaṃ tathā / nāsau lipyati pāpena paṅkasthaṃ kamalaṃ yathā
Sanskrit only: no published translation is held for this verse.
गुडिका तु सदा सिद्धा महाभैरवधारिता । योगेश्वरादिमुनिभिः सर्वदेवैर् नमस्कृता
guḍikā tu sadā siddhā mahābhairavadhāritā / yogeśvarādimunibhiḥ sarvadevair namaskṛtā
Sanskrit only: no published translation is held for this verse.
बहुनापि किम् उक्तेन सत्यं सत्यं यशस्विनि । ज्वलन्तो दृश्यते भूतैर् यथा रुद्रो मखान्तकृत्
bahunāpi kim uktena satyaṃ satyaṃ yaśasvini / jvalanto dṛśyate bhūtair yathā rudro makhāntakṛt
Sanskrit only: no published translation is held for this verse.
सुप्तो भुक्तः प्रबुद्धश् च अथ मैथुनम् आगते । महाहवे महादेवि दुष्टसिंहगजेषु च
supto bhuktaḥ prabuddhaś ca atha maithunam āgate / mahāhave mahādevi duṣṭasiṃhagajeṣu ca
Sanskrit only: no published translation is held for this verse.
विद्युद्वज्राशनिश् चैव उत्पातेष्व् अशनीषु च । शत्रुनाशे च गोनाशे विषशङ्कागतं च यत्
vidyudvajrāśaniś caiva utpāteṣv aśanīṣu ca / śatrunāśe ca gonāśe viṣaśaṅkāgataṃ ca yat
Sanskrit only: no published translation is held for this verse.
आर्णवेषु च सर्वेषु धारणान् न भयं भवेत् । शाकिन्यो वशगास् तस्य दुष्टवेतालराक्षसाह्
ārṇaveṣu ca sarveṣu dhāraṇān na bhayaṃ bhavet / śākinyo vaśagās tasya duṣṭavetālarākṣasāh
Sanskrit only: no published translation is held for this verse.
शुचिर् वाप्य् अशुचिर् वापि विद्रवन्ति दिशो दश । गुडिकैषा समाख्याता त्रिलोहपरिवेष्टिता
śucir vāpy aśucir vāpi vidravanti diśo daśa / guḍikaiṣā samākhyātā trilohapariveṣṭitā
Sanskrit only: no published translation is held for this verse.
धारणीया प्रयत्नेन शिवलोकम् अवाप्नुयात् । सर्वावस्थगतो वापि मुक्तिं याति सुराधिपे
dhāraṇīyā prayatnena śivalokam avāpnuyāt / sarvāvasthagato vāpi muktiṃ yāti surādhipe
Sanskrit only: no published translation is held for this verse.
मत्समो धारणाद् देवि सत्यं सत्यं यशस्विनि । मयापि धारिता ह्य् एषा ब्रह्मणापि ततः पुनः
matsamo dhāraṇād devi satyaṃ satyaṃ yaśasvini / mayāpi dhāritā hy eṣā brahmaṇāpi tataḥ punaḥ
Sanskrit only: no published translation is held for this verse.
विष्णुना देवराजेन युद्धे दैत्यास् तु निर्जिताः । अग्निवायुकुबेरेण यमेन वरुणेन च
viṣṇunā devarājena yuddhe daityās tu nirjitāḥ / agnivāyukubereṇa yamena varuṇena ca
Sanskrit only: no published translation is held for this verse.
मातृभिर् गुह्यकैश् चैव गरुडेन च धीमता । दधीचिना च शुक्रेण दुर्वासेनापि धीमता
mātṛbhir guhyakaiś caiva garuḍena ca dhīmatā / dadhīcinā ca śukreṇa durvāsenāpi dhīmatā
Sanskrit only: no published translation is held for this verse.
ऋषिभिश् च तथा सर्वैर् देवदैत्यैः कुजेश्वरि । ततस् त्व् अन्यैश् च राजानैर् बलिभिर् नहुषादिभिः
ṛṣibhiś ca tathā sarvair devadaityaiḥ kujeśvari / tatas tv anyaiś ca rājānair balibhir nahuṣādibhiḥ
Sanskrit only: no published translation is held for this verse.
युद्धे जयार्थिभिर् देवि उग्रव्याधिजयार्थिभिः । प्रजावश्यार्थिभिश् चैव गुडिका कण्ठधारिता
yuddhe jayārthibhir devi ugravyādhijayārthibhiḥ / prajāvaśyārthibhiś caiva guḍikā kaṇṭhadhāritā
Sanskrit only: no published translation is held for this verse.
नानया सदृशी विद्या गुडिका भुवि विद्यते । पिण्डं तु प्रथमं मन्त्र्यम् अघोरेण सुसंस्कृतम्
nānayā sadṛśī vidyā guḍikā bhuvi vidyate / piṇḍaṃ tu prathamaṃ mantryam aghoreṇa susaṃskṛtam
Sanskrit only: no published translation is held for this verse.
