Liṅga Purāṇa 1.15

सूत उवाच ततस्तस्मिन् गते कल्पे कृष्णवर्णे भयानके । तुष्टाव देवदेवेशं ब्रह्मा तं ब्रह्मरूपिणम्

sūta uvāca tatastasmin gate kalpe kṛṣṇavarṇe bhayānake / tuṣṭāva devadeveśaṃ brahmā taṃ brahmarūpiṇam

Sanskrit only: no published translation is held for this verse.

अनुगृह्य ततस्तुष्टो ब्रह्माणमवदद्धरः । अनेनैव तु रूपेण संहरामि न संशयः

anugṛhya tatastuṣṭo brahmāṇamavadaddharaḥ / anenaiva tu rūpeṇa saṃharāmi na saṃśayaḥ

Sanskrit only: no published translation is held for this verse.

ब्रह्महत्यादिकान् घोरांस् तथान्यानपि पातकान् । हीनांश्चैव महाभाग तथैव विविधान्यपि

brahmahatyādikān ghorāṃs tathānyānapi pātakān / hīnāṃścaiva mahābhāga tathaiva vividhānyapi

Sanskrit only: no published translation is held for this verse.

उपपातकमप्येवं तथा पापानि सुव्रत । मानसानि सुतीक्ष्णानि वाचिकानि पितामह

upapātakamapyevaṃ tathā pāpāni suvrata / mānasāni sutīkṣṇāni vācikāni pitāmaha

Sanskrit only: no published translation is held for this verse.

कायिकानि सुमिश्राणि तथा प्रासंगिकानि च । बुद्धिपूर्वं कृतान्येव सहजागन्तुकानि च

kāyikāni sumiśrāṇi tathā prāsaṃgikāni ca / buddhipūrvaṃ kṛtānyeva sahajāgantukāni ca

Sanskrit only: no published translation is held for this verse.

मातृदेहोत्थितान्येवं पितृदेहे च पातकम् । संहरामि न संदेहः सर्वं पातकजं विभो

mātṛdehotthitānyevaṃ pitṛdehe ca pātakam / saṃharāmi na saṃdehaḥ sarvaṃ pātakajaṃ vibho

Sanskrit only: no published translation is held for this verse.

लक्षं जप्त्वा ह्यघोरेभ्यो ब्रह्महा मुच्यते प्रभो । तदर्धं वाचिके वत्स तदर्धं मानसे पुनः

lakṣaṃ japtvā hyaghorebhyo brahmahā mucyate prabho / tadardhaṃ vācike vatsa tadardhaṃ mānase punaḥ

Sanskrit only: no published translation is held for this verse.

चतुर्गुणं बुद्धिपूर्वे क्रोधादष्टगुणं स्मृतम् । वीरहा लक्षमात्रेण भ्रूणहा कोटिमभ्यसेत्

caturguṇaṃ buddhipūrve krodhādaṣṭaguṇaṃ smṛtam / vīrahā lakṣamātreṇa bhrūṇahā koṭimabhyaset

Sanskrit only: no published translation is held for this verse.

मातृहा नियुतं जप्त्वा शुध्यते नात्र संशयः । गोघ्नश्चैव कृतघ्नश् च स्त्रीघ्नः पापयुतो नरः

mātṛhā niyutaṃ japtvā śudhyate nātra saṃśayaḥ / goghnaścaiva kṛtaghnaś ca strīghnaḥ pāpayuto naraḥ

Sanskrit only: no published translation is held for this verse.

अयुताघोरमभ्यस्य मुच्यते नात्र संशयः । सुरापो लक्षमात्रेण बुद्ध्याबुद्ध्यापि वै प्रभो

ayutāghoramabhyasya mucyate nātra saṃśayaḥ / surāpo lakṣamātreṇa buddhyābuddhyāpi vai prabho

Sanskrit only: no published translation is held for this verse.

