Liṅga Purāṇa 1.105

सूत उवाच यदा स्थिताः सुरेश्वराः प्रणम्य चैवमीश्वरम् । तदांबिकापतिर् भवः पिनाकधृङ् महेश्वरः

sūta uvāca yadā sthitāḥ sureśvarāḥ praṇamya caivamīśvaram / tadāṃbikāpatir bhavaḥ pinākadhṛṅ maheśvaraḥ

Sanskrit only: no published translation is held for this verse.

ददौ निरीक्षणं क्षणाद् भवः स तान्सुरोत्तमान् । प्रणेमुरादराद्धरं सुरा मुदार्द्रलोचनाः

dadau nirīkṣaṇaṃ kṣaṇād bhavaḥ sa tānsurottamān / praṇemurādarāddharaṃ surā mudārdralocanāḥ

Sanskrit only: no published translation is held for this verse.

भवः सुधामृतोपमैर् निरीक्षणैर्निरीक्षणात् । तदाह भद्रमस्तु वः सुरेश्वरान् महेश्वरः

bhavaḥ sudhāmṛtopamair nirīkṣaṇairnirīkṣaṇāt / tadāha bhadramastu vaḥ sureśvarān maheśvaraḥ

Sanskrit only: no published translation is held for this verse.

वरार्थमीश वीक्ष्यते सुरा गृहं गतास्त्विमे । प्रणम्य चाह वाक्पतिः पतिं निरीक्ष्य निर्भयः

varārthamīśa vīkṣyate surā gṛhaṃ gatāstvime / praṇamya cāha vākpatiḥ patiṃ nirīkṣya nirbhayaḥ

Sanskrit only: no published translation is held for this verse.

सुरेतरादिभिः सदा ह्य् अविघ्नमर्थितो भवान् । समस्तकर्मसिद्धये सुरापकारकारिभिः

suretarādibhiḥ sadā hy avighnamarthito bhavān / samastakarmasiddhaye surāpakārakāribhiḥ

Sanskrit only: no published translation is held for this verse.

ततः प्रसीदताद् भवान् सुविघ्नकर्मकारणम् । सुरापकारकारिणाम् इहैष एव नो वरः

tataḥ prasīdatād bhavān suvighnakarmakāraṇam / surāpakārakāriṇām ihaiṣa eva no varaḥ

Sanskrit only: no published translation is held for this verse.

ततस्तदा निशम्य वै पिनाकधृक् सुरेश्वरः । गणेश्वरं सुरेश्वरं वपुर्दधार सः शिवः

tatastadā niśamya vai pinākadhṛk sureśvaraḥ / gaṇeśvaraṃ sureśvaraṃ vapurdadhāra saḥ śivaḥ

Sanskrit only: no published translation is held for this verse.

गणेश्वराश् च तुष्टुवुः सुरेश्वरा महेश्वरम् । समस्तलोकसंभवं भवार्त्तिहारिणं शुभम्

gaṇeśvarāś ca tuṣṭuvuḥ sureśvarā maheśvaram / samastalokasaṃbhavaṃ bhavārttihāriṇaṃ śubham

Sanskrit only: no published translation is held for this verse.

इभाननाश्रितं वरं त्रिशूलपाशधारिणम् । समस्तलोकसंभवं गजाननं तदांबिका

ibhānanāśritaṃ varaṃ triśūlapāśadhāriṇam / samastalokasaṃbhavaṃ gajānanaṃ tadāṃbikā

Sanskrit only: no published translation is held for this verse.

ददुः पुष्पवर्षं हि सिद्धा मुनीन्द्रास् तथा खेचरा देवसंघास्तदानीम् । तदा तुष्टुवुश्चैकदन्तं सुरेशाः प्रणेमुर्गणेशं महेशं वितन्द्राः

daduḥ puṣpavarṣaṃ hi siddhā munīndrās tathā khecarā devasaṃghāstadānīm / tadā tuṣṭuvuścaikadantaṃ sureśāḥ praṇemurgaṇeśaṃ maheśaṃ vitandrāḥ

Sanskrit only: no published translation is held for this verse.

