Library·Liṅga Purāṇa·1·1.2
सूत उवाच ईशानकल्पवृत्तान्तम् अधिकृत्य महात्मना । ब्रह्मणा कल्पितं पूर्वं पुराणं लैङ्गम् उत्तमम्
sūta uvāca īśānakalpavṛttāntam adhikṛtya mahātmanā / brahmaṇā kalpitaṃ pūrvaṃ purāṇaṃ laiṅgam uttamam
Sanskrit only: no published translation is held for this verse.
ग्रन्थकोटिप्रमाणं तु शतकोटिप्रविस्तरे । चतुर्लक्षेण संक्षिप्ते व्यासैः सर्वान्तरेषु वै
granthakoṭipramāṇaṃ tu śatakoṭipravistare / caturlakṣeṇa saṃkṣipte vyāsaiḥ sarvāntareṣu vai
Sanskrit only: no published translation is held for this verse.
व्यस्तेष्टा दशधा चैव ब्रह्मादौ द्वापरादिषु । लिङ्गमेकादशं प्रोक्तं मया व्यासाच्छ्रुतं च तत्
vyasteṣṭā daśadhā caiva brahmādau dvāparādiṣu / liṅgamekādaśaṃ proktaṃ mayā vyāsācchrutaṃ ca tat
Sanskrit only: no published translation is held for this verse.
अस्यैकादशसाहस्रे ग्रन्थमानमिह द्विजाः । तस्मात्संक्षेपतो वक्ष्ये न श्रुतं विस्तरेण यत्
asyaikādaśasāhasre granthamānamiha dvijāḥ / tasmātsaṃkṣepato vakṣye na śrutaṃ vistareṇa yat
Sanskrit only: no published translation is held for this verse.
चतुर्लक्षेण संक्षिप्ते कृष्णद्वैपायनेन तु । अत्रैकादशसाहस्रैः कथितो लिङ्गसम्भवः
caturlakṣeṇa saṃkṣipte kṛṣṇadvaipāyanena tu / atraikādaśasāhasraiḥ kathito liṅgasambhavaḥ
Sanskrit only: no published translation is held for this verse.
सर्गः प्राधानिकः पश्चात् प्राकृतो वैकृतानि च । अण्डस्यास्य च सम्भूतिर् अण्डस्यावरणाष्टकम्
sargaḥ prādhānikaḥ paścāt prākṛto vaikṛtāni ca / aṇḍasyāsya ca sambhūtir aṇḍasyāvaraṇāṣṭakam
Sanskrit only: no published translation is held for this verse.
अण्डोद्भवत्वं शर्वस्य रजोगुणसमाश्रयात् । विष्णुत्वं कालरुद्रत्वं शयनं चाप्सु तस्य च
aṇḍodbhavatvaṃ śarvasya rajoguṇasamāśrayāt / viṣṇutvaṃ kālarudratvaṃ śayanaṃ cāpsu tasya ca
Sanskrit only: no published translation is held for this verse.
प्रजापतीनां सर्गश् च पृथिव्युद्धरणं तथा । ब्रह्मणश् च दिवारात्रम् आयुषो गणनं पुनः
prajāpatīnāṃ sargaś ca pṛthivyuddharaṇaṃ tathā / brahmaṇaś ca divārātram āyuṣo gaṇanaṃ punaḥ
Sanskrit only: no published translation is held for this verse.
सवनं ब्रह्मणश्चैव युगकल्पश् च तस्य तु । दिव्यं च मानुषं वर्षम् आर्षं वै ध्रौव्यमेव च
savanaṃ brahmaṇaścaiva yugakalpaś ca tasya tu / divyaṃ ca mānuṣaṃ varṣam ārṣaṃ vai dhrauvyameva ca
Sanskrit only: no published translation is held for this verse.
पित्र्यं पितॄणां सम्भूतिर् धर्मश्चाश्रमिणां तथा । अवृद्धिर्जगतो भूयो देव्याः शक्त्युद्भवस्तथा
pitryaṃ pitṝṇāṃ sambhūtir dharmaścāśramiṇāṃ tathā / avṛddhirjagato bhūyo devyāḥ śaktyudbhavastathā
Sanskrit only: no published translation is held for this verse.
स्त्रीपुम्भावो विरिञ्चस्य सर्गो मिथुनसम्भवः । आख्याष्टकं हि रुद्रस्य कथितं रोदनान्तरे
strīpumbhāvo viriñcasya sargo mithunasambhavaḥ / ākhyāṣṭakaṃ hi rudrasya kathitaṃ rodanāntare
Sanskrit only: no published translation is held for this verse.
