Liṅga Purāṇa 1.18

विष्णुर् उवाच एकाक्षराय रुद्राय अकारायात्मरूपिणे । उकारायादिदेवाय विद्यादेहाय वै नमः

viṣṇur uvāca ekākṣarāya rudrāya akārāyātmarūpiṇe / ukārāyādidevāya vidyādehāya vai namaḥ

Sanskrit only: no published translation is held for this verse.

तृतीयाय मकाराय शिवाय परमात्मने । सूर्याग्निसोमवर्णाय यजमानाय वै नमः

tṛtīyāya makārāya śivāya paramātmane / sūryāgnisomavarṇāya yajamānāya vai namaḥ

Sanskrit only: no published translation is held for this verse.

अग्नये रुद्ररूपाय रुद्राणां पतये नमः । शिवाय शिवमन्त्राय सद्योजाताय वेधसे

agnaye rudrarūpāya rudrāṇāṃ pataye namaḥ / śivāya śivamantrāya sadyojātāya vedhase

Sanskrit only: no published translation is held for this verse.

वामाय वामदेवाय वरदायामृताय ते । अघोरायातिघोराय सद्योजाताय रंहसे

vāmāya vāmadevāya varadāyāmṛtāya te / aghorāyātighorāya sadyojātāya raṃhase

Sanskrit only: no published translation is held for this verse.

ईशानाय श्मशानाय अतिवेगाय वेगिने । नमो ऽस्तु श्रुतिपादाय ऊर्ध्वलिङ्गाय लिङ्गिने

īśānāya śmaśānāya ativegāya vegine / namo 'stu śrutipādāya ūrdhvaliṅgāya liṅgine

Sanskrit only: no published translation is held for this verse.

हेमलिङ्गाय हेमाय वारिलिङ्गाय चांभसे । शिवाय शिवलिङ्गाय व्यापिने व्योमव्यापिने

hemaliṅgāya hemāya vāriliṅgāya cāṃbhase / śivāya śivaliṅgāya vyāpine vyomavyāpine

Sanskrit only: no published translation is held for this verse.

वायवे वायुवेगाय नमस्ते वायुव्यापिने । तेजसे तेजसां भर्त्रे नमस्तेजो ऽधिव्यापिने

vāyave vāyuvegāya namaste vāyuvyāpine / tejase tejasāṃ bhartre namastejo 'dhivyāpine

Sanskrit only: no published translation is held for this verse.

जलाय जलभूताय नमस्ते जलव्यापिने । पृथिव्यै चान्तरिक्षाय पृथिवीव्यापिने नमः

jalāya jalabhūtāya namaste jalavyāpine / pṛthivyai cāntarikṣāya pṛthivīvyāpine namaḥ

Sanskrit only: no published translation is held for this verse.

शब्दस्पर्शस्वरूपाय रसगन्धाय गन्धिने । गणाधिपतये तुभ्यं गुह्याद्गुह्यतमाय ते

śabdasparśasvarūpāya rasagandhāya gandhine / gaṇādhipataye tubhyaṃ guhyādguhyatamāya te

Sanskrit only: no published translation is held for this verse.

अनन्ताय विरूपाय अनन्तानामयाय च । शाश्वताय वरिष्ठाय वारिगर्भाय योगिने

anantāya virūpāya anantānāmayāya ca / śāśvatāya variṣṭhāya vārigarbhāya yogine

Sanskrit only: no published translation is held for this verse.

संस्थितायाम्भसां मध्ये आवयोर्मध्यवर्चसे । गोप्त्रे हर्त्रे सदा कर्त्रे निधनायेश्वराय च

saṃsthitāyāmbhasāṃ madhye āvayormadhyavarcase / goptre hartre sadā kartre nidhanāyeśvarāya ca

Sanskrit only: no published translation is held for this verse.

अचेतनाय चिन्त्याय चेतनायासहारिणे । अरूपाय सुरूपाय अनङ्गायाङ्गहारिणे

acetanāya cintyāya cetanāyāsahāriṇe / arūpāya surūpāya anaṅgāyāṅgahāriṇe

Sanskrit only: no published translation is held for this verse.

भस्मदिग्धशरीराय भानुसोमाग्निहेतवे । श्वेताय श्वेतवर्णाय तुहिनाद्रिचराय च

bhasmadigdhaśarīrāya bhānusomāgnihetave / śvetāya śvetavarṇāya tuhinādricarāya ca

Sanskrit only: no published translation is held for this verse.

सुश्वेताय सुवक्त्राय नमः श्वेतशिखाय च । श्वेतास्याय महास्याय नमस्ते श्वेतलोहित

suśvetāya suvaktrāya namaḥ śvetaśikhāya ca / śvetāsyāya mahāsyāya namaste śvetalohita

Sanskrit only: no published translation is held for this verse.

