Liṅga Purāṇa 1.103

सूत उवाच अथ ब्रह्मा महादेवम् अभिवन्द्य कृताञ्जलिः । उद्वाहः क्रियतां देव इत्युवाच महेश्वरम्

sūta uvāca atha brahmā mahādevam abhivandya kṛtāñjaliḥ / udvāhaḥ kriyatāṃ deva ityuvāca maheśvaram

Sanskrit only: no published translation is held for this verse.

तस्य तद्वचनं श्रुत्वा ब्रह्मणः परमेष्ठिनः । यथेष्टमिति लोकेशं प्राह भूतपतिः प्रभुः

tasya tadvacanaṃ śrutvā brahmaṇaḥ parameṣṭhinaḥ / yatheṣṭamiti lokeśaṃ prāha bhūtapatiḥ prabhuḥ

Sanskrit only: no published translation is held for this verse.

उद्वाहार्थं महेशस्य तत्क्षणादेव सुव्रताः । ब्रह्मणा कल्पितं दिव्यं पुरं रत्नमयं शुभम्

udvāhārthaṃ maheśasya tatkṣaṇādeva suvratāḥ / brahmaṇā kalpitaṃ divyaṃ puraṃ ratnamayaṃ śubham

Sanskrit only: no published translation is held for this verse.

अथादितिर्दितिः साक्षाद् दनुः कद्रुः सुकालिका । पुलोमा सुरसा चैव सिंहिका विनता तथा

athāditirditiḥ sākṣād danuḥ kadruḥ sukālikā / pulomā surasā caiva siṃhikā vinatā tathā

Sanskrit only: no published translation is held for this verse.

सिद्धिर्माया क्रिया दुर्गा देवी साक्षात्सुधा स्वधा । सावित्री वेदमाता च रजनी दक्षिणा द्युतिः

siddhirmāyā kriyā durgā devī sākṣātsudhā svadhā / sāvitrī vedamātā ca rajanī dakṣiṇā dyutiḥ

Sanskrit only: no published translation is held for this verse.

स्वाहा स्वाहामतिर् बुद्धिर् ऋद्धिर् वृद्धिः सरस्वती । राका कुहूः सिनीवाली देवी अनुमती तथा

svāhā svāhāmatir buddhir ṛddhir vṛddhiḥ sarasvatī / rākā kuhūḥ sinīvālī devī anumatī tathā

Sanskrit only: no published translation is held for this verse.

धरणी धारणी चेला शची नारायणी तथा । एताश्चान्याश् च देवानां मातरः पत्नयस् तथा

dharaṇī dhāraṇī celā śacī nārāyaṇī tathā / etāścānyāś ca devānāṃ mātaraḥ patnayas tathā

Sanskrit only: no published translation is held for this verse.

उद्वाहः शङ्करस्येति जग्मुः सर्वा मुदान्विताः । उरगा गरुडा यक्षा गन्धर्वाः किन्नरा गणाः

udvāhaḥ śaṅkarasyeti jagmuḥ sarvā mudānvitāḥ / uragā garuḍā yakṣā gandharvāḥ kinnarā gaṇāḥ

Sanskrit only: no published translation is held for this verse.

सागरा गिरयो मेघा मासाः संवत्सरास् तथा । वेदा मन्त्रास् तथा यज्ञाः स्तोमा धर्माश् च सर्वशः

sāgarā girayo meghā māsāḥ saṃvatsarās tathā / vedā mantrās tathā yajñāḥ stomā dharmāś ca sarvaśaḥ

Sanskrit only: no published translation is held for this verse.

हुङ्कारः प्रणवश्चैव प्रतिहाराः सहस्रशः । कोटिरप्सरसो दिव्यास् तासां च परिचारिकाः

huṅkāraḥ praṇavaścaiva pratihārāḥ sahasraśaḥ / koṭirapsaraso divyās tāsāṃ ca paricārikāḥ

Sanskrit only: no published translation is held for this verse.