ब्रह्मविष्णुविवादश् च पुनर्लिङ्गस्य सम्भवः । शिलादस्य तपश्चैव वृत्रारेर्दर्शनं तथा
brahmaviṣṇuvivādaś ca punarliṅgasya sambhavaḥ / śilādasya tapaścaiva vṛtrārerdarśanaṃ tathā
Sanskrit only: no published translation is held for this verse.
प्रार्थना योनिजस्याथ दुर्लभत्वं सुतस्य तु । शिलादशक्रसंवादः पद्मयोनित्वमेव च
prārthanā yonijasyātha durlabhatvaṃ sutasya tu / śilādaśakrasaṃvādaḥ padmayonitvameva ca
Sanskrit only: no published translation is held for this verse.
भवस्य दर्शनं चैव तिष्येष्वाचार्यशिष्ययोः । व्यासावताराश् च तथा कल्पमन्वन्तराणि च
bhavasya darśanaṃ caiva tiṣyeṣvācāryaśiṣyayoḥ / vyāsāvatārāś ca tathā kalpamanvantarāṇi ca
Sanskrit only: no published translation is held for this verse.
कल्पत्वं चैव कल्पानाम् आख्याभेदेष्वनुक्रमात् । कल्पेषु कल्पे वाराहे वाराहत्वं हरेस् तथा
kalpatvaṃ caiva kalpānām ākhyābhedeṣvanukramāt / kalpeṣu kalpe vārāhe vārāhatvaṃ hares tathā
Sanskrit only: no published translation is held for this verse.
मेघवाहनकल्पस्य वृत्तान्तं रुद्रगौरवम् । पुनर्लिङ्गोद्भवश्चैव ऋषिमध्ये पिनाकिनः
meghavāhanakalpasya vṛttāntaṃ rudragauravam / punarliṅgodbhavaścaiva ṛṣimadhye pinākinaḥ
Sanskrit only: no published translation is held for this verse.
लिङ्गस्याराधनं स्नान- विधानं शौचलक्षणम् । वाराणस्याश् च माहात्म्यं क्षेत्रमाहात्म्यवर्णनम्
liṅgasyārādhanaṃ snāna- vidhānaṃ śaucalakṣaṇam / vārāṇasyāś ca māhātmyaṃ kṣetramāhātmyavarṇanam
Sanskrit only: no published translation is held for this verse.
भुवि रुद्रालयानां तु संख्या विष्णोर्गृहस्य च । अन्तरिक्षे तथाण्डे ऽस्मिन् देवायतनवर्णनम्
bhuvi rudrālayānāṃ tu saṃkhyā viṣṇorgṛhasya ca / antarikṣe tathāṇḍe 'smin devāyatanavarṇanam
Sanskrit only: no published translation is held for this verse.
दक्षस्य पतनं भूमौ पुनः स्वारोचिषे ऽन्तरे । दक्षशापश् च दक्षस्य शापमोक्षस्तथैव च
dakṣasya patanaṃ bhūmau punaḥ svārociṣe 'ntare / dakṣaśāpaś ca dakṣasya śāpamokṣastathaiva ca
Sanskrit only: no published translation is held for this verse.
कैलासवर्णनं चैव योगः पाशुपतस् तथा । चतुर्युगप्रमाणं च युगधर्मः सुविस्तरः
kailāsavarṇanaṃ caiva yogaḥ pāśupatas tathā / caturyugapramāṇaṃ ca yugadharmaḥ suvistaraḥ
Sanskrit only: no published translation is held for this verse.
संध्यांशकप्रमाणं च संध्यावृत्तं भवस्य च । श्मशाननिलयश्चैव चन्द्ररेखासमुद्भवः
saṃdhyāṃśakapramāṇaṃ ca saṃdhyāvṛttaṃ bhavasya ca / śmaśānanilayaścaiva candrarekhāsamudbhavaḥ
Sanskrit only: no published translation is held for this verse.
उद्वाहः शंकरस्याथ पुत्रोत्पादनमेव च । मैथुनातिप्रसङ्गेन विनाशो जगतां भयम्
udvāhaḥ śaṃkarasyātha putrotpādanameva ca / maithunātiprasaṅgena vināśo jagatāṃ bhayam
Sanskrit only: no published translation is held for this verse.
