Liṅga Purāṇa 1.12

सूत उवाच ततस्त्रिंशत्तमः कल्पो रक्तो नाम प्रकीर्तितः । ब्रह्मा यत्र महातेजा रक्तवर्णमधारयत्

sūta uvāca tatastriṃśattamaḥ kalpo rakto nāma prakīrtitaḥ / brahmā yatra mahātejā raktavarṇamadhārayat

Sanskrit only: no published translation is held for this verse.

ध्यायतः पुत्रकामस्य ब्रह्मणः परमेष्ठिनः । प्रादुर्भूतो महातेजाः कुमारो रक्तभूषणः

dhyāyataḥ putrakāmasya brahmaṇaḥ parameṣṭhinaḥ / prādurbhūto mahātejāḥ kumāro raktabhūṣaṇaḥ

Sanskrit only: no published translation is held for this verse.

रक्तमाल्याम्बरधरो रक्तनेत्रः प्रतापवान् । स तं दृष्ट्वा महात्मानं कुमारं रक्तवाससम्

raktamālyāmbaradharo raktanetraḥ pratāpavān / sa taṃ dṛṣṭvā mahātmānaṃ kumāraṃ raktavāsasam

Sanskrit only: no published translation is held for this verse.

परं ध्यानं समाश्रित्य बुबुधे देवमीश्वरम् । स तं प्रणम्य भगवान् ब्रह्मा परमयन्त्रितः

paraṃ dhyānaṃ samāśritya bubudhe devamīśvaram / sa taṃ praṇamya bhagavān brahmā paramayantritaḥ

Sanskrit only: no published translation is held for this verse.

वामदेवं ततो ब्रह्मा ब्रह्म वै समचिन्तयत् । तथा स्तुतो महादेवो ब्रह्मणा परमेश्वरः

vāmadevaṃ tato brahmā brahma vai samacintayat / tathā stuto mahādevo brahmaṇā parameśvaraḥ

Sanskrit only: no published translation is held for this verse.

प्रतीतहृदयः सर्व इदमाह पितामहम् । ध्यायता पुत्रकामेन यस्मात्ते ऽहं पितामह

pratītahṛdayaḥ sarva idamāha pitāmaham / dhyāyatā putrakāmena yasmātte 'haṃ pitāmaha

Sanskrit only: no published translation is held for this verse.

दृष्टः परमया भक्त्या स्तुतश् च ब्रह्मपूर्वकम् । तस्माद्ध्यानबलं प्राप्य कल्पे कल्पे प्रयत्नतः

dṛṣṭaḥ paramayā bhaktyā stutaś ca brahmapūrvakam / tasmāddhyānabalaṃ prāpya kalpe kalpe prayatnataḥ

Sanskrit only: no published translation is held for this verse.

वेत्स्यसे मां प्रसंख्यातं लोकधातारमीश्वरम् । ततस्तस्य महात्मानश् चत्वारस्ते कुमारकाः

vetsyase māṃ prasaṃkhyātaṃ lokadhātāramīśvaram / tatastasya mahātmānaś catvāraste kumārakāḥ

Sanskrit only: no published translation is held for this verse.

संबभूवुर्महात्मानो विशुद्धा ब्रह्मवर्चसः । विरजाश् च विबाहुश् च विशोको विश्वभावनः

saṃbabhūvurmahātmāno viśuddhā brahmavarcasaḥ / virajāś ca vibāhuś ca viśoko viśvabhāvanaḥ

Sanskrit only: no published translation is held for this verse.

ब्रह्मण्या ब्रह्मणस्तुल्या वीरा अध्यवसायिनः । रक्तांबरधराः सर्वे रक्तमाल्यानुलेपनाः

brahmaṇyā brahmaṇastulyā vīrā adhyavasāyinaḥ / raktāṃbaradharāḥ sarve raktamālyānulepanāḥ

Sanskrit only: no published translation is held for this verse.

रक्तकुङ्कुमलिप्ताङ्गा रक्तभस्मानुलेपनाः । ततो वर्षसहस्रान्ते ब्रह्मत्वे ऽध्यवसायिनः

raktakuṅkumaliptāṅgā raktabhasmānulepanāḥ / tato varṣasahasrānte brahmatve 'dhyavasāyinaḥ

Sanskrit only: no published translation is held for this verse.

गृणन्तश् च महात्मानो ब्रह्म तद्वामदैविकम् । अनुग्रहार्थं लोकानां शिष्याणां हितकाम्यया

gṛṇantaś ca mahātmāno brahma tadvāmadaivikam / anugrahārthaṃ lokānāṃ śiṣyāṇāṃ hitakāmyayā

Sanskrit only: no published translation is held for this verse.

धर्मोपदेशमखिलं कृत्वा ते ब्रह्मणः प्रियाः । पुनरेव महादेवं प्रविष्टा रुद्रमव्ययम्

dharmopadeśamakhilaṃ kṛtvā te brahmaṇaḥ priyāḥ / punareva mahādevaṃ praviṣṭā rudramavyayam

Sanskrit only: no published translation is held for this verse.

ये ऽपि चान्ये द्विजश्रेष्ठा युञ्जाना वाममीश्वरम् । प्रपश्यन्ति महादेवं तद्भक्तास् तत्परायणाः

ye 'pi cānye dvijaśreṣṭhā yuñjānā vāmamīśvaram / prapaśyanti mahādevaṃ tadbhaktās tatparāyaṇāḥ

Sanskrit only: no published translation is held for this verse.

ते सर्वे पापनिर्मुक्ता विमला ब्रह्मचारिणः । रुद्रलोकं गमिष्यन्ति पुनरावृत्तिदुर्लभम्

te sarve pāpanirmuktā vimalā brahmacāriṇaḥ / rudralokaṃ gamiṣyanti punarāvṛttidurlabham

Sanskrit only: no published translation is held for this verse.