Library·Liṅga Purāṇa·1·1.17
सूत उवाच एवं संक्षेपतः प्रोक्तः सह्यादीनां समुद्भवः । यः पठेच्छृणुयाद्वापि श्रावयेद्वा द्विजोत्तमान्
sūta uvāca evaṃ saṃkṣepataḥ proktaḥ sahyādīnāṃ samudbhavaḥ / yaḥ paṭhecchṛṇuyādvāpi śrāvayedvā dvijottamān
Sanskrit only: no published translation is held for this verse.
स याति ब्रह्मसायुज्यं प्रसादात्परमेष्ठिनः । ऋषय ऊचुः कथं लिङ्गमभूल्लिङ्गे समभ्यर्च्यः स शङ्करः
sa yāti brahmasāyujyaṃ prasādātparameṣṭhinaḥ / ṛṣaya ūcuḥ kathaṃ liṅgamabhūlliṅge samabhyarcyaḥ sa śaṅkaraḥ
Sanskrit only: no published translation is held for this verse.
किं लिङ्गं कस् तथा लिङ्गी सूत वक्तुमिहार्हसि । रोमहर्षण उवाच एवं देवाश् च ऋषयः प्रणिपत्य पितामहम्
kiṃ liṅgaṃ kas tathā liṅgī sūta vaktumihārhasi / romaharṣaṇa uvāca evaṃ devāś ca ṛṣayaḥ praṇipatya pitāmaham
Sanskrit only: no published translation is held for this verse.
अपृच्छन् भगवंल्लिङ्गं कथमासीदिति स्वयम् । लिङ्गे महेश्वरो रुद्रः समभ्यर्च्यः कथं त्विति
apṛcchan bhagavaṃlliṅgaṃ kathamāsīditi svayam / liṅge maheśvaro rudraḥ samabhyarcyaḥ kathaṃ tviti
Sanskrit only: no published translation is held for this verse.
किं लिङ्गं कस् तथा लिङ्गी सो ऽप्याह च पितामहः । पितामह उवाच प्रधानं लिङ्गमाख्यातं लिङ्गी च परमेश्वरः
kiṃ liṅgaṃ kas tathā liṅgī so 'pyāha ca pitāmahaḥ / pitāmaha uvāca pradhānaṃ liṅgamākhyātaṃ liṅgī ca parameśvaraḥ
Sanskrit only: no published translation is held for this verse.
रक्षार्थमंबुधौ मह्यं विष्णोस्त्वासीत् सुरोत्तमाः । वैमानिके गते सर्गे जनलोकं सहर्षिभिः
rakṣārthamaṃbudhau mahyaṃ viṣṇostvāsīt surottamāḥ / vaimānike gate sarge janalokaṃ saharṣibhiḥ
Sanskrit only: no published translation is held for this verse.
स्थितिकाले तदा पूर्णे ततः प्रत्याहृते तथा । चतुर्युगसहस्रान्ते सत्यलोकं गते सुराः
sthitikāle tadā pūrṇe tataḥ pratyāhṛte tathā / caturyugasahasrānte satyalokaṃ gate surāḥ
Sanskrit only: no published translation is held for this verse.
विनाधिपत्यं समतां गते ऽन्ते ब्रह्मणो मम । शुष्के च स्थावरे सर्वे त्व् अनावृष्ट्या च सर्वशः
vinādhipatyaṃ samatāṃ gate 'nte brahmaṇo mama / śuṣke ca sthāvare sarve tv anāvṛṣṭyā ca sarvaśaḥ
Sanskrit only: no published translation is held for this verse.
पशवो मानुषा वृक्षाः पिशाचाः पिशिताशनाः । गन्धर्वाद्याः क्रमेणैव निर्दग्धा भानुभानुभिः
paśavo mānuṣā vṛkṣāḥ piśācāḥ piśitāśanāḥ / gandharvādyāḥ krameṇaiva nirdagdhā bhānubhānubhiḥ
Sanskrit only: no published translation is held for this verse.
एकार्णवे महाघोरे तमोभूते समन्ततः । सुष्वापांभसि योगात्मा निर्मलो निरुपप्लवः
ekārṇave mahāghore tamobhūte samantataḥ / suṣvāpāṃbhasi yogātmā nirmalo nirupaplavaḥ
Sanskrit only: no published translation is held for this verse.
सहस्रशीर्षा विश्वात्मा सहस्राक्षः सहस्रपात् । सहस्रबाहुः सर्वज्ञः सर्वदेवभवोद्भवः
sahasraśīrṣā viśvātmā sahasrākṣaḥ sahasrapāt / sahasrabāhuḥ sarvajñaḥ sarvadevabhavodbhavaḥ
Sanskrit only: no published translation is held for this verse.