शापः सत्या कृतो देवान्- पुरा विष्णुं च पालितम् । शुक्रोत्सर्गस्तु रुद्रस्य गाङ्गेयोद्भव एव च
śāpaḥ satyā kṛto devān- purā viṣṇuṃ ca pālitam / śukrotsargastu rudrasya gāṅgeyodbhava eva ca
Sanskrit only: no published translation is held for this verse.
ग्रहणादिषु कालेषु स्नाप्य लिङ्गं फलं तथा । क्षुब्धधी च विवादश् च दधीचोपेन्द्रयोस् तथा
grahaṇādiṣu kāleṣu snāpya liṅgaṃ phalaṃ tathā / kṣubdhadhī ca vivādaś ca dadhīcopendrayos tathā
Sanskrit only: no published translation is held for this verse.
उत्पत्तिर्नन्दिनाम्ना तु देवदेवस्य शूलिनः । पतिव्रतायाश्चाख्यानं पशुपाशविचारणा
utpattirnandināmnā tu devadevasya śūlinaḥ / pativratāyāścākhyānaṃ paśupāśavicāraṇā
Sanskrit only: no published translation is held for this verse.
प्रवृत्तिलक्षणं ज्ञानं निवृत्त्यधिकृता तथा । वसिष्ठतनयोत्पत्तिर् वासिष्ठानां महात्मनाम्
pravṛttilakṣaṇaṃ jñānaṃ nivṛttyadhikṛtā tathā / vasiṣṭhatanayotpattir vāsiṣṭhānāṃ mahātmanām
Sanskrit only: no published translation is held for this verse.
मुनीनां वंशविस्तारो राज्ञां शक्तेर्विनाशनम् । दौरात्म्यं कौशिकस्याथ सुरभेर्बन्धनं तथा
munīnāṃ vaṃśavistāro rājñāṃ śaktervināśanam / daurātmyaṃ kauśikasyātha surabherbandhanaṃ tathā
Sanskrit only: no published translation is held for this verse.
सुतशोको वसिष्ठस्य अरुन्धत्याः प्रलापनम् । स्नुषायाः प्रेषणं चैव गर्भस्थस्य वचस् तथा
sutaśoko vasiṣṭhasya arundhatyāḥ pralāpanam / snuṣāyāḥ preṣaṇaṃ caiva garbhasthasya vacas tathā
Sanskrit only: no published translation is held for this verse.
पराशरस्यावतारो व्यासस्य च शुकस्य च । विनाशो राक्षसानां च कृतो वै शक्तिसूनुना
parāśarasyāvatāro vyāsasya ca śukasya ca / vināśo rākṣasānāṃ ca kṛto vai śaktisūnunā
Sanskrit only: no published translation is held for this verse.
देवतापरमार्थं तु विज्ञानं च प्रसादतः । पुराणकरणं चैव पुलस्त्यस्याज्ञया गुरोः
devatāparamārthaṃ tu vijñānaṃ ca prasādataḥ / purāṇakaraṇaṃ caiva pulastyasyājñayā guroḥ
Sanskrit only: no published translation is held for this verse.
भुवनानां प्रमाणं च ग्रहाणां ज्योतिषां गतिः । जीवच्छ्राद्धविधानं च श्राद्धार्हाः श्राद्धमेव च
bhuvanānāṃ pramāṇaṃ ca grahāṇāṃ jyotiṣāṃ gatiḥ / jīvacchrāddhavidhānaṃ ca śrāddhārhāḥ śrāddhameva ca
Sanskrit only: no published translation is held for this verse.
नान्दीश्राद्धविधानं च तथाध्ययनलक्षणम् । पञ्चयज्ञप्रभावश् च पञ्चयज्ञविधिस् तथा
nāndīśrāddhavidhānaṃ ca tathādhyayanalakṣaṇam / pañcayajñaprabhāvaś ca pañcayajñavidhis tathā
Sanskrit only: no published translation is held for this verse.
रजस्वलानां वृत्तिश् च वृत्त्या पुत्रविशिष्टता । मैथुनस्य विधिश्चैव प्रतिवर्णमनुक्रमात्
rajasvalānāṃ vṛttiś ca vṛttyā putraviśiṣṭatā / maithunasya vidhiścaiva prativarṇamanukramāt
Sanskrit only: no published translation is held for this verse.