भुञ्जीयाच् चैव निःशङ्कं ततस् तस्यामृतायते । दिशो ऽभिमन्त्र्य गच्छेत वामं चाग्रपदं न्यसेत्
bhuñjīyāc caiva niḥśaṅkaṃ tatas tasyāmṛtāyate / diśo 'bhimantrya gaccheta vāmaṃ cāgrapadaṃ nyaset
Sanskrit only: no published translation is held for this verse.
उभयोश् चन्द्रमध्ये तु पर्यटेत सदा स्थितः । भुञ्जाने शयने चैव चन्द्रमध्ये सदा स्थितः
ubhayoś candramadhye tu paryaṭeta sadā sthitaḥ / bhuñjāne śayane caiva candramadhye sadā sthitaḥ
Sanskrit only: no published translation is held for this verse.
चन्द्रारूढेन सततं स्थातव्यं वरवर्णिनि । नाघोरसदृशो मन्त्रो मन्त्रा यस्माद् विनिर्गताः
candrārūḍhena satataṃ sthātavyaṃ varavarṇini / nāghorasadṛśo mantro mantrā yasmād vinirgatāḥ
Sanskrit only: no published translation is held for this verse.
गुरुवक्त्रात् तु विज्ञेयो मध्ये ॐकारमध्यगम् । स एव नादसंलीनो यावद् ब्रह्मबिलं गतः
guruvaktrāt tu vijñeyo madhye oṃkāramadhyagam / sa eva nādasaṃlīno yāvad brahmabilaṃ gataḥ
Sanskrit only: no published translation is held for this verse.
धारणाद् धारितं कृत्वा त्रिभिः प्राणैर् अलङ्कृतम् । स्वच्छन्दसहितं देवं वर्णान्तपरिवेष्टितम्
dhāraṇād dhāritaṃ kṛtvā tribhiḥ prāṇair alaṅkṛtam / svacchandasahitaṃ devaṃ varṇāntapariveṣṭitam
Sanskrit only: no published translation is held for this verse.
मुखे ऽनङ्गां ततो दुग्ध्वा धेनवीं चाम्बरां प्रिये । ग्राह्यग्राहविमर्दश् च त्रिशूलं वडवामुखम्
mukhe 'naṅgāṃ tato dugdhvā dhenavīṃ cāmbarāṃ priye / grāhyagrāhavimardaś ca triśūlaṃ vaḍavāmukham
Sanskrit only: no published translation is held for this verse.
कुञ्चिका घण्टिका चैव राजदन्तामृतागमम् । आयुषो ज्ञानम् उत्क्रान्तिर् अघोरस्य वशे स्थितः
kuñcikā ghaṇṭikā caiva rājadantāmṛtāgamam / āyuṣo jñānam utkrāntir aghorasya vaśe sthitaḥ
Sanskrit only: no published translation is held for this verse.
नाघोरसदृशो मन्त्रो मन्त्रकोटिशतैर् अपि । सत्यं सत्यं पुनः सत्यं भूयः सत्यं पुनः पुनः
nāghorasadṛśo mantro mantrakoṭiśatair api / satyaṃ satyaṃ punaḥ satyaṃ bhūyaḥ satyaṃ punaḥ punaḥ
Sanskrit only: no published translation is held for this verse.
सर्वज्ञं परमं मन्त्रं मुक्तिदं व्याधिनाशनम् । जरामृत्युहरं देवि विद्याराजेति कीर्तितम्
sarvajñaṃ paramaṃ mantraṃ muktidaṃ vyādhināśanam / jarāmṛtyuharaṃ devi vidyārājeti kīrtitam
Sanskrit only: no published translation is held for this verse.
विषुवं च सदा तत्र यत्र सर्वं प्रतिष्ठितम् । उत्पत्तिस्थितिकर्तारं यत्र सर्वे लयं गताः
viṣuvaṃ ca sadā tatra yatra sarvaṃ pratiṣṭhitam / utpattisthitikartāraṃ yatra sarve layaṃ gatāḥ
Sanskrit only: no published translation is held for this verse.
किं न सेव्यति देवेशि बहुरूपं कुजेश्वरि । देवाधिदेवं परमं यत् तत् कारणम् अव्ययम्
kiṃ na sevyati deveśi bahurūpaṃ kujeśvari / devādhidevaṃ paramaṃ yat tat kāraṇam avyayam
Sanskrit only: no published translation is held for this verse.
तत्त्वव्यापीति परमं व्योमव्यापीति कथ्यते । ब्रह्मविष्णुसुरादीनाम् उत्पत्तिप्रलयान्तिकम्
tattvavyāpīti paramaṃ vyomavyāpīti kathyate / brahmaviṣṇusurādīnām utpattipralayāntikam
Sanskrit only: no published translation is held for this verse.
अघोरं घोररूपेति अघोरीश इति स्मृतः
aghoraṃ ghorarūpeti aghorīśa iti smṛtaḥ
Sanskrit only: no published translation is held for this verse.