Library·Liṅga Purāṇa·1·1.20
ऋषय ऊचुः कथं पाद्मे पुरा कल्पे ब्रह्मा पद्मोद्भवो ऽभवत् । भवं च दृष्टवांस्तेन ब्रह्मणा पुरुषोत्तमः
ṛṣaya ūcuḥ kathaṃ pādme purā kalpe brahmā padmodbhavo 'bhavat / bhavaṃ ca dṛṣṭavāṃstena brahmaṇā puruṣottamaḥ
Sanskrit only: no published translation is held for this verse.
एतत्सर्वं विशेषेण सांप्रतं वक्तुमर्हसि । सूत उवाच आसीदेकार्णवं घोरम् अविभागं तमोमयम्
etatsarvaṃ viśeṣeṇa sāṃprataṃ vaktumarhasi / sūta uvāca āsīdekārṇavaṃ ghoram avibhāgaṃ tamomayam
Sanskrit only: no published translation is held for this verse.
मध्ये चैकार्णवे तस्मिन् शङ्खचक्रगदाधरः । जीमूताभो ऽम्बुजाक्षश् च किरीटी श्रीपतिर्हरिः
madhye caikārṇave tasmin śaṅkhacakragadādharaḥ / jīmūtābho 'mbujākṣaś ca kirīṭī śrīpatirhariḥ
Sanskrit only: no published translation is held for this verse.
नारायणमुखोद्गीर्ण- सर्वात्मा पुरुषोत्तमः । अष्टबाहुर्महावक्षा लोकानां योनिरुच्यते
nārāyaṇamukhodgīrṇa- sarvātmā puruṣottamaḥ / aṣṭabāhurmahāvakṣā lokānāṃ yonirucyate
Sanskrit only: no published translation is held for this verse.
किमप्यचिन्त्यं योगात्मा योगमास्थाय योगवित् । फणासहस्रकलितं तमप्रतिमवर्चसम्
kimapyacintyaṃ yogātmā yogamāsthāya yogavit / phaṇāsahasrakalitaṃ tamapratimavarcasam
Sanskrit only: no published translation is held for this verse.
महाभोगपतेर्भोगं साध्वास्तीर्य महोच्छ्रयम् । तस्मिन्महति पर्यङ्के शेते चैकार्णवे प्रभुः
mahābhogapaterbhogaṃ sādhvāstīrya mahocchrayam / tasminmahati paryaṅke śete caikārṇave prabhuḥ
Sanskrit only: no published translation is held for this verse.
एवं तत्र शयानेन विष्णुना प्रभविष्णुना । आत्मारामेण क्रीडार्थं लीलयाक्लिष्टकर्मणा
evaṃ tatra śayānena viṣṇunā prabhaviṣṇunā / ātmārāmeṇa krīḍārthaṃ līlayākliṣṭakarmaṇā
Sanskrit only: no published translation is held for this verse.
शतयोजनविस्तीर्णं तरुणादित्यसन्निभम् । वज्रदण्डं महोत्सेधं नाभ्यां सृष्टं तु पुष्करम्
śatayojanavistīrṇaṃ taruṇādityasannibham / vajradaṇḍaṃ mahotsedhaṃ nābhyāṃ sṛṣṭaṃ tu puṣkaram
Sanskrit only: no published translation is held for this verse.
तस्यैवं क्रीडमानस्य समीपं देवमीढुषः । हेमगर्भाण्डजो ब्रह्मा रुक्मवर्णो ह्यतीन्द्रियः
tasyaivaṃ krīḍamānasya samīpaṃ devamīḍhuṣaḥ / hemagarbhāṇḍajo brahmā rukmavarṇo hyatīndriyaḥ
Sanskrit only: no published translation is held for this verse.
चतुर्वक्त्रो विशालाक्षः समागम्य यदृच्छया । श्रिया युक्तेन दिव्येन सुशुभेन सुगन्धिना
caturvaktro viśālākṣaḥ samāgamya yadṛcchayā / śriyā yuktena divyena suśubhena sugandhinā
Sanskrit only: no published translation is held for this verse.
क्रीडमानं च पद्मेन दृष्ट्वा ब्रह्मा शुभेक्षणम् । सविस्मयमथागम्य सौम्यसम्पन्नया गिरा
krīḍamānaṃ ca padmena dṛṣṭvā brahmā śubhekṣaṇam / savismayamathāgamya saumyasampannayā girā
Sanskrit only: no published translation is held for this verse.
प्रोवाच को भवाञ्छेते ह्य् आश्रितो मध्यमम्भसाम् । अथ तस्याच्युतः श्रुत्वा ब्रह्मणस्तु शुभं वचः
provāca ko bhavāñchete hy āśrito madhyamambhasām / atha tasyācyutaḥ śrutvā brahmaṇastu śubhaṃ vacaḥ
Sanskrit only: no published translation is held for this verse.
