Library·Liṅga Purāṇa·1·1.21
सूत उवाच ब्रह्माणमग्रतः कृत्वा ततः स गरुडध्वजः । अतीतैश् च भविष्यैश् च वर्तमानैस्तथैव च
sūta uvāca brahmāṇamagrataḥ kṛtvā tataḥ sa garuḍadhvajaḥ / atītaiś ca bhaviṣyaiś ca vartamānaistathaiva ca
Sanskrit only: no published translation is held for this verse.
नामभिश्छान्दसैश्चैव इदं स्तोत्रमुदीरयत् । विष्णुरुवाच नमस्तुभ्यं भगवते सुव्रतानन्ततेजसे
nāmabhiśchāndasaiścaiva idaṃ stotramudīrayat / viṣṇuruvāca namastubhyaṃ bhagavate suvratānantatejase
Sanskrit only: no published translation is held for this verse.
नमः क्षेत्राधिपतये बीजिने शूलिने नमः । सुमेढ्रायार्च्यमेढ्राय दण्डिने रूक्षरेतसे
namaḥ kṣetrādhipataye bījine śūline namaḥ / sumeḍhrāyārcyameḍhrāya daṇḍine rūkṣaretase
Sanskrit only: no published translation is held for this verse.
नमो ज्येष्ठाय श्रेष्ठाय पूर्वाय प्रथमाय च । नमो मान्याय पूज्याय सद्योजाताय वै नमः
namo jyeṣṭhāya śreṣṭhāya pūrvāya prathamāya ca / namo mānyāya pūjyāya sadyojātāya vai namaḥ
Sanskrit only: no published translation is held for this verse.
गह्वराय घटेशाय व्योमचीरांबराय च । नमस्ते ह्यस्मदादीनां भूतानां प्रभवे नमः
gahvarāya ghaṭeśāya vyomacīrāṃbarāya ca / namaste hyasmadādīnāṃ bhūtānāṃ prabhave namaḥ
Sanskrit only: no published translation is held for this verse.
वेदानां प्रभवे चैव स्मृतीनां प्रभवे नमः । प्रभवे कर्मदानानां द्रव्याणां प्रभवे नमः
vedānāṃ prabhave caiva smṛtīnāṃ prabhave namaḥ / prabhave karmadānānāṃ dravyāṇāṃ prabhave namaḥ
Sanskrit only: no published translation is held for this verse.
नमो योगस्य प्रभवे सांख्यस्य प्रभवे नमः । नमो ध्रुवनिबद्धानाम् ऋषीणां प्रभवे नमः
namo yogasya prabhave sāṃkhyasya prabhave namaḥ / namo dhruvanibaddhānām ṛṣīṇāṃ prabhave namaḥ
Sanskrit only: no published translation is held for this verse.
ऋक्षाणां प्रभवे तुभ्यं ग्रहाणां प्रभवे नमः । वैद्युताशनिमेघानां गर्जितप्रभवे नमः
ṛkṣāṇāṃ prabhave tubhyaṃ grahāṇāṃ prabhave namaḥ / vaidyutāśanimeghānāṃ garjitaprabhave namaḥ
Sanskrit only: no published translation is held for this verse.
महोदधीनां प्रभवे द्वीपानां प्रभवे नमः । अद्रीणां प्रभवे चैव वर्षाणां प्रभवे नमः
mahodadhīnāṃ prabhave dvīpānāṃ prabhave namaḥ / adrīṇāṃ prabhave caiva varṣāṇāṃ prabhave namaḥ
Sanskrit only: no published translation is held for this verse.
नमो नदीनां प्रभवे नदानां प्रभवे नमः । महौषधीनां प्रभवे वृक्षाणां प्रभवे नमः
namo nadīnāṃ prabhave nadānāṃ prabhave namaḥ / mahauṣadhīnāṃ prabhave vṛkṣāṇāṃ prabhave namaḥ
Sanskrit only: no published translation is held for this verse.
धर्मवृक्षाय धर्माय स्थितीनां प्रभवे नमः । प्रभवे च परार्धस्य परस्य प्रभवे नमः
dharmavṛkṣāya dharmāya sthitīnāṃ prabhave namaḥ / prabhave ca parārdhasya parasya prabhave namaḥ
Sanskrit only: no published translation is held for this verse.
