Library·Liṅga Purāṇa·1·1.104
ऋषय ऊचुः कथं विनायको जातो गजवक्त्रो गणेश्वरः । कथं प्रभावस्तस्यैवं सूत वक्तुमिहार्हसि
ṛṣaya ūcuḥ kathaṃ vināyako jāto gajavaktro gaṇeśvaraḥ / kathaṃ prabhāvastasyaivaṃ sūta vaktumihārhasi
Sanskrit only: no published translation is held for this verse.
सूत उवाच एतस्मिन्नन्तरे देवाः सेन्द्रोपेन्द्राः समेत्य ते । धर्मविघ्नं तदा कर्तुं दैत्यानामभवन्द्विजाः
sūta uvāca etasminnantare devāḥ sendropendrāḥ sametya te / dharmavighnaṃ tadā kartuṃ daityānāmabhavandvijāḥ
Sanskrit only: no published translation is held for this verse.
असुरा यातुधानाश् च राक्षसाः क्रूरकर्मिणः । तामसाश् च तथा चान्ये राजसाश् च तथा भुवि
asurā yātudhānāś ca rākṣasāḥ krūrakarmiṇaḥ / tāmasāś ca tathā cānye rājasāś ca tathā bhuvi
Sanskrit only: no published translation is held for this verse.
अविघ्नं यज्ञदानाद्यैः समभ्यर्च्य महेश्वरम् । ब्रह्माणं च हरिं विप्रा लब्धेप्सितवरा यतः
avighnaṃ yajñadānādyaiḥ samabhyarcya maheśvaram / brahmāṇaṃ ca hariṃ viprā labdhepsitavarā yataḥ
Sanskrit only: no published translation is held for this verse.
ततो ऽस्माकं सुरश्रेष्ठाः सदा विजयसंभवः । तेषां ततस्तु विघ्नार्थम् अविघ्नाय दिवौकसाम्
tato 'smākaṃ suraśreṣṭhāḥ sadā vijayasaṃbhavaḥ / teṣāṃ tatastu vighnārtham avighnāya divaukasām
Sanskrit only: no published translation is held for this verse.
पुत्रार्थं चैव नारीणां नराणां कर्मसिद्धये । विघ्नेशं शङ्करं स्रष्टुं गणपं स्तोतुमर्हथ
putrārthaṃ caiva nārīṇāṃ narāṇāṃ karmasiddhaye / vighneśaṃ śaṅkaraṃ sraṣṭuṃ gaṇapaṃ stotumarhatha
Sanskrit only: no published translation is held for this verse.
इत्युक्त्वान्योन्यमनघं तुष्टुवुः शिवमीश्वरम् । नमः सर्वात्मने तुभ्यं सर्वज्ञाय पिनाकिने
ityuktvānyonyamanaghaṃ tuṣṭuvuḥ śivamīśvaram / namaḥ sarvātmane tubhyaṃ sarvajñāya pinākine
Sanskrit only: no published translation is held for this verse.
अनघाय विरिञ्चाय देव्याः कार्यार्थदायिने । अकायायार्थकायाय हरेः कायापहारिणे
anaghāya viriñcāya devyāḥ kāryārthadāyine / akāyāyārthakāyāya hareḥ kāyāpahāriṇe
Sanskrit only: no published translation is held for this verse.
कायान्तस्थामृताधार- मण्डलावस्थिताय ते । कृतादिभेदकालाय कालवेगाय ते नमः
kāyāntasthāmṛtādhāra- maṇḍalāvasthitāya te / kṛtādibhedakālāya kālavegāya te namaḥ
Sanskrit only: no published translation is held for this verse.
कालाग्निरुद्ररूपाय धर्माद्यष्टपदाय च । कालीविशुद्धदेहाय कालिकाकारणाय ते
kālāgnirudrarūpāya dharmādyaṣṭapadāya ca / kālīviśuddhadehāya kālikākāraṇāya te
Sanskrit only: no published translation is held for this verse.
कालकण्ठाय मुख्याय वाहनाय वराय ते । अंबिकापतये तुभ्यं हिरण्यपतये नमः
kālakaṇṭhāya mukhyāya vāhanāya varāya te / aṃbikāpataye tubhyaṃ hiraṇyapataye namaḥ
Sanskrit only: no published translation is held for this verse.
हिरण्यरेतसे चैव नमः शर्वाय शूलिने । कपालदण्डपाशासि- चर्माङ्कुशधराय च
hiraṇyaretase caiva namaḥ śarvāya śūline / kapāladaṇḍapāśāsi- carmāṅkuśadharāya ca
Sanskrit only: no published translation is held for this verse.
पतये हैमवत्याश् च हेमशुक्लाय ते नमः । पीतशुक्लाय रक्षार्थं सुराणां कृष्णवर्त्मने
pataye haimavatyāś ca hemaśuklāya te namaḥ / pītaśuklāya rakṣārthaṃ surāṇāṃ kṛṣṇavartmane
Sanskrit only: no published translation is held for this verse.
पञ्चमाय महापञ्च- यज्ञिनां फलदाय च । पञ्चास्यफणिहाराय पञ्चाक्षरमयाय ते
pañcamāya mahāpañca- yajñināṃ phaladāya ca / pañcāsyaphaṇihārāya pañcākṣaramayāya te
Sanskrit only: no published translation is held for this verse.
पञ्चधा पञ्चकैवल्य- देवैरर्चितमूर्तये । पञ्चाक्षरदृशे तुभ्यं परात्परतराय ते
pañcadhā pañcakaivalya- devairarcitamūrtaye / pañcākṣaradṛśe tubhyaṃ parātparatarāya te
Sanskrit only: no published translation is held for this verse.