उदतिष्ठत पर्यङ्काद् विस्मयोत्फुल्ललोचनः । प्रत्युवाचोत्तरं चैव कल्पे कल्पे प्रतिश्रयः
udatiṣṭhata paryaṅkād vismayotphullalocanaḥ / pratyuvācottaraṃ caiva kalpe kalpe pratiśrayaḥ
Sanskrit only: no published translation is held for this verse.
कर्तव्यं च कृतं चैव क्रियते यच्च किंचन । द्यौरन्तरिक्षं भूश्चैव परं पदमहं भुवः
kartavyaṃ ca kṛtaṃ caiva kriyate yacca kiṃcana / dyaurantarikṣaṃ bhūścaiva paraṃ padamahaṃ bhuvaḥ
Sanskrit only: no published translation is held for this verse.
तमेवमुक्त्वा भगवान् विष्णुः पुनरथाब्रवीत् । कस्त्वं खलु समायातः समीपं भगवान्कुतः
tamevamuktvā bhagavān viṣṇuḥ punarathābravīt / kastvaṃ khalu samāyātaḥ samīpaṃ bhagavānkutaḥ
Sanskrit only: no published translation is held for this verse.
क्व वा भूयश् च गन्तव्यं कश् च वा ते प्रतिश्रयः । को भवान् विश्वमूर्तिर्वै कर्तव्यं किं च ते मया
kva vā bhūyaś ca gantavyaṃ kaś ca vā te pratiśrayaḥ / ko bhavān viśvamūrtirvai kartavyaṃ kiṃ ca te mayā
Sanskrit only: no published translation is held for this verse.
एवं ब्रुवन्तं वैकुण्ठं प्रत्युवाच पितामहः । मायया मोहितः शंभोर् अविज्ञाय जनार्दनम्
evaṃ bruvantaṃ vaikuṇṭhaṃ pratyuvāca pitāmahaḥ / māyayā mohitaḥ śaṃbhor avijñāya janārdanam
Sanskrit only: no published translation is held for this verse.
मायया मोहितं देवम् अविज्ञातं महात्मनः । यथा भवांस्तथैवाहम् आदिकर्ता प्रजापतिः
māyayā mohitaṃ devam avijñātaṃ mahātmanaḥ / yathā bhavāṃstathaivāham ādikartā prajāpatiḥ
Sanskrit only: no published translation is held for this verse.
सविस्मयं वचः श्रुत्वा ब्रह्मणो लोकतन्त्रिणः । अनुज्ञातश् च ते नाथ वैकुण्ठो विश्वसंभवः
savismayaṃ vacaḥ śrutvā brahmaṇo lokatantriṇaḥ / anujñātaś ca te nātha vaikuṇṭho viśvasaṃbhavaḥ
Sanskrit only: no published translation is held for this verse.
कौतूहलान्महायोगी प्रविष्टो ब्रह्मणो मुखम् । इमानष्टादश द्वीपान् ससमुद्रान् सपर्वतान्
kautūhalānmahāyogī praviṣṭo brahmaṇo mukham / imānaṣṭādaśa dvīpān sasamudrān saparvatān
Sanskrit only: no published translation is held for this verse.
प्रविश्य सुमहातेजाश् चातुर्वर्ण्यसमाकुलान् । ब्रह्मणस्तम्भपर्यन्तं सप्तलोकान् सनातनान्
praviśya sumahātejāś cāturvarṇyasamākulān / brahmaṇastambhaparyantaṃ saptalokān sanātanān
Sanskrit only: no published translation is held for this verse.
ब्रह्मणस्तूदरे दृष्ट्वा सर्वान्विष्णुर्महाभुजः । अहो ऽस्य तपसो वीर्यम् इत्युक्त्वा च पुनः पुनः
brahmaṇastūdare dṛṣṭvā sarvānviṣṇurmahābhujaḥ / aho 'sya tapaso vīryam ityuktvā ca punaḥ punaḥ
Sanskrit only: no published translation is held for this verse.
अटित्वा विविधांल्लोकान् विष्णुर्नानाविधाश्रयान् । ततो वर्षसहस्रान्ते नान्तं हि ददृशे यदा
aṭitvā vividhāṃllokān viṣṇurnānāvidhāśrayān / tato varṣasahasrānte nāntaṃ hi dadṛśe yadā
Sanskrit only: no published translation is held for this verse.
तदास्य वक्त्रान्निष्क्रम्य पन्नगेन्द्रनिकेतनः । नारायणो जगद्धाता पितामहमथाब्रवीत्
tadāsya vaktrānniṣkramya pannagendraniketanaḥ / nārāyaṇo jagaddhātā pitāmahamathābravīt
Sanskrit only: no published translation is held for this verse.