हिरण्यगर्भो रजसा तमसा शङ्करः स्वयम् । सत्त्वेन सर्वगो विष्णुः सर्वात्मत्वे महेश्वरः
hiraṇyagarbho rajasā tamasā śaṅkaraḥ svayam / sattvena sarvago viṣṇuḥ sarvātmatve maheśvaraḥ
Sanskrit only: no published translation is held for this verse.
कालात्मा कालनाभस्तु शुक्लः कृष्णस्तु निर्गुणः । नारायणो महाबाहुः सर्वात्मा सदसन्मयः
kālātmā kālanābhastu śuklaḥ kṛṣṇastu nirguṇaḥ / nārāyaṇo mahābāhuḥ sarvātmā sadasanmayaḥ
Sanskrit only: no published translation is held for this verse.
तथाभूतमहं दृष्ट्वा शयानं पङ्कजेक्षणम् । मायया मोहितस्तस्य तमवोचममर्षितः
tathābhūtamahaṃ dṛṣṭvā śayānaṃ paṅkajekṣaṇam / māyayā mohitastasya tamavocamamarṣitaḥ
Sanskrit only: no published translation is held for this verse.
कस्त्वं वदेति हस्तेन समुत्थाप्य सनातनम् । तदा हस्तप्रहारेण तीव्रेण स दृढेन तु
kastvaṃ vadeti hastena samutthāpya sanātanam / tadā hastaprahāreṇa tīvreṇa sa dṛḍhena tu
Sanskrit only: no published translation is held for this verse.
प्रबुद्धो ऽहीयशयनात् समासीनः क्षणं वशी । ददर्श निद्राविक्लिन्न- नीरजामललोचनः
prabuddho 'hīyaśayanāt samāsīnaḥ kṣaṇaṃ vaśī / dadarśa nidrāviklinna- nīrajāmalalocanaḥ
Sanskrit only: no published translation is held for this verse.
मामग्रे संस्थितं भासा- ध्यासितो भगवान् हरिः । आह चोत्थाय भगवान् हसन्मां मधुरं सकृत्
māmagre saṃsthitaṃ bhāsā- dhyāsito bhagavān hariḥ / āha cotthāya bhagavān hasanmāṃ madhuraṃ sakṛt
Sanskrit only: no published translation is held for this verse.
स्वागतंस्वागतं वत्स पितामह महाद्युते । तस्य तद्वचनं श्रुत्वा स्मितपूर्वं सुरर्षभाः
svāgataṃsvāgataṃ vatsa pitāmaha mahādyute / tasya tadvacanaṃ śrutvā smitapūrvaṃ surarṣabhāḥ
Sanskrit only: no published translation is held for this verse.
रजसा बद्धवैरश् च तमवोचं जनार्दनम् । भाषसे वत्स वत्सेति सर्गसंहारकारणम्
rajasā baddhavairaś ca tamavocaṃ janārdanam / bhāṣase vatsa vatseti sargasaṃhārakāraṇam
Sanskrit only: no published translation is held for this verse.
माम् इहान्तःस्मितं कृत्वा गुरुः शिष्यमिवानघ । कर्तारं जगतां साक्षात् प्रकृतेश् च प्रवर्तकम्
mām ihāntaḥsmitaṃ kṛtvā guruḥ śiṣyamivānagha / kartāraṃ jagatāṃ sākṣāt prakṛteś ca pravartakam
Sanskrit only: no published translation is held for this verse.
सनातनमजं विष्णुं विरिञ्चिं विश्वसंभवम् । विश्वात्मानं विधातारं धातारं पङ्कजेक्षणम्
sanātanamajaṃ viṣṇuṃ viriñciṃ viśvasaṃbhavam / viśvātmānaṃ vidhātāraṃ dhātāraṃ paṅkajekṣaṇam
Sanskrit only: no published translation is held for this verse.
किमर्थं भाषसे मोहाद् वक्तुमर्हसि सत्वरम् । सो ऽपि मामाह जगतां कर्ताहमिति लोकय
kimarthaṃ bhāṣase mohād vaktumarhasi satvaram / so 'pi māmāha jagatāṃ kartāhamiti lokaya
Sanskrit only: no published translation is held for this verse.