नमो रसानां प्रभवे रत्नानां प्रभवे नमः । क्षणानां प्रभवे चैव लवानां प्रभवे नमः
namo rasānāṃ prabhave ratnānāṃ prabhave namaḥ / kṣaṇānāṃ prabhave caiva lavānāṃ prabhave namaḥ
Sanskrit only: no published translation is held for this verse.
अहोरात्रार्धमासानां मासानां प्रभवे नमः । ऋतूनां प्रभवे तुभ्यं संख्यायाः प्रभवे नमः
ahorātrārdhamāsānāṃ māsānāṃ prabhave namaḥ / ṛtūnāṃ prabhave tubhyaṃ saṃkhyāyāḥ prabhave namaḥ
Sanskrit only: no published translation is held for this verse.
प्रभवे चापरार्धस्य परार्धप्रभवे नमः । नमः पुराणप्रभवे सर्गाणां प्रभवे नमः
prabhave cāparārdhasya parārdhaprabhave namaḥ / namaḥ purāṇaprabhave sargāṇāṃ prabhave namaḥ
Sanskrit only: no published translation is held for this verse.
मन्वन्तराणां प्रभवे योगस्य प्रभवे नमः । चतुर्विधस्य सर्गस्य प्रभवे ऽनन्तचक्षुषे
manvantarāṇāṃ prabhave yogasya prabhave namaḥ / caturvidhasya sargasya prabhave 'nantacakṣuṣe
Sanskrit only: no published translation is held for this verse.
कल्पोदयनिबन्धानां वातानां प्रभवे नमः । नमो विश्वस्य प्रभवे ब्रह्माधिपतये नमः
kalpodayanibandhānāṃ vātānāṃ prabhave namaḥ / namo viśvasya prabhave brahmādhipataye namaḥ
Sanskrit only: no published translation is held for this verse.
विद्यानां प्रभवे चैव विद्याधिपतये नमः । नमो व्रताधिपतये व्रतानां प्रभवे नमः
vidyānāṃ prabhave caiva vidyādhipataye namaḥ / namo vratādhipataye vratānāṃ prabhave namaḥ
Sanskrit only: no published translation is held for this verse.
मन्त्राणां प्रभवे तुभ्यं मन्त्राधिपतये नमः । पितॄणां पतये चैव पशूनां पतये नमः
mantrāṇāṃ prabhave tubhyaṃ mantrādhipataye namaḥ / pitṝṇāṃ pataye caiva paśūnāṃ pataye namaḥ
Sanskrit only: no published translation is held for this verse.
वाग्वृषाय नमस्तुभ्यं पुराणवृषभाय च । नमः पशूनां पतये गोवृषेन्द्रध्वजाय च
vāgvṛṣāya namastubhyaṃ purāṇavṛṣabhāya ca / namaḥ paśūnāṃ pataye govṛṣendradhvajāya ca
Sanskrit only: no published translation is held for this verse.
प्रजापतीनां पतये सिद्धीनां पतये नमः । दैत्यदानवसंघानां रक्षसां पतये नमः
prajāpatīnāṃ pataye siddhīnāṃ pataye namaḥ / daityadānavasaṃghānāṃ rakṣasāṃ pataye namaḥ
Sanskrit only: no published translation is held for this verse.
गन्धर्वाणां च पतये यक्षाणां पतये नमः । गरुडोरगसर्पाणां पक्षिणां पतये नमः
gandharvāṇāṃ ca pataye yakṣāṇāṃ pataye namaḥ / garuḍoragasarpāṇāṃ pakṣiṇāṃ pataye namaḥ
Sanskrit only: no published translation is held for this verse.
सर्वगुह्यपिशाचानां गुह्याधिपतये नमः । गोकर्णाय च गोप्त्रे च शङ्कुकर्णाय वै नमः
sarvaguhyapiśācānāṃ guhyādhipataye namaḥ / gokarṇāya ca goptre ca śaṅkukarṇāya vai namaḥ
Sanskrit only: no published translation is held for this verse.