भगवानादिरङ्कश् च मध्यं कालो दिशो नभः । नाहमन्तं प्रपश्यामि उदरस्य तवानघ
bhagavānādiraṅkaś ca madhyaṃ kālo diśo nabhaḥ / nāhamantaṃ prapaśyāmi udarasya tavānagha
Sanskrit only: no published translation is held for this verse.
एवमुक्त्वाब्रवीद्भूयः पितामहमिदं हरिः । भगवानेवमेवाहं शाश्वतं हि ममोदरम्
evamuktvābravīdbhūyaḥ pitāmahamidaṃ hariḥ / bhagavānevamevāhaṃ śāśvataṃ hi mamodaram
Sanskrit only: no published translation is held for this verse.
प्रविश्य लोकान् पश्यैतान् अनौपम्यान्सुरोत्तम । ततः प्राह्लादिनीं वाणीं श्रुत्वा तस्याभिनन्द्य च
praviśya lokān paśyaitān anaupamyānsurottama / tataḥ prāhlādinīṃ vāṇīṃ śrutvā tasyābhinandya ca
Sanskrit only: no published translation is held for this verse.
श्रीपतेरुदरं भूयः प्रविवेश पितामहः । तानेव लोकान् गर्भस्थान् अपश्यत् सत्यविक्रमः
śrīpaterudaraṃ bhūyaḥ praviveśa pitāmahaḥ / tāneva lokān garbhasthān apaśyat satyavikramaḥ
Sanskrit only: no published translation is held for this verse.
पर्यटित्वा तु देवस्य ददृशे ऽन्तं न वै हरेः । ज्ञात्वा गतिं तस्य पितामहस्य द्वाराणि सर्वाणि पिधाय विष्णुः । विभुर्मनः कर्तुमियेष चाशु सुखं प्रसुप्तो ऽहमिति प्रचिन्त्य
paryaṭitvā tu devasya dadṛśe 'ntaṃ na vai hareḥ / jñātvā gatiṃ tasya pitāmahasya dvārāṇi sarvāṇi pidhāya viṣṇuḥ / vibhurmanaḥ kartumiyeṣa cāśu sukhaṃ prasupto 'hamiti pracintya
Sanskrit only: no published translation is held for this verse.
ततो द्वाराणि सर्वाणि पिहितानि समीक्ष्य वै । सूक्ष्मं कृत्वात्मनो रूपं नाभ्यां द्वारमविन्दत
tato dvārāṇi sarvāṇi pihitāni samīkṣya vai / sūkṣmaṃ kṛtvātmano rūpaṃ nābhyāṃ dvāramavindata
Sanskrit only: no published translation is held for this verse.
पद्मसूत्रानुसारेण चान्वपश्यत्पितामहः । उज्जहारात्मनो रूपं पुष्कराच्चतुराननः
padmasūtrānusāreṇa cānvapaśyatpitāmahaḥ / ujjahārātmano rūpaṃ puṣkarāccaturānanaḥ
Sanskrit only: no published translation is held for this verse.
विरराजारविन्दस्थः पद्मगर्भसमद्युतिः । ब्रह्मा स्वयंभूर्भगवाञ् जगद्योनिः पितामहः
virarājāravindasthaḥ padmagarbhasamadyutiḥ / brahmā svayaṃbhūrbhagavāñ jagadyoniḥ pitāmahaḥ
Sanskrit only: no published translation is held for this verse.
एतस्मिन्नन्तरे ताभ्याम् एकैकस्य तु कृत्स्नशः । वर्तमाने तु संघर्षे मध्ये तस्यार्णवस्य तु
etasminnantare tābhyām ekaikasya tu kṛtsnaśaḥ / vartamāne tu saṃgharṣe madhye tasyārṇavasya tu
Sanskrit only: no published translation is held for this verse.
कुतो ऽप्यपरिमेयात्मा भूतानां प्रभुरीश्वरः । शूलपाणिर्महादेवो हेमवीरांबरच्छदः
kuto 'pyaparimeyātmā bhūtānāṃ prabhurīśvaraḥ / śūlapāṇirmahādevo hemavīrāṃbaracchadaḥ
Sanskrit only: no published translation is held for this verse.
अगच्छद्यत्र सो ऽनन्तो नागभोगपतिर् हरिः । शीघ्रं विक्रमतस्तस्य पद्भ्याम् आक्रान्तपीडिताः
agacchadyatra so 'nanto nāgabhogapatir hariḥ / śīghraṃ vikramatastasya padbhyām ākrāntapīḍitāḥ
Sanskrit only: no published translation is held for this verse.
उद्भूतास्तूर्णमाकाशे पृथुलास्तोयबिन्दवः । अत्युष्णश्चातिशीतश् च वायुस्तत्र ववौ पुनः
udbhūtāstūrṇamākāśe pṛthulāstoyabindavaḥ / atyuṣṇaścātiśītaś ca vāyustatra vavau punaḥ
Sanskrit only: no published translation is held for this verse.
