Library·Liṅga Purāṇa·1·1.102
सूत उवाच तपसा च महादेव्याः पार्वत्या वृषभध्वज । प्रीतिश् च भगवाञ्छर्वो वचनाद्ब्रह्मणस्तदा
sūta uvāca tapasā ca mahādevyāḥ pārvatyā vṛṣabhadhvaja / prītiś ca bhagavāñcharvo vacanādbrahmaṇastadā
Sanskrit only: no published translation is held for this verse.
हिताय चाश्रमाणां च क्रीडार्थं भगवान्भवः । तदा हैमवतीं देवीम् उपयेमे यथाविधि
hitāya cāśramāṇāṃ ca krīḍārthaṃ bhagavānbhavaḥ / tadā haimavatīṃ devīm upayeme yathāvidhi
Sanskrit only: no published translation is held for this verse.
जगाम स स्वयं ब्रह्मा मरीच्याद्यैर्महर्षिभिः । तपोवनं महादेव्याः पार्वत्याः पद्मसंभवः
jagāma sa svayaṃ brahmā marīcyādyairmaharṣibhiḥ / tapovanaṃ mahādevyāḥ pārvatyāḥ padmasaṃbhavaḥ
Sanskrit only: no published translation is held for this verse.
प्रदक्षिणीकृत्य च तां देवीं स जगतो ऽरणीम् । किम् अर्थं तपसा लोकान् संतापयसि शैलजे
pradakṣiṇīkṛtya ca tāṃ devīṃ sa jagato 'raṇīm / kim arthaṃ tapasā lokān saṃtāpayasi śailaje
Sanskrit only: no published translation is held for this verse.
त्वया सृष्टं जगत्सर्वं मातस्त्वं मा विनाशय । त्वं हि संधारयेल्लोकान् इमान् सर्वान् स्वतेजसा
tvayā sṛṣṭaṃ jagatsarvaṃ mātastvaṃ mā vināśaya / tvaṃ hi saṃdhārayellokān imān sarvān svatejasā
Sanskrit only: no published translation is held for this verse.
सर्वदेवेश्वरः श्रीमान् सर्वलोकपतिर्भवः । यस्य वै देवदेवस्य वयं किङ्करवादिनः
sarvadeveśvaraḥ śrīmān sarvalokapatirbhavaḥ / yasya vai devadevasya vayaṃ kiṅkaravādinaḥ
Sanskrit only: no published translation is held for this verse.
स एवं परमेशानः स्वयं च वरयिष्यति । वरदे येन सृष्टासि न विना यस्त्वयांबिके
sa evaṃ parameśānaḥ svayaṃ ca varayiṣyati / varade yena sṛṣṭāsi na vinā yastvayāṃbike
Sanskrit only: no published translation is held for this verse.
वर्तते नात्र संदेहस् तव भर्त्ता भविष्यति । इत्युक्त्वा तां नमस्कृत्य मुहुः सम्प्रेक्ष्य पार्वतीम्
vartate nātra saṃdehas tava bharttā bhaviṣyati / ityuktvā tāṃ namaskṛtya muhuḥ samprekṣya pārvatīm
Sanskrit only: no published translation is held for this verse.
गते पितामहे देवो भगवान् परमेश्वरः । जगामानुग्रहं कर्तुं द्विजरूपेण चाश्रमम्
gate pitāmahe devo bhagavān parameśvaraḥ / jagāmānugrahaṃ kartuṃ dvijarūpeṇa cāśramam
Sanskrit only: no published translation is held for this verse.
सा च दृष्ट्वा महादेवं द्विजरूपेण संस्थितम् । प्रतिभाद्यैः प्रभुं ज्ञात्वा ननाम वृषभध्वजम्
sā ca dṛṣṭvā mahādevaṃ dvijarūpeṇa saṃsthitam / pratibhādyaiḥ prabhuṃ jñātvā nanāma vṛṣabhadhvajam
Sanskrit only: no published translation is held for this verse.