वराहायाप्रमेयाय ऋक्षाय विरजाय च । नमः सुराणां पतये गणानां पतये नमः
varāhāyāprameyāya ṛkṣāya virajāya ca / namaḥ surāṇāṃ pataye gaṇānāṃ pataye namaḥ
Sanskrit only: no published translation is held for this verse.
अंभसां पतये चैव ओजसां पतये नमः । नमो ऽस्तु लक्ष्मीपतये श्रीपाय क्षितिपाय च
aṃbhasāṃ pataye caiva ojasāṃ pataye namaḥ / namo 'stu lakṣmīpataye śrīpāya kṣitipāya ca
Sanskrit only: no published translation is held for this verse.
बलाबलसमूहाय अक्षोभ्यक्षोभणाय च । दीप्तशृङ्गैकशृङ्गाय वृषभाय ककुद्मिने
balābalasamūhāya akṣobhyakṣobhaṇāya ca / dīptaśṛṅgaikaśṛṅgāya vṛṣabhāya kakudmine
Sanskrit only: no published translation is held for this verse.
नमः स्थैर्याय वपुषे तेजसानुव्रताय च । अतीताय भविष्याय वर्तमानाय वै नमः
namaḥ sthairyāya vapuṣe tejasānuvratāya ca / atītāya bhaviṣyāya vartamānāya vai namaḥ
Sanskrit only: no published translation is held for this verse.
सुवर्चसे च वीर्याय शूराय ह्यजिताय च । वरदाय वरेण्याय पुरुषाय महात्मने
suvarcase ca vīryāya śūrāya hyajitāya ca / varadāya vareṇyāya puruṣāya mahātmane
Sanskrit only: no published translation is held for this verse.
नमो भूताय भव्याय महते प्रभवाय च । जनाय च नमस्तुभ्यं तपसे वरदाय च
namo bhūtāya bhavyāya mahate prabhavāya ca / janāya ca namastubhyaṃ tapase varadāya ca
Sanskrit only: no published translation is held for this verse.
अणवे महते चैव नमः सर्वगताय च । नमो बन्धाय मोक्षाय स्वर्गाय नरकाय च
aṇave mahate caiva namaḥ sarvagatāya ca / namo bandhāya mokṣāya svargāya narakāya ca
Sanskrit only: no published translation is held for this verse.
नमो भवाय देवाय इज्याय याजकाय च । प्रत्युदीर्णाय दीप्ताय तत्त्वायातिगुणाय च
namo bhavāya devāya ijyāya yājakāya ca / pratyudīrṇāya dīptāya tattvāyātiguṇāya ca
Sanskrit only: no published translation is held for this verse.
नमः पाशाय शस्त्राय नमस्त्वाभरणाय च । हुताय उपहूताय प्रहुतप्राशिताय च
namaḥ pāśāya śastrāya namastvābharaṇāya ca / hutāya upahūtāya prahutaprāśitāya ca
Sanskrit only: no published translation is held for this verse.
नमो ऽस्त्विष्टाय पूर्ताय अग्निष्टोमद्विजाय च । सदस्याय नमश्चैव दक्षिणावभृथाय च
namo 'stviṣṭāya pūrtāya agniṣṭomadvijāya ca / sadasyāya namaścaiva dakṣiṇāvabhṛthāya ca
Sanskrit only: no published translation is held for this verse.
अहिंसायाप्रलोभाय पशुमन्त्रौषधाय च । नमः पुष्टिप्रदानाय सुशीलाय सुशीलिने
ahiṃsāyāpralobhāya paśumantrauṣadhāya ca / namaḥ puṣṭipradānāya suśīlāya suśīline
Sanskrit only: no published translation is held for this verse.
अतीताय भविष्याय वर्तमानाय ते नमः । सुवर्चसे च वीर्याय शूराय ह्यजिताय च
atītāya bhaviṣyāya vartamānāya te namaḥ / suvarcase ca vīryāya śūrāya hyajitāya ca
Sanskrit only: no published translation is held for this verse.
वरदाय वरेण्याय पुरुषाय महात्मने । नमो भूताय भव्याय महते चाभयाय च
varadāya vareṇyāya puruṣāya mahātmane / namo bhūtāya bhavyāya mahate cābhayāya ca
Sanskrit only: no published translation is held for this verse.