सुताराय विशिष्टाय नमो दुन्दुभिने हर । शतरूपविरूपाय नमः केतुमते सदा

sutārāya viśiṣṭāya namo dundubhine hara / śatarūpavirūpāya namaḥ ketumate sadā

Sanskrit only: no published translation is held for this verse.

ऋद्धिशोकविशोकाय पिनाकाय कपर्दिने । विपाशाय सुपाशाय नमस्ते पाशनाशिने

ṛddhiśokaviśokāya pinākāya kapardine / vipāśāya supāśāya namaste pāśanāśine

Sanskrit only: no published translation is held for this verse.

सुहोत्राय हविष्याय सुब्रह्मण्याय सूरिणे । सुमुखाय सुवक्त्राय दुर्दमाय दमाय च

suhotrāya haviṣyāya subrahmaṇyāya sūriṇe / sumukhāya suvaktrāya durdamāya damāya ca

Sanskrit only: no published translation is held for this verse.

कङ्काय कङ्करूपाय कङ्कणीकृतपन्नग । सनकाय नमस्तुभ्यं सनातन सनन्दन

kaṅkāya kaṅkarūpāya kaṅkaṇīkṛtapannaga / sanakāya namastubhyaṃ sanātana sanandana

Sanskrit only: no published translation is held for this verse.

सनत्कुमारसारङ्गम् आरणाय महात्मने । लोकाक्षिणे त्रिधामाय नमो विरजसे सदा

sanatkumārasāraṅgam āraṇāya mahātmane / lokākṣiṇe tridhāmāya namo virajase sadā

Sanskrit only: no published translation is held for this verse.

शङ्खपालाय शङ्खाय रजसे तमसे नमः । सारस्वताय मेघाय मेघवाहन ते नमः

śaṅkhapālāya śaṅkhāya rajase tamase namaḥ / sārasvatāya meghāya meghavāhana te namaḥ

Sanskrit only: no published translation is held for this verse.

सुवाहाय विवाहाय विवादवरदाय च । नमः शिवाय रुद्राय प्रधानाय नमोनमः

suvāhāya vivāhāya vivādavaradāya ca / namaḥ śivāya rudrāya pradhānāya namonamaḥ

Sanskrit only: no published translation is held for this verse.

त्रिगुणाय नमस्तुभ्यं चतुर्व्यूहात्मने नमः । संसाराय नमस्तुभ्यं नमः संसारहेतवे

triguṇāya namastubhyaṃ caturvyūhātmane namaḥ / saṃsārāya namastubhyaṃ namaḥ saṃsārahetave

Sanskrit only: no published translation is held for this verse.

मोक्षाय मोक्षरूपाय मोक्षकर्त्रे नमोनमः । आत्मने ऋषये तुभ्यं स्वामिने विष्णवे नमः

mokṣāya mokṣarūpāya mokṣakartre namonamaḥ / ātmane ṛṣaye tubhyaṃ svāmine viṣṇave namaḥ

Sanskrit only: no published translation is held for this verse.

नमो भगवते तुभ्यं नागानां पतये नमः । ओङ्काराय नमस्तुभ्यं सर्वज्ञाय नमो नमः

namo bhagavate tubhyaṃ nāgānāṃ pataye namaḥ / oṅkārāya namastubhyaṃ sarvajñāya namo namaḥ

Sanskrit only: no published translation is held for this verse.

सर्वाय च नमस्तुभ्यं नमो नारायणाय च । नमो हिरण्यगर्भाय आदिदेवाय ते नमः

sarvāya ca namastubhyaṃ namo nārāyaṇāya ca / namo hiraṇyagarbhāya ādidevāya te namaḥ

Sanskrit only: no published translation is held for this verse.

नमो ऽस्त्वजाय पतये प्रजानां व्यूहहेतवे । महादेवाय देवानाम् ईश्वराय नमो नमः

namo 'stvajāya pataye prajānāṃ vyūhahetave / mahādevāya devānām īśvarāya namo namaḥ

Sanskrit only: no published translation is held for this verse.

शर्वाय च नमस्तुभ्यं सत्याय शमनाय च । ब्रह्मणे चैव भूतानां सर्वज्ञाय नमो नमः

śarvāya ca namastubhyaṃ satyāya śamanāya ca / brahmaṇe caiva bhūtānāṃ sarvajñāya namo namaḥ

Sanskrit only: no published translation is held for this verse.

महात्मने नमस्तुभ्यं प्रज्ञारूपाय वै नमः । चितये चितिरूपाय स्मृतिरूपाय वै नमः

mahātmane namastubhyaṃ prajñārūpāya vai namaḥ / citaye citirūpāya smṛtirūpāya vai namaḥ

Sanskrit only: no published translation is held for this verse.