सम्पूज्य वरदं देवं ब्राह्मणच्छद्मनागतम् । तुष्टाव परमेशानं पार्वती परमेश्वरम्
sampūjya varadaṃ devaṃ brāhmaṇacchadmanāgatam / tuṣṭāva parameśānaṃ pārvatī parameśvaram
Sanskrit only: no published translation is held for this verse.
अनुगृह्य तदा देवीम् उवाच प्रहसन्निव । कुलधर्माश्रयं रक्षन् भूधरस्य महात्मनः
anugṛhya tadā devīm uvāca prahasanniva / kuladharmāśrayaṃ rakṣan bhūdharasya mahātmanaḥ
Sanskrit only: no published translation is held for this verse.
क्रीडार्थं च सतां मध्ये सर्वदेवपतिर्भवः । स्वयंवरे महादेवी तव दिव्यसुशोभने
krīḍārthaṃ ca satāṃ madhye sarvadevapatirbhavaḥ / svayaṃvare mahādevī tava divyasuśobhane
Sanskrit only: no published translation is held for this verse.
आस्थाय रूपं यत्सौम्यं समेष्ये ऽहं सह त्वया । इत्युक्त्वा तां समालोक्य देवो दिव्येन चक्षुषा
āsthāya rūpaṃ yatsaumyaṃ sameṣye 'haṃ saha tvayā / ityuktvā tāṃ samālokya devo divyena cakṣuṣā
Sanskrit only: no published translation is held for this verse.
जगामेष्टं तदा दिव्यं स्वपुरं प्रययौ च सा । दृष्ट्वा हृष्टस्तदा देवीं मेनया तुहिनाचलः
jagāmeṣṭaṃ tadā divyaṃ svapuraṃ prayayau ca sā / dṛṣṭvā hṛṣṭastadā devīṃ menayā tuhinācalaḥ
Sanskrit only: no published translation is held for this verse.
आलिङ्ग्याघ्राय सम्पूज्य पुत्रीं साक्षात्तपस्विनीम् । दुहितुर्देवदेवेन न जानन्नभिमन्त्रितम्
āliṅgyāghrāya sampūjya putrīṃ sākṣāttapasvinīm / duhiturdevadevena na jānannabhimantritam
Sanskrit only: no published translation is held for this verse.
स्वयंवरं तदा देव्याः सर्वलोकेष्वघोषयत् । अथ ब्रह्मा च भगवान् विष्णुः साक्षाज्जनार्दनः
svayaṃvaraṃ tadā devyāḥ sarvalokeṣvaghoṣayat / atha brahmā ca bhagavān viṣṇuḥ sākṣājjanārdanaḥ
Sanskrit only: no published translation is held for this verse.
शक्रश् च भगवान् वह्निर् भास्करो भग एव च । त्वष्टार्यमा विवस्वांश् च यमो वरुण एव च
śakraś ca bhagavān vahnir bhāskaro bhaga eva ca / tvaṣṭāryamā vivasvāṃś ca yamo varuṇa eva ca
Sanskrit only: no published translation is held for this verse.
वायुः सोमस्तथेशानो रुद्राश् च मुनयस् तथा । अश्विनौ द्वादशादित्या गन्धर्वा गरुडस् तथा
vāyuḥ somastatheśāno rudrāś ca munayas tathā / aśvinau dvādaśādityā gandharvā garuḍas tathā
Sanskrit only: no published translation is held for this verse.
यक्षाः सिद्धास्तथा साध्या दैत्याः किंपुरुषोरगाः । समुद्राश् च नदा वेदा मन्त्राः स्तोत्रादयः क्षणाः
yakṣāḥ siddhāstathā sādhyā daityāḥ kiṃpuruṣoragāḥ / samudrāś ca nadā vedā mantrāḥ stotrādayaḥ kṣaṇāḥ
Sanskrit only: no published translation is held for this verse.
नागाश् च पर्वताः सर्वे यज्ञाः सूर्यादयो ग्रहाः । त्रयस्त्रिंशच्च देवानां त्रयश् च त्रिशतं तथा
nāgāś ca parvatāḥ sarve yajñāḥ sūryādayo grahāḥ / trayastriṃśacca devānāṃ trayaś ca triśataṃ tathā
Sanskrit only: no published translation is held for this verse.