जरासिद्ध नमस्तुभ्यम् अयसे वरदाय च । अधरे महते चैव नमः सस्तुपताय च
jarāsiddha namastubhyam ayase varadāya ca / adhare mahate caiva namaḥ sastupatāya ca
Sanskrit only: no published translation is held for this verse.
नमश्चेन्द्रियपत्राणां लेलिहानाय स्रग्विणे । विश्वाय विश्वरूपाय विश्वतः शिरसे नमः
namaścendriyapatrāṇāṃ lelihānāya sragviṇe / viśvāya viśvarūpāya viśvataḥ śirase namaḥ
Sanskrit only: no published translation is held for this verse.
सर्वतः पाणिपादाय रुद्रायाप्रतिमाय च । नमो हव्याय कव्याय हव्यवाहाय वै नमः
sarvataḥ pāṇipādāya rudrāyāpratimāya ca / namo havyāya kavyāya havyavāhāya vai namaḥ
Sanskrit only: no published translation is held for this verse.
नमः सिद्धाय मेध्याय इष्टायेज्यापराय च । सुवीराय सुघोराय अक्षोभ्यक्षोभणाय च
namaḥ siddhāya medhyāya iṣṭāyejyāparāya ca / suvīrāya sughorāya akṣobhyakṣobhaṇāya ca
Sanskrit only: no published translation is held for this verse.
सुप्रजाय सुमेधाय दीप्ताय भास्कराय च । नमो बुद्धाय शुद्धाय विस्तृताय मताय च
suprajāya sumedhāya dīptāya bhāskarāya ca / namo buddhāya śuddhāya vistṛtāya matāya ca
Sanskrit only: no published translation is held for this verse.
नमः स्थूलाय सूक्ष्माय दृश्यादृश्याय सर्वशः । वर्षते ज्वलते चैव वायवे शिशिराय च
namaḥ sthūlāya sūkṣmāya dṛśyādṛśyāya sarvaśaḥ / varṣate jvalate caiva vāyave śiśirāya ca
Sanskrit only: no published translation is held for this verse.
नमस्ते वक्रकेशाय ऊरुवक्षःशिखाय च । नमो नमः सुवर्णाय तपनीयनिभाय च
namaste vakrakeśāya ūruvakṣaḥśikhāya ca / namo namaḥ suvarṇāya tapanīyanibhāya ca
Sanskrit only: no published translation is held for this verse.
विरूपाक्षाय लिङ्गाय पिङ्गलाय महौजसे । वृष्टिघ्नाय नमश्चैव नमः सौम्येक्षणाय च
virūpākṣāya liṅgāya piṅgalāya mahaujase / vṛṣṭighnāya namaścaiva namaḥ saumyekṣaṇāya ca
Sanskrit only: no published translation is held for this verse.
नमो धूम्राय श्वेताय कृष्णाय लोहिताय च । पिशिताय पिशङ्गाय पीताय च निषङ्गिणे
namo dhūmrāya śvetāya kṛṣṇāya lohitāya ca / piśitāya piśaṅgāya pītāya ca niṣaṅgiṇe
Sanskrit only: no published translation is held for this verse.
नमस्ते सविशेषाय निर्विशेषाय वै नमः । नम ईज्याय पूज्याय उपजीव्याय वै नमः
namaste saviśeṣāya nirviśeṣāya vai namaḥ / nama ījyāya pūjyāya upajīvyāya vai namaḥ
Sanskrit only: no published translation is held for this verse.
नमः क्षेम्याय वृद्धाय वत्सलाय नमोनमः । नमो भूताय सत्याय सत्यासत्याय वै नमः
namaḥ kṣemyāya vṛddhāya vatsalāya namonamaḥ / namo bhūtāya satyāya satyāsatyāya vai namaḥ
Sanskrit only: no published translation is held for this verse.
नमो वै पद्मवर्णाय मृत्युघ्नाय च मृत्यवे । नमो गौराय श्यामाय कद्रवे लोहिताय च
namo vai padmavarṇāya mṛtyughnāya ca mṛtyave / namo gaurāya śyāmāya kadrave lohitāya ca
Sanskrit only: no published translation is held for this verse.
