Library·Liṅga Purāṇa·1·1.100
ऋषय ऊचुः विजित्य विष्णुना सार्धं भगवान्परमेश्वरः । सर्वान्दधीचवचनात् कथं भेजे महेश्वरः
ṛṣaya ūcuḥ vijitya viṣṇunā sārdhaṃ bhagavānparameśvaraḥ / sarvāndadhīcavacanāt kathaṃ bheje maheśvaraḥ
Sanskrit only: no published translation is held for this verse.
सूत उवाच दक्षयज्ञे सुविपुले देवान् विष्णुपुरोगमान् । ददाह भगवान् रुद्रः सर्वान् मुनिगणान् अपि
sūta uvāca dakṣayajñe suvipule devān viṣṇupurogamān / dadāha bhagavān rudraḥ sarvān munigaṇān api
Sanskrit only: no published translation is held for this verse.
भद्रो नाम गणस्तेन प्रेषितः परमेष्ठिना । विप्रयोगेन देव्या वै दुःसहेनैव सुव्रताः
bhadro nāma gaṇastena preṣitaḥ parameṣṭhinā / viprayogena devyā vai duḥsahenaiva suvratāḥ
Sanskrit only: no published translation is held for this verse.
सो ऽसृजद् वीरभद्रश् च गणेशान्रोमजाञ्छुभान् । गणेश्वरैः समारुह्य रथं भद्रः प्रतापवान्
so 'sṛjad vīrabhadraś ca gaṇeśānromajāñchubhān / gaṇeśvaraiḥ samāruhya rathaṃ bhadraḥ pratāpavān
Sanskrit only: no published translation is held for this verse.
गन्तुं चक्रे मतिं यस्य सारथिर्भगवानजः । गणेश्वराश् च ते सर्वे विविधायुधपाणयः
gantuṃ cakre matiṃ yasya sārathirbhagavānajaḥ / gaṇeśvarāś ca te sarve vividhāyudhapāṇayaḥ
Sanskrit only: no published translation is held for this verse.
विमानैर्विश्वतो भद्रैस् तमन्वयुरथो सुराः । हिमवच्छिखरे रम्ये हेमशृङ्गे सुशोभने
vimānairviśvato bhadrais tamanvayuratho surāḥ / himavacchikhare ramye hemaśṛṅge suśobhane
Sanskrit only: no published translation is held for this verse.
यज्ञवाटस् तथा तस्य गङ्गाद्वारसमीपतः । तद्देशे चैव विख्यातं शुभं कनखलं द्विजाः
yajñavāṭas tathā tasya gaṅgādvārasamīpataḥ / taddeśe caiva vikhyātaṃ śubhaṃ kanakhalaṃ dvijāḥ
Sanskrit only: no published translation is held for this verse.
दग्धुं वै प्रेषितश्चासौ भगवान् परमेष्ठिना । तदोत्पातो बभूवाथ लोकानां भयशंसनः
dagdhuṃ vai preṣitaścāsau bhagavān parameṣṭhinā / tadotpāto babhūvātha lokānāṃ bhayaśaṃsanaḥ
Sanskrit only: no published translation is held for this verse.
पर्वताश् च व्यशीर्यन्त प्रचकम्पे वसुंधरा । मरुतश् चाप्य् अघूर्णन्त चुक्षुभे मकरालयः
parvatāś ca vyaśīryanta pracakampe vasuṃdharā / marutaś cāpy aghūrṇanta cukṣubhe makarālayaḥ
Sanskrit only: no published translation is held for this verse.
अग्नयो नैव दीप्यन्ति न च दीप्यति भास्करः । ग्रहाश् च न प्रकाश्यन्ते न देवा न च दानवाः
agnayo naiva dīpyanti na ca dīpyati bhāskaraḥ / grahāś ca na prakāśyante na devā na ca dānavāḥ
Sanskrit only: no published translation is held for this verse.