भर्ता हर्ता भवान् अङ्गाद् अवतीर्णो ममाव्ययात् । विस्मृतो ऽसि जगन्नाथं नारायणमनामयम्
bhartā hartā bhavān aṅgād avatīrṇo mamāvyayāt / vismṛto 'si jagannāthaṃ nārāyaṇamanāmayam
Sanskrit only: no published translation is held for this verse.
पुरुषं परमात्मानं पुरुहूतं पुरुष्टुतम् । विष्णुमच्युतमीशानं विश्वस्य प्रभवोद्भवम्
puruṣaṃ paramātmānaṃ puruhūtaṃ puruṣṭutam / viṣṇumacyutamīśānaṃ viśvasya prabhavodbhavam
Sanskrit only: no published translation is held for this verse.
तवापराधो नास्त्यत्र मम मायाकृतं त्विदम् । शृणु सत्यं चतुर्वक्त्र सर्वदेवेश्वरो ह्ययम्
tavāparādho nāstyatra mama māyākṛtaṃ tvidam / śṛṇu satyaṃ caturvaktra sarvadeveśvaro hyayam
Sanskrit only: no published translation is held for this verse.
कर्ता नेता च हर्ता च न मयास्ति समो विभुः । अहमेव परं ब्रह्म परं तत्त्वं पितामह
kartā netā ca hartā ca na mayāsti samo vibhuḥ / ahameva paraṃ brahma paraṃ tattvaṃ pitāmaha
Sanskrit only: no published translation is held for this verse.
अहमेव परं ज्योतिः परमात्मा त्वहं विभुः । यद्यद्दृष्टं श्रुतं सर्वं जगत्यस्मिंश्चराचरम्
ahameva paraṃ jyotiḥ paramātmā tvahaṃ vibhuḥ / yadyaddṛṣṭaṃ śrutaṃ sarvaṃ jagatyasmiṃścarācaram
Sanskrit only: no published translation is held for this verse.
तत्तद्विद्धि चतुर्वक्त्र सर्वं मन्मयमित्यथ । मया सृष्टं पुराव्यक्तं चतुर्विंशतिकं स्वयम्
tattadviddhi caturvaktra sarvaṃ manmayamityatha / mayā sṛṣṭaṃ purāvyaktaṃ caturviṃśatikaṃ svayam
Sanskrit only: no published translation is held for this verse.
नित्यान्ता ह्यणवो बद्धाः सृष्टाः क्रोधोद्भवादयः । प्रसादाद्धि भवानण्डान्य् अनेकानीह लीलया
nityāntā hyaṇavo baddhāḥ sṛṣṭāḥ krodhodbhavādayaḥ / prasādāddhi bhavānaṇḍāny anekānīha līlayā
Sanskrit only: no published translation is held for this verse.
सृष्टा बुद्धिर्मया तस्याम् अहङ्कारस्त्रिधा ततः । तन्मात्रापञ्चकं तस्मान् मनः षष्ठेन्द्रियाणि च
sṛṣṭā buddhirmayā tasyām ahaṅkārastridhā tataḥ / tanmātrāpañcakaṃ tasmān manaḥ ṣaṣṭhendriyāṇi ca
Sanskrit only: no published translation is held for this verse.
आकाशादीनि भूतानि भौतिकानि च लीलया । इत्युक्तवति तस्मिंश् च मयि चापि वचस् तथा
ākāśādīni bhūtāni bhautikāni ca līlayā / ityuktavati tasmiṃś ca mayi cāpi vacas tathā
Sanskrit only: no published translation is held for this verse.
आवयोश्चाभवद्युद्धं सुघोरं रोमहर्षणम् । प्रलयार्णवमध्ये तु रजसा बद्धवैरयोः
āvayoścābhavadyuddhaṃ sughoraṃ romaharṣaṇam / pralayārṇavamadhye tu rajasā baddhavairayoḥ
Sanskrit only: no published translation is held for this verse.
एतस्मिन्नन्तरे लिङ्गम् अभवच्चावयोः पुरः । विवादशमनार्थं हि प्रबोधार्थं च भास्वरम्
etasminnantare liṅgam abhavaccāvayoḥ puraḥ / vivādaśamanārthaṃ hi prabodhārthaṃ ca bhāsvaram
Sanskrit only: no published translation is held for this verse.
ज्वालामालासहस्राढ्यं कालानलशतोपमम् । क्षयवृद्धिविनिर्मुक्तम् आदिमध्यान्तवर्जितम्
jvālāmālāsahasrāḍhyaṃ kālānalaśatopamam / kṣayavṛddhivinirmuktam ādimadhyāntavarjitam
Sanskrit only: no published translation is held for this verse.