तद्दृष्ट्वा महदाश्चर्यं ब्रह्मा विष्णुमभाषत । अब्बिन्दवश् च शीतोष्णाः कम्पयन्त्यंबुजं भृशम्
taddṛṣṭvā mahadāścaryaṃ brahmā viṣṇumabhāṣata / abbindavaś ca śītoṣṇāḥ kampayantyaṃbujaṃ bhṛśam
Sanskrit only: no published translation is held for this verse.
एतन्मे संशयं ब्रूहि किं वा त्वन्यच्चिकीर्षसि । एतदेवंविधं वाक्यं पितामहमुखोद्गतम्
etanme saṃśayaṃ brūhi kiṃ vā tvanyaccikīrṣasi / etadevaṃvidhaṃ vākyaṃ pitāmahamukhodgatam
Sanskrit only: no published translation is held for this verse.
श्रुत्वाप्रतिमकर्मा हि भगवानसुरान्तकृत् । किं नु खल्वत्र मे नाभ्यां भूतमन्यत्कृतालयम्
śrutvāpratimakarmā hi bhagavānasurāntakṛt / kiṃ nu khalvatra me nābhyāṃ bhūtamanyatkṛtālayam
Sanskrit only: no published translation is held for this verse.
वदति प्रियमत्यर्थं मन्युश्चास्य मया कृतः । इत्येवं मनसा ध्यात्वा प्रत्युवाचेदमुत्तरम्
vadati priyamatyarthaṃ manyuścāsya mayā kṛtaḥ / ityevaṃ manasā dhyātvā pratyuvācedamuttaram
Sanskrit only: no published translation is held for this verse.
किमत्र भगवानद्य पुष्करे जातसंभ्रमः । किं मया च कृतं देव यन्मां प्रियमनुत्तमम्
kimatra bhagavānadya puṣkare jātasaṃbhramaḥ / kiṃ mayā ca kṛtaṃ deva yanmāṃ priyamanuttamam
Sanskrit only: no published translation is held for this verse.
भाषसे पुरुषश्रेष्ठ किमर्थं ब्रूहि तत्त्वतः । एवं ब्रुवाणं देवेशं लोकयात्रानुगं ततः
bhāṣase puruṣaśreṣṭha kimarthaṃ brūhi tattvataḥ / evaṃ bruvāṇaṃ deveśaṃ lokayātrānugaṃ tataḥ
Sanskrit only: no published translation is held for this verse.
प्रत्युवाचाम्बुजाभाक्षं ब्रह्मा वेदनिधिः प्रभुः । यो ऽसौ तवोदरं पूर्वं प्रविष्टो ऽहं त्वदिच्छया
pratyuvācāmbujābhākṣaṃ brahmā vedanidhiḥ prabhuḥ / yo 'sau tavodaraṃ pūrvaṃ praviṣṭo 'haṃ tvadicchayā
Sanskrit only: no published translation is held for this verse.
यथा ममोदरे लोकाः सर्वे दृष्टास्त्वया प्रभो । तथैव दृष्टाः कार्त्स्न्येन मया लोकास्तवोदरे
yathā mamodare lokāḥ sarve dṛṣṭāstvayā prabho / tathaiva dṛṣṭāḥ kārtsnyena mayā lokāstavodare
Sanskrit only: no published translation is held for this verse.
ततो वर्षसहस्रात्तु उपावृत्तस्य मे ऽनघ । त्वया मत्सरभावेन मां वशीकर्तुमिच्छता
tato varṣasahasrāttu upāvṛttasya me 'nagha / tvayā matsarabhāvena māṃ vaśīkartumicchatā
Sanskrit only: no published translation is held for this verse.
आशु द्वाराणि सर्वाणि पिहितानि समन्ततः । ततो मया महाभाग संचिन्त्य स्वेन तेजसा
āśu dvārāṇi sarvāṇi pihitāni samantataḥ / tato mayā mahābhāga saṃcintya svena tejasā
Sanskrit only: no published translation is held for this verse.
लब्धो नाभिप्रदेशेन पद्मसूत्राद्विनिर्गमः । मा भूत्ते मनसो ऽल्पो ऽपि व्याघातो ऽयं कथंचन
labdho nābhipradeśena padmasūtrādvinirgamaḥ / mā bhūtte manaso 'lpo 'pi vyāghāto 'yaṃ kathaṃcana
Sanskrit only: no published translation is held for this verse.
इत्येषानुगतिर्विष्णो कार्याणाम् औपसर्पिणी । यन्मयानन्तरं कार्यं ब्रूहि किं करवाण्यहम्
ityeṣānugatirviṣṇo kāryāṇām aupasarpiṇī / yanmayānantaraṃ kāryaṃ brūhi kiṃ karavāṇyaham
Sanskrit only: no published translation is held for this verse.