त्रयश् च त्रिसहस्रं च तथान्ये बहवः सुरा । जग्मुर् गिरीन्द्रपुत्र्यास्तु स्वयंवरमनुत्तमम्
trayaś ca trisahasraṃ ca tathānye bahavaḥ surā / jagmur girīndraputryāstu svayaṃvaramanuttamam
Sanskrit only: no published translation is held for this verse.
अथ शैलसुता देवी हैममारुह्य शोभनम् । विमानं सर्वतोभद्रं सर्वरत्नैर् अलंकृतम्
atha śailasutā devī haimamāruhya śobhanam / vimānaṃ sarvatobhadraṃ sarvaratnair alaṃkṛtam
Sanskrit only: no published translation is held for this verse.
अप्सरोभिः प्रनृत्ताभिः सर्वाभरणभूषितैः । गन्धर्वसिद्धैर्विविधैः किन्नरैश् च सुशोभनैः
apsarobhiḥ pranṛttābhiḥ sarvābharaṇabhūṣitaiḥ / gandharvasiddhairvividhaiḥ kinnaraiś ca suśobhanaiḥ
Sanskrit only: no published translation is held for this verse.
बन्दिभिः स्तूयमाना च स्थिता शैलसुता तदा । सितातपत्रं रत्नांशु- मिश्रितं चावहत्तथा
bandibhiḥ stūyamānā ca sthitā śailasutā tadā / sitātapatraṃ ratnāṃśu- miśritaṃ cāvahattathā
Sanskrit only: no published translation is held for this verse.
मालिनी गिरिपुत्र्यास्तु संध्या पूर्णेन्दुमण्डलम् । चामरासक्तहस्ताभिर् दिव्यस्त्रीभिश् च संवृता
mālinī giriputryāstu saṃdhyā pūrṇendumaṇḍalam / cāmarāsaktahastābhir divyastrībhiś ca saṃvṛtā
Sanskrit only: no published translation is held for this verse.
मालां गृह्य जया तस्थौ सुरद्रुमसमुद्भवाम् । विजया व्यजनं गृह्य स्थिता देव्याः समीपगा
mālāṃ gṛhya jayā tasthau suradrumasamudbhavām / vijayā vyajanaṃ gṛhya sthitā devyāḥ samīpagā
Sanskrit only: no published translation is held for this verse.
मालां प्रगृह्य देव्यां तु स्थितायां देवसंसदि । शिशुर्भूत्वा महादेवः क्रीडार्थं वृषभध्वजः
mālāṃ pragṛhya devyāṃ tu sthitāyāṃ devasaṃsadi / śiśurbhūtvā mahādevaḥ krīḍārthaṃ vṛṣabhadhvajaḥ
Sanskrit only: no published translation is held for this verse.
उत्सङ्गतलसंसुप्तो बभूव भगवान्भवः । अथ दृष्ट्वा शिशुं देवास् तस्या उत्संगवर्त्तिनम्
utsaṅgatalasaṃsupto babhūva bhagavānbhavaḥ / atha dṛṣṭvā śiśuṃ devās tasyā utsaṃgavarttinam
Sanskrit only: no published translation is held for this verse.
को ऽयम् अत्रेति संमन्त्र्य चुक्षुभुश् च समागताः । वज्रमाहारयत्तस्य बाहुम् उद्यम्य वृत्रहा
ko 'yam atreti saṃmantrya cukṣubhuś ca samāgatāḥ / vajramāhārayattasya bāhum udyamya vṛtrahā
Sanskrit only: no published translation is held for this verse.
स बाहुरुद्यमस्तस्य तथैव समुपस्थितः । स्तम्भितः शिशुरूपेण देवदेवेन लीलया
sa bāhurudyamastasya tathaiva samupasthitaḥ / stambhitaḥ śiśurūpeṇa devadevena līlayā
Sanskrit only: no published translation is held for this verse.