तदा तयोर्विनिर्गतः सुभैरवः स मूर्तिमान् । स्थितो ननर्त बालकः समस्तमङ्गलालयः

tadā tayorvinirgataḥ subhairavaḥ sa mūrtimān / sthito nanarta bālakaḥ samastamaṅgalālayaḥ

Sanskrit only: no published translation is held for this verse.

विचित्रवस्त्रभूषणैर् अलंकृतो गजाननः । महेश्वरस्य पुत्रको ऽभिवन्द्य तातम् अम्बिकाम्

vicitravastrabhūṣaṇair alaṃkṛto gajānanaḥ / maheśvarasya putrako 'bhivandya tātam ambikām

Sanskrit only: no published translation is held for this verse.

जातमात्रं सुतं दृष्ट्वा चकार भगवान्भवः । गजाननाय कृत्यांस्तु सर्वान्सर्वेश्वरः स्वयम्

jātamātraṃ sutaṃ dṛṣṭvā cakāra bhagavānbhavaḥ / gajānanāya kṛtyāṃstu sarvānsarveśvaraḥ svayam

Sanskrit only: no published translation is held for this verse.

आदाय च कराभ्यां च सुसुखाभ्यां भवः स्वयम् । आलिङ्ग्याघ्राय मूर्धानं महादेवो जगद्गुरुः

ādāya ca karābhyāṃ ca susukhābhyāṃ bhavaḥ svayam / āliṅgyāghrāya mūrdhānaṃ mahādevo jagadguruḥ

Sanskrit only: no published translation is held for this verse.

तवावतारो दैत्यानां विनाशाय ममात्मज । देवानामुपकारार्थं द्विजानां ब्रह्मवादिनाम्

tavāvatāro daityānāṃ vināśāya mamātmaja / devānāmupakārārthaṃ dvijānāṃ brahmavādinām

Sanskrit only: no published translation is held for this verse.

यज्ञश् च दक्षिणाहीनः कृतो येन महीतले । तस्य धर्मस्य विघ्नं च कुरु स्वर्गपथे स्थितः

yajñaś ca dakṣiṇāhīnaḥ kṛto yena mahītale / tasya dharmasya vighnaṃ ca kuru svargapathe sthitaḥ

Sanskrit only: no published translation is held for this verse.

अध्यापनं चाध्ययनं व्याख्यानं कर्म एव च । यो ऽन्यायतः करोत्यस्मिन् तस्य प्राणान्सदा हर

adhyāpanaṃ cādhyayanaṃ vyākhyānaṃ karma eva ca / yo 'nyāyataḥ karotyasmin tasya prāṇānsadā hara

Sanskrit only: no published translation is held for this verse.

वर्णाच्च्युतानां नारीणां नराणां नरपुङ्गव । स्वधर्मरहितानां च प्राणानपहर प्रभो

varṇāccyutānāṃ nārīṇāṃ narāṇāṃ narapuṅgava / svadharmarahitānāṃ ca prāṇānapahara prabho

Sanskrit only: no published translation is held for this verse.

याः स्त्रियस्त्वां सदा कालं पुरुषाश् च विनायक । यजन्ति तासां तेषां च त्वत्साम्यं दातुमर्हसि

yāḥ striyastvāṃ sadā kālaṃ puruṣāś ca vināyaka / yajanti tāsāṃ teṣāṃ ca tvatsāmyaṃ dātumarhasi

Sanskrit only: no published translation is held for this verse.

त्वं भक्तान् सर्वयत्नेन रक्ष बालगणेश्वर । यौवनस्थांश् च वृद्धांश् च इहामुत्र च पूजितः

tvaṃ bhaktān sarvayatnena rakṣa bālagaṇeśvara / yauvanasthāṃś ca vṛddhāṃś ca ihāmutra ca pūjitaḥ

Sanskrit only: no published translation is held for this verse.

