Library·Liṅga Purāṇa·1·1.108
ऋषय ऊचुः दृष्टो ऽसौ वासुदेवेन कृष्णेनाक्लिष्टकर्मणा । धौम्याग्रजस्ततो लब्धं दिव्यं पाशुपतं व्रतम्
ṛṣaya ūcuḥ dṛṣṭo 'sau vāsudevena kṛṣṇenākliṣṭakarmaṇā / dhaumyāgrajastato labdhaṃ divyaṃ pāśupataṃ vratam
Sanskrit only: no published translation is held for this verse.
कथं लब्धं तदा ज्ञानं तस्मात्कृष्णेन धीमता । वक्तुमर्हसि तां सूत कथां पातकनाशिनीम्
kathaṃ labdhaṃ tadā jñānaṃ tasmātkṛṣṇena dhīmatā / vaktumarhasi tāṃ sūta kathāṃ pātakanāśinīm
Sanskrit only: no published translation is held for this verse.
सूत उवाच स्वेच्छया ह्यवतीर्णो ऽपि वासुदेवः सनातनः । निन्दयन्नेव मानुष्यं देहशुद्धिं चकार सः
sūta uvāca svecchayā hyavatīrṇo 'pi vāsudevaḥ sanātanaḥ / nindayanneva mānuṣyaṃ dehaśuddhiṃ cakāra saḥ
Sanskrit only: no published translation is held for this verse.
पुत्रार्थं भगवांस्तत्र तपस्तप्तुं जगाम च । आश्रमं चोपमन्योर्वै दृष्टवांस्तत्र तं मुनिम्
putrārthaṃ bhagavāṃstatra tapastaptuṃ jagāma ca / āśramaṃ copamanyorvai dṛṣṭavāṃstatra taṃ munim
Sanskrit only: no published translation is held for this verse.
नमश्चकार तं दृष्ट्वा धौम्याग्रजमहो द्विजाः । बहुमानेन वै कृष्णस् त्रिः कृत्वा वै प्रदक्षिणम्
namaścakāra taṃ dṛṣṭvā dhaumyāgrajamaho dvijāḥ / bahumānena vai kṛṣṇas triḥ kṛtvā vai pradakṣiṇam
Sanskrit only: no published translation is held for this verse.
तस्यावलोकनादेव मुनेः कृष्णस्य धीमतः । नष्टमेव मलं सर्वं कायजं कर्म्मजं तथा
tasyāvalokanādeva muneḥ kṛṣṇasya dhīmataḥ / naṣṭameva malaṃ sarvaṃ kāyajaṃ karmmajaṃ tathā
Sanskrit only: no published translation is held for this verse.
भस्मनोद्धूलनं कृत्वा उपमन्युर्महाद्युतिः । तमग्निरिति विप्रेन्द्रा वायुरित्यादिभिः क्रमात्
bhasmanoddhūlanaṃ kṛtvā upamanyurmahādyutiḥ / tamagniriti viprendrā vāyurityādibhiḥ kramāt
Sanskrit only: no published translation is held for this verse.
दिव्यं पाशुपतं ज्ञानं प्रददौ प्रीतमानसः । मुनेः प्रसादान्मान्यो ऽसौ कृष्णः पाशुपते द्विजाः
divyaṃ pāśupataṃ jñānaṃ pradadau prītamānasaḥ / muneḥ prasādānmānyo 'sau kṛṣṇaḥ pāśupate dvijāḥ
Sanskrit only: no published translation is held for this verse.
तपसा त्वेकवर्षान्ते दृष्ट्वा देवं महेश्वरम् । सांबं सगणमव्यग्रं लब्धवान्पुत्रमात्मनः
tapasā tvekavarṣānte dṛṣṭvā devaṃ maheśvaram / sāṃbaṃ sagaṇamavyagraṃ labdhavānputramātmanaḥ
Sanskrit only: no published translation is held for this verse.