वज्रं क्षेप्तुं न शशाक बाहुं चालयितुं तथा । वह्निः शक्तिं तथा क्षेप्तुं न शशाक तथा स्थितः
vajraṃ kṣeptuṃ na śaśāka bāhuṃ cālayituṃ tathā / vahniḥ śaktiṃ tathā kṣeptuṃ na śaśāka tathā sthitaḥ
Sanskrit only: no published translation is held for this verse.
यमो ऽपि दण्डं खड्गं च निरृतिर्मुनिपुङ्गवाः । वरुणो नागपाशं च ध्वजयष्टिं समीरणः
yamo 'pi daṇḍaṃ khaḍgaṃ ca nirṛtirmunipuṅgavāḥ / varuṇo nāgapāśaṃ ca dhvajayaṣṭiṃ samīraṇaḥ
Sanskrit only: no published translation is held for this verse.
सोमो गदां धनेशश् च दण्डं दण्डभृतां वरः । ईशानश् च तथा शूलं तीव्रमुद्यम्य संस्थितः
somo gadāṃ dhaneśaś ca daṇḍaṃ daṇḍabhṛtāṃ varaḥ / īśānaś ca tathā śūlaṃ tīvramudyamya saṃsthitaḥ
Sanskrit only: no published translation is held for this verse.
रुद्राश् च शूलमादित्या मुशलं वसवस् तथा । मुद्गरं स्तम्भिताः सर्वे देवेनाशु दिवौकसः
rudrāś ca śūlamādityā muśalaṃ vasavas tathā / mudgaraṃ stambhitāḥ sarve devenāśu divaukasaḥ
Sanskrit only: no published translation is held for this verse.
स्तम्भिता देवदेवेन तथान्ये च दिवौकसः । शिरः प्रकम्पयन् विष्णुश् चक्रम् उद्यम्य संस्थितः
stambhitā devadevena tathānye ca divaukasaḥ / śiraḥ prakampayan viṣṇuś cakram udyamya saṃsthitaḥ
Sanskrit only: no published translation is held for this verse.
तस्यापि शिरसो बालः स्थिरत्वं प्रचकार ह । चक्रं क्षेप्तुं न शशाक बाहूंश्चालयितुं न च
tasyāpi śiraso bālaḥ sthiratvaṃ pracakāra ha / cakraṃ kṣeptuṃ na śaśāka bāhūṃścālayituṃ na ca
Sanskrit only: no published translation is held for this verse.
पूषा दन्तान् दशन् दन्तैर् बालमैक्षत मोहितः । तस्यापि दशनाः पेतुर् दृष्टमात्रस्य शंभुना
pūṣā dantān daśan dantair bālamaikṣata mohitaḥ / tasyāpi daśanāḥ petur dṛṣṭamātrasya śaṃbhunā
Sanskrit only: no published translation is held for this verse.
बलं तेजश् च योगं च तथैवास्तम्भयद् विभुः । अथ तेषु स्थितेष्वेव मन्युमत्सु सुरेष्वपि
balaṃ tejaś ca yogaṃ ca tathaivāstambhayad vibhuḥ / atha teṣu sthiteṣveva manyumatsu sureṣvapi
Sanskrit only: no published translation is held for this verse.
ब्रह्मा परमसंविग्नो ध्यानमास्थाय शङ्करम् । बुबुधे देवमीशानम् उमोत्संगे तमास्थितम्
brahmā paramasaṃvigno dhyānamāsthāya śaṅkaram / bubudhe devamīśānam umotsaṃge tamāsthitam
Sanskrit only: no published translation is held for this verse.
स बुद्ध्वा देवमीशानं शीघ्रम् उत्थाय विस्मितः । ववन्दे चरणौ शंभोर् अस्तुवच्च पितामहः
sa buddhvā devamīśānaṃ śīghram utthāya vismitaḥ / vavande caraṇau śaṃbhor astuvacca pitāmahaḥ
Sanskrit only: no published translation is held for this verse.