याश् च सर्वेषु द्वीपेषु देवलोकेषु निम्नगाः । ताश् च स्त्रीविग्रहाः सर्वाः संजग्मुर्हृष्टमानसाः

yāś ca sarveṣu dvīpeṣu devalokeṣu nimnagāḥ / tāś ca strīvigrahāḥ sarvāḥ saṃjagmurhṛṣṭamānasāḥ

Sanskrit only: no published translation is held for this verse.

गणपाश् च महाभागाः सर्वलोकनमस्कृताः । उद्वाहः शङ्करस्येति तत्राजग्मुर्मुदान्विताः

gaṇapāś ca mahābhāgāḥ sarvalokanamaskṛtāḥ / udvāhaḥ śaṅkarasyeti tatrājagmurmudānvitāḥ

Sanskrit only: no published translation is held for this verse.

अभ्ययुः शङ्खवर्णाश् च गणकोट्यो गणेश्वराः । दशभिः केकराक्षश् च विद्युतो ऽष्टाभिर् एव च

abhyayuḥ śaṅkhavarṇāś ca gaṇakoṭyo gaṇeśvarāḥ / daśabhiḥ kekarākṣaś ca vidyuto 'ṣṭābhir eva ca

Sanskrit only: no published translation is held for this verse.

चतुःषष्ट्या विशाखाश् च नवभिः पारयात्रिकः । षड्भिः सर्वान्तकः श्रीमान् तथैव विकृताननः

catuḥṣaṣṭyā viśākhāś ca navabhiḥ pārayātrikaḥ / ṣaḍbhiḥ sarvāntakaḥ śrīmān tathaiva vikṛtānanaḥ

Sanskrit only: no published translation is held for this verse.

ज्वालाकेशो द्वादशभिः कोटिभिर् गणपुङ्गवः । सप्तभिः समदः श्रीमान् दुन्दुभो ऽष्टाभिर् एव च

jvālākeśo dvādaśabhiḥ koṭibhir gaṇapuṅgavaḥ / saptabhiḥ samadaḥ śrīmān dundubho 'ṣṭābhir eva ca

Sanskrit only: no published translation is held for this verse.

पञ्चभिश् च कपालीशः षड्भिः संदारकः शुभः । कोटिकोटिभिर् एवेह गण्डकः कुंभकस् तथा

pañcabhiś ca kapālīśaḥ ṣaḍbhiḥ saṃdārakaḥ śubhaḥ / koṭikoṭibhir eveha gaṇḍakaḥ kuṃbhakas tathā

Sanskrit only: no published translation is held for this verse.

विष्टम्भो ऽष्टाभिर् एवेह गणपः सर्वसत्तमः । पिप्पलश् च सहस्रेण संनादश् च तथा द्विजाः

viṣṭambho 'ṣṭābhir eveha gaṇapaḥ sarvasattamaḥ / pippalaś ca sahasreṇa saṃnādaś ca tathā dvijāḥ

Sanskrit only: no published translation is held for this verse.

आवेष्टनस् तथाष्टाभिः सप्तभिश्चन्द्रतापनः । महाकेशः सहस्रेण कोटीनां गणपो वृतः

āveṣṭanas tathāṣṭābhiḥ saptabhiścandratāpanaḥ / mahākeśaḥ sahasreṇa koṭīnāṃ gaṇapo vṛtaḥ

Sanskrit only: no published translation is held for this verse.

कुण्डी द्वादशभिर् वीरस् तथा पर्वतकः शुभः । कालश् च कालकश्चैव महाकालः शतेन वै

kuṇḍī dvādaśabhir vīras tathā parvatakaḥ śubhaḥ / kālaś ca kālakaścaiva mahākālaḥ śatena vai

Sanskrit only: no published translation is held for this verse.

आग्निकः शतकोट्या वै कोट्याग्निमुख एव च । आदित्यमूर्धा कोट्या च तथा चैव धनावहः

āgnikaḥ śatakoṭyā vai koṭyāgnimukha eva ca / ādityamūrdhā koṭyā ca tathā caiva dhanāvahaḥ

Sanskrit only: no published translation is held for this verse.