अनौपम्यमनिर्देश्यम् अव्यक्तं विश्वसंभवम् । तस्य ज्वालासहस्रेण मोहितो भगवान् हरिः
anaupamyamanirdeśyam avyaktaṃ viśvasaṃbhavam / tasya jvālāsahasreṇa mohito bhagavān hariḥ
Sanskrit only: no published translation is held for this verse.
मोहितं प्राह मामत्र परीक्षावो ऽग्निसंभवम् । अधोगमिष्याम्यनल- स्तंभस्यानुपमस्य च
mohitaṃ prāha māmatra parīkṣāvo 'gnisaṃbhavam / adhogamiṣyāmyanala- staṃbhasyānupamasya ca
Sanskrit only: no published translation is held for this verse.
भवानूर्ध्वं प्रयत्नेन गन्तुमर्हसि सत्वरम् । एवं व्याहृत्य विश्वात्मा स्वरूपमकरोत्तदा
bhavānūrdhvaṃ prayatnena gantumarhasi satvaram / evaṃ vyāhṛtya viśvātmā svarūpamakarottadā
Sanskrit only: no published translation is held for this verse.
वाराहमहमप्याशु हंसत्वं प्राप्तवान्सुराः । तदाप्रभृति मामाहुर्ह् अंसं हंसो विराडिति
vārāhamahamapyāśu haṃsatvaṃ prāptavānsurāḥ / tadāprabhṛti māmāhurh aṃsaṃ haṃso virāḍiti
Sanskrit only: no published translation is held for this verse.
हंसहंसेति यो ब्रूयान् मां हंसः स भविष्यति । सुश्वेतो ह्यनलाक्षश् च विश्वतः पक्षसंयुतः
haṃsahaṃseti yo brūyān māṃ haṃsaḥ sa bhaviṣyati / suśveto hyanalākṣaś ca viśvataḥ pakṣasaṃyutaḥ
Sanskrit only: no published translation is held for this verse.
मनो ऽनिलजवो भूत्वा गतो ऽहं चोर्ध्वतः सुराः । नारायणो ऽपि विश्वात्मा नीलाञ्जनचयोपमम्
mano 'nilajavo bhūtvā gato 'haṃ cordhvataḥ surāḥ / nārāyaṇo 'pi viśvātmā nīlāñjanacayopamam
Sanskrit only: no published translation is held for this verse.
दशयोजनविस्तीर्णं शतयोजनमायतम् । मेरुपर्वतवर्ष्माणं गौरतीक्ष्णाग्रदंष्ट्रिणम्
daśayojanavistīrṇaṃ śatayojanamāyatam / meruparvatavarṣmāṇaṃ gauratīkṣṇāgradaṃṣṭriṇam
Sanskrit only: no published translation is held for this verse.
कालादित्यसमाभासं दीर्घघोणं महास्वरम् । ह्रस्वपादं विचित्राङ्गं जैत्रं दृढम् अनौपमम्
kālādityasamābhāsaṃ dīrghaghoṇaṃ mahāsvaram / hrasvapādaṃ vicitrāṅgaṃ jaitraṃ dṛḍham anaupamam
Sanskrit only: no published translation is held for this verse.
वाराहमसितं रूपम् आस्थाय गतवानधः । एवं वर्षसहस्रं तु त्वरन्विष्णुरधोगतः
vārāhamasitaṃ rūpam āsthāya gatavānadhaḥ / evaṃ varṣasahasraṃ tu tvaranviṣṇuradhogataḥ
Sanskrit only: no published translation is held for this verse.
नापश्यदल्पमप्यस्य मूलं लिङ्गस्य सूकरः । तावत्कालं गतो ह्यूर्ध्वम् अहमप्यरिसूदनः
nāpaśyadalpamapyasya mūlaṃ liṅgasya sūkaraḥ / tāvatkālaṃ gato hyūrdhvam ahamapyarisūdanaḥ
Sanskrit only: no published translation is held for this verse.
सत्वरं सर्वयत्नेन तस्यान्तं ज्ञातुमिच्छया । श्रान्तो ह्यदृष्ट्वा तस्यान्तम् अहङ्कारादधोगतः
satvaraṃ sarvayatnena tasyāntaṃ jñātumicchayā / śrānto hyadṛṣṭvā tasyāntam ahaṅkārādadhogataḥ
Sanskrit only: no published translation is held for this verse.
तथैव भगवान् विष्णुः श्रान्तः संत्रस्तलोचनः । सर्वदेवभवस्तूर्णम् उत्थितः सः महावपुः
tathaiva bhagavān viṣṇuḥ śrāntaḥ saṃtrastalocanaḥ / sarvadevabhavastūrṇam utthitaḥ saḥ mahāvapuḥ
Sanskrit only: no published translation is held for this verse.