बुद्धिस्त्वं सर्वलोकानाम् अहङ्कारस् त्वम् ईश्वरः । भूतानामिन्द्रियाणां च त्वमेवेश प्रवर्त्तकः
buddhistvaṃ sarvalokānām ahaṅkāras tvam īśvaraḥ / bhūtānāmindriyāṇāṃ ca tvameveśa pravarttakaḥ
Sanskrit only: no published translation is held for this verse.
तवाहं दक्षिणाद्धस्तात् सृष्टः पूर्वं पुरातनः । वामहस्तान् महाबाहो देवो नारायणः प्रभुः
tavāhaṃ dakṣiṇāddhastāt sṛṣṭaḥ pūrvaṃ purātanaḥ / vāmahastān mahābāho devo nārāyaṇaḥ prabhuḥ
Sanskrit only: no published translation is held for this verse.
इयं च प्रकृतिर्देवी सदा ते सृष्टिकारण । पत्नीरूपं समास्थाय जगत्कारणमागता
iyaṃ ca prakṛtirdevī sadā te sṛṣṭikāraṇa / patnīrūpaṃ samāsthāya jagatkāraṇamāgatā
Sanskrit only: no published translation is held for this verse.
नमस्तुभ्यं महादेव महादेव्यै नमोनमः । प्रसादात्तव देवेश नियोगाच्च मया प्रजाः
namastubhyaṃ mahādeva mahādevyai namonamaḥ / prasādāttava deveśa niyogācca mayā prajāḥ
Sanskrit only: no published translation is held for this verse.
देवाद्यास्तु इमाः सृष्टा मूढास्त्वद्योगमोहिताः । कुरु प्रसादमेतेषां यथापूर्वं भवन्त्विमे
devādyāstu imāḥ sṛṣṭā mūḍhāstvadyogamohitāḥ / kuru prasādameteṣāṃ yathāpūrvaṃ bhavantvime
Sanskrit only: no published translation is held for this verse.
सूत उवाच विज्ञाप्यैवं तदा ब्रह्मा देवदेवं महेश्वरम् । संस्तम्भितांस्तदा तेन भगवान् आह पद्मजः
sūta uvāca vijñāpyaivaṃ tadā brahmā devadevaṃ maheśvaram / saṃstambhitāṃstadā tena bhagavān āha padmajaḥ
Sanskrit only: no published translation is held for this verse.
मूढास्थ देवताः सर्वा नैव बुध्यत शङ्करम् । देवदेवम् इहायान्तं सर्वदेवनमस्कृतम्
mūḍhāstha devatāḥ sarvā naiva budhyata śaṅkaram / devadevam ihāyāntaṃ sarvadevanamaskṛtam
Sanskrit only: no published translation is held for this verse.
गच्छध्वं शरणं शीघ्रं देवाः शक्रपुरोगमाः । सनारायणकाः सर्वे मुनिभिः शङ्करं प्रभुम्
gacchadhvaṃ śaraṇaṃ śīghraṃ devāḥ śakrapurogamāḥ / sanārāyaṇakāḥ sarve munibhiḥ śaṅkaraṃ prabhum
Sanskrit only: no published translation is held for this verse.
सार्धं मयैव देवेशं परमात्मानमीश्वरम् । अनया हैमवत्या च प्रकृत्या सह सत्तमम्
sārdhaṃ mayaiva deveśaṃ paramātmānamīśvaram / anayā haimavatyā ca prakṛtyā saha sattamam
Sanskrit only: no published translation is held for this verse.
तत्र ते स्तम्भितास्तेन तथैव सुरसत्तमाः । प्रणेमुर् मनसा सर्वे सनारायणकाः प्रभुम्
tatra te stambhitāstena tathaiva surasattamāḥ / praṇemur manasā sarve sanārāyaṇakāḥ prabhum
Sanskrit only: no published translation is held for this verse.
अथ तेषां प्रसन्नो भूद् देवदेवस्त्रियंबकः । यथापूर्वं चकाराशु वचनाद्ब्रह्मणः प्रभुः
atha teṣāṃ prasanno bhūd devadevastriyaṃbakaḥ / yathāpūrvaṃ cakārāśu vacanādbrahmaṇaḥ prabhuḥ
Sanskrit only: no published translation is held for this verse.