संनामश् च शतेनैव कुमुदः कोटिभिस् तथा । अमोघः कोकिलश्चैव कोटिकोट्या सुमन्त्रकः

saṃnāmaś ca śatenaiva kumudaḥ koṭibhis tathā / amoghaḥ kokilaścaiva koṭikoṭyā sumantrakaḥ

Sanskrit only: no published translation is held for this verse.

काकपाटो ऽपरः षष्ट्या षष्ट्या संतानकः प्रभुः । महाबलश् च नवभिर् मधुपिङ्गश् च पिङ्गलः

kākapāṭo 'paraḥ ṣaṣṭyā ṣaṣṭyā saṃtānakaḥ prabhuḥ / mahābalaś ca navabhir madhupiṅgaś ca piṅgalaḥ

Sanskrit only: no published translation is held for this verse.

नीलो नवत्या देवेशः पूर्णभद्रस्तथैव च । कोटीनां चैव सप्तत्या चतुर्वक्त्रो महाबलः

nīlo navatyā deveśaḥ pūrṇabhadrastathaiva ca / koṭīnāṃ caiva saptatyā caturvaktro mahābalaḥ

Sanskrit only: no published translation is held for this verse.

कोटिकोटिसहस्राणां शतैर् विंशतिभिर् वृताः । तत्राजग्मुस् तथा देवास् ते सर्वे शङ्करं भवम्

koṭikoṭisahasrāṇāṃ śatair viṃśatibhir vṛtāḥ / tatrājagmus tathā devās te sarve śaṅkaraṃ bhavam

Sanskrit only: no published translation is held for this verse.

भूतकोटिसहस्रेण प्रमथः कोटिभिस्त्रिभिः । वीरभद्रश्चतुःषष्ट्या रोमजाश्चैव कोटिभिः

bhūtakoṭisahasreṇa pramathaḥ koṭibhistribhiḥ / vīrabhadraścatuḥṣaṣṭyā romajāścaiva koṭibhiḥ

Sanskrit only: no published translation is held for this verse.

करणश्चैव विंशत्या नवत्या केवलः शुभः । पञ्चाक्षः शतमन्युश् च मेघमन्युस् तथैव च

karaṇaścaiva viṃśatyā navatyā kevalaḥ śubhaḥ / pañcākṣaḥ śatamanyuś ca meghamanyus tathaiva ca

Sanskrit only: no published translation is held for this verse.

काष्ठकूटश् चतुःषष्ट्या सुकेशो वृषभस् तथा । विरूपाक्षश् च भगवान् चतुःषष्ट्या सनातनः

kāṣṭhakūṭaś catuḥṣaṣṭyā sukeśo vṛṣabhas tathā / virūpākṣaś ca bhagavān catuḥṣaṣṭyā sanātanaḥ

Sanskrit only: no published translation is held for this verse.

तालुकेतुः षडास्यश् च पञ्चास्यश् च सनातनः । संवर्तकस् तथा चैत्रो लकुलीशः स्वयं प्रभुः

tāluketuḥ ṣaḍāsyaś ca pañcāsyaś ca sanātanaḥ / saṃvartakas tathā caitro lakulīśaḥ svayaṃ prabhuḥ

Sanskrit only: no published translation is held for this verse.

लोकान्तकश् च दीप्तास्यस् तथा दैत्यान्तकः प्रभुः । मृत्युहृत् कालहा कालो मृत्युञ्जयकरस् तथा

lokāntakaś ca dīptāsyas tathā daityāntakaḥ prabhuḥ / mṛtyuhṛt kālahā kālo mṛtyuñjayakaras tathā

Sanskrit only: no published translation is held for this verse.

विषादो विषदश्चैव विद्युतः कान्तकः प्रभुः । देवो भृङ्गी रिटिः श्रीमान् देवदेवप्रियस् तथा

viṣādo viṣadaścaiva vidyutaḥ kāntakaḥ prabhuḥ / devo bhṛṅgī riṭiḥ śrīmān devadevapriyas tathā

Sanskrit only: no published translation is held for this verse.