भोज्याभोज्यविधानं च सर्वेषामेव वर्णिनाम् । प्रायश्चित्तम् अशेषस्य प्रत्येकं चैव विस्तरात्
bhojyābhojyavidhānaṃ ca sarveṣāmeva varṇinām / prāyaścittam aśeṣasya pratyekaṃ caiva vistarāt
Sanskrit only: no published translation is held for this verse.
नरकाणां स्वरूपं च दण्डः कर्मानुरूपतः । स्वर्गिनारकिणां पुंसां चिह्नं जन्मान्तरेषु च
narakāṇāṃ svarūpaṃ ca daṇḍaḥ karmānurūpataḥ / svarginārakiṇāṃ puṃsāṃ cihnaṃ janmāntareṣu ca
Sanskrit only: no published translation is held for this verse.
नानाविधानि दानानि प्रेतराजपुरं तथा । कल्पं पञ्चाक्षरस्याथ रुद्रमाहात्म्यमेव च
nānāvidhāni dānāni pretarājapuraṃ tathā / kalpaṃ pañcākṣarasyātha rudramāhātmyameva ca
Sanskrit only: no published translation is held for this verse.
वृत्रेन्द्रयोर्महायुद्धं विश्वरूपविमर्दनम् । श्वेतस्य मृत्योः संवादः श्वेतार्थे कालनाशनम्
vṛtrendrayormahāyuddhaṃ viśvarūpavimardanam / śvetasya mṛtyoḥ saṃvādaḥ śvetārthe kālanāśanam
Sanskrit only: no published translation is held for this verse.
देवदारुवने शम्भोः प्रवेशः शंकरस्य तु । सुदर्शनस्य चाख्यानं क्रमसंन्यासलक्षणम्
devadāruvane śambhoḥ praveśaḥ śaṃkarasya tu / sudarśanasya cākhyānaṃ kramasaṃnyāsalakṣaṇam
Sanskrit only: no published translation is held for this verse.
श्रद्धासाध्यो ऽथ रुद्रस्तु कथितं ब्रह्मणा तदा । मधुना कैटभेनैव पुरा हृतगतेर्विभोः
śraddhāsādhyo 'tha rudrastu kathitaṃ brahmaṇā tadā / madhunā kaiṭabhenaiva purā hṛtagatervibhoḥ
Sanskrit only: no published translation is held for this verse.
ब्रह्मणः परमं ज्ञानम् आदातुं मीनता हरेः । सर्वावस्थासु विष्णोश् च जननं लीलयैव तु
brahmaṇaḥ paramaṃ jñānam ādātuṃ mīnatā hareḥ / sarvāvasthāsu viṣṇoś ca jananaṃ līlayaiva tu
Sanskrit only: no published translation is held for this verse.
रुद्रप्रसादाद्विष्णोश् च जिष्णोश्चैव तु सम्भवः । मन्थानधारणार्थाय हरेः कूर्मत्वमेवच
rudraprasādādviṣṇoś ca jiṣṇoścaiva tu sambhavaḥ / manthānadhāraṇārthāya hareḥ kūrmatvamevaca
Sanskrit only: no published translation is held for this verse.
संकर्षणस्य चोत्पत्तिः कौशिक्याश् च पुनर्भवः । यदूनां चैव सम्भूतिर् यादवत्वं हरेः स्वयम्
saṃkarṣaṇasya cotpattiḥ kauśikyāś ca punarbhavaḥ / yadūnāṃ caiva sambhūtir yādavatvaṃ hareḥ svayam
Sanskrit only: no published translation is held for this verse.
भोजराजस्य दौरात्म्यं मातुलस्य हरेर्विभोः । बालभावे हरेः क्रीडा पुत्रार्थं शंकरार्चनम्
bhojarājasya daurātmyaṃ mātulasya harervibhoḥ / bālabhāve hareḥ krīḍā putrārthaṃ śaṃkarārcanam
Sanskrit only: no published translation is held for this verse.
नारस्य च तथोत्पत्तिः कपाले वैष्णवाद्धरात् । भूभारनिग्रहार्थे तु रुद्रस्याराधनं हरेः
nārasya ca tathotpattiḥ kapāle vaiṣṇavāddharāt / bhūbhāranigrahārthe tu rudrasyārādhanaṃ hareḥ
Sanskrit only: no published translation is held for this verse.