मुच्यते नात्र संदेहस् तदर्धेन च वारुणीम् । अस्नाताशी सहस्रेण अजपी च तथा द्विजः

mucyate nātra saṃdehas tadardhena ca vāruṇīm / asnātāśī sahasreṇa ajapī ca tathā dvijaḥ

Sanskrit only: no published translation is held for this verse.

अहुताशी सहस्रेण अदाता च विशुध्यति । ब्राह्मणस्वापहर्ता च स्वर्णस्तेयी नराधमः

ahutāśī sahasreṇa adātā ca viśudhyati / brāhmaṇasvāpahartā ca svarṇasteyī narādhamaḥ

Sanskrit only: no published translation is held for this verse.

नियुतं मानसं जप्त्वा मुच्यते नात्र संशयः । गुरुतल्परतो वापि मातृघ्नो वा नराधमः

niyutaṃ mānasaṃ japtvā mucyate nātra saṃśayaḥ / gurutalparato vāpi mātṛghno vā narādhamaḥ

Sanskrit only: no published translation is held for this verse.

ब्रह्मघ्नश् च जपेदेवं मानसं वै पितामह । संपर्कात्पापिनां पापं तत्समं परिभाषितम्

brahmaghnaś ca japedevaṃ mānasaṃ vai pitāmaha / saṃparkātpāpināṃ pāpaṃ tatsamaṃ paribhāṣitam

Sanskrit only: no published translation is held for this verse.

तथाप्ययुतमात्रेण पातकाद्वै प्रमुच्यते । संसर्गात्पातकी लक्षं जपेद्वै मानसं धिया

tathāpyayutamātreṇa pātakādvai pramucyate / saṃsargātpātakī lakṣaṃ japedvai mānasaṃ dhiyā

Sanskrit only: no published translation is held for this verse.

उपांशु यच्चतुर्धा वै वाचिकं चाष्टधा जपेत् । पातकादर्धमेव स्याद् उपपातकिनां स्मृतम्

upāṃśu yaccaturdhā vai vācikaṃ cāṣṭadhā japet / pātakādardhameva syād upapātakināṃ smṛtam

Sanskrit only: no published translation is held for this verse.

तदर्धं केवले पापे नात्र कार्या विचारणा । ब्रह्महत्या सुरापानं सुवर्णस्तेयमेव च

tadardhaṃ kevale pāpe nātra kāryā vicāraṇā / brahmahatyā surāpānaṃ suvarṇasteyameva ca

Sanskrit only: no published translation is held for this verse.

कृत्वा च गुरुतल्पं च पापकृद्ब्राह्मणो यदि । रुद्रगायत्रिया ग्राह्यं गोमूत्रं कापिलं द्विजाः

kṛtvā ca gurutalpaṃ ca pāpakṛdbrāhmaṇo yadi / rudragāyatriyā grāhyaṃ gomūtraṃ kāpilaṃ dvijāḥ

Sanskrit only: no published translation is held for this verse.

गन्धद्वारेति तस्या वै गोमयं स्वस्थम् आहरेत् । तेजो ऽसि शुक्तम् इत्याज्यं कापिलं संहरेद्बुधः

gandhadvāreti tasyā vai gomayaṃ svastham āharet / tejo 'si śuktam ityājyaṃ kāpilaṃ saṃharedbudhaḥ

Sanskrit only: no published translation is held for this verse.

आप्यायस्वेति च क्षीरं दधिक्राव्णेति चाहरेत् । गव्यं दधि नवं साक्षात् कापिलं वै पितामह

āpyāyasveti ca kṣīraṃ dadhikrāvṇeti cāharet / gavyaṃ dadhi navaṃ sākṣāt kāpilaṃ vai pitāmaha

Sanskrit only: no published translation is held for this verse.

देवस्य त्वेति मन्त्रेण संग्रहेद्वै कुशोदकम् । एकस्थं हेमपात्रे वा कृत्वाघोरेण राजते

devasya tveti mantreṇa saṃgrahedvai kuśodakam / ekasthaṃ hemapātre vā kṛtvāghoreṇa rājate

Sanskrit only: no published translation is held for this verse.