अशनिर् भासकश् चैव चतुःषष्ट्या सहस्रपात् । एते चान्ये च गणपा असंख्याता महाबलाः

aśanir bhāsakaś caiva catuḥṣaṣṭyā sahasrapāt / ete cānye ca gaṇapā asaṃkhyātā mahābalāḥ

Sanskrit only: no published translation is held for this verse.

सर्वे सहस्रहस्ताश् च जटामुकुटधारिणः । चन्द्ररेखावतंसाश् च नीलकण्ठास् त्रिलोचनाः

sarve sahasrahastāś ca jaṭāmukuṭadhāriṇaḥ / candrarekhāvataṃsāś ca nīlakaṇṭhās trilocanāḥ

Sanskrit only: no published translation is held for this verse.

हारकुण्डलकेयूर- मुकुटाद्यैर् अलंकृताः । ब्रह्मेन्द्रविष्णुसंकाशा अणिमादिगुणैर्वृताः

hārakuṇḍalakeyūra- mukuṭādyair alaṃkṛtāḥ / brahmendraviṣṇusaṃkāśā aṇimādiguṇairvṛtāḥ

Sanskrit only: no published translation is held for this verse.

सूर्यकोटिप्रतीकाशास् तत्राजग्मुर्गणेश्वराः । पातालचारिणश्चैव सर्वलोकनिवासिनः

sūryakoṭipratīkāśās tatrājagmurgaṇeśvarāḥ / pātālacāriṇaścaiva sarvalokanivāsinaḥ

Sanskrit only: no published translation is held for this verse.

तुंबरुर्नारदो हाहा हूहूश्चैव तु सामगाः । रत्नान्यादाय वाद्यांश् च तत्राजग्मुस्तदा पुरम्

tuṃbarurnārado hāhā hūhūścaiva tu sāmagāḥ / ratnānyādāya vādyāṃś ca tatrājagmustadā puram

Sanskrit only: no published translation is held for this verse.

ऋषयः कृत्स्नशस्तत्र देवगीतास्तपोधनाः । पुण्यान् वैवाहिकान् मन्त्रान् अजपुर् हृष्टमानसाः

ṛṣayaḥ kṛtsnaśastatra devagītāstapodhanāḥ / puṇyān vaivāhikān mantrān ajapur hṛṣṭamānasāḥ

Sanskrit only: no published translation is held for this verse.

तत एवं प्रवृत्ते तु सर्वतश् च समागमे । गिरिजां ताम् अलंकृत्य स्वयमेव शुचिस्मिताम्

tata evaṃ pravṛtte tu sarvataś ca samāgame / girijāṃ tām alaṃkṛtya svayameva śucismitām

Sanskrit only: no published translation is held for this verse.

पुरं प्रवेशयामास स्वयम् आदाय केशवः । सदस्याह च देवेशं नारायणमजो हरिम्

puraṃ praveśayāmāsa svayam ādāya keśavaḥ / sadasyāha ca deveśaṃ nārāyaṇamajo harim

Sanskrit only: no published translation is held for this verse.

भवानग्रे समुत्पन्नो भवान्या सह दैवतैः । वामाङ्गादस्य रुद्रस्य दक्षिणाङ्गादहं प्रभो

bhavānagre samutpanno bhavānyā saha daivataiḥ / vāmāṅgādasya rudrasya dakṣiṇāṅgādahaṃ prabho

Sanskrit only: no published translation is held for this verse.

मन्मूर्तिस्तुहिनाद्रीशो यज्ञार्थं सृष्ट एव हि । एषा हैमवती जज्ञे मायया परमेष्ठिनः

manmūrtistuhinādrīśo yajñārthaṃ sṛṣṭa eva hi / eṣā haimavatī jajñe māyayā parameṣṭhinaḥ

Sanskrit only: no published translation is held for this verse.