तत एवं प्रसन्ने तु सर्वदेवनिवारणम् । वपुश्चकार देवेशो दिव्यं परममद्भुतम्
tata evaṃ prasanne tu sarvadevanivāraṇam / vapuścakāra deveśo divyaṃ paramamadbhutam
Sanskrit only: no published translation is held for this verse.
तेजसा तस्य देवास्ते सेन्द्रचन्द्रदिवाकराः । सब्रह्मकाः ससाध्याश् च सनारायणकास् तथा
tejasā tasya devāste sendracandradivākarāḥ / sabrahmakāḥ sasādhyāś ca sanārāyaṇakās tathā
Sanskrit only: no published translation is held for this verse.
सयमाश् च सरुद्राश् च चक्षुरप्रार्थयन् विभुम् । तेभ्यश् च परमं चक्षुः सर्वदृष्टौ च शक्तिमत्
sayamāś ca sarudrāś ca cakṣuraprārthayan vibhum / tebhyaś ca paramaṃ cakṣuḥ sarvadṛṣṭau ca śaktimat
Sanskrit only: no published translation is held for this verse.
ददावंबापतिः शर्वो भवान्याश् च चलस्य च । लब्ध्वा चक्षुस्तदा देवा इन्द्रविष्णुपुरोगमाः
dadāvaṃbāpatiḥ śarvo bhavānyāś ca calasya ca / labdhvā cakṣustadā devā indraviṣṇupurogamāḥ
Sanskrit only: no published translation is held for this verse.
सब्रह्मकः सशक्राश् च तमपश्यन्महेश्वरम् । ब्रह्माद्या नेमिरे तूर्णं भवानी च गिरीश्वरः
sabrahmakaḥ saśakrāś ca tamapaśyanmaheśvaram / brahmādyā nemire tūrṇaṃ bhavānī ca girīśvaraḥ
Sanskrit only: no published translation is held for this verse.
मुनयश् च महादेवं गणेशाः शिवसंमताः । ससर्जुः पुष्पवृष्टिं च खेचराः सिद्धचारणाः
munayaś ca mahādevaṃ gaṇeśāḥ śivasaṃmatāḥ / sasarjuḥ puṣpavṛṣṭiṃ ca khecarāḥ siddhacāraṇāḥ
Sanskrit only: no published translation is held for this verse.
देवदुन्दुभयो नेदुस् तुष्टुवुर्मुनयः प्रभुम् । जगुर्गन्धर्वमुख्याश् च ननृतुश्चाप्सरोगणाः
devadundubhayo nedus tuṣṭuvurmunayaḥ prabhum / jagurgandharvamukhyāś ca nanṛtuścāpsarogaṇāḥ
Sanskrit only: no published translation is held for this verse.
मुमुहुर्गणपाः सर्वे मुमोदांबा च पार्वती । तस्य देवी तदा हृष्टा समक्षं त्रिदिवौकसाम्
mumuhurgaṇapāḥ sarve mumodāṃbā ca pārvatī / tasya devī tadā hṛṣṭā samakṣaṃ tridivaukasām
Sanskrit only: no published translation is held for this verse.
पादयोः स्थापयामास मालां दिव्यां सुगन्धिनीम् । साधु साध्विति सम्प्रोच्य तया तत्रैव चार्चितम्
pādayoḥ sthāpayāmāsa mālāṃ divyāṃ sugandhinīm / sādhu sādhviti samprocya tayā tatraiva cārcitam
Sanskrit only: no published translation is held for this verse.
सह देव्या नमश्चक्रुः शिरोभिर् भूतलाश्रितैः । सर्वे सब्रह्मका देवाः सयक्षोरगराक्षसाः
saha devyā namaścakruḥ śirobhir bhūtalāśritaiḥ / sarve sabrahmakā devāḥ sayakṣoragarākṣasāḥ
Sanskrit only: no published translation is held for this verse.