जगत्त्रये ऽत्र सर्वत्र त्वं हि विघ्नगणेश्वरः । संपूज्यो वन्दनीयश् च भविष्यसि न संशयः

jagattraye 'tra sarvatra tvaṃ hi vighnagaṇeśvaraḥ / saṃpūjyo vandanīyaś ca bhaviṣyasi na saṃśayaḥ

Sanskrit only: no published translation is held for this verse.

मां च नारायणं वापि ब्रह्माणम् अपि पुत्रक । यजन्ति यज्ञैर्वा विप्रैर् अग्रे पूज्यो भविष्यसि

māṃ ca nārāyaṇaṃ vāpi brahmāṇam api putraka / yajanti yajñairvā viprair agre pūjyo bhaviṣyasi

Sanskrit only: no published translation is held for this verse.

त्वाम् अनभ्यर्च्य कल्याणं श्रौतं स्मार्तं च लौकिकम् । कुरुते तस्य कल्याणम् अकल्याणं भविष्यति

tvām anabhyarcya kalyāṇaṃ śrautaṃ smārtaṃ ca laukikam / kurute tasya kalyāṇam akalyāṇaṃ bhaviṣyati

Sanskrit only: no published translation is held for this verse.

ब्राह्मणैः क्षत्रियैर्वैश्यैः शूद्रैश्चैव गजानन । सम्पूज्य सर्वसिद्ध्यर्थं भक्ष्यभोज्यादिभिः शुभैः

brāhmaṇaiḥ kṣatriyairvaiśyaiḥ śūdraiścaiva gajānana / sampūjya sarvasiddhyarthaṃ bhakṣyabhojyādibhiḥ śubhaiḥ

Sanskrit only: no published translation is held for this verse.

त्वां गन्धपुष्पधूपाद्यैर् अनभ्यर्च्य जगत्त्रये । देवैरपि तथान्यैश् च लब्धव्यं नास्ति कुत्रचित्

tvāṃ gandhapuṣpadhūpādyair anabhyarcya jagattraye / devairapi tathānyaiś ca labdhavyaṃ nāsti kutracit

Sanskrit only: no published translation is held for this verse.

अभ्यर्चयन्ति ये लोका मानवास्तु विनायकम् । ते चार्चनीयाः शक्राद्यैर् भविष्यन्ति न संशयः

abhyarcayanti ye lokā mānavāstu vināyakam / te cārcanīyāḥ śakrādyair bhaviṣyanti na saṃśayaḥ

Sanskrit only: no published translation is held for this verse.

अजं हरिं च मां वापि शक्रमन्यान्सुरानपि । विघ्नैर् बाधयसि त्वां चेन् नार्चयन्ति फलार्थिनः

ajaṃ hariṃ ca māṃ vāpi śakramanyānsurānapi / vighnair bādhayasi tvāṃ cen nārcayanti phalārthinaḥ

Sanskrit only: no published translation is held for this verse.

ससर्ज च तदा विघ्न- गणं गणपतिः प्रभुः । गणैः सार्धं नमस्कृत्वाप्य् अतिष्ठत्तस्य चाग्रतः

sasarja ca tadā vighna- gaṇaṃ gaṇapatiḥ prabhuḥ / gaṇaiḥ sārdhaṃ namaskṛtvāpy atiṣṭhattasya cāgrataḥ

Sanskrit only: no published translation is held for this verse.

तदा प्रभृति लोके ऽस्मिन् पूजयन्ति गणेश्वरम् । दैत्यानां धर्मविघ्नं च चकारासौ गणेश्वरः

tadā prabhṛti loke 'smin pūjayanti gaṇeśvaram / daityānāṃ dharmavighnaṃ ca cakārāsau gaṇeśvaraḥ

Sanskrit only: no published translation is held for this verse.

एतद्वः कथितं सर्वं स्कन्दाग्रजसमुद्भवम् । यः पठेच्छृणुयाद्वापि श्रावयेद्वा सुखीभवेत्

etadvaḥ kathitaṃ sarvaṃ skandāgrajasamudbhavam / yaḥ paṭhecchṛṇuyādvāpi śrāvayedvā sukhībhavet

Sanskrit only: no published translation is held for this verse.