श्रौतस्मार्तप्रवृत्त्यर्थम् उद्वाहार्थम् इहागतः । अतो ऽसौ जगतां धात्री धाता तव ममापि च

śrautasmārtapravṛttyartham udvāhārtham ihāgataḥ / ato 'sau jagatāṃ dhātrī dhātā tava mamāpi ca

Sanskrit only: no published translation is held for this verse.

अस्य देवस्य रुद्रस्य मूर्तिभिर् विहितं जगत् । क्ष्माबग्निखेन्दुसूर्यात्म- पवनात्मा यतो भवः

asya devasya rudrasya mūrtibhir vihitaṃ jagat / kṣmābagnikhendusūryātma- pavanātmā yato bhavaḥ

Sanskrit only: no published translation is held for this verse.

तथापि तस्मै दातव्या वचनाच्च गिरेर्मम । एषा ह्य् अजा शुक्लकृष्णा लोहिता प्रकृतिर्भवान्

tathāpi tasmai dātavyā vacanācca girermama / eṣā hy ajā śuklakṛṣṇā lohitā prakṛtirbhavān

Sanskrit only: no published translation is held for this verse.

श्रेयो ऽपि शैलराजेन संबन्धो ऽयं तवापि च । तव पाद्मे समुद्भूतः कल्पे नाभ्यंबुजादहम्

śreyo 'pi śailarājena saṃbandho 'yaṃ tavāpi ca / tava pādme samudbhūtaḥ kalpe nābhyaṃbujādaham

Sanskrit only: no published translation is held for this verse.

मदंशस्यास्य शैलस्य ममापि च गुरुर्भवान् । सूत उवाच बाढम् इत्यजम् आहासौ देवदेवो जनार्दनः

madaṃśasyāsya śailasya mamāpi ca gururbhavān / sūta uvāca bāḍham ityajam āhāsau devadevo janārdanaḥ

Sanskrit only: no published translation is held for this verse.

देवाश् च मुनयः सर्वे देवदेवश् च शङ्करः । ततश्चोत्थाय विद्वान्सः पद्मनाभः प्रणम्य ताम्

devāś ca munayaḥ sarve devadevaś ca śaṅkaraḥ / tataścotthāya vidvānsaḥ padmanābhaḥ praṇamya tām

Sanskrit only: no published translation is held for this verse.

पादौ प्रक्षाल्य देवस्य कराभ्यां कमलेक्षणः । अभ्युक्षद् आत्मनो मूर्ध्नि ब्रह्मणश् च गिरेस् तथा

pādau prakṣālya devasya karābhyāṃ kamalekṣaṇaḥ / abhyukṣad ātmano mūrdhni brahmaṇaś ca gires tathā

Sanskrit only: no published translation is held for this verse.

त्वदीयैषा विवाहार्थं मेनजा ह्यनुजा मम । इत्युक्त्वा सोदकं दत्त्वा देवीं देवेश्वराय ताम्

tvadīyaiṣā vivāhārthaṃ menajā hyanujā mama / ityuktvā sodakaṃ dattvā devīṃ deveśvarāya tām

Sanskrit only: no published translation is held for this verse.

स्वात्मानमपि देवाय सोदकं प्रददौ हरिः । अथ सर्वे मुनिश्रेष्ठाः सर्ववेदार्थपारगाः

svātmānamapi devāya sodakaṃ pradadau hariḥ / atha sarve muniśreṣṭhāḥ sarvavedārthapāragāḥ

Sanskrit only: no published translation is held for this verse.

ऊचुर्दाता गृहीता च फलं द्रव्यं विचारतः । एष देवो हरो नूनं मायया हि ततो जगत्

ūcurdātā gṛhītā ca phalaṃ dravyaṃ vicārataḥ / eṣa devo haro nūnaṃ māyayā hi tato jagat

Sanskrit only: no published translation is held for this verse.