ततः क्षणात् प्रविश्यैव यज्ञवाटं महात्मनः । रोमजैः सहितो भद्रः कालाग्निरिवचापरः
tataḥ kṣaṇāt praviśyaiva yajñavāṭaṃ mahātmanaḥ / romajaiḥ sahito bhadraḥ kālāgnirivacāparaḥ
Sanskrit only: no published translation is held for this verse.
उवाच भद्रो भगवान् दक्षं चामिततेजसम् । संपर्कादेव दक्षाद्य मुनीन्देवान् पिनाकिना
uvāca bhadro bhagavān dakṣaṃ cāmitatejasam / saṃparkādeva dakṣādya munīndevān pinākinā
Sanskrit only: no published translation is held for this verse.
दग्धुं संप्रेषितश् चाहं भवन्तं समुनीश्वरैः । इत्युक्त्वा यज्ञशालां तां ददाह गणपुङ्गवः
dagdhuṃ saṃpreṣitaś cāhaṃ bhavantaṃ samunīśvaraiḥ / ityuktvā yajñaśālāṃ tāṃ dadāha gaṇapuṅgavaḥ
Sanskrit only: no published translation is held for this verse.
गणेश्वराश् च संक्रुद्धा यूपानुत्पाट्य चिक्षिपुः । प्रस्तोत्रा सह होत्रा च दग्धं चैव गणेश्वरैः
gaṇeśvarāś ca saṃkruddhā yūpānutpāṭya cikṣipuḥ / prastotrā saha hotrā ca dagdhaṃ caiva gaṇeśvaraiḥ
Sanskrit only: no published translation is held for this verse.
गृहीत्वा गणपाः सर्वान् गङ्गास्रोतसि चिक्षिपुः । वीरभद्रो महातेजाः शक्रस्योद्यच्छतः करम्
gṛhītvā gaṇapāḥ sarvān gaṅgāsrotasi cikṣipuḥ / vīrabhadro mahātejāḥ śakrasyodyacchataḥ karam
Sanskrit only: no published translation is held for this verse.
व्यष्टम्भयद् अदीनात्मा तथान्येषां दिवौकसाम् । भगस्य नेत्रे चोत्पाट्य करजाग्रेण लीलया
vyaṣṭambhayad adīnātmā tathānyeṣāṃ divaukasām / bhagasya netre cotpāṭya karajāgreṇa līlayā
Sanskrit only: no published translation is held for this verse.
निहत्य मुष्टिना दन्तान् पूष्णश्चैवं न्यपातयत् । तथा चन्द्रमसं देवं पादाङ्गुष्ठेन लीलया
nihatya muṣṭinā dantān pūṣṇaścaivaṃ nyapātayat / tathā candramasaṃ devaṃ pādāṅguṣṭhena līlayā
Sanskrit only: no published translation is held for this verse.
घर्षयामास भगवान् वीरभद्रः प्रतापवान् । चिछेद च शिरस्तस्य शक्रस्य भगवान्प्रभोः
gharṣayāmāsa bhagavān vīrabhadraḥ pratāpavān / cicheda ca śirastasya śakrasya bhagavānprabhoḥ
Sanskrit only: no published translation is held for this verse.
वह्नेर्हस्तद्वयं छित्त्वा जिह्वामुत्पाट्य लीलया । जघान मूर्ध्नि पादेन वीरभद्रो महाबलः
vahnerhastadvayaṃ chittvā jihvāmutpāṭya līlayā / jaghāna mūrdhni pādena vīrabhadro mahābalaḥ
Sanskrit only: no published translation is held for this verse.
यमस्य दण्डं भगवान् प्रचिछेद स्वयं प्रभुः । जघान देवमीशानं त्रिशूलेन महाबलम्
yamasya daṇḍaṃ bhagavān pracicheda svayaṃ prabhuḥ / jaghāna devamīśānaṃ triśūlena mahābalam
Sanskrit only: no published translation is held for this verse.