समागतो मया सार्धं प्रणिपत्य महामनाः । मायया मोहितः शंभोस् तस्थौ संविग्नमानसः
samāgato mayā sārdhaṃ praṇipatya mahāmanāḥ / māyayā mohitaḥ śaṃbhos tasthau saṃvignamānasaḥ
Sanskrit only: no published translation is held for this verse.
पृष्ठतः पार्श्वतश्चैव चाग्रतः परमेश्वरम् । प्रणिपत्य मया सार्धं सस्मार किमिदं त्विति
pṛṣṭhataḥ pārśvataścaiva cāgrataḥ parameśvaram / praṇipatya mayā sārdhaṃ sasmāra kimidaṃ tviti
Sanskrit only: no published translation is held for this verse.
तदा समभवत्तत्र नादो वै शब्दलक्षणः । ओमोमिति सुरश्रेष्ठाः सुव्यक्तः प्लुतलक्षणः
tadā samabhavattatra nādo vai śabdalakṣaṇaḥ / omomiti suraśreṣṭhāḥ suvyaktaḥ plutalakṣaṇaḥ
Sanskrit only: no published translation is held for this verse.
किमिदं त्विति संचिन्त्य मया तिष्ठन्महास्वनम् । लिङ्गस्य दक्षिणे भागे तदापश्यत्सनातनम्
kimidaṃ tviti saṃcintya mayā tiṣṭhanmahāsvanam / liṅgasya dakṣiṇe bhāge tadāpaśyatsanātanam
Sanskrit only: no published translation is held for this verse.
आद्यवर्णमकारं तु उकारं चोत्तरे ततः । मकारं मध्यतश्चैव नादान्तं तस्य चौमिति
ādyavarṇamakāraṃ tu ukāraṃ cottare tataḥ / makāraṃ madhyataścaiva nādāntaṃ tasya caumiti
Sanskrit only: no published translation is held for this verse.
सूर्यमण्डलवद्दृष्ट्वा वर्णमाद्यं तु दक्षिणे । उत्तरे पावकप्रख्यम् उकारं पुरुषर्षभः
sūryamaṇḍalavaddṛṣṭvā varṇamādyaṃ tu dakṣiṇe / uttare pāvakaprakhyam ukāraṃ puruṣarṣabhaḥ
Sanskrit only: no published translation is held for this verse.
शीतांशुमण्डलप्रख्यं मकारं मध्यमं तथा । तस्योपरि तदापश्यच् छुद्धस्फटिकवत् प्रभुम्
śītāṃśumaṇḍalaprakhyaṃ makāraṃ madhyamaṃ tathā / tasyopari tadāpaśyac chuddhasphaṭikavat prabhum
Sanskrit only: no published translation is held for this verse.
तुरीयातीतम् अमृतं निष्कलं निरुपप्लवम् । निर्द्वन्द्वं केवलं शून्यं बाह्याभ्यन्तरवर्जितम्
turīyātītam amṛtaṃ niṣkalaṃ nirupaplavam / nirdvandvaṃ kevalaṃ śūnyaṃ bāhyābhyantaravarjitam
Sanskrit only: no published translation is held for this verse.
सबाह्याभ्यन्तरं चैव सबाह्याभ्यन्तरस्थितम् । आदिमध्यान्तरहितम् आनन्दस्यापि कारणम्
sabāhyābhyantaraṃ caiva sabāhyābhyantarasthitam / ādimadhyāntarahitam ānandasyāpi kāraṇam
Sanskrit only: no published translation is held for this verse.
मात्रास्तिस्रस्त्वर्धमात्रं नादाख्यं ब्रह्मसंज्ञितम् । ऋग्यजुःसामवेदा वै मात्रारूपेण माधवः
mātrāstisrastvardhamātraṃ nādākhyaṃ brahmasaṃjñitam / ṛgyajuḥsāmavedā vai mātrārūpeṇa mādhavaḥ
Sanskrit only: no published translation is held for this verse.
वेदशब्देभ्य एवेशं विश्वात्मानमचिन्तयत् । तदाभवदृषिर्वेद ऋषेः सारतमं शुभम्
vedaśabdebhya eveśaṃ viśvātmānamacintayat / tadābhavadṛṣirveda ṛṣeḥ sāratamaṃ śubham
Sanskrit only: no published translation is held for this verse.
