Liṅga Purāṇa 1.14

सूत उवाच ततस्तस्मिन्गते कल्पे पीतवर्णे स्वयंभुवः । पुनरन्यः प्रवृत्तस्तु कल्पो नाम्नासितस्तु सः

sūta uvāca tatastasmingate kalpe pītavarṇe svayaṃbhuvaḥ / punaranyaḥ pravṛttastu kalpo nāmnāsitastu saḥ

Sanskrit only: no published translation is held for this verse.

एकार्णवे तदा वृत्ते दिव्ये वर्षसहस्रके । स्रष्टुकामः प्रजा ब्रह्मा चिन्तयामास दुःखितः

ekārṇave tadā vṛtte divye varṣasahasrake / sraṣṭukāmaḥ prajā brahmā cintayāmāsa duḥkhitaḥ

Sanskrit only: no published translation is held for this verse.

तस्य चिन्तयमानस्य पुत्रकामस्य वै प्रभोः । कृष्णः समभवद्वर्णो ध्यायतः परमेष्ठिनः

tasya cintayamānasya putrakāmasya vai prabhoḥ / kṛṣṇaḥ samabhavadvarṇo dhyāyataḥ parameṣṭhinaḥ

Sanskrit only: no published translation is held for this verse.

अथापश्यन्महातेजाः प्रादुर्भूतं कुमारकम् । कृष्णवर्णं महावीर्यं दीप्यमानं स्वतेजसा

athāpaśyanmahātejāḥ prādurbhūtaṃ kumārakam / kṛṣṇavarṇaṃ mahāvīryaṃ dīpyamānaṃ svatejasā

Sanskrit only: no published translation is held for this verse.

कृष्णांबरधरोष्णीषं कृष्णयज्ञोपवीतिनम् । कृष्णेन मौलिना युक्तं कृष्णस्रगनुलेपनम्

kṛṣṇāṃbaradharoṣṇīṣaṃ kṛṣṇayajñopavītinam / kṛṣṇena maulinā yuktaṃ kṛṣṇasraganulepanam

Sanskrit only: no published translation is held for this verse.

स तं दृष्ट्वा महात्मानम् अघोरं घोरविक्रमम् । ववन्दे देवदेवेशम् अद्भुतं कृष्णपिङ्गलम्

sa taṃ dṛṣṭvā mahātmānam aghoraṃ ghoravikramam / vavande devadeveśam adbhutaṃ kṛṣṇapiṅgalam

Sanskrit only: no published translation is held for this verse.

प्राणायामपरः श्रीमान् हृदि कृत्वा महेश्वरम् । मनसा ध्यानुयुक्तेन प्रपन्नस्तु तमीश्वरम्

prāṇāyāmaparaḥ śrīmān hṛdi kṛtvā maheśvaram / manasā dhyānuyuktena prapannastu tamīśvaram

Sanskrit only: no published translation is held for this verse.

अघोरं तु ततो ब्रह्मा ब्रह्मरूपं व्यचिन्तयत् । तथा वै ध्यायमानस्य ब्रह्मणः परमेष्ठिनः

aghoraṃ tu tato brahmā brahmarūpaṃ vyacintayat / tathā vai dhyāyamānasya brahmaṇaḥ parameṣṭhinaḥ

Sanskrit only: no published translation is held for this verse.

प्रददौ दर्शनं देवो ह्य् अघोरो घोरविक्रमः । अथास्य पार्श्वतः कृष्णाः कृष्णस्रगनुलेपनाः

pradadau darśanaṃ devo hy aghoro ghoravikramaḥ / athāsya pārśvataḥ kṛṣṇāḥ kṛṣṇasraganulepanāḥ

Sanskrit only: no published translation is held for this verse.

चत्वारस्तु महात्मानः संबभूवुः कुमारकाः । कृष्णः कृष्णशिखश्चैव कृष्णास्यः कृष्णवस्त्रधृक्

catvārastu mahātmānaḥ saṃbabhūvuḥ kumārakāḥ / kṛṣṇaḥ kṛṣṇaśikhaścaiva kṛṣṇāsyaḥ kṛṣṇavastradhṛk

Sanskrit only: no published translation is held for this verse.

ततो वर्षसहस्रं तु योगतः परमेश्वरम् । उपासित्वा महायोगं शिष्येभ्यः प्रददुः पुनः

tato varṣasahasraṃ tu yogataḥ parameśvaram / upāsitvā mahāyogaṃ śiṣyebhyaḥ pradaduḥ punaḥ

Sanskrit only: no published translation is held for this verse.

योगेन योगसम्पन्नाः प्रविश्य मनसा शिवम् । अमलं निर्गुणं स्थानं प्रविष्टा विश्वमीश्वरम्

yogena yogasampannāḥ praviśya manasā śivam / amalaṃ nirguṇaṃ sthānaṃ praviṣṭā viśvamīśvaram

Sanskrit only: no published translation is held for this verse.

एवमेतेन योगेन ये ऽपि चान्ये मनीषिणः । चिन्तयन्ति महादेवं गन्तारो रुद्रमव्ययम्

evametena yogena ye 'pi cānye manīṣiṇaḥ / cintayanti mahādevaṃ gantāro rudramavyayam

Sanskrit only: no published translation is held for this verse.