त्रयस्त्रिंशत्सुरानेवं विनिहत्याप्रयत्नतः । त्रयश् च त्रिशतं तेषां त्रिसाहस्रं च लीलया
trayastriṃśatsurānevaṃ vinihatyāprayatnataḥ / trayaś ca triśataṃ teṣāṃ trisāhasraṃ ca līlayā
Sanskrit only: no published translation is held for this verse.
त्रयं चैव सुरेन्द्राणां जघान च मुनीश्वरान् । अन्यांश् च देवान् देवो ऽसौ सर्वान्युद्धाय संस्थितान्
trayaṃ caiva surendrāṇāṃ jaghāna ca munīśvarān / anyāṃś ca devān devo 'sau sarvānyuddhāya saṃsthitān
Sanskrit only: no published translation is held for this verse.
जघान भगवान् रुद्रः खड्गमुष्ट्यादिसायकैः । अथ विष्णुर्महातेजाश् चक्रम् उद्यम्य मूर्छितः
jaghāna bhagavān rudraḥ khaḍgamuṣṭyādisāyakaiḥ / atha viṣṇurmahātejāś cakram udyamya mūrchitaḥ
Sanskrit only: no published translation is held for this verse.
युयोध भगवांस्तेन रुद्रेण सह माधवः । तयोः समभवद्युद्धं सुघोरं रोमहर्षणम्
yuyodha bhagavāṃstena rudreṇa saha mādhavaḥ / tayoḥ samabhavadyuddhaṃ sughoraṃ romaharṣaṇam
Sanskrit only: no published translation is held for this verse.
विष्णोर्योगबलात्तस्य दिव्यदेहाः सुदारुणाः
viṣṇoryogabalāttasya divyadehāḥ sudāruṇāḥ
Sanskrit only: no published translation is held for this verse.
शङ्खचक्रगदाहस्ता असंख्याताश् च जज्ञिरे । तान्सर्वानपि देवो ऽसौ नारायणसमप्रभान्
śaṅkhacakragadāhastā asaṃkhyātāś ca jajñire / tānsarvānapi devo 'sau nārāyaṇasamaprabhān
Sanskrit only: no published translation is held for this verse.
निहत्य गदया विष्णुं ताडयामास मूर्धनि । ततश्चोरसि तं देवं लीलयैव रणाजिरे
nihatya gadayā viṣṇuṃ tāḍayāmāsa mūrdhani / tataścorasi taṃ devaṃ līlayaiva raṇājire
Sanskrit only: no published translation is held for this verse.
पपात च तदा भूमौ विसंज्ञः पुरुषोत्तमः । पुनरुत्थाय तं हन्तुं चक्रमुद्यम्य स प्रभुः
papāta ca tadā bhūmau visaṃjñaḥ puruṣottamaḥ / punarutthāya taṃ hantuṃ cakramudyamya sa prabhuḥ
Sanskrit only: no published translation is held for this verse.
क्रोधरक्तेक्षणः श्रीमान् अतिष्ठत् पुरुषर्षभः । तस्य चक्रं च यद्रौद्रं कालादित्यसमप्रभम्
krodharaktekṣaṇaḥ śrīmān atiṣṭhat puruṣarṣabhaḥ / tasya cakraṃ ca yadraudraṃ kālādityasamaprabham
Sanskrit only: no published translation is held for this verse.
व्यष्टम्भयद् अदीनात्मा करस्थं न चचाल सः । अतिष्ठत् स्तम्भितस्तेन शृङ्गवानिव निश्चलः
vyaṣṭambhayad adīnātmā karasthaṃ na cacāla saḥ / atiṣṭhat stambhitastena śṛṅgavāniva niścalaḥ
Sanskrit only: no published translation is held for this verse.
त्रिभिश् च धर्षितं शार्ङ्गं त्रिधाभूतं प्रभोस्तदा । शार्ङ्गकोटिप्रसङ्गाद् वै चिछेद च शिरः प्रभोः
tribhiś ca dharṣitaṃ śārṅgaṃ tridhābhūtaṃ prabhostadā / śārṅgakoṭiprasaṅgād vai cicheda ca śiraḥ prabhoḥ
Sanskrit only: no published translation is held for this verse.