महासंध्याभ्रवर्णाय चारुदीप्ताय दीक्षिणे । नमः कमलहस्ताय दिग्वासाय कपर्दिने
mahāsaṃdhyābhravarṇāya cārudīptāya dīkṣiṇe / namaḥ kamalahastāya digvāsāya kapardine
Sanskrit only: no published translation is held for this verse.
अप्रमाणाय सर्वाय अव्ययायामराय च । नमो रूपाय गन्धाय शाश्वतायाक्षताय च
apramāṇāya sarvāya avyayāyāmarāya ca / namo rūpāya gandhāya śāśvatāyākṣatāya ca
Sanskrit only: no published translation is held for this verse.
पुरस्ताद्बृंहते चैव विभ्रान्ताय कृताय च । दुर्गमाय महेशाय क्रोधाय कपिलाय च
purastādbṛṃhate caiva vibhrāntāya kṛtāya ca / durgamāya maheśāya krodhāya kapilāya ca
Sanskrit only: no published translation is held for this verse.
तर्क्यातर्क्यशरीराय बलिने रंहसाय च । सिकत्याय प्रवाह्याय स्थिताय प्रसृताय च
tarkyātarkyaśarīrāya baline raṃhasāya ca / sikatyāya pravāhyāya sthitāya prasṛtāya ca
Sanskrit only: no published translation is held for this verse.
सुमेधसे कुलालाय नमस्ते शशिखण्डिने । चित्राय चित्रवेषाय चित्रवर्णाय मेधसे
sumedhase kulālāya namaste śaśikhaṇḍine / citrāya citraveṣāya citravarṇāya medhase
Sanskrit only: no published translation is held for this verse.
चेकितानाय तुष्टाय नमस्ते निहिताय च । नमः क्षान्ताय दान्ताय वज्रसंहननाय च
cekitānāya tuṣṭāya namaste nihitāya ca / namaḥ kṣāntāya dāntāya vajrasaṃhananāya ca
Sanskrit only: no published translation is held for this verse.
रक्षोघ्नाय विषघ्नाय शितिकण्ठोर्ध्वमन्यवे
rakṣoghnāya viṣaghnāya śitikaṇṭhordhvamanyave
Sanskrit only: no published translation is held for this verse.
लेलिहाय कृतान्ताय तिग्मायुधधराय च
lelihāya kṛtāntāya tigmāyudhadharāya ca
Sanskrit only: no published translation is held for this verse.
प्रमोदाय संमोदाय यतिवेद्याय ते नमः । अनामयाय सर्वाय महाकालाय वै नमः
pramodāya saṃmodāya yativedyāya te namaḥ / anāmayāya sarvāya mahākālāya vai namaḥ
Sanskrit only: no published translation is held for this verse.
प्रणवप्रणवेशाय भगनेत्रान्तकाय च । मृगव्याधाय दक्षाय दक्षयज्ञान्तकाय च
praṇavapraṇaveśāya bhaganetrāntakāya ca / mṛgavyādhāya dakṣāya dakṣayajñāntakāya ca
Sanskrit only: no published translation is held for this verse.
सर्वभूतात्मभूताय सर्वेशातिशयाय च । पुरघ्नाय सुशस्त्राय धन्विने ऽथ परश्वधे
sarvabhūtātmabhūtāya sarveśātiśayāya ca / puraghnāya suśastrāya dhanvine 'tha paraśvadhe
Sanskrit only: no published translation is held for this verse.
पूषदन्तविनाशाय भगनेत्रान्तकाय च । कामदाय वरिष्ठाय कामाङ्गदहनाय च
pūṣadantavināśāya bhaganetrāntakāya ca / kāmadāya variṣṭhāya kāmāṅgadahanāya ca
Sanskrit only: no published translation is held for this verse.
रङ्गे करालवक्त्राय नागेन्द्रवदनाय च । दैत्यानामन्तकेशाय दैत्याक्रन्दकराय च
raṅge karālavaktrāya nāgendravadanāya ca / daityānāmantakeśāya daityākrandakarāya ca
Sanskrit only: no published translation is held for this verse.
