Liṅga Purāṇa 1.101

ऋषय ऊचुः कथं हिमवतः पुत्री बभूवांबा सती शुभा । कथं वा देवदेवेशम् अवाप पतिमीश्वरम्

ṛṣaya ūcuḥ kathaṃ himavataḥ putrī babhūvāṃbā satī śubhā / kathaṃ vā devadeveśam avāpa patimīśvaram

Sanskrit only: no published translation is held for this verse.

सूत उवाच सा मेनातनुम् आश्रित्य स्वेच्छयैव वराङ्गना । तदा हैमवती जज्ञे तपसा च द्विजोत्तमाः

sūta uvāca sā menātanum āśritya svecchayaiva varāṅganā / tadā haimavatī jajñe tapasā ca dvijottamāḥ

Sanskrit only: no published translation is held for this verse.

जातकर्मादिकाः सर्वाश् चकार च गिरीश्वरः । द्वादशे च तदा वर्षे पूर्णे हैमवती शुभा

jātakarmādikāḥ sarvāś cakāra ca girīśvaraḥ / dvādaśe ca tadā varṣe pūrṇe haimavatī śubhā

Sanskrit only: no published translation is held for this verse.

तपस्तेपे तया सार्धम् अनुजा च शुभानना । अन्या च देवी ह्यनुजा सर्वलोके नमस्कृता

tapastepe tayā sārdham anujā ca śubhānanā / anyā ca devī hyanujā sarvaloke namaskṛtā

Sanskrit only: no published translation is held for this verse.

ऋषयश् च तदा सर्वे सर्वलोकमहेश्वरीम् । तुष्टुवुस् तपसा देवीं समावृत्य समन्ततः

ṛṣayaś ca tadā sarve sarvalokamaheśvarīm / tuṣṭuvus tapasā devīṃ samāvṛtya samantataḥ

Sanskrit only: no published translation is held for this verse.

ज्येष्ठा ह्यपर्णा ह्यनुजा चैकपर्णा शुभानना । तृतीया च वरारोहा तथा चैवैकपाटला

jyeṣṭhā hyaparṇā hyanujā caikaparṇā śubhānanā / tṛtīyā ca varārohā tathā caivaikapāṭalā

Sanskrit only: no published translation is held for this verse.

तपसा च महादेव्याः पार्वत्याः परमेश्वरः । वशीकृतो महादेवः सर्वभूतपतिर्भवः

tapasā ca mahādevyāḥ pārvatyāḥ parameśvaraḥ / vaśīkṛto mahādevaḥ sarvabhūtapatirbhavaḥ

Sanskrit only: no published translation is held for this verse.

एतस्मिन्नेव काले तु तारको नाम दानवः । तारात्मजो महातेजा बभूव दितिनन्दनः

etasminneva kāle tu tārako nāma dānavaḥ / tārātmajo mahātejā babhūva ditinandanaḥ

Sanskrit only: no published translation is held for this verse.

तस्य पुत्रास्त्रयश्चापि तारकाक्षो महासुरः । विद्युन्माली च भगवान् कमलाक्षश् च वीर्यवान्

tasya putrāstrayaścāpi tārakākṣo mahāsuraḥ / vidyunmālī ca bhagavān kamalākṣaś ca vīryavān

Sanskrit only: no published translation is held for this verse.

पितामहस् तथा चैषां तारो नाम महाबलः । तपसा लब्धवीर्यश् च प्रसादाद्ब्रह्मणः प्रभोः

pitāmahas tathā caiṣāṃ tāro nāma mahābalaḥ / tapasā labdhavīryaś ca prasādādbrahmaṇaḥ prabhoḥ

Sanskrit only: no published translation is held for this verse.

सो ऽपि तारो महातेजास् त्रैलोक्यं सचराचरम् । विजित्य समरे पूर्वं विष्णुं च जितवान् असौ

so 'pi tāro mahātejās trailokyaṃ sacarācaram / vijitya samare pūrvaṃ viṣṇuṃ ca jitavān asau

Sanskrit only: no published translation is held for this verse.

तयोः समभवद्युद्धं सुघोरं रोमहर्षणम् । दिव्यं वर्षसहस्रं तु दिवारात्रम् अविश्रमम्

tayoḥ samabhavadyuddhaṃ sughoraṃ romaharṣaṇam / divyaṃ varṣasahasraṃ tu divārātram aviśramam

Sanskrit only: no published translation is held for this verse.