ततः परममेयात्मा हिरण्यकशिपो रिपुः । अनवद्यां प्रियामिष्टां शिवां वाणीं पितामहात्
tataḥ paramameyātmā hiraṇyakaśipo ripuḥ / anavadyāṃ priyāmiṣṭāṃ śivāṃ vāṇīṃ pitāmahāt
Sanskrit only: no published translation is held for this verse.
श्रुत्वा विगतमात्सर्यं वाक्यमस्मै ददौ हरिः । न ह्येवमीदृशं कार्यं मयाध्यवसितं तव
śrutvā vigatamātsaryaṃ vākyamasmai dadau hariḥ / na hyevamīdṛśaṃ kāryaṃ mayādhyavasitaṃ tava
Sanskrit only: no published translation is held for this verse.
त्वां बोधयितुकामेन क्रीडापूर्वं यदृच्छया । आशु द्वाराणि सर्वाणि घाटितानि मयात्मनः
tvāṃ bodhayitukāmena krīḍāpūrvaṃ yadṛcchayā / āśu dvārāṇi sarvāṇi ghāṭitāni mayātmanaḥ
Sanskrit only: no published translation is held for this verse.
न ते ऽन्यथावगन्तव्यं मान्यः पूज्यश् च मे भवान् । सर्वं मर्षय कल्याण यन्मयापकृतं तव
na te 'nyathāvagantavyaṃ mānyaḥ pūjyaś ca me bhavān / sarvaṃ marṣaya kalyāṇa yanmayāpakṛtaṃ tava
Sanskrit only: no published translation is held for this verse.
अस्मान् मयोह्यमानस्त्वं पद्मादवतर प्रभो । नाहं भवन्तं शक्नोमि सोढुं तेजोमयं गुरुम्
asmān mayohyamānastvaṃ padmādavatara prabho / nāhaṃ bhavantaṃ śaknomi soḍhuṃ tejomayaṃ gurum
Sanskrit only: no published translation is held for this verse.
स होवाच वरं ब्रूहि पद्मादवतर प्रभो । पुत्रो भव ममारिघ्न मुदं प्राप्स्यसि शोभनाम्
sa hovāca varaṃ brūhi padmādavatara prabho / putro bhava mamārighna mudaṃ prāpsyasi śobhanām
Sanskrit only: no published translation is held for this verse.
सद्भाववचनं ब्रूहि पद्मादवतर प्रभो । स त्वं च नो महायोगी त्वमीड्यः प्रणवात्मकः
sadbhāvavacanaṃ brūhi padmādavatara prabho / sa tvaṃ ca no mahāyogī tvamīḍyaḥ praṇavātmakaḥ
Sanskrit only: no published translation is held for this verse.
अद्यप्रभृति सर्वेशः श्वेतोष्णीषविभूषितः । पद्मयोनिरिति ह्येवं ख्यातो नाम्ना भविष्यसि
adyaprabhṛti sarveśaḥ śvetoṣṇīṣavibhūṣitaḥ / padmayoniriti hyevaṃ khyāto nāmnā bhaviṣyasi
Sanskrit only: no published translation is held for this verse.
पुत्रो मे त्वं भव ब्रह्मन् सप्तलोकाधिपः प्रभो । ततः स भगवान्देवो वरं दत्त्वा किरीटिने
putro me tvaṃ bhava brahman saptalokādhipaḥ prabho / tataḥ sa bhagavāndevo varaṃ dattvā kirīṭine
Sanskrit only: no published translation is held for this verse.
एवं भवतु चेत्युक्त्वा प्रीतात्मा गतमत्सरः । प्रत्यासन्नम् अथायान्तं बालार्काभं महाननम्
evaṃ bhavatu cetyuktvā prītātmā gatamatsaraḥ / pratyāsannam athāyāntaṃ bālārkābhaṃ mahānanam
Sanskrit only: no published translation is held for this verse.
भवमत्यद्भुतं दृष्ट्वा नारायणमथाब्रवीत् । अप्रमेयो महावक्त्रो दंष्ट्री ध्वस्तशिरोरुहः
bhavamatyadbhutaṃ dṛṣṭvā nārāyaṇamathābravīt / aprameyo mahāvaktro daṃṣṭrī dhvastaśiroruhaḥ
Sanskrit only: no published translation is held for this verse.
दशबाहुस्त्रिशूलाङ्को नयनैर्विश्वतः स्थितः । लोकप्रभुः स्वयं साक्षाद् विकृतो मुञ्जमेखली
daśabāhustriśūlāṅko nayanairviśvataḥ sthitaḥ / lokaprabhuḥ svayaṃ sākṣād vikṛto muñjamekhalī
Sanskrit only: no published translation is held for this verse.