तेनैव ऋषिणा विष्णुर् ज्ञातवान् परमेश्वरम् । देव उवाच चिन्तया रहितो रुद्रो वाचो यन्मनसा सह
tenaiva ṛṣiṇā viṣṇur jñātavān parameśvaram / deva uvāca cintayā rahito rudro vāco yanmanasā saha
Sanskrit only: no published translation is held for this verse.
अप्राप्य तं निवर्तन्ते वाच्यस्त्वेकाक्षरेण सः । एकाक्षरेण तद्वाच्यम् ऋतं परमकारणम्
aprāpya taṃ nivartante vācyastvekākṣareṇa saḥ / ekākṣareṇa tadvācyam ṛtaṃ paramakāraṇam
Sanskrit only: no published translation is held for this verse.
सत्यमानन्दममृतं परं ब्रह्म परात्परम् । एकाक्षरादकाराख्यो भगवान्कनकाण्डजः
satyamānandamamṛtaṃ paraṃ brahma parātparam / ekākṣarādakārākhyo bhagavānkanakāṇḍajaḥ
Sanskrit only: no published translation is held for this verse.
एकाक्षरादुकाराख्यो हरिः परमकारणम् । एकाक्षरान्मकाराख्यो भगवान्नीललोहितः
ekākṣarādukārākhyo hariḥ paramakāraṇam / ekākṣarānmakārākhyo bhagavānnīlalohitaḥ
Sanskrit only: no published translation is held for this verse.
सर्गकर्ता त्वकाराख्यो ह्य् उकाराख्यस्तु मोहकः । मकाराख्यस् तयोर् नित्यम् अनुग्रहकरो ऽभवत्
sargakartā tvakārākhyo hy ukārākhyastu mohakaḥ / makārākhyas tayor nityam anugrahakaro 'bhavat
Sanskrit only: no published translation is held for this verse.
मकाराख्यो विभुर्बीजी ह्य् अकारो बीजमुच्यते । उकाराख्यो हरिर्योनिः प्रधानपुरुषेश्वरः
makārākhyo vibhurbījī hy akāro bījamucyate / ukārākhyo hariryoniḥ pradhānapuruṣeśvaraḥ
Sanskrit only: no published translation is held for this verse.
बीजी च बीजं तद्योनिर् नादाख्यश् च महेश्वरः । बीजी विभज्य चात्मानं स्वेच्छया तु व्यवस्थितः
bījī ca bījaṃ tadyonir nādākhyaś ca maheśvaraḥ / bījī vibhajya cātmānaṃ svecchayā tu vyavasthitaḥ
Sanskrit only: no published translation is held for this verse.
अस्य लिङ्गादभूद्बीजम् अकारो बीजिनः प्रभोः । उकारयोनौ निक्षिप्तम् अवर्धत समन्ततः
asya liṅgādabhūdbījam akāro bījinaḥ prabhoḥ / ukārayonau nikṣiptam avardhata samantataḥ
Sanskrit only: no published translation is held for this verse.
सौवर्णमभवच्चाण्डम् आवेष्ट्याद्यं तदक्षरम् । अनेकाब्दं तथा चाप्सु दिव्यमण्डं व्यवस्थितम्
sauvarṇamabhavaccāṇḍam āveṣṭyādyaṃ tadakṣaram / anekābdaṃ tathā cāpsu divyamaṇḍaṃ vyavasthitam
Sanskrit only: no published translation is held for this verse.
ततो वर्षसहस्रान्ते द्विधा कृतमजोद्भवम् । अण्डम् अप्सु स्थितं साक्षाद् आद्याख्येनेश्वरेण तु
tato varṣasahasrānte dvidhā kṛtamajodbhavam / aṇḍam apsu sthitaṃ sākṣād ādyākhyeneśvareṇa tu
Sanskrit only: no published translation is held for this verse.
तस्याण्डस्य शुभं हैमं कपालं चोर्ध्वसंस्थितम् । जज्ञे यद्द्यौस्तदपरं पृथिवी पञ्चलक्षणा
tasyāṇḍasya śubhaṃ haimaṃ kapālaṃ cordhvasaṃsthitam / jajñe yaddyaustadaparaṃ pṛthivī pañcalakṣaṇā
Sanskrit only: no published translation is held for this verse.
तस्मादण्डोद्भवो जज्ञे त्व् अकाराख्यश्चतुर्मुखः । स स्रष्टा सर्वलोकानां स एव त्रिविधः प्रभुः
tasmādaṇḍodbhavo jajñe tv akārākhyaścaturmukhaḥ / sa sraṣṭā sarvalokānāṃ sa eva trividhaḥ prabhuḥ
Sanskrit only: no published translation is held for this verse.