सरथं विष्णुमादाय चिक्षेप शतयोजनम् । तारेण विजितः संख्ये दुद्राव गरुडध्वजः

sarathaṃ viṣṇumādāya cikṣepa śatayojanam / tāreṇa vijitaḥ saṃkhye dudrāva garuḍadhvajaḥ

Sanskrit only: no published translation is held for this verse.

तारो वराञ्छतगुणं लब्ध्वा शतगुणं बलम् । पितामहाज्जगत्सर्वम् अवाप दितिनन्दनः

tāro varāñchataguṇaṃ labdhvā śataguṇaṃ balam / pitāmahājjagatsarvam avāpa ditinandanaḥ

Sanskrit only: no published translation is held for this verse.

देवेन्द्रप्रमुखाञ्जित्वा देवान्देवेश्वरेश्वरः । वारयामास तैर् देवान् सर्वलोकेषु मायया

devendrapramukhāñjitvā devāndeveśvareśvaraḥ / vārayāmāsa tair devān sarvalokeṣu māyayā

Sanskrit only: no published translation is held for this verse.

देवताश् च सहेन्द्रेण तारकाद्भयपीडिताः । न शान्तिं लेभिरे शूराः शरणं वा भयार्दिताः

devatāś ca sahendreṇa tārakādbhayapīḍitāḥ / na śāntiṃ lebhire śūrāḥ śaraṇaṃ vā bhayārditāḥ

Sanskrit only: no published translation is held for this verse.

तदामरपतिः श्रीमान् संनिपत्यामरप्रभुः । उवाचाङ्गिरसं देवो देवानामपि संनिधौ

tadāmarapatiḥ śrīmān saṃnipatyāmaraprabhuḥ / uvācāṅgirasaṃ devo devānāmapi saṃnidhau

Sanskrit only: no published translation is held for this verse.

भगवंस्तारको नाम तारजो दानवोत्तमः । तेन संनिहता युद्धे वत्सा गोपतिना यथा

bhagavaṃstārako nāma tārajo dānavottamaḥ / tena saṃnihatā yuddhe vatsā gopatinā yathā

Sanskrit only: no published translation is held for this verse.

भयात्तस्मान्महाभाग बृहद्युद्धे बृहस्पते । अनिकेता भ्रमन्त्येते शकुन्ता इव पञ्जरे

bhayāttasmānmahābhāga bṛhadyuddhe bṛhaspate / aniketā bhramantyete śakuntā iva pañjare

Sanskrit only: no published translation is held for this verse.

अस्माकं यान्य् अमोघानि आयुधान्य् अङ्गिरो वर । तानि मोघानि जायन्ते प्रभावादमरद्विषः

asmākaṃ yāny amoghāni āyudhāny aṅgiro vara / tāni moghāni jāyante prabhāvādamaradviṣaḥ

Sanskrit only: no published translation is held for this verse.

दशवर्षसहस्राणि द्विगुणानि बृहस्पते । विष्णुना योधितो युद्धे तेनापि न च सूदितः

daśavarṣasahasrāṇi dviguṇāni bṛhaspate / viṣṇunā yodhito yuddhe tenāpi na ca sūditaḥ

Sanskrit only: no published translation is held for this verse.

यस्तेनानिर्जितो युद्धे विष्णुना प्रभविष्णुना । कथमस्मद्विधस्तस्य स्थास्यते समरे ऽग्रतः

yastenānirjito yuddhe viṣṇunā prabhaviṣṇunā / kathamasmadvidhastasya sthāsyate samare 'grataḥ

Sanskrit only: no published translation is held for this verse.

एवम् उक्तस् तु शक्रेण जीवः सार्धं सुराधिपैः । सहस्राक्षेण च विभुं सम्प्राप्याह कुशध्वजम्

evam uktas tu śakreṇa jīvaḥ sārdhaṃ surādhipaiḥ / sahasrākṣeṇa ca vibhuṃ samprāpyāha kuśadhvajam

Sanskrit only: no published translation is held for this verse.