छिन्नं च निपपातासु शिरस्तस्य रसातले । वायुना प्रेरितं चैव प्राणजेन पिनाकिना
chinnaṃ ca nipapātāsu śirastasya rasātale / vāyunā preritaṃ caiva prāṇajena pinākinā
Sanskrit only: no published translation is held for this verse.
प्रविवेश तदा चैव तदीयाहवनीयकम् । तत् प्रतिध्वस्तकलशं भग्नयूपं सतोरणम्
praviveśa tadā caiva tadīyāhavanīyakam / tat pratidhvastakalaśaṃ bhagnayūpaṃ satoraṇam
Sanskrit only: no published translation is held for this verse.
प्रदीपितमहाशालं दृष्ट्वा यज्ञो ऽपि दुद्रुवे । तं तदा मृगरूपेण धावन्तं गगनं प्रति
pradīpitamahāśālaṃ dṛṣṭvā yajño 'pi dudruve / taṃ tadā mṛgarūpeṇa dhāvantaṃ gaganaṃ prati
Sanskrit only: no published translation is held for this verse.
वीरभद्रः समाधाय विशिरस्कमथाकरोत् । ततः प्रजापतिं धर्मं कश्यपं च जगद्गुरुम्
vīrabhadraḥ samādhāya viśiraskamathākarot / tataḥ prajāpatiṃ dharmaṃ kaśyapaṃ ca jagadgurum
Sanskrit only: no published translation is held for this verse.
अरिष्टनेमिनं वीरो बहुपुत्रं मुनीश्वरम् । मुनिम् अङ्गिरसं चैव कृष्णाश्वं च महाबलः
ariṣṭaneminaṃ vīro bahuputraṃ munīśvaram / munim aṅgirasaṃ caiva kṛṣṇāśvaṃ ca mahābalaḥ
Sanskrit only: no published translation is held for this verse.
जघान मूर्ध्नि पादेन दक्षं चैव यशस्विनम् । चिछेद च शिरस्तस्य ददाहाग्नौ द्विजोत्तमाः
jaghāna mūrdhni pādena dakṣaṃ caiva yaśasvinam / cicheda ca śirastasya dadāhāgnau dvijottamāḥ
Sanskrit only: no published translation is held for this verse.
सरस्वत्याश् च नासाग्रं देवमातुस्तथैव च । निकृत्य करजाग्रेण वीरभद्रः प्रतापवान्
sarasvatyāś ca nāsāgraṃ devamātustathaiva ca / nikṛtya karajāgreṇa vīrabhadraḥ pratāpavān
Sanskrit only: no published translation is held for this verse.
तस्थौ श्रिया वृतो मध्ये प्रेतस्थाने यथा भवः । एतस्मिन्नेव काले तु भगवान्पद्मसंभवः
tasthau śriyā vṛto madhye pretasthāne yathā bhavaḥ / etasminneva kāle tu bhagavānpadmasaṃbhavaḥ
Sanskrit only: no published translation is held for this verse.
भद्रमाह महातेजाः प्रार्थयन्प्रणतः प्रभुः । अलं क्रोधेन वै भद्र नष्टाश्चैव दिवौकसः
bhadramāha mahātejāḥ prārthayanpraṇataḥ prabhuḥ / alaṃ krodhena vai bhadra naṣṭāścaiva divaukasaḥ
Sanskrit only: no published translation is held for this verse.
प्रसीद क्षम्यतां सर्वं रोमजैः सह सुव्रत । सो ऽपि भद्रः प्रभावेण ब्रह्मणः परमेष्ठिनः
prasīda kṣamyatāṃ sarvaṃ romajaiḥ saha suvrata / so 'pi bhadraḥ prabhāveṇa brahmaṇaḥ parameṣṭhinaḥ
Sanskrit only: no published translation is held for this verse.
