तुषितवरभवननिलयाद्यदा च्यवति नायकः पुरुषसिंहः । आमन्त्रयते देवान् प्रमादमखिलं विसर्जयत
tuṣitavarabhavananilayādyadā cyavati nāyakaḥ puruṣasiṃhaḥ / āmantrayate devān pramādamakhilaṃ visarjayata
Sanskrit only: no published translation is held for this verse.
या काचि रतिवियूहा दिव्या महसा विचिन्तिता श्रीमान् । सर्वशुभकर्महेतोः फलमिदं शृणुरस्य कर्मस्य
yā kāci rativiyūhā divyā mahasā vicintitā śrīmān / sarvaśubhakarmahetoḥ phalamidaṃ śṛṇurasya karmasya
Sanskrit only: no published translation is held for this verse.
तस्माद्भवत कृतज्ञा अपूर्वशुभसंचयं क्षपित्वेह । मा गच्छत पुनरपायानसाध्वसुखवेदना यत्र
tasmādbhavata kṛtajñā apūrvaśubhasaṃcayaṃ kṣapitveha / mā gacchata punarapāyānasādhvasukhavedanā yatra
Sanskrit only: no published translation is held for this verse.
धर्मश्च यः श्रुतो ऽयं ममान्तिके गौरवमुपजनित्वा । तत्र प्रतिपद्यथा प्राप्स्यथ नियतं सुखमनन्तम्
dharmaśca yaḥ śruto 'yaṃ mamāntike gauravamupajanitvā / tatra pratipadyathā prāpsyatha niyataṃ sukhamanantam
Sanskrit only: no published translation is held for this verse.
सर्वमनित्य कामा अध्रुवं न च शाश्वता अपि न कल्पाः । मायामरीचिसदृशा विद्युत्फेनोपमा चपलाः
sarvamanitya kāmā adhruvaṃ na ca śāśvatā api na kalpāḥ / māyāmarīcisadṛśā vidyutphenopamā capalāḥ
Sanskrit only: no published translation is held for this verse.
न च कामगुणरतीभिः तृप्तिर्लवणोदकं यथा पीत्वा । ते तृप्त येष प्रज्ञा आर्या लोकोत्तरा विरजा
na ca kāmaguṇaratībhiḥ tṛptirlavaṇodakaṃ yathā pītvā / te tṛpta yeṣa prajñā āryā lokottarā virajā
Sanskrit only: no published translation is held for this verse.
न तरङ्गतुल्यकल्पाः संगीति च अप्सरोभि संवासः । अन्योन्यगमयुक्ता यथैव सामायि कामं च
na taraṅgatulyakalpāḥ saṃgīti ca apsarobhi saṃvāsaḥ / anyonyagamayuktā yathaiva sāmāyi kāmaṃ ca
Sanskrit only: no published translation is held for this verse.
न च संस्कृते सहाया न मित्र ज्ञातीजनो च परिवाराः । अन्यत्र कर्म सुकृतादनुबन्धति पृष्ठतो याति
na ca saṃskṛte sahāyā na mitra jñātījano ca parivārāḥ / anyatra karma sukṛtādanubandhati pṛṣṭhato yāti
Sanskrit only: no published translation is held for this verse.
तस्मात्सहितसमग्रा अन्योन्यं मैत्रचित्त हितचित्ताः । धर्मचरणं चरेथाः सुचरितचरणा न तप्यन्ते
tasmātsahitasamagrā anyonyaṃ maitracitta hitacittāḥ / dharmacaraṇaṃ carethāḥ sucaritacaraṇā na tapyante
Sanskrit only: no published translation is held for this verse.
बुद्धमनुस्मरेथा धर्मं संघं तथाप्रमादं च । श्रुतशीलदाननिरता क्षान्त्या सौरभ्यसंपन्नाः
buddhamanusmarethā dharmaṃ saṃghaṃ tathāpramādaṃ ca / śrutaśīladānaniratā kṣāntyā saurabhyasaṃpannāḥ
Sanskrit only: no published translation is held for this verse.
दुःखमनित्यमनात्मा निरीक्षथा योनिशो इमा धर्मा । हेतुप्रत्यययुक्ता वर्तन्ते ऽस्वामिका जडाबुद्ध्या
duḥkhamanityamanātmā nirīkṣathā yoniśo imā dharmā / hetupratyayayuktā vartante 'svāmikā jaḍābuddhyā
Sanskrit only: no published translation is held for this verse.