सो ऽपि तस्य मुखाच्छ्रुत्वा प्रणयात्प्रणतार्तिहा । देवैरशेषैः सेन्द्रैस्तु जीवमाह पितामहः

so 'pi tasya mukhācchrutvā praṇayātpraṇatārtihā / devairaśeṣaiḥ sendraistu jīvamāha pitāmahaḥ

Sanskrit only: no published translation is held for this verse.

जाने वो ऽर्तिं सुरेन्द्राणां तथापि शृणु सांप्रतम् । विनिन्द्य दक्षं या देवी सती रुद्राङ्गसंभवा

jāne vo 'rtiṃ surendrāṇāṃ tathāpi śṛṇu sāṃpratam / vinindya dakṣaṃ yā devī satī rudrāṅgasaṃbhavā

Sanskrit only: no published translation is held for this verse.

उमा हैमवती जज्ञे सर्वलोकनमस्कृता । तस्याश्चैवेह रूपेण यूयं देवाः सुरोत्तमाः

umā haimavatī jajñe sarvalokanamaskṛtā / tasyāścaiveha rūpeṇa yūyaṃ devāḥ surottamāḥ

Sanskrit only: no published translation is held for this verse.

विभोर्यतध्वमाक्रष्टुं रुद्रस्यास्य मनो महत् । तयोर्योगेन सम्भूतः स्कन्दः शक्तिधरः प्रभुः

vibhoryatadhvamākraṣṭuṃ rudrasyāsya mano mahat / tayoryogena sambhūtaḥ skandaḥ śaktidharaḥ prabhuḥ

Sanskrit only: no published translation is held for this verse.

षडास्यो द्वादशभुजः सेनानीः पावकिः प्रभुः । स्वाहेयः कार्तिकेयश् च गाङ्गेयः शरधामजः

ṣaḍāsyo dvādaśabhujaḥ senānīḥ pāvakiḥ prabhuḥ / svāheyaḥ kārtikeyaś ca gāṅgeyaḥ śaradhāmajaḥ

Sanskrit only: no published translation is held for this verse.

देवः शाखो विशाखश् च नैगमेशश् च वीर्यवान् । सेनापतिः कुमाराख्यः सर्वलोकनमस्कृतः

devaḥ śākho viśākhaś ca naigameśaś ca vīryavān / senāpatiḥ kumārākhyaḥ sarvalokanamaskṛtaḥ

Sanskrit only: no published translation is held for this verse.

लीलयैव महासेनः प्रबलं तारकासुरम् । बालो ऽपि विनिहत्यैको देवान् संतारयिष्यति

līlayaiva mahāsenaḥ prabalaṃ tārakāsuram / bālo 'pi vinihatyaiko devān saṃtārayiṣyati

Sanskrit only: no published translation is held for this verse.

एवम् उक्तस् तदा तेन ब्रह्मणा परमेष्ठिना । बृहस्पतिस् तथा सेन्द्रैर् देवैर् देवं प्रणम्य तम्

evam uktas tadā tena brahmaṇā parameṣṭhinā / bṛhaspatis tathā sendrair devair devaṃ praṇamya tam

Sanskrit only: no published translation is held for this verse.

<शिव बुर्न्स् काम> मेरोः शिखरमासाद्य स्मरं सस्मार सुव्रतः । स्मरणाद्देवदेवस्य स्मरो ऽपि सह भार्यया

<Śiva burns Kāma> meroḥ śikharamāsādya smaraṃ sasmāra suvrataḥ / smaraṇāddevadevasya smaro 'pi saha bhāryayā

Sanskrit only: no published translation is held for this verse.

रत्या समं समागम्य नमस्कृत्य कृताञ्जलिः । सशक्रमाह तं जीवं जगज्जीवो द्विजोत्तमाः

ratyā samaṃ samāgamya namaskṛtya kṛtāñjaliḥ / saśakramāha taṃ jīvaṃ jagajjīvo dvijottamāḥ

Sanskrit only: no published translation is held for this verse.

स्मृतो यद्भवता जीव सम्प्राप्तो ऽहं तवान्तिकम् । ब्रूहि यन्मे विधातव्यं तमाह सुरपूजितः

smṛto yadbhavatā jīva samprāpto 'haṃ tavāntikam / brūhi yanme vidhātavyaṃ tamāha surapūjitaḥ

Sanskrit only: no published translation is held for this verse.