इत्युक्त्वा तं प्रणेमुश् च प्रीतिकण्टकितत्वचः । ससृजुः पुष्पवर्षाणि खेचराः सिद्धचारणाः

ityuktvā taṃ praṇemuś ca prītikaṇṭakitatvacaḥ / sasṛjuḥ puṣpavarṣāṇi khecarāḥ siddhacāraṇāḥ

Sanskrit only: no published translation is held for this verse.

देवदुन्दुभयो नेदुर् ननृतुश्चाप्सरोगणाः । वेदाश् च मूर्तिमन्तस्ते प्रणेमुस्तं महेश्वरम्

devadundubhayo nedur nanṛtuścāpsarogaṇāḥ / vedāś ca mūrtimantaste praṇemustaṃ maheśvaram

Sanskrit only: no published translation is held for this verse.

ब्रह्मणा मुनिभिः सार्धं देवदेवमुमापतिम् । देवो ऽपि देवीमालोक्य सलज्जां हिमशैलजाम्

brahmaṇā munibhiḥ sārdhaṃ devadevamumāpatim / devo 'pi devīmālokya salajjāṃ himaśailajām

Sanskrit only: no published translation is held for this verse.

न तृप्यत्यनवद्याङ्गी सा च देवं वृषध्वजम् । वरदो ऽस्मीति तं प्राह हरिं सो ऽप्याह शङ्करम्

na tṛpyatyanavadyāṅgī sā ca devaṃ vṛṣadhvajam / varado 'smīti taṃ prāha hariṃ so 'pyāha śaṅkaram

Sanskrit only: no published translation is held for this verse.

त्वयि भक्तिः प्रसीदेति ब्रह्माख्यां च ददौ तु सः । ततस्तु पुनरेवाह ब्रह्मा विज्ञापयन्प्रभुम्

tvayi bhaktiḥ prasīdeti brahmākhyāṃ ca dadau tu saḥ / tatastu punarevāha brahmā vijñāpayanprabhum

Sanskrit only: no published translation is held for this verse.

हविर्जुहोमि वह्नौ तु उपाध्यायपदे स्थितः । ददासि मम यद्याज्ञां कर्तव्यो ह्यकृतो विधिः

havirjuhomi vahnau tu upādhyāyapade sthitaḥ / dadāsi mama yadyājñāṃ kartavyo hyakṛto vidhiḥ

Sanskrit only: no published translation is held for this verse.

तमाह शङ्करो देवं देवदेवो जगत्पतिः । यद्यदिष्टं सुरश्रेष्ठ तत्कुरुष्व यथेप्सितम्

tamāha śaṅkaro devaṃ devadevo jagatpatiḥ / yadyadiṣṭaṃ suraśreṣṭha tatkuruṣva yathepsitam

Sanskrit only: no published translation is held for this verse.

कर्तास्मि वचनं सर्वं देवदेव पितामह । ततः प्रणम्य हृष्टात्मा ब्रह्मा लोकपितामहः

kartāsmi vacanaṃ sarvaṃ devadeva pitāmaha / tataḥ praṇamya hṛṣṭātmā brahmā lokapitāmahaḥ

Sanskrit only: no published translation is held for this verse.

हस्तं देवस्य देव्याश् च युयोज परमं प्रभुः । ज्वलनश् च स्वयं तत्र कृताञ्जलिरुपस्थितः

hastaṃ devasya devyāś ca yuyoja paramaṃ prabhuḥ / jvalanaś ca svayaṃ tatra kṛtāñjalirupasthitaḥ

Sanskrit only: no published translation is held for this verse.

श्रौतैरेतैर्महामन्त्रैर् मूर्तिमद्भिर् उपस्थितैः । यथोक्तविधिना हुत्वा लाजानपि यथाक्रमम्

śrautairetairmahāmantrair mūrtimadbhir upasthitaiḥ / yathoktavidhinā hutvā lājānapi yathākramam

Sanskrit only: no published translation is held for this verse.