हिमघ्नाय च तीक्ष्णाय आर्द्रचर्मधराय च । श्मशानरतिनित्याय नमो ऽस्तूल्मुकधारिणे
himaghnāya ca tīkṣṇāya ārdracarmadharāya ca / śmaśānaratinityāya namo 'stūlmukadhāriṇe
Sanskrit only: no published translation is held for this verse.
नमस्ते प्राणपालाय मुण्डमालाधराय च । प्रहीणशोकैर्विविधैर् भूतैः परिवृताय च
namaste prāṇapālāya muṇḍamālādharāya ca / prahīṇaśokairvividhair bhūtaiḥ parivṛtāya ca
Sanskrit only: no published translation is held for this verse.
नरनारीशरीराय देव्याः प्रियकराय च । जटिने मुण्डिने चैव व्यालयज्ञोपवीतिने
naranārīśarīrāya devyāḥ priyakarāya ca / jaṭine muṇḍine caiva vyālayajñopavītine
Sanskrit only: no published translation is held for this verse.
नमो ऽस्तु नृत्यशीलाय उपनृत्यप्रियाय च । मन्यवे गीतशीलाय मुनिभिर् गायते नमः
namo 'stu nṛtyaśīlāya upanṛtyapriyāya ca / manyave gītaśīlāya munibhir gāyate namaḥ
Sanskrit only: no published translation is held for this verse.
कटकटाय तिग्माय अप्रियाय प्रियाय च । विभीषणाय भीष्माय भगप्रमथनाय च
kaṭakaṭāya tigmāya apriyāya priyāya ca / vibhīṣaṇāya bhīṣmāya bhagapramathanāya ca
Sanskrit only: no published translation is held for this verse.
सिद्धसंघानुगीताय महाभागाय वै नमः । नमो मुक्ताट्टहासाय क्ष्वेडितास्फोटिताय च
siddhasaṃghānugītāya mahābhāgāya vai namaḥ / namo muktāṭṭahāsāya kṣveḍitāsphoṭitāya ca
Sanskrit only: no published translation is held for this verse.
नर्दते कूर्दते चैव नमः प्रमुदितात्मने । नमो मृडाय श्वसते धावते ऽधिष्ठिते नमः
nardate kūrdate caiva namaḥ pramuditātmane / namo mṛḍāya śvasate dhāvate 'dhiṣṭhite namaḥ
Sanskrit only: no published translation is held for this verse.
ध्यायते जृम्भते चैव रुदते द्रवते नमः । वल्गते क्रीडते चैव लम्बोदरशरीरिणे
dhyāyate jṛmbhate caiva rudate dravate namaḥ / valgate krīḍate caiva lambodaraśarīriṇe
Sanskrit only: no published translation is held for this verse.
नमो ऽकृत्याय कृत्याय मुण्डाय कीकटाय च । नम उन्मत्तदेहाय किङ्किणीकाय वै नमः
namo 'kṛtyāya kṛtyāya muṇḍāya kīkaṭāya ca / nama unmattadehāya kiṅkiṇīkāya vai namaḥ
Sanskrit only: no published translation is held for this verse.
नमो विकृतवेषाय क्रूरायामर्षणाय च । अप्रमेयाय गोप्त्रे च दीप्तायानिर्गुणाय च
namo vikṛtaveṣāya krūrāyāmarṣaṇāya ca / aprameyāya goptre ca dīptāyānirguṇāya ca
Sanskrit only: no published translation is held for this verse.
वामप्रियाय वामाय चूडामणिधराय च । नमस्तोकाय तनवे गुणैरप्रमिताय च
vāmapriyāya vāmāya cūḍāmaṇidharāya ca / namastokāya tanave guṇairapramitāya ca
Sanskrit only: no published translation is held for this verse.
नमो गुण्याय गुह्याय अगम्यगमनाय च । लोकधात्री त्वियं भूमिः पादौ सज्जनसेवितौ
namo guṇyāya guhyāya agamyagamanāya ca / lokadhātrī tviyaṃ bhūmiḥ pādau sajjanasevitau
Sanskrit only: no published translation is held for this verse.
सर्वेषां सिद्धियोगानाम् अधिष्ठानं तवोदरम् । मध्ये ऽन्तरिक्षं विस्तीर्णं तारागणविभूषितम्
sarveṣāṃ siddhiyogānām adhiṣṭhānaṃ tavodaram / madhye 'ntarikṣaṃ vistīrṇaṃ tārāgaṇavibhūṣitam
Sanskrit only: no published translation is held for this verse.