मेण्ढ्रेणोर्ध्वेन महता नर्दमानो ऽतिभैरवम् । कः खल्वेष पुमान् विष्णो तेजोराशिर् महाद्युतिः
meṇḍhreṇordhvena mahatā nardamāno 'tibhairavam / kaḥ khalveṣa pumān viṣṇo tejorāśir mahādyutiḥ
Sanskrit only: no published translation is held for this verse.
व्याप्य सर्वा दिशो द्यां च इत एवाभिवर्तते । तेनैवमुक्तो भगवान् विष्णुर्ब्रह्माणमब्रवीत्
vyāpya sarvā diśo dyāṃ ca ita evābhivartate / tenaivamukto bhagavān viṣṇurbrahmāṇamabravīt
Sanskrit only: no published translation is held for this verse.
पद्भ्यां तलनिपातेन यस्य विक्रमतो ऽर्णवे । वेगेन महताकाशे ऽप्युत्थिताश् च जलशयाः
padbhyāṃ talanipātena yasya vikramato 'rṇave / vegena mahatākāśe 'pyutthitāś ca jalaśayāḥ
Sanskrit only: no published translation is held for this verse.
स्थूलाद्भिर् विश्वतो ऽत्यर्थं सिच्यसे पद्मसंभव । घ्राणजेन च वातेन कम्प्यमानं त्वया सह
sthūlādbhir viśvato 'tyarthaṃ sicyase padmasaṃbhava / ghrāṇajena ca vātena kampyamānaṃ tvayā saha
Sanskrit only: no published translation is held for this verse.
दोधूयते महापद्मं स्वच्छन्दं मम नाभिजम् । समागतो भवानीशो ह्य् अनादिश्चान्तकृत्प्रभुः
dodhūyate mahāpadmaṃ svacchandaṃ mama nābhijam / samāgato bhavānīśo hy anādiścāntakṛtprabhuḥ
Sanskrit only: no published translation is held for this verse.
भवानहं च स्तोत्रेण उपतिष्ठाव गोध्वजम् । ततः क्रुद्धो ऽम्बुजाभाक्षं ब्रह्मा प्रोवाच केशवम्
bhavānahaṃ ca stotreṇa upatiṣṭhāva godhvajam / tataḥ kruddho 'mbujābhākṣaṃ brahmā provāca keśavam
Sanskrit only: no published translation is held for this verse.
भवान्न नूनमात्मानं वेत्ति लोकप्रभुं विभुम् । ब्रह्माणं लोककर्तारं मां न वेत्सि सनातनम्
bhavānna nūnamātmānaṃ vetti lokaprabhuṃ vibhum / brahmāṇaṃ lokakartāraṃ māṃ na vetsi sanātanam
Sanskrit only: no published translation is held for this verse.
को ह्यसौ शङ्करो नाम आवयोर्व्यतिरिच्यते । तस्य तत्क्रोधजं वाक्यं श्रुत्वा हरिरभाषत
ko hyasau śaṅkaro nāma āvayorvyatiricyate / tasya tatkrodhajaṃ vākyaṃ śrutvā harirabhāṣata
Sanskrit only: no published translation is held for this verse.
मा मैवं वद कल्याण परिवादं महात्मनः । महायोगेन्धनो धर्मो दुराधर्षो वरप्रदः
mā maivaṃ vada kalyāṇa parivādaṃ mahātmanaḥ / mahāyogendhano dharmo durādharṣo varapradaḥ
Sanskrit only: no published translation is held for this verse.
हेतुरस्याथ जगतः पुराणपुरुषो ऽव्ययः । बीजी खल्वेष बीजानां ज्योतिरेकः प्रकाशते
heturasyātha jagataḥ purāṇapuruṣo 'vyayaḥ / bījī khalveṣa bījānāṃ jyotirekaḥ prakāśate
Sanskrit only: no published translation is held for this verse.
बालक्रीडनकैर्देवः क्रीडते शङ्करः स्वयम् । प्रधानमव्ययो योनिर् अव्यक्तं प्रकृतिस्तमः
bālakrīḍanakairdevaḥ krīḍate śaṅkaraḥ svayam / pradhānamavyayo yonir avyaktaṃ prakṛtistamaḥ
Sanskrit only: no published translation is held for this verse.
मम चैतानि नामानि नित्यं प्रसवधर्मिणः । यः कः स इति दुःखार्तैर् दृश्यते यतिभिः शिवः
mama caitāni nāmāni nityaṃ prasavadharmiṇaḥ / yaḥ kaḥ sa iti duḥkhārtair dṛśyate yatibhiḥ śivaḥ
Sanskrit only: no published translation is held for this verse.
