Liṅga Purāṇa 1.16

सूत उवाच अथान्यो ब्रह्मणः कल्पो वर्तते मुनिपुङ्गवाः । विश्वरूप इति ख्यातो नामतः परमाद्भुतः

sūta uvāca athānyo brahmaṇaḥ kalpo vartate munipuṅgavāḥ / viśvarūpa iti khyāto nāmataḥ paramādbhutaḥ

Sanskrit only: no published translation is held for this verse.

विनिवृत्ते तु संहारे पुनः सृष्टे चराचरे । ब्रह्मणः पुत्रकामस्य ध्यायतः परमेष्ठिनः

vinivṛtte tu saṃhāre punaḥ sṛṣṭe carācare / brahmaṇaḥ putrakāmasya dhyāyataḥ parameṣṭhinaḥ

Sanskrit only: no published translation is held for this verse.

प्रादुर्भूता महानादा विश्वरूपा सरस्वती । विश्वमाल्यांबरधरा विश्वयज्ञोपवीतिनी

prādurbhūtā mahānādā viśvarūpā sarasvatī / viśvamālyāṃbaradharā viśvayajñopavītinī

Sanskrit only: no published translation is held for this verse.

विश्वोष्णीषा विश्वगन्धा विश्वमाता महोष्ठिका । तथाविधं स भगवान् ईशानं परमेश्वरम्

viśvoṣṇīṣā viśvagandhā viśvamātā mahoṣṭhikā / tathāvidhaṃ sa bhagavān īśānaṃ parameśvaram

Sanskrit only: no published translation is held for this verse.

शुद्धस्फटिकसंकाशं सर्वाभरणभूषितम् । अथ तं मनसा ध्यात्वा युक्तात्मा वै पितामहः

śuddhasphaṭikasaṃkāśaṃ sarvābharaṇabhūṣitam / atha taṃ manasā dhyātvā yuktātmā vai pitāmahaḥ

Sanskrit only: no published translation is held for this verse.

ववन्दे देवमीशानं सर्वेशं सर्वगं प्रभुम् । ओमीशान नमस्ते ऽस्तु महादेव नमो ऽस्तु ते

vavande devamīśānaṃ sarveśaṃ sarvagaṃ prabhum / omīśāna namaste 'stu mahādeva namo 'stu te

Sanskrit only: no published translation is held for this verse.

नमो ऽस्तु सर्वविद्यानाम् ईशान परमेश्वर । नमो ऽस्तु सर्वभूतानाम् ईशान वृषवाहन

namo 'stu sarvavidyānām īśāna parameśvara / namo 'stu sarvabhūtānām īśāna vṛṣavāhana

Sanskrit only: no published translation is held for this verse.

ब्रह्मणो ऽधिपते तुभ्यं ब्रह्मणे ब्रह्मरूपिणे । नमो ब्रह्माधिपतये शिवं मे ऽस्तु सदाशिव

brahmaṇo 'dhipate tubhyaṃ brahmaṇe brahmarūpiṇe / namo brahmādhipataye śivaṃ me 'stu sadāśiva

Sanskrit only: no published translation is held for this verse.

ओङ्कारमूर्ते देवेश सद्योजात नमोनमः । प्रपद्ये त्वां प्रपन्नो ऽस्मि सद्योजाताय वै नमः

oṅkāramūrte deveśa sadyojāta namonamaḥ / prapadye tvāṃ prapanno 'smi sadyojātāya vai namaḥ

Sanskrit only: no published translation is held for this verse.

अभवे च भवे तुभ्यं तथा नातिभवे नमः । भवोद्भव भवेशान मां भजस्व महाद्युते

abhave ca bhave tubhyaṃ tathā nātibhave namaḥ / bhavodbhava bhaveśāna māṃ bhajasva mahādyute

Sanskrit only: no published translation is held for this verse.

वामदेव नमस्तुभ्यं ज्येष्ठाय वरदाय च । नमो रुद्राय कालाय कलनाय नमो नमः

vāmadeva namastubhyaṃ jyeṣṭhāya varadāya ca / namo rudrāya kālāya kalanāya namo namaḥ

Sanskrit only: no published translation is held for this verse.

नमो विकरणायैव कालवर्णाय वर्णिने । बलाय बलिनां नित्यं सदा विकरणाय ते

namo vikaraṇāyaiva kālavarṇāya varṇine / balāya balināṃ nityaṃ sadā vikaraṇāya te

Sanskrit only: no published translation is held for this verse.

बलप्रमथनायैव बलिने ब्रह्मरूपिणे । सर्वभूतेश्वरेशाय भूतानां दमनाय च

balapramathanāyaiva baline brahmarūpiṇe / sarvabhūteśvareśāya bhūtānāṃ damanāya ca

Sanskrit only: no published translation is held for this verse.

मनोन्मनाय देवाय नमस्तुभ्यं महाद्युते । वामदेवाय वामाय नमस्तुभ्यं महात्मने

manonmanāya devāya namastubhyaṃ mahādyute / vāmadevāya vāmāya namastubhyaṃ mahātmane

Sanskrit only: no published translation is held for this verse.