शमं जगाम शनकैः शान्तस्तस्थौ तदाज्ञया । देवो ऽपि तत्र भगवान् अन्तरिक्षे वृषध्वजः
śamaṃ jagāma śanakaiḥ śāntastasthau tadājñayā / devo 'pi tatra bhagavān antarikṣe vṛṣadhvajaḥ
Sanskrit only: no published translation is held for this verse.
सगणः सर्वदः शर्वः सर्वलोकमहेश्वरः । प्रार्थितश्चैव देवेन ब्रह्मणा भगवान् भवः
sagaṇaḥ sarvadaḥ śarvaḥ sarvalokamaheśvaraḥ / prārthitaścaiva devena brahmaṇā bhagavān bhavaḥ
Sanskrit only: no published translation is held for this verse.
हतानां च तदा तेषां प्रददौ पूर्ववत्तनुम् । इन्द्रस्य च शिरस्तस्य विष्णोश्चैव महात्मनः
hatānāṃ ca tadā teṣāṃ pradadau pūrvavattanum / indrasya ca śirastasya viṣṇoścaiva mahātmanaḥ
Sanskrit only: no published translation is held for this verse.
दक्षस्य च मुनीन्द्रस्य तथान्येषां महेश्वरः । वागीश्याश्चैव नासाग्रं देवमातुस्तथैव च
dakṣasya ca munīndrasya tathānyeṣāṃ maheśvaraḥ / vāgīśyāścaiva nāsāgraṃ devamātustathaiva ca
Sanskrit only: no published translation is held for this verse.
नष्टानां जीवितं चैव वराणि विविधानि च । दक्षस्य ध्वस्तवक्त्रस्य शिरसा भगवान्प्रभुः
naṣṭānāṃ jīvitaṃ caiva varāṇi vividhāni ca / dakṣasya dhvastavaktrasya śirasā bhagavānprabhuḥ
Sanskrit only: no published translation is held for this verse.
कल्पयामास वै वक्त्रं लीलया च महान् भवः । दक्षो ऽपि लब्धसंज्ञश् च समुत्थाय कृताञ्जलिः
kalpayāmāsa vai vaktraṃ līlayā ca mahān bhavaḥ / dakṣo 'pi labdhasaṃjñaś ca samutthāya kṛtāñjaliḥ
Sanskrit only: no published translation is held for this verse.
तुष्टाव देवदेवेशं शङ्करं वृषभध्वजम् । स्तुतस्तेन महातेजाः प्रदाय विविधान्वरान्
tuṣṭāva devadeveśaṃ śaṅkaraṃ vṛṣabhadhvajam / stutastena mahātejāḥ pradāya vividhānvarān
Sanskrit only: no published translation is held for this verse.
गाणपत्यं ददौ तस्मै दक्षायाक्लिष्टकर्मणे । देवाश् च सर्वे देवेशं तुष्टुवुः परमेश्वरम्
gāṇapatyaṃ dadau tasmai dakṣāyākliṣṭakarmaṇe / devāś ca sarve deveśaṃ tuṣṭuvuḥ parameśvaram
Sanskrit only: no published translation is held for this verse.
नारायणश् च भगवान् तुष्टाव च कृताञ्जलिः । ब्रह्मा च मुनयः सर्वे पृथक्पृथगजोद्भवम्
nārāyaṇaś ca bhagavān tuṣṭāva ca kṛtāñjaliḥ / brahmā ca munayaḥ sarve pṛthakpṛthagajodbhavam
Sanskrit only: no published translation is held for this verse.
तुष्टुवुर् देवदेवेशं नीलकण्ठं वृषध्वजम् । तान् देवान् अनुगृह्यैव भवो ऽप्यन्तरधीयत
tuṣṭuvur devadeveśaṃ nīlakaṇṭhaṃ vṛṣadhvajam / tān devān anugṛhyaiva bhavo 'pyantaradhīyata
Sanskrit only: no published translation is held for this verse.