एष बीजी भवान्बीजम् अहं योनिः सनातनः । स एवमुक्तो विश्वात्मा ब्रह्मा विष्णुमपृच्छत
eṣa bījī bhavānbījam ahaṃ yoniḥ sanātanaḥ / sa evamukto viśvātmā brahmā viṣṇumapṛcchata
Sanskrit only: no published translation is held for this verse.
भवान् योनिरहं बीजं कथं बीजी महेश्वरः । एतन्मे सूक्ष्ममव्यक्तं संशयं छेत्तुमर्हसि
bhavān yonirahaṃ bījaṃ kathaṃ bījī maheśvaraḥ / etanme sūkṣmamavyaktaṃ saṃśayaṃ chettumarhasi
Sanskrit only: no published translation is held for this verse.
ज्ञात्वा च विविधोत्पत्तिं ब्रह्मणो लोकतन्त्रिणः । इमं परमसादृश्यं प्रश्नम् अभ्यवदद्धरिः
jñātvā ca vividhotpattiṃ brahmaṇo lokatantriṇaḥ / imaṃ paramasādṛśyaṃ praśnam abhyavadaddhariḥ
Sanskrit only: no published translation is held for this verse.
अस्मान्महत्तरं भूतं गुह्यमन्यन्न विद्यते । महतः परमं धाम शिवम् अध्यात्मिनां पदम्
asmānmahattaraṃ bhūtaṃ guhyamanyanna vidyate / mahataḥ paramaṃ dhāma śivam adhyātmināṃ padam
Sanskrit only: no published translation is held for this verse.
द्विविधं चैवमात्मानं प्रविभज्य व्यवस्थितः । निष्कलस्तत्र यो ऽव्यक्तः सकलश् च महेश्वरः
dvividhaṃ caivamātmānaṃ pravibhajya vyavasthitaḥ / niṣkalastatra yo 'vyaktaḥ sakalaś ca maheśvaraḥ
Sanskrit only: no published translation is held for this verse.
यस्य मायाविधिज्ञस्य अगम्यगहनस्य च । पुरा लिङ्गोद्भवं बीजं प्रथमं त्वादिसर्गिकम्
yasya māyāvidhijñasya agamyagahanasya ca / purā liṅgodbhavaṃ bījaṃ prathamaṃ tvādisargikam
Sanskrit only: no published translation is held for this verse.
मम योनौ समायुक्तं तद्बीजं कालपर्ययात् । हिरण्मयमकूपारे योन्यामण्डमजायत
mama yonau samāyuktaṃ tadbījaṃ kālaparyayāt / hiraṇmayamakūpāre yonyāmaṇḍamajāyata
Sanskrit only: no published translation is held for this verse.
शतानि दश वर्षाणाम् अण्डम् अप्सु प्रतिष्ठितम् । अन्ते वर्षसहस्रस्य वायुना तद्द्विधा कृतम्
śatāni daśa varṣāṇām aṇḍam apsu pratiṣṭhitam / ante varṣasahasrasya vāyunā taddvidhā kṛtam
Sanskrit only: no published translation is held for this verse.
कपालमेकं द्यौर्जज्ञे कपालमपरं क्षितिः । उल्बं तस्य महोत्सेधो यो ऽसौ कनकपर्वतः
kapālamekaṃ dyaurjajñe kapālamaparaṃ kṣitiḥ / ulbaṃ tasya mahotsedho yo 'sau kanakaparvataḥ
Sanskrit only: no published translation is held for this verse.
ततश् च प्रतिसंध्यात्मा देवदेवो वरः प्रभुः । हिरण्यगर्भो भगवांस् त्व् अभिजज्ञे चतुर्मुखः
tataś ca pratisaṃdhyātmā devadevo varaḥ prabhuḥ / hiraṇyagarbho bhagavāṃs tv abhijajñe caturmukhaḥ
Sanskrit only: no published translation is held for this verse.
आ तारार्केन्दुनक्षत्रं शून्यं लोकमवेक्ष्य च । को ऽहमित्यपि च ध्याते कुमारास्ते ऽभवंस्तदा
ā tārārkendunakṣatraṃ śūnyaṃ lokamavekṣya ca / ko 'hamityapi ca dhyāte kumārāste 'bhavaṃstadā
Sanskrit only: no published translation is held for this verse.
प्रियदर्शनास्तु यतयो यतीनां पूर्वजास् तव । भूयो वर्षसहस्रान्ते तत एवात्मजास्तव
priyadarśanāstu yatayo yatīnāṃ pūrvajās tava / bhūyo varṣasahasrānte tata evātmajāstava
Sanskrit only: no published translation is held for this verse.
भुवनानलसंकाशाः पद्मपत्रायतेक्षणाः । श्रीमान्सनत्कुमारश् च ऋभुश्चैवोर्ध्वरेतसौ
bhuvanānalasaṃkāśāḥ padmapatrāyatekṣaṇāḥ / śrīmānsanatkumāraś ca ṛbhuścaivordhvaretasau
Sanskrit only: no published translation is held for this verse.