ज्येष्ठाय चैव श्रेष्ठाय रुद्राय वरदाय च । कालहन्त्रे नमस्तुभ्यं नमस्तुभ्यं महात्मने

jyeṣṭhāya caiva śreṣṭhāya rudrāya varadāya ca / kālahantre namastubhyaṃ namastubhyaṃ mahātmane

Sanskrit only: no published translation is held for this verse.

इति स्तवेन देवेशं ननाम वृषभध्वजम् । यः पठेत् सकृदेवेह ब्रह्मलोकं गमिष्यति

iti stavena deveśaṃ nanāma vṛṣabhadhvajam / yaḥ paṭhet sakṛdeveha brahmalokaṃ gamiṣyati

Sanskrit only: no published translation is held for this verse.

श्रावयेद्वा द्विजान् श्राद्धे स याति परमां गतिम् । एवं ध्यानगतं तत्र प्रणमन्तं पितामहम्

śrāvayedvā dvijān śrāddhe sa yāti paramāṃ gatim / evaṃ dhyānagataṃ tatra praṇamantaṃ pitāmaham

Sanskrit only: no published translation is held for this verse.

उवाच भगवानीशः प्रीतो ऽहं ते किमिच्छसि । ततस्तु प्रणतो भूत्वा वाग्विशुद्धं महेश्वरम्

uvāca bhagavānīśaḥ prīto 'haṃ te kimicchasi / tatastu praṇato bhūtvā vāgviśuddhaṃ maheśvaram

Sanskrit only: no published translation is held for this verse.

उवाच भगवान् रुद्रं प्रीतं प्रीतेन चेतसा । यदिदं विश्वरूपं ते विश्वगौः श्रेयसीश्वरी

uvāca bhagavān rudraṃ prītaṃ prītena cetasā / yadidaṃ viśvarūpaṃ te viśvagauḥ śreyasīśvarī

Sanskrit only: no published translation is held for this verse.

एतद्वेदितुमिच्छामि यथेयं परमेश्वर । कैषा भगवती देवी चतुष्पादा चतुर्मुखी

etadveditumicchāmi yatheyaṃ parameśvara / kaiṣā bhagavatī devī catuṣpādā caturmukhī

Sanskrit only: no published translation is held for this verse.

चतुःशृङ्गी चतुर्वक्त्रा चतुर्दंष्ट्रा चतुःस्तनी । चतुर्हस्ता चतुर्नेत्रा विश्वरूपा कथं स्मृता

catuḥśṛṅgī caturvaktrā caturdaṃṣṭrā catuḥstanī / caturhastā caturnetrā viśvarūpā kathaṃ smṛtā

Sanskrit only: no published translation is held for this verse.

किंनामगोत्रा कस्येयं किंवीर्या चापि कर्मतः । तस्य तद्वचनं श्रुत्वा देवदेवो वृषध्वजः

kiṃnāmagotrā kasyeyaṃ kiṃvīryā cāpi karmataḥ / tasya tadvacanaṃ śrutvā devadevo vṛṣadhvajaḥ

Sanskrit only: no published translation is held for this verse.

प्राह देववृषं ब्रह्मा ब्रह्माणं चात्मसंभवम् । रहस्यं सर्वमन्त्राणां पावनं पुष्टिवर्धनम्

prāha devavṛṣaṃ brahmā brahmāṇaṃ cātmasaṃbhavam / rahasyaṃ sarvamantrāṇāṃ pāvanaṃ puṣṭivardhanam

Sanskrit only: no published translation is held for this verse.

शृणुष्वैतत्परं गुह्यम् आदिसर्गे यथा तथा । एवं यो वर्तते कल्पो विश्वरूपस्त्वसौ मतः

śṛṇuṣvaitatparaṃ guhyam ādisarge yathā tathā / evaṃ yo vartate kalpo viśvarūpastvasau mataḥ

Sanskrit only: no published translation is held for this verse.

ब्रह्मस्थानमिदं चापि यत्र प्राप्तं त्वया प्रभो । त्वत्तः परतरं देव विष्णुना तत्पदं शुभम्

brahmasthānamidaṃ cāpi yatra prāptaṃ tvayā prabho / tvattaḥ parataraṃ deva viṣṇunā tatpadaṃ śubham

Sanskrit only: no published translation is held for this verse.

वैकुण्ठेन विशुद्धेन मम वामाङ्गजेन वा । तदाप्रभृति कल्पश् च त्रयस्त्रिंशत्तमो ह्ययम्

vaikuṇṭhena viśuddhena mama vāmāṅgajena vā / tadāprabhṛti kalpaś ca trayastriṃśattamo hyayam

Sanskrit only: no published translation is held for this verse.

शतं शतसहस्राणाम् अतीता ये स्वयंभुवः । पुरस्तात्तव देवेश तच्छृणुष्व महामते

śataṃ śatasahasrāṇām atītā ye svayaṃbhuvaḥ / purastāttava deveśa tacchṛṇuṣva mahāmate

Sanskrit only: no published translation is held for this verse.