आनीतान्विष्णुना विप्रान् सम्पूज्य विविधैर्वरैः । त्रिश् च तं ज्वलनं देवं कारयित्वा प्रदक्षिणम्

ānītānviṣṇunā viprān sampūjya vividhairvaraiḥ / triś ca taṃ jvalanaṃ devaṃ kārayitvā pradakṣiṇam

Sanskrit only: no published translation is held for this verse.

मुक्त्वा हस्तसमायोगं सहितैः सर्वदैवतैः । सुरैश् च मानवैः सर्वैः प्रहृष्टेनान्तरात्मना

muktvā hastasamāyogaṃ sahitaiḥ sarvadaivataiḥ / suraiś ca mānavaiḥ sarvaiḥ prahṛṣṭenāntarātmanā

Sanskrit only: no published translation is held for this verse.

ननाम भगवान्ब्रह्मा देवदेवमुमापतिम् । ततः पाद्यं तयोर् दत्त्वा शंभोराचमनं तथा

nanāma bhagavānbrahmā devadevamumāpatim / tataḥ pādyaṃ tayor dattvā śaṃbhorācamanaṃ tathā

Sanskrit only: no published translation is held for this verse.

मधुपर्कं तथा गां च प्रणम्य च पुनः शिवम् । अतिष्ठद्भगवान्ब्रह्मा देवैरिन्द्रपुरोगमैः

madhuparkaṃ tathā gāṃ ca praṇamya ca punaḥ śivam / atiṣṭhadbhagavānbrahmā devairindrapurogamaiḥ

Sanskrit only: no published translation is held for this verse.

भृग्वाद्यमुनयः सर्वे चाक्षतैस्तिलतण्डुलैः । सूर्यादयः समभ्यर्च्य तुष्टुवुर्वृषभध्वजम्

bhṛgvādyamunayaḥ sarve cākṣataistilataṇḍulaiḥ / sūryādayaḥ samabhyarcya tuṣṭuvurvṛṣabhadhvajam

Sanskrit only: no published translation is held for this verse.

शिवः समाप्य देवोक्तं वह्निमारोप्य चात्मनि । तया समागतो रुद्रः सर्वलोकहिताय वै

śivaḥ samāpya devoktaṃ vahnimāropya cātmani / tayā samāgato rudraḥ sarvalokahitāya vai

Sanskrit only: no published translation is held for this verse.

यः पठेच्छृणुयाद्वापि भवोद्वाहं शुचिस्मितः । श्रावयेद्वा द्विजाञ्छुद्धान् वेदवेदाङ्गपारगान्

yaḥ paṭhecchṛṇuyādvāpi bhavodvāhaṃ śucismitaḥ / śrāvayedvā dvijāñchuddhān vedavedāṅgapāragān

Sanskrit only: no published translation is held for this verse.

स लब्ध्वा गाणपत्यं च भवेन सह मोदते । यत्रायं कीर्त्यते विप्रैस् तावदास्ते तदा भवः

sa labdhvā gāṇapatyaṃ ca bhavena saha modate / yatrāyaṃ kīrtyate viprais tāvadāste tadā bhavaḥ

Sanskrit only: no published translation is held for this verse.

तस्मात् सम्पूज्य विधिवत् कीर्तयेन्नान्यथा द्विजाः । उद्वाहे च द्विजेन्द्राणां क्षत्रियाणां द्विजोत्तमाः

tasmāt sampūjya vidhivat kīrtayennānyathā dvijāḥ / udvāhe ca dvijendrāṇāṃ kṣatriyāṇāṃ dvijottamāḥ

Sanskrit only: no published translation is held for this verse.

कीर्तनीयमिदं सर्वं भवोद्वाहमनुत्तमम् । कृतोद्वाहस्तदा देव्या हैमवत्या वृषध्वजः

kīrtanīyamidaṃ sarvaṃ bhavodvāhamanuttamam / kṛtodvāhastadā devyā haimavatyā vṛṣadhvajaḥ

Sanskrit only: no published translation is held for this verse.