ज्ञानाय ज्ञानगम्याय नमस्ते संविदे सदा । शिखराय नमस्तुभ्यं नीलकण्ठाय वै नमः

jñānāya jñānagamyāya namaste saṃvide sadā / śikharāya namastubhyaṃ nīlakaṇṭhāya vai namaḥ

Sanskrit only: no published translation is held for this verse.

अर्धनारीशरीराय अव्यक्ताय नमोनमः । एकादशविभेदाय स्थाणवे ते नमः सदा

ardhanārīśarīrāya avyaktāya namonamaḥ / ekādaśavibhedāya sthāṇave te namaḥ sadā

Sanskrit only: no published translation is held for this verse.

नमः सोमाय सूर्याय भवाय भवहारिणे । यशस्कराय देवाय शङ्करायेश्वराय च

namaḥ somāya sūryāya bhavāya bhavahāriṇe / yaśaskarāya devāya śaṅkarāyeśvarāya ca

Sanskrit only: no published translation is held for this verse.

नमो ऽंबिकाधिपतये उमायाः पतये नमः । हिरण्यबाहवे तुभ्यं नमस्ते हेमरेतसे

namo 'ṃbikādhipataye umāyāḥ pataye namaḥ / hiraṇyabāhave tubhyaṃ namaste hemaretase

Sanskrit only: no published translation is held for this verse.

नीलकेशाय वित्ताय शितिकण्ठाय वै नमः । कपर्दिने नमस्तुभ्यं नागाङ्गाभरणाय च

nīlakeśāya vittāya śitikaṇṭhāya vai namaḥ / kapardine namastubhyaṃ nāgāṅgābharaṇāya ca

Sanskrit only: no published translation is held for this verse.

वृषारूढाय सर्वस्य हर्त्रे कर्त्रे नमोनमः । वीररामातिरामाय रामनाथाय ते विभो

vṛṣārūḍhāya sarvasya hartre kartre namonamaḥ / vīrarāmātirāmāya rāmanāthāya te vibho

Sanskrit only: no published translation is held for this verse.

नमो राजाधिराजाय राज्ञामधिगताय ते । नमः पालाधिपतये पालाशाकृन्तते नमः

namo rājādhirājāya rājñāmadhigatāya te / namaḥ pālādhipataye pālāśākṛntate namaḥ

Sanskrit only: no published translation is held for this verse.

नमः केयूरभूषाय गोपते ते नमोनमः । नमः श्रीकण्ठनाथाय नमो लिकुचपाणये

namaḥ keyūrabhūṣāya gopate te namonamaḥ / namaḥ śrīkaṇṭhanāthāya namo likucapāṇaye

Sanskrit only: no published translation is held for this verse.

भुवनेशाय देवाय वेदशास्त्र नमो ऽस्तु ते । सारङ्गाय नमस्तुभ्यं राजहंसाय ते नमः

bhuvaneśāya devāya vedaśāstra namo 'stu te / sāraṅgāya namastubhyaṃ rājahaṃsāya te namaḥ

Sanskrit only: no published translation is held for this verse.

कनकाङ्गदहाराय नमः सर्पोपवीतिने । सर्पकुण्डलमालाय कटिसूत्रीकृताहिने

kanakāṅgadahārāya namaḥ sarpopavītine / sarpakuṇḍalamālāya kaṭisūtrīkṛtāhine

Sanskrit only: no published translation is held for this verse.

वेदगर्भाय गर्भाय विश्वगर्भाय ते शिव । ब्रह्मोवाच विररामेति संस्तुत्वा ब्रह्मणा सहितो हरिः

vedagarbhāya garbhāya viśvagarbhāya te śiva / brahmovāca virarāmeti saṃstutvā brahmaṇā sahito hariḥ

Sanskrit only: no published translation is held for this verse.

एतत्स्तोत्रवरं पुण्यं सर्वपापप्रणाशनम् । यः पठेच्छ्रावयेद्वापि ब्राह्मणान् वेदपारगान्

etatstotravaraṃ puṇyaṃ sarvapāpapraṇāśanam / yaḥ paṭhecchrāvayedvāpi brāhmaṇān vedapāragān

Sanskrit only: no published translation is held for this verse.

स याति ब्रह्मणो लोके पापकर्मरतो ऽपि वै । तस्माज्जपेत्पठेन्नित्यं श्रावयेद्ब्राह्मणाञ्छुभान्

sa yāti brahmaṇo loke pāpakarmarato 'pi vai / tasmājjapetpaṭhennityaṃ śrāvayedbrāhmaṇāñchubhān

Sanskrit only: no published translation is held for this verse.

सर्वपापविशुद्ध्यर्थं विष्णुना परिभाषितम्

sarvapāpaviśuddhyarthaṃ viṣṇunā paribhāṣitam

Sanskrit only: no published translation is held for this verse.