वैन्येन पृथुना भूमेः पुरा दोहप्रवर्तनम् । देवासुरे पुरा लब्धो भृगुशापश् च विष्णुना
vainyena pṛthunā bhūmeḥ purā dohapravartanam / devāsure purā labdho bhṛguśāpaś ca viṣṇunā
Sanskrit only: no published translation is held for this verse.
कृष्णत्वे द्वारकायां तु निलयो माधवस्य तु । लब्धो हिताय शापस्तु दुर्वासस्याननाद्धरेः
kṛṣṇatve dvārakāyāṃ tu nilayo mādhavasya tu / labdho hitāya śāpastu durvāsasyānanāddhareḥ
Sanskrit only: no published translation is held for this verse.
वृष्ण्यन्धकविनाशाय शापः पिण्डारवासिनाम् । एरकस्य तथोत्पत्तिस् तोमरस्योद्भवस् तथा
vṛṣṇyandhakavināśāya śāpaḥ piṇḍāravāsinām / erakasya tathotpattis tomarasyodbhavas tathā
Sanskrit only: no published translation is held for this verse.
एरकालाभतो ऽन्योन्यं विवादे वृष्णिविग्रहः । लीलया चैव कृष्णेन स्वकुलस्य च संहृतिः
erakālābhato 'nyonyaṃ vivāde vṛṣṇivigrahaḥ / līlayā caiva kṛṣṇena svakulasya ca saṃhṛtiḥ
Sanskrit only: no published translation is held for this verse.
एरकास्त्रबलेनैव गमनं स्वेच्छयैव तु । ब्रह्मणश्चैव मोक्षस्य विज्ञानं तु सुविस्तरम्
erakāstrabalenaiva gamanaṃ svecchayaiva tu / brahmaṇaścaiva mokṣasya vijñānaṃ tu suvistaram
Sanskrit only: no published translation is held for this verse.
पुरान्धकाग्निदक्षाणां शक्रेभमृगरूपिणाम् । मदनस्यादिदेवस्य ब्रह्मणश् चामरारिणाम्
purāndhakāgnidakṣāṇāṃ śakrebhamṛgarūpiṇām / madanasyādidevasya brahmaṇaś cāmarāriṇām
Sanskrit only: no published translation is held for this verse.
हलाहलस्य दैत्यस्य कृतावज्ञा पिनाकिना । जालंधरवधश्चैव सुदर्शनसमुद्भवः
halāhalasya daityasya kṛtāvajñā pinākinā / jālaṃdharavadhaścaiva sudarśanasamudbhavaḥ
Sanskrit only: no published translation is held for this verse.
विष्णोर्वरायुधावाप्तिस् तथा रुद्रस्य चेष्टितम् । तथान्यानि च रुद्रस्य चरितानि सहस्रशः
viṣṇorvarāyudhāvāptis tathā rudrasya ceṣṭitam / tathānyāni ca rudrasya caritāni sahasraśaḥ
Sanskrit only: no published translation is held for this verse.
हरेः पितामहस्याथ शक्रस्य च महात्मनः । प्रभावानुभवश्चैव शिवलोकस्य वर्णनम्
hareḥ pitāmahasyātha śakrasya ca mahātmanaḥ / prabhāvānubhavaścaiva śivalokasya varṇanam
Sanskrit only: no published translation is held for this verse.
भूमौ रुद्रस्य लोकं च पाताले हाटकेश्वरम् । तपसां लक्षणं चैव द्विजानां वैभवं तथा
bhūmau rudrasya lokaṃ ca pātāle hāṭakeśvaram / tapasāṃ lakṣaṇaṃ caiva dvijānāṃ vaibhavaṃ tathā
Sanskrit only: no published translation is held for this verse.
आधिक्यं सर्वमूर्तीनां लिङ्गमूर्तेर्विशेषतः । लिङ्गे ऽस्मिन्नानुपूर्व्येण विस्तरेणानुकीर्त्यते
ādhikyaṃ sarvamūrtīnāṃ liṅgamūrterviśeṣataḥ / liṅge 'sminnānupūrvyeṇa vistareṇānukīrtyate
Sanskrit only: no published translation is held for this verse.
एतज्ज्ञात्वा पुराणस्य संक्षेपं कीर्तयेत्तु यः । सर्वपापविनिर्मुक्तो ब्रह्मलोकं स गच्छति
etajjñātvā purāṇasya saṃkṣepaṃ kīrtayettu yaḥ / sarvapāpavinirmukto brahmalokaṃ sa gacchati
Sanskrit only: no published translation is held for this verse.