स्वातेः पथ इवाभाति श्रीमान् हारस्तवोरसि । दिशो दशभुजास्तुभ्यं केयूराङ्गदभूषिताः
svāteḥ patha ivābhāti śrīmān hārastavorasi / diśo daśabhujāstubhyaṃ keyūrāṅgadabhūṣitāḥ
Sanskrit only: no published translation is held for this verse.
विस्तीर्णपरिणाहश् च नीलाञ्जनचयोपमः । कण्ठस्ते शोभते श्रीमान् हेमसूत्रविभूषितः
vistīrṇapariṇāhaś ca nīlāñjanacayopamaḥ / kaṇṭhaste śobhate śrīmān hemasūtravibhūṣitaḥ
Sanskrit only: no published translation is held for this verse.
दंष्ट्राकरालं दुर्धर्षम् अनौपम्यं मुखं तथा । पद्ममालाकृतोष्णीषं शिरो द्यौः शोभते ऽधिकम्
daṃṣṭrākarālaṃ durdharṣam anaupamyaṃ mukhaṃ tathā / padmamālākṛtoṣṇīṣaṃ śiro dyauḥ śobhate 'dhikam
Sanskrit only: no published translation is held for this verse.
दीप्तिः सूर्ये वपुश्चन्द्रे स्थैर्यं शैले ऽनिले बलम् । औष्ण्यमग्नौ तथा शैत्यम् अप्सु शब्दो ऽम्बरे तथा
dīptiḥ sūrye vapuścandre sthairyaṃ śaile 'nile balam / auṣṇyamagnau tathā śaityam apsu śabdo 'mbare tathā
Sanskrit only: no published translation is held for this verse.
अक्षरान्तरनिष्पन्दाद् गुणानेतान्विदुर्बुधाः । जपो जप्यो महादेवो महायोगोमहेश्वरः
akṣarāntaraniṣpandād guṇānetānvidurbudhāḥ / japo japyo mahādevo mahāyogomaheśvaraḥ
Sanskrit only: no published translation is held for this verse.
पुरेशयो गुहावासी खेचरो रजनीचरः । तपोनिधिर्गुहगुरुर् नन्दनो नन्दवर्धनः
pureśayo guhāvāsī khecaro rajanīcaraḥ / taponidhirguhagurur nandano nandavardhanaḥ
Sanskrit only: no published translation is held for this verse.
हयशीर्षा पयोधाता विधाता भूतभावनः । बोद्धव्यो बोधिता नेता दुर्धर्षो दुष्प्रकम्पनः
hayaśīrṣā payodhātā vidhātā bhūtabhāvanaḥ / boddhavyo bodhitā netā durdharṣo duṣprakampanaḥ
Sanskrit only: no published translation is held for this verse.
बृहद्रथो भीमकर्मा बृहत्कीर्तिर् धनञ्जयः । घण्टाप्रियो ध्वजी छत्त्री पिनाकी ध्वजिनीपतिः
bṛhadratho bhīmakarmā bṛhatkīrtir dhanañjayaḥ / ghaṇṭāpriyo dhvajī chattrī pinākī dhvajinīpatiḥ
Sanskrit only: no published translation is held for this verse.
कवची पट्टिशी खड्गी धनुर्हस्तः परश्वधी । अघस्मरो ऽनघः शूरो देवराजो ऽरिमर्दनः
kavacī paṭṭiśī khaḍgī dhanurhastaḥ paraśvadhī / aghasmaro 'naghaḥ śūro devarājo 'rimardanaḥ
Sanskrit only: no published translation is held for this verse.
त्वां प्रसाद्य पुरास्माभिर् द्विषन्तो निहता युधि । अग्निः सदार्णवांभस्त्वं पिबन्नपि न तृप्यसे
tvāṃ prasādya purāsmābhir dviṣanto nihatā yudhi / agniḥ sadārṇavāṃbhastvaṃ pibannapi na tṛpyase
Sanskrit only: no published translation is held for this verse.