आनन्दस्तु स विज्ञेय आनन्दत्वे व्यवस्थितः । माण्डव्यगोत्रस्तपसा मम पुत्रत्वमागतः

ānandastu sa vijñeya ānandatve vyavasthitaḥ / māṇḍavyagotrastapasā mama putratvamāgataḥ

Sanskrit only: no published translation is held for this verse.

त्वयि योगं च सांख्यं च तपोविद्याविधिक्रियाः । ऋतं सत्यं दया ब्रह्म अहिंसा सन्मतिः क्षमा

tvayi yogaṃ ca sāṃkhyaṃ ca tapovidyāvidhikriyāḥ / ṛtaṃ satyaṃ dayā brahma ahiṃsā sanmatiḥ kṣamā

Sanskrit only: no published translation is held for this verse.

ध्यानं ध्येयं दमः शान्तिर् विद्याविद्या मतिर्धृतिः । कान्तिर्नीतिः प्रथा मेधा लज्जा दृष्टिः सरस्वती

dhyānaṃ dhyeyaṃ damaḥ śāntir vidyāvidyā matirdhṛtiḥ / kāntirnītiḥ prathā medhā lajjā dṛṣṭiḥ sarasvatī

Sanskrit only: no published translation is held for this verse.

तुष्टिः पुष्टिः क्रिया चैव प्रसादश् च प्रतिष्ठिताः । द्वात्रिंशत्सुगुणा ह्येषा द्वात्रिंशाक्षरसंज्ञया

tuṣṭiḥ puṣṭiḥ kriyā caiva prasādaś ca pratiṣṭhitāḥ / dvātriṃśatsuguṇā hyeṣā dvātriṃśākṣarasaṃjñayā

Sanskrit only: no published translation is held for this verse.

प्रकृतिर्विहिता ब्रह्मंस् त्वत्प्रसूतिर्महेश्वरी । विष्णोर्भगवतश्चापि तथान्येषामपि प्रभो

prakṛtirvihitā brahmaṃs tvatprasūtirmaheśvarī / viṣṇorbhagavataścāpi tathānyeṣāmapi prabho

Sanskrit only: no published translation is held for this verse.

सैषा भगवती देवी मत्प्रसूतिः प्रतिष्ठिता । चतुर्मुखी जगद्योनिः प्रकृतिर् गौः प्रतिष्ठिता

saiṣā bhagavatī devī matprasūtiḥ pratiṣṭhitā / caturmukhī jagadyoniḥ prakṛtir gauḥ pratiṣṭhitā

Sanskrit only: no published translation is held for this verse.

गौरी माया च विद्या च कृष्णा हैमवतीति च । प्रधानं प्रकृतिश्चैव यामाहुस्तत्त्वचिन्तकाः

gaurī māyā ca vidyā ca kṛṣṇā haimavatīti ca / pradhānaṃ prakṛtiścaiva yāmāhustattvacintakāḥ

Sanskrit only: no published translation is held for this verse.

अजामेकां लोहितां शुक्लकृष्णां विश्वप्रजां सृजमानां सरूपाम् । अजो ऽहं मां विद्धि तां विश्वरूपं गायत्रीं गां विश्वरूपां हि बुद्ध्या

ajāmekāṃ lohitāṃ śuklakṛṣṇāṃ viśvaprajāṃ sṛjamānāṃ sarūpām / ajo 'haṃ māṃ viddhi tāṃ viśvarūpaṃ gāyatrīṃ gāṃ viśvarūpāṃ hi buddhyā

Sanskrit only: no published translation is held for this verse.

एवमुक्त्वा महादेवः ससर्ज परमेश्वरः । ततश् च पार्श्वगा देव्याः सर्वरूपकुमारकाः

evamuktvā mahādevaḥ sasarja parameśvaraḥ / tataś ca pārśvagā devyāḥ sarvarūpakumārakāḥ

Sanskrit only: no published translation is held for this verse.

जटी मुण्डी शिखण्डी च अर्धमुण्डश् च जज्ञिरे । ततस्तेन यथोक्तेन योगेन सुमहौजसः

jaṭī muṇḍī śikhaṇḍī ca ardhamuṇḍaś ca jajñire / tatastena yathoktena yogena sumahaujasaḥ

Sanskrit only: no published translation is held for this verse.

दिव्यवर्षसहस्रान्ते उपासित्वा महेश्वरम् । धर्मोपदेशमखिलं कृत्वा योगमयं दृढम्

divyavarṣasahasrānte upāsitvā maheśvaram / dharmopadeśamakhilaṃ kṛtvā yogamayaṃ dṛḍham

Sanskrit only: no published translation is held for this verse.

शिष्टाश् च नियतात्मानः प्रविष्टा रुद्रमीश्वरम्

śiṣṭāś ca niyatātmānaḥ praviṣṭā rudramīśvaram

Sanskrit only: no published translation is held for this verse.