एवमोमोमिति प्रोक्तम् इत्याहुर्यजुषां वराः । यजुषां वचनं श्रुत्वा ऋचः सामानि सादरम्
evamomomiti proktam ityāhuryajuṣāṃ varāḥ / yajuṣāṃ vacanaṃ śrutvā ṛcaḥ sāmāni sādaram
Sanskrit only: no published translation is held for this verse.
एवमेव हरे ब्रह्मन्न् इत्याहुः श्रुतयस्तदा । ततो विज्ञाय देवेशं यथावच्छ्रुतिसंभवैः
evameva hare brahmann ityāhuḥ śrutayastadā / tato vijñāya deveśaṃ yathāvacchrutisaṃbhavaiḥ
Sanskrit only: no published translation is held for this verse.
मन्त्रैर्महेश्वरं देवं तुष्टाव सुमहोदयम् । आवयोः स्तुतिसंतुष्टो लिङ्गे तस्मिन्निरञ्जनः
mantrairmaheśvaraṃ devaṃ tuṣṭāva sumahodayam / āvayoḥ stutisaṃtuṣṭo liṅge tasminnirañjanaḥ
Sanskrit only: no published translation is held for this verse.
दिव्यं शब्दमयं रूपम् आस्थाय प्रहसन् स्थितः । अकारस्तस्य मूर्धा तु ललाटं दीर्घमुच्यते
divyaṃ śabdamayaṃ rūpam āsthāya prahasan sthitaḥ / akārastasya mūrdhā tu lalāṭaṃ dīrghamucyate
Sanskrit only: no published translation is held for this verse.
इकारो दक्षिणं नेत्रम् ईकारो वामलोचनम् । उकारो दक्षिणं श्रोत्रम् ऊकारो वाममुच्यते
ikāro dakṣiṇaṃ netram īkāro vāmalocanam / ukāro dakṣiṇaṃ śrotram ūkāro vāmamucyate
Sanskrit only: no published translation is held for this verse.
ऋकारो दक्षिणं तस्य कपोलं परमेष्ठिनः । वामं कपोलम् ॠकारो ऌ ॡ नासापुटे उभे
ṛkāro dakṣiṇaṃ tasya kapolaṃ parameṣṭhinaḥ / vāmaṃ kapolam ṝkāro ḷ ḹ nāsāpuṭe ubhe
Sanskrit only: no published translation is held for this verse.
एकारम् ओष्ठमूर्द्ध्वश् च ऐकारस्त्वधरो विभोः । ओकारश् च तथौकारो दन्तपङ्क्तिद्वयं क्रमात्
ekāram oṣṭhamūrddhvaś ca aikārastvadharo vibhoḥ / okāraś ca tathaukāro dantapaṅktidvayaṃ kramāt
Sanskrit only: no published translation is held for this verse.
अमस्तु तालुनी तस्य देवदेवस्य धीमतः । कादिपञ्चाक्षराण्यस्य पञ्च हस्तानि दक्षिणे
amastu tālunī tasya devadevasya dhīmataḥ / kādipañcākṣarāṇyasya pañca hastāni dakṣiṇe
Sanskrit only: no published translation is held for this verse.
चादिपञ्चाक्षराण्येवं पञ्च हस्तानि वामतः । टादिपञ्चाक्षरं पादस् तादिपञ्चाक्षरं तथा
cādipañcākṣarāṇyevaṃ pañca hastāni vāmataḥ / ṭādipañcākṣaraṃ pādas tādipañcākṣaraṃ tathā
Sanskrit only: no published translation is held for this verse.
पकारमुदरं तस्य फकारः पार्श्वमुच्यते । बकारो वामपार्श्वं वै भकारं स्कन्धमस्य तत्
pakāramudaraṃ tasya phakāraḥ pārśvamucyate / bakāro vāmapārśvaṃ vai bhakāraṃ skandhamasya tat
Sanskrit only: no published translation is held for this verse.
मकारं हृदयं शंभोर् महादेवस्य योगिनः । यकारादिसकारान्तं विभोर्वै सप्त धातवः
makāraṃ hṛdayaṃ śaṃbhor mahādevasya yoginaḥ / yakārādisakārāntaṃ vibhorvai sapta dhātavaḥ
Sanskrit only: no published translation is held for this verse.
