Karandavyuha 1

भगवानाह - चक्षुषोश्चन्द्रादित्यावुत्पन्नौ, ललाटान्महेश्वरः, स्कन्धेभ्यो ब्रह्मादयः, हृदयान्नारायणः, दंष्ट्राभ्यां सरस्वती, मुखतो वायवो जाताः, धरणी पादाभ्याम्, वरुणश्चोदरात् । यदैते देवा जाता आर्यावलोकितेश्वरस्य कायात्, अथार्यावलोकितेश्वरो बोधिसत्त्वो महासत्त्वो महेश्वरं देवपुत्रमेतदवोचत् - भविष्यसि त्वं महेश्वरः कलियुगे प्रतिपन्ने । कष्टसत्त्वधातुसमुत्पन्न आदिदेव आख्यायसे स्रष्टारं कर्तारम्, ते सर्वसत्त्वा बोधिमार्गेण विप्रहीणा भविष्यन्ति, य ईदृशपृथग्जनेषु सत्त्वेषु सांकथ्यं कुर्वन्ति ॥ आकाशं लिङ्गमित्याहुः पृथिवी तस्य पीठिका । आलयः सर्वभूतानां लीलया लिङ्गमुच्यते

bhagavānāha - cakṣuṣoścandrādityāvutpannau, lalāṭānmaheśvaraḥ, skandhebhyo brahmādayaḥ, hṛdayānnārāyaṇaḥ, daṃṣṭrābhyāṃ sarasvatī, mukhato vāyavo jātāḥ, dharaṇī pādābhyām, varuṇaścodarāt / yadaite devā jātā āryāvalokiteśvarasya kāyāt, athāryāvalokiteśvaro bodhisattvo mahāsattvo maheśvaraṃ devaputrametadavocat - bhaviṣyasi tvaṃ maheśvaraḥ kaliyuge pratipanne / kaṣṭasattvadhātusamutpanna ādideva ākhyāyase sraṣṭāraṃ kartāram, te sarvasattvā bodhimārgeṇa viprahīṇā bhaviṣyanti, ya īdṛśapṛthagjaneṣu sattveṣu sāṃkathyaṃ kurvanti // ākāśaṃ liṅgamityāhuḥ pṛthivī tasya pīṭhikā / ālayaḥ sarvabhūtānāṃ līlayā liṅgamucyate

Sanskrit only: no published translation is held for this verse.

अद्य मे सफलं जन्म जीवितं पुण्यमेव च । अद्य मे हीदृशं चैव परिपूर्णं मनोरथम्

adya me saphalaṃ janma jīvitaṃ puṇyameva ca / adya me hīdṛśaṃ caiva paripūrṇaṃ manoratham

Sanskrit only: no published translation is held for this verse.

अद्य मे आशयः पूर्णः परिशुद्धश्च दुःखतः । यन्मया दर्शने सम्यग् दृष्ट्वा लोकैकबान्धवः

adya me āśayaḥ pūrṇaḥ pariśuddhaśca duḥkhataḥ / yanmayā darśane samyag dṛṣṭvā lokaikabāndhavaḥ

Sanskrit only: no published translation is held for this verse.

तदा मे सर्वसौख्यं च कामे संतिष्ठते पुनः । सौख्या भवन्ति ते सत्त्वा सर्वदुःखविवर्जिताः

tadā me sarvasaukhyaṃ ca kāme saṃtiṣṭhate punaḥ / saukhyā bhavanti te sattvā sarvaduḥkhavivarjitāḥ

Sanskrit only: no published translation is held for this verse.

संसारबन्धनान्मुक्तास्तिष्ठन्ति सुखमोदकाः । ममापि दर्शनेनैव सर्वे स्फुटितबन्धनाः । दूराद्दूरतरं यान्ति गरूडस्येव पन्नगाः

saṃsārabandhanānmuktāstiṣṭhanti sukhamodakāḥ / mamāpi darśanenaiva sarve sphuṭitabandhanāḥ / dūrāddūrataraṃ yānti garūḍasyeva pannagāḥ

Sanskrit only: no published translation is held for this verse.