तम् आह भगवाञ्छक्रः संभाव्य मकरध्वजम् । शङ्करेणांबिकामद्य संयोजय यथासुखम्

tam āha bhagavāñchakraḥ saṃbhāvya makaradhvajam / śaṅkareṇāṃbikāmadya saṃyojaya yathāsukham

Sanskrit only: no published translation is held for this verse.

तया स रमते येन भगवान् वृषभध्वजः । तेन मार्गेण मार्गस्व पत्न्या रत्यानया सह

tayā sa ramate yena bhagavān vṛṣabhadhvajaḥ / tena mārgeṇa mārgasva patnyā ratyānayā saha

Sanskrit only: no published translation is held for this verse.

सो ऽपि तुष्टो महादेवः प्रदास्यति शुभां गतिम् । विप्रयुक्तस्तया पूर्वं लब्ध्वा तां गिरिजामुमाम्

so 'pi tuṣṭo mahādevaḥ pradāsyati śubhāṃ gatim / viprayuktastayā pūrvaṃ labdhvā tāṃ girijāmumām

Sanskrit only: no published translation is held for this verse.

एवमुक्तो नमस्कृत्य देवदेवं शचीपतिम् । देवदेवाश्रमं गन्तुं मतिं चक्रे तया सह

evamukto namaskṛtya devadevaṃ śacīpatim / devadevāśramaṃ gantuṃ matiṃ cakre tayā saha

Sanskrit only: no published translation is held for this verse.

गत्वा तदाश्रये शंभोः सह रत्या महाबलः । वसंतेन सहायेन देवं योक्तुमना भवत्

gatvā tadāśraye śaṃbhoḥ saha ratyā mahābalaḥ / vasaṃtena sahāyena devaṃ yoktumanā bhavat

Sanskrit only: no published translation is held for this verse.

ततः सम्प्रेक्ष्य मदनं हसन् देवस् त्रियंबकः । नयनेन तृतीयेन सावज्ञं तम् अवैक्षत

tataḥ samprekṣya madanaṃ hasan devas triyaṃbakaḥ / nayanena tṛtīyena sāvajñaṃ tam avaikṣata

Sanskrit only: no published translation is held for this verse.

ततो ऽस्य नेत्रजो वह्निर् मदनं पार्श्वतः स्थितम् । अदहत्तत्क्षणादेव ललाप करुणं रतिः

tato 'sya netrajo vahnir madanaṃ pārśvataḥ sthitam / adahattatkṣaṇādeva lalāpa karuṇaṃ ratiḥ

Sanskrit only: no published translation is held for this verse.

रत्याः प्रलापमाकर्ण्य देवदेवो वृषध्वजः । कृपया परया प्राह कामपत्नीं निरीक्ष्य च

ratyāḥ pralāpamākarṇya devadevo vṛṣadhvajaḥ / kṛpayā parayā prāha kāmapatnīṃ nirīkṣya ca

Sanskrit only: no published translation is held for this verse.

अमूर्तो ऽपि ध्रुवं भद्रे कार्यं सर्वं पतिस्तव । रतिकाले ध्रुवे भद्रे करिष्यति न संशयः

amūrto 'pi dhruvaṃ bhadre kāryaṃ sarvaṃ patistava / ratikāle dhruve bhadre kariṣyati na saṃśayaḥ

Sanskrit only: no published translation is held for this verse.

यदा विष्णुश् च भविता वासुदेवो महायशाः । शापाद्भृगोर्महातेजाः सर्वलोकहिताय वै

yadā viṣṇuś ca bhavitā vāsudevo mahāyaśāḥ / śāpādbhṛgormahātejāḥ sarvalokahitāya vai

Sanskrit only: no published translation is held for this verse.

तदा तस्य सुतो यश् च स पतिस्ते भविष्यति । सा प्रणम्य तदा रुद्रं कामपत्नी शुचिस्मिता

tadā tasya suto yaś ca sa patiste bhaviṣyati / sā praṇamya tadā rudraṃ kāmapatnī śucismitā

Sanskrit only: no published translation is held for this verse.

जगाम मदनं लब्ध्वा वसंतेन समन्विता

jagāma madanaṃ labdhvā vasaṃtena samanvitā

Sanskrit only: no published translation is held for this verse.