क्रोधाकारः प्रसन्नात्मा कामदः कामगः प्रियः । ब्रह्मचारि चागाधश् च ब्रह्मण्यः शिष्टपूजितः
krodhākāraḥ prasannātmā kāmadaḥ kāmagaḥ priyaḥ / brahmacāri cāgādhaś ca brahmaṇyaḥ śiṣṭapūjitaḥ
Sanskrit only: no published translation is held for this verse.
देवानाम् अक्षयः कोशस् त्वया यज्ञः प्रकल्पितः । हव्यं तवेदं वहति वेदोक्तं हव्यवाहनः । प्रीते त्वयि महादेव वयं प्रीता भवामहे
devānām akṣayaḥ kośas tvayā yajñaḥ prakalpitaḥ / havyaṃ tavedaṃ vahati vedoktaṃ havyavāhanaḥ / prīte tvayi mahādeva vayaṃ prītā bhavāmahe
Sanskrit only: no published translation is held for this verse.
भवानीशो ऽनादिमांस्त्वं च सर्वलोकानां त्वं ब्रह्मकर्तादिसर्गः । सांख्याः प्रकृतेः परमं त्वां विदित्वा क्षीणध्यानास्त्वाममृत्युं विशन्ति
bhavānīśo 'nādimāṃstvaṃ ca sarvalokānāṃ tvaṃ brahmakartādisargaḥ / sāṃkhyāḥ prakṛteḥ paramaṃ tvāṃ viditvā kṣīṇadhyānāstvāmamṛtyuṃ viśanti
Sanskrit only: no published translation is held for this verse.
योगाश् च त्वां ध्यायिनो नित्यसिद्धं ज्ञात्वा योगान् संत्यजन्ते पुनस्तान् । ये चाप्यन्ये त्वां प्रसन्ना विशुद्धाः स्वकर्मभिस्ते दिव्यभोगा भवन्ति
yogāś ca tvāṃ dhyāyino nityasiddhaṃ jñātvā yogān saṃtyajante punastān / ye cāpyanye tvāṃ prasannā viśuddhāḥ svakarmabhiste divyabhogā bhavanti
Sanskrit only: no published translation is held for this verse.
अप्रसंख्येयतत्त्वस्य यथा विद्मः स्वशक्तितः । कीर्तितं तव माहात्म्यम् अपारस्य महात्मनः
aprasaṃkhyeyatattvasya yathā vidmaḥ svaśaktitaḥ / kīrtitaṃ tava māhātmyam apārasya mahātmanaḥ
Sanskrit only: no published translation is held for this verse.
शिवो नो भव सर्वत्र यो ऽसि सो ऽसि नमो ऽस्तु ते । सूत उवाच य इदं कीर्तयेद्भक्त्या ब्रह्मनारायणस्तवम्
śivo no bhava sarvatra yo 'si so 'si namo 'stu te / sūta uvāca ya idaṃ kīrtayedbhaktyā brahmanārāyaṇastavam
Sanskrit only: no published translation is held for this verse.
श्रावयेद्वा द्विजान् विद्वान् शृणुयाद्वा समाहितः । अश्वमेधायुतं कृत्वा यत्फलं तदवाप्नुयात्
śrāvayedvā dvijān vidvān śṛṇuyādvā samāhitaḥ / aśvamedhāyutaṃ kṛtvā yatphalaṃ tadavāpnuyāt
Sanskrit only: no published translation is held for this verse.
पापाचारो ऽपि यो मर्त्यः शृणुयाच्छिवसन्निधौ । जपेद्वापि विनिर्मुक्तो ब्रह्मलोकं स गच्छति
pāpācāro 'pi yo martyaḥ śṛṇuyācchivasannidhau / japedvāpi vinirmukto brahmalokaṃ sa gacchati
Sanskrit only: no published translation is held for this verse.
श्राद्धे वा दैविके कार्ये यज्ञे वावभृथान्तिके । कीर्तयेद्वा सतां मध्ये स याति ब्रह्मणो ऽन्तिकम्
śrāddhe vā daivike kārye yajñe vāvabhṛthāntike / kīrtayedvā satāṃ madhye sa yāti brahmaṇo 'ntikam
Sanskrit only: no published translation is held for this verse.