षोडशस्वरवज्राङ्ग- वक्त्रायाक्षयरूपिणे । कादिपञ्चकहस्ताय चादिहस्ताय ते नमः
ṣoḍaśasvaravajrāṅga- vaktrāyākṣayarūpiṇe / kādipañcakahastāya cādihastāya te namaḥ
Sanskrit only: no published translation is held for this verse.
टादिपादाय रुद्राय तादिपादाय ते नमः । पादिमेण्ढ्राय यद्यङ्ग- धातुसप्तकधारिणे
ṭādipādāya rudrāya tādipādāya te namaḥ / pādimeṇḍhrāya yadyaṅga- dhātusaptakadhāriṇe
Sanskrit only: no published translation is held for this verse.
शान्तात्मरूपिणे साक्षात् क्षदन्तक्रोधिने नमः । लवरेफहलाङ्गाय निरङ्गाय च ते नमः
śāntātmarūpiṇe sākṣāt kṣadantakrodhine namaḥ / lavarephahalāṅgāya niraṅgāya ca te namaḥ
Sanskrit only: no published translation is held for this verse.
सर्वेषाम् एव भूतानां हृदि निःस्वनकारिणे । भ्रुवोर् अन्ते सदा सद्भिर् दृष्टायात्यन्तभानवे
sarveṣām eva bhūtānāṃ hṛdi niḥsvanakāriṇe / bhruvor ante sadā sadbhir dṛṣṭāyātyantabhānave
Sanskrit only: no published translation is held for this verse.
भानुसोमाग्निनेत्राय परमात्मस्वरूपिणे । गुणत्रयोपरिस्थाय तीर्थपादाय ते नमः
bhānusomāgninetrāya paramātmasvarūpiṇe / guṇatrayoparisthāya tīrthapādāya te namaḥ
Sanskrit only: no published translation is held for this verse.
तीर्थतत्त्वाय साराय तस्मादपि पराय ते । ऋग्यजुःसामवेदाय ॐकाराय नमो नमः
tīrthatattvāya sārāya tasmādapi parāya te / ṛgyajuḥsāmavedāya oṃkārāya namo namaḥ
Sanskrit only: no published translation is held for this verse.
ओङ्कारे त्रिविधं रूपम् आस्थायोपरिवासिने । पीताय कृष्णवर्णाय रक्तायात्यन्ततेजसे
oṅkāre trividhaṃ rūpam āsthāyoparivāsine / pītāya kṛṣṇavarṇāya raktāyātyantatejase
Sanskrit only: no published translation is held for this verse.
स्थानपञ्चकसंस्थाय पञ्चधाण्डबहिः क्रमात् । ब्रह्मणे विष्णवे तुभ्यं कुमाराय नमोनमः
sthānapañcakasaṃsthāya pañcadhāṇḍabahiḥ kramāt / brahmaṇe viṣṇave tubhyaṃ kumārāya namonamaḥ
Sanskrit only: no published translation is held for this verse.
अंबायाः परमेशाय सर्वोपरिचराय ते । मूलसूक्ष्मस्वरूपाय स्थूलसूक्ष्माय ते नमः
aṃbāyāḥ parameśāya sarvoparicarāya te / mūlasūkṣmasvarūpāya sthūlasūkṣmāya te namaḥ
Sanskrit only: no published translation is held for this verse.
सर्वसंकल्पशून्याय सर्वस्माद्रक्षिताय ते । आदिमध्यान्तशून्याय चित्संस्थाय नमोनमः
sarvasaṃkalpaśūnyāya sarvasmādrakṣitāya te / ādimadhyāntaśūnyāya citsaṃsthāya namonamaḥ
Sanskrit only: no published translation is held for this verse.
यमाग्निवायुरुद्रांबु- सोमशक्रनिशाचरैः । दिङ्मुखे दिङ्मुखे नित्यं सगणैः पूजिताय ते
yamāgnivāyurudrāṃbu- somaśakraniśācaraiḥ / diṅmukhe diṅmukhe nityaṃ sagaṇaiḥ pūjitāya te
Sanskrit only: no published translation is held for this verse.
सर्वेषु सर्वदा सर्व- मार्गे सम्पूजिताय ते । रुद्राय रुद्रनीलाय कद्रुद्राय प्रचेतसे । महेश्वराय धीराय नमः साक्षाच्छिवाय ते
sarveṣu sarvadā sarva- mārge sampūjitāya te / rudrāya rudranīlāya kadrudrāya pracetase / maheśvarāya dhīrāya namaḥ sākṣācchivāya te
Sanskrit only: no published translation is held for this verse.
अथ शृणु भगवन् स्तवच्छलेन कथितमजेन्द्रमुखैः सुरासुरेशैः ।* मखमदनयमाग्निदक्षयज्ञक्षपणविचित्रविचेष्टितं क्षमस्व ॥ लिप् १,१०४।२८ ॥* सूत उवाच यः पठेत्तु स्तवं भक्त्या शक्राग्निप्रमुखैः सुरैः । कीर्तितं श्रावयेद्विद्वान् स याति परमां गतिम्
atha śṛṇu bhagavan stavacchalena kathitamajendramukhaiḥ surāsureśaiḥ /* makhamadanayamāgnidakṣayajñakṣapaṇavicitraviceṣṭitaṃ kṣamasva // LiP 1,104.28 //* sūta uvāca yaḥ paṭhettu stavaṃ bhaktyā śakrāgnipramukhaiḥ suraiḥ / kīrtitaṃ śrāvayedvidvān sa yāti paramāṃ gatim
Sanskrit only: no published translation is held for this verse.