तदाप्रभृति तं कृष्णं मुनयः संशितव्रताः । दिव्याः पाशुपताः सर्वे तस्थुः संवृत्य सर्वदा
tadāprabhṛti taṃ kṛṣṇaṃ munayaḥ saṃśitavratāḥ / divyāḥ pāśupatāḥ sarve tasthuḥ saṃvṛtya sarvadā
Sanskrit only: no published translation is held for this verse.
अन्यं च कथयिष्यामि मुक्त्यर्थं प्राणिनां सदा । सौवर्णीं मेखलां कृत्वा आधारं दण्डधारणम्
anyaṃ ca kathayiṣyāmi muktyarthaṃ prāṇināṃ sadā / sauvarṇīṃ mekhalāṃ kṛtvā ādhāraṃ daṇḍadhāraṇam
Sanskrit only: no published translation is held for this verse.
सौवर्णं पिण्डिकं चापि व्यजनं दण्डमेव च । नरैः स्त्रियाथ वा कार्यं मषीभाजनलेखनीम्
sauvarṇaṃ piṇḍikaṃ cāpi vyajanaṃ daṇḍameva ca / naraiḥ striyātha vā kāryaṃ maṣībhājanalekhanīm
Sanskrit only: no published translation is held for this verse.
क्षुराः कर्तरिका चापि अथ पात्रमथापि वा । पाशुपताय दातव्यं भस्मोद्धूलितविग्रहैः
kṣurāḥ kartarikā cāpi atha pātramathāpi vā / pāśupatāya dātavyaṃ bhasmoddhūlitavigrahaiḥ
Sanskrit only: no published translation is held for this verse.
सौवर्णं राजतं वापि ताम्रं वाथ निवेदयेत् । आत्मवित्तानुसारेण योगिनं पूजयेद्बुधः
sauvarṇaṃ rājataṃ vāpi tāmraṃ vātha nivedayet / ātmavittānusāreṇa yoginaṃ pūjayedbudhaḥ
Sanskrit only: no published translation is held for this verse.
ते सर्वे पापनिर्मुक्ताः समस्तकुलसंयुताः । यान्ति रुद्रपदं दिव्यं नात्र कार्या विचारणा
te sarve pāpanirmuktāḥ samastakulasaṃyutāḥ / yānti rudrapadaṃ divyaṃ nātra kāryā vicāraṇā
Sanskrit only: no published translation is held for this verse.
तस्मादनेन दानेन गृहस्थो मुच्यते भवात् । योगिनां संप्रदानेन शिवः क्षिप्रं प्रसीदति
tasmādanena dānena gṛhastho mucyate bhavāt / yogināṃ saṃpradānena śivaḥ kṣipraṃ prasīdati
Sanskrit only: no published translation is held for this verse.
राज्यं पुत्रं धनं भव्यम् अश्वं यानमथापि वा । सर्वस्वं वापि दातव्यं यदीच्छेन्मोक्षमुत्तमम्
rājyaṃ putraṃ dhanaṃ bhavyam aśvaṃ yānamathāpi vā / sarvasvaṃ vāpi dātavyaṃ yadīcchenmokṣamuttamam
Sanskrit only: no published translation is held for this verse.
अध्रुवेण शरीरेण ध्रुवं साध्यं प्रयत्नतः । भव्यं पाशुपतं नित्यं संसारार्णवतारकम्
adhruveṇa śarīreṇa dhruvaṃ sādhyaṃ prayatnataḥ / bhavyaṃ pāśupataṃ nityaṃ saṃsārārṇavatārakam
Sanskrit only: no published translation is held for this verse.
एतद्वः कथितं सर्वं संक्षेपान्न च संशयः । यः पठेच्छृणुयाद्वापि विष्णुलोकं स गच्छति
etadvaḥ kathitaṃ sarvaṃ saṃkṣepānna ca saṃśayaḥ / yaḥ paṭhecchṛṇuyādvāpi viṣṇulokaṃ sa gacchati
Sanskrit only: no published translation is held for this verse.