हकार आत्मरूपं वै क्षकारः क्रोध उच्यते । तं दृष्ट्वा उमया सार्धं भगवन्तं महेश्वरम्
hakāra ātmarūpaṃ vai kṣakāraḥ krodha ucyate / taṃ dṛṣṭvā umayā sārdhaṃ bhagavantaṃ maheśvaram
Sanskrit only: no published translation is held for this verse.
प्रणम्य भगवान् विष्णुः पुनश्चापश्यदूर्द्ध्वतः । ओङ्कारप्रभवं मन्त्रं कलापञ्चकसंयुतम्
praṇamya bhagavān viṣṇuḥ punaścāpaśyadūrddhvataḥ / oṅkāraprabhavaṃ mantraṃ kalāpañcakasaṃyutam
Sanskrit only: no published translation is held for this verse.
शुद्धस्फटिकसंकाशं सुभाष्टत्रिंशदक्षरम् । मेधाकरम् अभूद्भूयः सर्वधर्मार्थसाधकम्
śuddhasphaṭikasaṃkāśaṃ subhāṣṭatriṃśadakṣaram / medhākaram abhūdbhūyaḥ sarvadharmārthasādhakam
Sanskrit only: no published translation is held for this verse.
गायत्रीप्रभवं मन्त्रं हरितं वश्यकारकम् । चतुर्विंशतिवर्णाढ्यं चतुष्कलमनुत्तमम्
gāyatrīprabhavaṃ mantraṃ haritaṃ vaśyakārakam / caturviṃśativarṇāḍhyaṃ catuṣkalamanuttamam
Sanskrit only: no published translation is held for this verse.
अथर्वमसितं मन्त्रं कलाष्टकसमायुतम् । अभिचारिकमत्यर्थं त्रयस्त्रिंशच्छुभाक्षरम्
atharvamasitaṃ mantraṃ kalāṣṭakasamāyutam / abhicārikamatyarthaṃ trayastriṃśacchubhākṣaram
Sanskrit only: no published translation is held for this verse.
यजुर्वेदसमायुक्तं पञ्चत्रिंशच्छुभाक्षरम् । कलाष्टकसमायुक्तं सुश्वेतं शान्तिकं तथा
yajurvedasamāyuktaṃ pañcatriṃśacchubhākṣaram / kalāṣṭakasamāyuktaṃ suśvetaṃ śāntikaṃ tathā
Sanskrit only: no published translation is held for this verse.
त्रयोदशकलायुक्तं बालाद्यैः सह लोहितम् । सामोद्भवं जगत्याद्यं वृद्धिसंहारकारणम्
trayodaśakalāyuktaṃ bālādyaiḥ saha lohitam / sāmodbhavaṃ jagatyādyaṃ vṛddhisaṃhārakāraṇam
Sanskrit only: no published translation is held for this verse.
वर्णाः षडधिकाः षष्टिर् अस्य मन्त्रवरस्य तु । पञ्च मन्त्रांस् तथा लब्ध्वा जजाप भगवान् हरिः
varṇāḥ ṣaḍadhikāḥ ṣaṣṭir asya mantravarasya tu / pañca mantrāṃs tathā labdhvā jajāpa bhagavān hariḥ
Sanskrit only: no published translation is held for this verse.
अथ दृष्ट्वा कलावर्णम् ऋग्यजुःसामरूपिणम् । ईशानमीशमुकुटं पुरुषास्यं पुरातनम्
atha dṛṣṭvā kalāvarṇam ṛgyajuḥsāmarūpiṇam / īśānamīśamukuṭaṃ puruṣāsyaṃ purātanam
Sanskrit only: no published translation is held for this verse.
अघोरहृदयं हृद्यं वामगुह्यं सदाशिवम् । सद्यः पादं महादेवं महाभोगीन्द्रभूषणम्
aghorahṛdayaṃ hṛdyaṃ vāmaguhyaṃ sadāśivam / sadyaḥ pādaṃ mahādevaṃ mahābhogīndrabhūṣaṇam
Sanskrit only: no published translation is held for this verse.
विश्वतः पादवदनं विश्वतो ऽक्षिकरं शिवम् । ब्रह्मणो ऽधिपतिं सर्ग- स्थितिसंहारकारणम्
viśvataḥ pādavadanaṃ viśvato 'kṣikaraṃ śivam / brahmaṇo 'dhipatiṃ sarga- sthitisaṃhārakāraṇam
Sanskrit only: no published translation is held for this verse.
तुष्टाव पुनरिष्टाभिर् वाग्भिर् वरदमीश्वरम्
tuṣṭāva punariṣṭābhir vāgbhir varadamīśvaram
Sanskrit only: no published translation is held for this verse.