ताम्रे वा पद्मपात्रे वा पालाशे वा दले शुभे । सकूर्चं सर्वरत्नाढ्यं क्षिप्त्वा तत्रैव काञ्चनम्

tāmre vā padmapātre vā pālāśe vā dale śubhe / sakūrcaṃ sarvaratnāḍhyaṃ kṣiptvā tatraiva kāñcanam

Sanskrit only: no published translation is held for this verse.

जपेल्लक्षमघोराख्यं हुत्वा चैव घृतादिभिः । घृतेन चरुणा चैव समिद्भिश् च तिलैस् तथा

japellakṣamaghorākhyaṃ hutvā caiva ghṛtādibhiḥ / ghṛtena caruṇā caiva samidbhiś ca tilais tathā

Sanskrit only: no published translation is held for this verse.

यवैश् च व्रीहिभिश्चैव जुहुयाद्वै पृथक्पृथक् । प्रत्येकं सप्तवारं तु द्रव्यालाभे घृतेन तु

yavaiś ca vrīhibhiścaiva juhuyādvai pṛthakpṛthak / pratyekaṃ saptavāraṃ tu dravyālābhe ghṛtena tu

Sanskrit only: no published translation is held for this verse.

हुत्वाघोरेण देवेशं स्नात्वाघोरेण वै द्विजाः । अष्टद्रोणघृतेनैव स्नाप्य पश्चाद्विशोध्य च

hutvāghoreṇa deveśaṃ snātvāghoreṇa vai dvijāḥ / aṣṭadroṇaghṛtenaiva snāpya paścādviśodhya ca

Sanskrit only: no published translation is held for this verse.

अहोरात्रोषितः स्नातः पिबेत्कूर्चं शिवाग्रतः । ब्राह्मं ब्रह्मजपं कुर्याद् आचम्य च यथाविधि

ahorātroṣitaḥ snātaḥ pibetkūrcaṃ śivāgrataḥ / brāhmaṃ brahmajapaṃ kuryād ācamya ca yathāvidhi

Sanskrit only: no published translation is held for this verse.

एवं कृत्वा कृतघ्नो ऽपि ब्रह्महा भ्रूणहा तथा । वीरहा गुरुघाती च मित्रविश्वासघातकः

evaṃ kṛtvā kṛtaghno 'pi brahmahā bhrūṇahā tathā / vīrahā gurughātī ca mitraviśvāsaghātakaḥ

Sanskrit only: no published translation is held for this verse.

स्तेयी सुवर्णस्तेयी च गुरुतल्परतः सदा । मद्यपो वृषलीसक्तः परदारविधर्षकः

steyī suvarṇasteyī ca gurutalparataḥ sadā / madyapo vṛṣalīsaktaḥ paradāravidharṣakaḥ

Sanskrit only: no published translation is held for this verse.

ब्रह्मस्वहा तथा गोघ्नो मातृहा पितृहा तथा । देवप्रच्यावकश्चैव लिङ्गप्रध्वंसकस् तथा

brahmasvahā tathā goghno mātṛhā pitṛhā tathā / devapracyāvakaścaiva liṅgapradhvaṃsakas tathā

Sanskrit only: no published translation is held for this verse.

तथान्यानि च पापानि मानसानि द्विजो यदि । वाचिकानि तथान्यानि कायिकानि सहस्रशः

tathānyāni ca pāpāni mānasāni dvijo yadi / vācikāni tathānyāni kāyikāni sahasraśaḥ

Sanskrit only: no published translation is held for this verse.

कृत्वा विमुच्यते सद्यो जन्मान्तरशतैरपि । एतद्रहस्यं कथितम् अघोरेशप्रसंगतः

kṛtvā vimucyate sadyo janmāntaraśatairapi / etadrahasyaṃ kathitam aghoreśaprasaṃgataḥ

Sanskrit only: no published translation is held for this verse.

तस्माज्जपेद्द्विजो नित्यं सर्वपापविशुद्धये

tasmājjapeddvijo nityaṃ sarvapāpaviśuddhaye

Sanskrit only: no published translation is held for this verse.