या काचि ऋद्धि मह्यं पश्यत प्रतिभां च ज्ञानगुणतां च । सर्वशुभकर्महेतोः शीलेन श्रुतेन चाप्रमादेन
yā kāci ṛddhi mahyaṃ paśyata pratibhāṃ ca jñānaguṇatāṃ ca / sarvaśubhakarmahetoḥ śīlena śrutena cāpramādena
Sanskrit only: no published translation is held for this verse.
अनुशिष्यध्वं मह्यं शीलेन श्रुतेन चाप्रमादेन । दानदमसंयमेना सत्त्वार्थ हितार्थ मित्रार्थः
anuśiṣyadhvaṃ mahyaṃ śīlena śrutena cāpramādena / dānadamasaṃyamenā sattvārtha hitārtha mitrārthaḥ
Sanskrit only: no published translation is held for this verse.
न च वाक्यरुतरवेणा शक्याः संपादितुं कुशलधर्मान् । प्रतिपत्तिमारभेथा यथा च वदथा तथ करोथा
na ca vākyarutaraveṇā śakyāḥ saṃpādituṃ kuśaladharmān / pratipattimārabhethā yathā ca vadathā tatha karothā
Sanskrit only: no published translation is held for this verse.
मा खलु परावकाशं स्वयं यतध्वं सदा प्रयत्नेन । न च कश्चि कृत्व ददते न चाप्यकृत्वा भवति सिद्धिः
mā khalu parāvakāśaṃ svayaṃ yatadhvaṃ sadā prayatnena / na ca kaści kṛtva dadate na cāpyakṛtvā bhavati siddhiḥ
Sanskrit only: no published translation is held for this verse.
समनुस्मरथा पूर्वे यद्दुःखं संसारे चिरमनुभूतम् । न च निर्वृती विरागो समनुगतो मिथ्य नियतैव
samanusmarathā pūrve yadduḥkhaṃ saṃsāre ciramanubhūtam / na ca nirvṛtī virāgo samanugato mithya niyataiva
Sanskrit only: no published translation is held for this verse.
तस्मात्क्षणं लभित्वा मित्रं प्रतिरूप देशवासं च । श्रेष्ठं च धर्मश्रवणं शमेथ रागादिकान् क्लेशान्
tasmātkṣaṇaṃ labhitvā mitraṃ pratirūpa deśavāsaṃ ca / śreṣṭhaṃ ca dharmaśravaṇaṃ śametha rāgādikān kleśān
Sanskrit only: no published translation is held for this verse.
मानमददर्पविगताः सदार्जवामन्दवाश्च अशठाश्च । निर्वाणगतिपरायण युज्यत मार्गाभिसमयाय
mānamadadarpavigatāḥ sadārjavāmandavāśca aśaṭhāśca / nirvāṇagatiparāyaṇa yujyata mārgābhisamayāya
Sanskrit only: no published translation is held for this verse.
मोहकलुषान्धकारं प्रज्ञाप्रदीपेन विधमथा सर्वम् । सानुशयदोषजालं विदारयत ज्ञानवज्रेण
mohakaluṣāndhakāraṃ prajñāpradīpena vidhamathā sarvam / sānuśayadoṣajālaṃ vidārayata jñānavajreṇa
Sanskrit only: no published translation is held for this verse.
किमपि सुबहु वदेयं धर्मं युष्माकमर्थसंयुक्तम् । न च तत्रवतिष्ठेथा न तत्र धर्मस्य अपराधः
kimapi subahu vadeyaṃ dharmaṃ yuṣmākamarthasaṃyuktam / na ca tatravatiṣṭhethā na tatra dharmasya aparādhaḥ
Sanskrit only: no published translation is held for this verse.
बोधिर्यथा मि प्राप्ता (स्याद्) धर्मं च प्रवर्षयेदमृतगामिम् । पुनरपि विशुद्धचित्ता उपेथ वरधर्मश्रवणाय
bodhiryathā mi prāptā (syād) dharmaṃ ca pravarṣayedamṛtagāmim / punarapi viśuddhacittā upetha varadharmaśravaṇāya
Sanskrit only: no published translation is held for this verse.