सनकः सनातनश्चैव तथैव च सनन्दनः । उत्पन्नाः समकालं ते बुद्ध्यातीन्द्रियदर्शनाः
sanakaḥ sanātanaścaiva tathaiva ca sanandanaḥ / utpannāḥ samakālaṃ te buddhyātīndriyadarśanāḥ
Sanskrit only: no published translation is held for this verse.
उत्पन्नाः प्रतिभात्मानो जगतां स्थितिहेतवः । नारप्स्यन्ते च कर्माणि तापत्रयविवर्जिताः
utpannāḥ pratibhātmāno jagatāṃ sthitihetavaḥ / nārapsyante ca karmāṇi tāpatrayavivarjitāḥ
Sanskrit only: no published translation is held for this verse.
अल्पसौख्यं बहुक्लेशं जराशोकसमन्वितम् । जीवनं मरणं चैव संभवश् च पुनः पुनः
alpasaukhyaṃ bahukleśaṃ jarāśokasamanvitam / jīvanaṃ maraṇaṃ caiva saṃbhavaś ca punaḥ punaḥ
Sanskrit only: no published translation is held for this verse.
अल्पभूतं सुखं स्वर्गे दुःखानि नरके तथा । विदित्वा चागमं सर्वम् अवश्यं भवितव्यताम्
alpabhūtaṃ sukhaṃ svarge duḥkhāni narake tathā / viditvā cāgamaṃ sarvam avaśyaṃ bhavitavyatām
Sanskrit only: no published translation is held for this verse.
ऋभुं सनत्कुमारं च दृष्ट्वा तव वशे स्थितौ । त्रयस्तु त्रीन् गुणान् हित्वा चात्मजाः सनकादयः
ṛbhuṃ sanatkumāraṃ ca dṛṣṭvā tava vaśe sthitau / trayastu trīn guṇān hitvā cātmajāḥ sanakādayaḥ
Sanskrit only: no published translation is held for this verse.
ववर्तेन तु ज्ञानेन प्रवृत्तास्ते महौजसः । ततस्तेषु प्रवृत्तेषु सनकादिषु वै त्रिषु
vavartena tu jñānena pravṛttāste mahaujasaḥ / tatasteṣu pravṛtteṣu sanakādiṣu vai triṣu
Sanskrit only: no published translation is held for this verse.
भविष्यसि विमूढस्त्वं मायया शङ्करस्य तु । एवं कल्पे तु वैवृत्ते संज्ञा नश्यति ते ऽनघ
bhaviṣyasi vimūḍhastvaṃ māyayā śaṅkarasya tu / evaṃ kalpe tu vaivṛtte saṃjñā naśyati te 'nagha
Sanskrit only: no published translation is held for this verse.
कल्पे शेषाणि भूतानि सूक्ष्माणि पार्थिवानि च । सर्वेषां ह्यैश्वरी माया जागृतिः समुदाहृता
kalpe śeṣāṇi bhūtāni sūkṣmāṇi pārthivāni ca / sarveṣāṃ hyaiśvarī māyā jāgṛtiḥ samudāhṛtā
Sanskrit only: no published translation is held for this verse.
यथैष पर्वतो मेरुर् देवलोको ह्युदाहृतः । तस्य चेदं हि माहात्म्यं विद्धि देववरस्य ह
yathaiṣa parvato merur devaloko hyudāhṛtaḥ / tasya cedaṃ hi māhātmyaṃ viddhi devavarasya ha
Sanskrit only: no published translation is held for this verse.
ज्ञात्वा चेश्वरसद्भावं ज्ञात्वा मामंबुजेक्षणम् । महादेवं महाभूतं भूतानां वरदं प्रभुम्
jñātvā ceśvarasadbhāvaṃ jñātvā māmaṃbujekṣaṇam / mahādevaṃ mahābhūtaṃ bhūtānāṃ varadaṃ prabhum
Sanskrit only: no published translation is held for this verse.
प्रणवेनाथ साम्ना तु नमस्कृत्य जगद्गुरुम् । त्वां च मां चैव संक्रुद्धो निःश्वासान्निर्दहेदयम्
praṇavenātha sāmnā tu namaskṛtya jagadgurum / tvāṃ ca māṃ caiva saṃkruddho niḥśvāsānnirdahedayam
Sanskrit only: no published translation is held for this verse.
एवं ज्ञात्वा महायोगम् अभ्युत्तिष्ठन्महाबलम् । अहं त्वामग्रतः कृत्वा स्तोष्याम्यनलसप्रभम्
evaṃ jñātvā mahāyogam abhyuttiṣṭhanmahābalam / ahaṃ tvāmagrataḥ kṛtvā stoṣyāmyanalasaprabham
Sanskrit only: no published translation is held for this verse.