सगणो नन्दिना सार्धं सर्वदेवगणैर्वृतः । पुरीं वाराणसीं दिव्याम् आजगाम महाद्युतिः

sagaṇo nandinā sārdhaṃ sarvadevagaṇairvṛtaḥ / purīṃ vārāṇasīṃ divyām ājagāma mahādyutiḥ

Sanskrit only: no published translation is held for this verse.

अविमुक्ते सुखासीनं प्रणम्य वृषभध्वजम् । अपृच्छत्क्षेत्रमाहात्म्यं भवानी हर्षितानना

avimukte sukhāsīnaṃ praṇamya vṛṣabhadhvajam / apṛcchatkṣetramāhātmyaṃ bhavānī harṣitānanā

Sanskrit only: no published translation is held for this verse.

अथाहार्धेन्दुतिलकः क्षेत्रमाहात्म्यमुत्तमम् । अविमुक्तस्य माहात्म्यं विस्तराच्छक्यते नहि

athāhārdhendutilakaḥ kṣetramāhātmyamuttamam / avimuktasya māhātmyaṃ vistarācchakyate nahi

Sanskrit only: no published translation is held for this verse.

वक्तुं मया सुरेशानि ऋषिसंघाभिपूजितम् । किं मया वर्ण्यते देवी ह्य् अविमुक्तफलोदयः

vaktuṃ mayā sureśāni ṛṣisaṃghābhipūjitam / kiṃ mayā varṇyate devī hy avimuktaphalodayaḥ

Sanskrit only: no published translation is held for this verse.

पापिनां यत्र मुक्तिः स्यान् मृतानाम् एकजन्मना । अन्यत्र तु कृतं पापं वाराणस्यां व्यपोहति

pāpināṃ yatra muktiḥ syān mṛtānām ekajanmanā / anyatra tu kṛtaṃ pāpaṃ vārāṇasyāṃ vyapohati

Sanskrit only: no published translation is held for this verse.

वाराणस्यां कृतं पापं पैशाच्यनरकावहम् । कृत्वा पापसहस्राणि पिशाचत्वं वरं नृणाम्

vārāṇasyāṃ kṛtaṃ pāpaṃ paiśācyanarakāvaham / kṛtvā pāpasahasrāṇi piśācatvaṃ varaṃ nṛṇām

Sanskrit only: no published translation is held for this verse.

न तु शक्रसहस्रत्वं स्वर्गे काशीपुरीं विना । यत्र त्रिविष्टपो देवो यत्र विश्वेश्वरो विभुः

na tu śakrasahasratvaṃ svarge kāśīpurīṃ vinā / yatra triviṣṭapo devo yatra viśveśvaro vibhuḥ

Sanskrit only: no published translation is held for this verse.

ॐकारेशः कृत्तिवासा मृतानां न पुनर्भवः । उक्त्वा क्षेत्रस्य माहात्म्यं संक्षेपाच्छशिशेखरः

oṃkāreśaḥ kṛttivāsā mṛtānāṃ na punarbhavaḥ / uktvā kṣetrasya māhātmyaṃ saṃkṣepācchaśiśekharaḥ

Sanskrit only: no published translation is held for this verse.

दर्शयामास चोद्यानं परित्यज्य गणेश्वरान् । तत्रैव भगवान् जातो गजवक्त्रो विनायकः

darśayāmāsa codyānaṃ parityajya gaṇeśvarān / tatraiva bhagavān jāto gajavaktro vināyakaḥ

Sanskrit only: no published translation is held for this verse.

दैत्यानां विघ्नरूपार्थम् अविघ्नाय दिवौकसाम् । एतद्वः कथितं सर्वं कथासर्वस्वमुत्तमम्

daityānāṃ vighnarūpārtham avighnāya divaukasām / etadvaḥ kathitaṃ sarvaṃ kathāsarvasvamuttamam

Sanskrit only: no published translation is held for this verse.

यथाश्रुतं मया सर्वं प्रसादाद्वः सुशोभनम्

yathāśrutaṃ mayā sarvaṃ prasādādvaḥ suśobhanam

Sanskrit only: no published translation is held for this verse.